خەلقئارا نېفىت باھاسى ئۇدا ئۆسمەكتە

سەردار566

	شىنخۇا تورى نىيويورىك 17-ئىيۇل تېلېگراممىسى ئوتتۇرا شەرقتىكى جىددى ۋەزىيەتنىڭ تەسىرىدە، 17-ئىيۇل خەلقئارادا خام نېفىتنىڭ قەرەللىك مال باھاسى ئۇدا بەشىنچى كۈنى ئۆرلىدى. شۇ كۈنى ئامېرىكا بىلەن ئىران ئوتتۇرىسىدىكى جىددى مۇناسىۋەت يەنە بىر قېتىم بازارغا مەبلەغ سالغۇچىلارنىڭ دىققەت مەركىزىگە ئايلاندى. ئامېرىكا يېقىندا ئىرانغا بولغان جازانى ئېغىرلاتتى ھەمدە پارس قولتۇقى رايونىدىكى ھەربىي ئورۇنلاشتۇرۇشنى كۈچەيتىپ، ئىراننىڭ ئاشكارا ئەيىبلىشىگە ئۇچرىدى. مەبلەغ سالغۇچىلار، مۇبادا ئامېرىكا بىلەن ئىران ئارىسىدىكى جىددي ھالەتنىڭ دەرىجىسى ئۆسسە، ئىران بەلكىم خام نېفىت توشۇيدىغان مۇھىم يول ھورموز بوغۇزىنى قامال قىلىپ، يەرشارىنى ئېنىرگىيە بىلەن تەمىنلەشكە يەنىمۇ تەھدىت شەكىللەندۈرىشى مۇمكىن دەپ ئەندىشە قىلدى. شۇنىڭ بىلەن بىرگە، مەبلەغ سالغۇچىلار يېڭى بىر نۆۋەتلىك ئىقتىسادنى غىدىقلاش سىياسىتىگە بولغان ئۈمىدىنىڭ كۈچىيىشىمۇ نېفىت باھاسىنىڭ ئۆسۈشىگە ياردەم بەردى. ئامېرىكا فېدېراتسىيە زاپاس پۇل كومىتېتىنىڭ رەئىسى بېرنانكىنىڭ شۇ كۈنى دۆلەت مەجلىسىدە ئىسپات ئاڭلاش دوكلاتى بەرگەندە ئىقتىسادنىڭ ئېشىشىغا ۋە ئىشقا ئورۇنلىشىشنىڭ كەلگۈسىگە سەل ئۈمىدسىز كەيپىياتىدا بولدى. بۇ مەبلەغ سالغۇچىلاردا ئامېرىكا فېدېراتسىيە زاپاس پۇل كومىتېتى يىقىندا يېڭى بىر نۆۋەتلىك دۆلەت زايومىنى سېتىۋىلىش پىلانىنى جاكارلاپ، كۆرۈنەرلىك دەرىجىدە ئاستىلاپ كەتكەن ئىقتىسادنىڭ ئەسلىگە كېلىش سۈرئىتىنى تېزلىتىشى مۇمكىن دېگەن پەرەزنى شەكىللەندۈردى. شۇ كۈنى بازار يېپىلغاندا، نىيويورىك تاۋار سودا  مەركىزىدە ئاۋغۇسىتتا تاپشۇرۇلىدىغان يىنىك تىپتىكى خام نېفىتنىڭ قەرەللىك مال باھاسى 0.79دوللار ئۆسۈپ، ھەر باك نېفىت 89.22دوللار بىلەن بازار يېپىلىپ، ئۆسۈش دەرىجىسى %0.89بولدى. سېنتەبىردە مال تاپشۇرىدىغان لوندون بېرىنتېر خام نېفىتىنىڭ قەرەللىك مال باھاسى 0.63دوللار ئۆسۈپ، ھەر باك نېفىت 104دوللار بىلەن بازار يېپىلىپ، ئۆسۈش دەرىجىسى %0.61بولدى.

awyamatka

	ھەممىسى سىياسى ئويۇننىڭ نەتىجىسى.ئۆسەمدۇ،چۈشەمدۇ مەيلى.بەك ئۆسۈپ كەتسە موتو مىنمەي ۋىلىسپىتتە ماڭامىز شۇ.بىزنىڭ نېفىىت يىمىسە ماڭمايدىغان ئاۋياماتكىمىز بولمىغاندىكىن.

yidayat164

	awyamatka يوللىغان ۋاقتى  2012-7-19 12:04 AM ھەممىسى سىياسى ئويۇننىڭ نەتىجىسى.ئۆسەمدۇ،چۈشەمدۇ مەي ... مەنمۇ شۇنداق دەپ قارايمەن

qog

	يەنە ئۆسەمۇ؟

pidakar007

	awyamatka يوللىغان ۋاقتى  2012-7-19 12:04 AM ھەممىسى سىياسى ئويۇننىڭ نەتىجىسى.ئۆسەمدۇ،چۈشەمدۇ مەي ... ئاۋياماتكا نېفىت بىلەن ماڭامدا؟

dawan~

	نىمداق تۇراقلق بولمايدىغاندۇ بۇ نىفت زادى

aptap104

	بەزى پۇلى بار ئادەملەر ئۈچۈن ، ئادەم قىنى قۇيسا ، مەبلىغى كۆتۈردۇ ...

kugul

	نېفىت ئۆسسە بىزنىڭ بۇياقنىڭ مۇئاشى ئۈسەرمۇ؟

bugaltir

	ماي  باھاسىنى ئۆستۈرۈپ  پۇل  تېپىش  ،   بۇمۇ  بىر  سىياسەت   . ماشىنىغا ماي قاچىلاپ ،  يانچۇقتا  پۇل  قالمىغىنى كاساپەت   . نىم بولغىنىنى بىلەلمەي تىڭىرقاپ  ، يۈرگىنىمىز  ئالامەت   . سىياسىئۇنلارنىڭ ، ماي سىياسىتى چارە تەدبىرى  كارامەت   .