ناۋادا ئۆلۈپ كەتسەم...

gulmaxuk

	ناۋادا ئۆلۈپ كەتسەم...   مەن شۇنداق قىياس قىلدىم، شۇ تاپتا كارىۋاتتا ياتىمەن، ئەزرائىل ماڭا قەدەممۇ-قەدەم يېقىنلاپ كېلىۋاتىدۇ، ئەتىلا جېنىمنى ئالىدۇ. ئۆلۈپ كېتىشتىن ئاۋال قىلالمىغان ئىشلىرىمنى پۈتتۈرۈشۈم كېرەكقۇ، دەپ ئويلىدىم. ئۇشتۇمتۇت، ئوغلۇمغا ئىلگىرى تىزگىنەكلىك ماشىنا ئېلىپ بېرىمەن دەپ قويۇپ، ئالدىراشلىقىمنى باھانە قىلىپ تا ھازىرغىچە ئېلىپ بەرمىگىنىم ئېسىمگە كەلدى. ئۇ ھەرقېتىم ئۆيگە قۇرۇق قول كىرگىنىمنى كۆرۈپ تولىمۇ ئۈمىدسىزلىنىپ كېتەتتى. شۇڭا، ئۆلۈپ كېتىشتىن ئاۋال ئوغلۇمغا ئاشۇ ماشىنىنى ئېلىپ بېرىپ رازى قىلىشىم كېرەك، بولمىسا، ئۇ دۇنياغا كۆزۈم كەينىدە كېتىپ قالىمەن. يەنە ئۆيگە قايتىپ ئاپامنى يوقلىشىم كېرەك. ئۇ بۇ يىل 89 ياشقا كىردى، سول قۇلىقى ئاڭلىمايدىغاننى ئاز دېگەندەك، كۆزىگىمۇ ئاق چۈشتى، كۆزۈم يۇمۇلۇشتىن ئاۋال ئاپام بىلەن ۋىدالىشىۋېلىشىم كېرەك. ھەر قىشتا ئاپامنىڭ قوللىرى يېرىلىپ چاك-چاك بولۇپ كېتىدۇ، شۇڭا ئۇنىڭغا بىرلا قېتىم ئىشلىتىدىغان قولقاپتىن بىر قاپ، تېرىنى سىلىقلاشتۇرۇش مېيىدىنمۇ ئېلىپ بېرەي. ھىم، خوتۇنۇممۇ ئىلگىرى مەن بىلەن خۇاشەن تېغىغا ساياھەتكە چىققۇسى بارلىقىنى ئېيتقان، بىراق مەن ئۇ ئىش، بۇ ئىشنى باھانە قىلىپ ئېلىپ بارمىغان، كۆڭلۈمدە ۋاقىت ئۇزۇنغۇ، قاچانلا ئېلىپ بارسام بولىدۇغۇ، دەپ ئويلىغانىدىم، ھالبۇكى، ئەتىلا ئۆلۈپ كېتىدىغان بولغاندىكىن، ئەتە خۇاشەن تېغىغا چىقىپ، خوتۇنۇمنىڭ مۈرىسىگە بېشىمنى قويۇپ ئولتۇرۇپ، خۇددى ئۇيقىغا كەتكەندەك ئاستا-ئاستا نەپەستىن قالاي.   ئۆتكەندە دوستۇم ئۆي سېتىۋالماقچى بولۇپ مەندىن 20 مىڭ يۈەن قەرز سوراپ كەلسە، قايتۇرماسمىكىن دەپ ئەنسىرەپ، قەرز بېرىپ تۇرماپتىكەنمەن. شۇ تاپتا ئۆزۈمنىڭ تولىمۇ كۆزى كىچىكلىك قىلغىنىمنى بىلدىم. ئەتە ئۆلۈپ كېتىدىغان تۇرسام، ئەمدى مال-دۇنيانىڭ نېمە كېرىكى بولسۇن؟ ھازىرنىڭ ئۆزىدىلا بۇ ئىشنى بىر تەرەپ قىلاي، بولمىسا روھىم قانداقمۇ ئەمىن تاپسۇن، ئۇ مېنىڭ ئەڭ يېقىن دوستۇم تۇرسا.   مەن يەنە رەھبىرىمنىڭ ئالدىغا بېرىپ، سەمىمىي-كەمتەرلىك بىلەن:« ئەپۇ قىلىڭ » دېيىشىم كېرەك. مېنىڭ تەمىنات مەسىلەم ھەل قىلىنمىغاندا، رەھبىرىمنى كۆپچىلىكنىڭ ئالدىدىلا ھاقارەتلەپتىكەنمەن، شۇ سەۋەپلىك ئۇ باشقىلارغا يامان تەسىر بېرىپ، خىزمىتىگىمۇ زور قولايسىزلىق تۇغۇلغانىدى. مەن ئەتىلا ئۆلۈپ كېتىدىغان بولغاندىكىن، يۈزۈمنى بىر ياققا قايرىپ قويۇپ كەچۈرۈم سوراي، يەنە ئۇنىڭغا، ئۇنى تىللىغان كۈندىن تارتىپ چىۋىن يەۋالغاندەك بولۇپ ئۆتكىنىمنى ئېيتاي.    ئەلۋەتتە، پويىز ئىستانسىسىدا پېشىمغا ئېسىلىۋېلىپ تىلەمچىلىك قىلغان قىزچاققا قىلچە ئىككىلەنمەستىنلا يېنىمدىكى تەڭگە پۇللارنى بېرىپ، يەنە ئۇنىڭغا، سىڭلىم، بۇ پۇلغا يېمەكلىك سېتىۋېلىپ يەڭ، دەيمەن.    تەڭرىم، شۇ تاپتا قەلبىم تىنىق كۆل سۈيىدەك تىنچ، قىلىشقا تېگىشلىك نۇرغۇن، ئەمما مەن قىلالمىغان ئىشلار كەينى-كەينىدىن كاللامغا كەلمەكتە. شۇنى بىلىپ يەتمەكتىمەن، بۇ دۇنياغا، سۆيگەن ئادىمىمگە، ئۇرۇق-تۇققان، ئەل-ئاغىنىلىرىمگە شۇنچىلىك قەرزدار بوپتىمەن.   ئاخىر چوڭقۇر ئۇھ تارتىۋالدىم. ھەرنېمە دېگەن بىلەن پەقەت ئۆلۈمىمنى ئەسلىدىم، خالاس. ئەمدى ۋاقىتنى چىڭ تۇتاي، ئەتىدىن باشلاپ قەرزىمنى ئادا قىلىشقا تۇتۇش قىلاي.    مەنبە: تەرمىلەر ژورنىلىدىن ئېلىندى.

yar318

	ما تىمىنى ئوقۇپ قىلدىغان ئشلارنىڭ نۇرغۇن ئىكەنلىكنى ئۇقۇپ قالدىم جىما~رەھمەت

zvmrat

	ئەسسالامۇ ئەلەيكۇم قېرىندىشىم ئاللاھنىڭ سالىمى سىزگە بولسۇن. بۇ تېمىڭىزنى ئوقۇپ ئۆزۈم توغۇرسىدا ئويلىنىپ قالدىم .........ئەمدى ھەر بىر كۈنۈمنى قەدىرلەپ ، ئەمەلگە ئاشۇرماقچى بولغان ئىشلىرىمنى ئەمەلگە ئاشۇرۇش ئۈچۈن تېرىشىمەن . ئەجىرىڭىزگە تەشەككۈر گۈلۈم ..ئامان بولغايسىز.

ab8ob8

	مېنىڭمۇ قىلىدىغان ئىشىم ھەقىقەتەن كۆپ ئىكەن! رامىزاندا بىز قىلىشقا تېگىشلىك ئىشلارنى ئەسكە سالغىنىڭىزدىن بەكمۇ خۇش بولدۇم! ھەممەيلەن ئوخشاش قەبرىستانلىققا قاراپ كېتىۋاتىمىز... شۇ يولنى تۈز مېڭىش ئەگرى مېڭىش ئۆزىمىزگە باغلىق...

AYKUTKIZ

	توغرا، تۈنۈگۈن ئوتتى ،ئەتە نامەلۈم، بۈگۈننى قەدىرلەش كېرەك .

rizwangul0995

	ئادەم خاتا قىلغان ئىشغا ئەمەس...       قىلىمەن دەپ قىلالمىغان ئىشلىرىغا ئۆكۇنىشى كېرەك دەپ يازغانمەن تۇرمۇش خاتىرەمگە

sazguri

	zvmrat يوللىغان ۋاقتى  2012-7-19 12:39 PM ئەسسالامۇ ئەلەيكۇم قېرىندىشىم ئاللاھنىڭ سالىمى سىزگە  ... ھوقۇق قولغا ئۆتۇپتۇ دە ...ئاۋۇ دوپپىلار  تاجلار شۇنداق يارشۇپتۇ ئەتلەس كۆڭلەككە ....ئەتە ئۆگۈن مىدال ئاسسىڭىز تىخمۇ زە  ... ئاشۇ دوپپا ئەجەپ بىر پۈتمىدى ھە ....كىممۇ كىيە دەيمەن ... تىمىغا : توغرا  ھاياتلىقتا بىزنىڭ قىلدىغان ئىشىمىز نۇرغۇن ....ئەڭ ئاددىسى نۇرغۇنلىرمىز بىر كۈندىكى 5ۋاخ نامازغىمۇ  نەچچە يىلدىن بىرى قەرىزدار بوپ كىلۋاتمىز

azizgul

	ئۈلۈم  تۇيۇقسىز كىلدۇ ،  ھاياتىمىزنى قەدىرلەيلى ، كۈنلەرنى ئەھمىيەتسىز ئۆتكۈزۈپ سەكرات مىنۇتلىرىدا شۇ غەپلەتتە ئۆتكۈزگەن كۈنلەر ئۈچۈن ئۈكۈنۈپ قالماسلىق ئۈچۈن ،  بۈگۈنكى ئىشنى ئەتىگە ئېپ قويمايلى ، بۈگۈنىمىزنى قەدىرلەيلى .

zvmrat

	sazguri يوللىغان ۋاقتى  2012-7-19 12:48 PM ھوقۇق قولغا ئۆتۇپتۇ دە ...ئاۋۇ دوپپىلار  تاجلار شۇنداق  ... ھى ھى دوپپىنىڭ ئىگىسى چىققاندا شۇنىڭ بولىدۇ ...رەھمەت سىزگە!

ZULIMAN

	رەخمەت سىزگە ! بىز بۇدۇنيادھ پەقەتلا مىھمان شۇڭا مەنىلىك ياشايلى ! زۇمرەت ئاشۇ دوپپىنىڭ ئىگىسى چىققاندا ماڭا چۇقۇم دەپ قويۇڭ ھە......!