توردىكى قويمىچى

Aytugh

	توردىكى قويمىچى سائادەت ساتتار ئايتۇغ ئۆگىنىۋېلىپ ئۆزۈڭچە كىيۇكىيۇدا خەت بېسىشنى، سېنىڭ ئۈچۈن پۇرسەتتە تويۇڭ بولدى قويمىچى. باشلىدىڭ ھەم خىرامان قۇرۇق گەپنى سېتىشنى، لاپ ئېتىپلا بىر يايلاق قويۇڭ بولدى قويمىچى. قىزارماستىن پو ئېتىپ شاھزادىگە ئايلاندىڭ، يەتتە قەۋەت سارايدا ئۆيۈڭ بولدى قويمىچى. چىقالمايسەن ئادەتتە باش كۆتۈرۈپ مەلىگە، لېكىن توردا ئالامەت يۈزۈڭ بولدى قويمىچى. مۇنبەرلەردە كېرىلىپ، چايخانىدا سۆرىلىپ، قۇرۇق ئابروي تالىشىش ئىشىڭ بولدى قويمىچى. يېزىپ قويساڭ بىر يازما ماختاپ قويسا ئۆزگىلەر، زەپ ھىجايدىڭ ئالتۇندىن چىشىڭ بولدى قويمىچى. يازغىنىڭنى ھۆرمەتلەپ چاۋاك چالسا ساددىلار، زەپ غادايدىڭ شەمشادتەك بويۇڭ بولدى قويمىچى. يىتىپ كەلدى پۇرسەت دەپ سېنى كۆزگە ئىلغاننىڭ- چونتىكىنى كۆزلىمەك كويۇڭ بولدى قويمىچى. تۇل ئايالنى ئالدىدىڭ بويتاق باي دەپ ئۆزۈڭنى، ‹‹ياخشى قىزغا ئۆيلىنىش›› ئويۈڭ بولدى قويمىچى. چوڭ سودىنى تۈگىتىپ قايتىش ئۇنىڭ ئۆيىگە، ھاياتتىكى نىشانەڭ، يولۇڭ بولدى قويمىچى. ئىشەندۈرۈپ ئۇلارنى دەسمى كاملاپ قالدى دەپ، تۇيۇقسىزلا كارتاڭدا پۇلۇڭ بولدى قويمىچى. سېنى كۈتۈپ بىچارە چاچلار يۇلۇپ خىلۋەتتە، ياتار جايى سامانلىق بۇلۇڭ بولدى قويمىچى. سەبىلەرنى دەسسىتىپ زەپلا ئاسان توزاققا، شىرىك تېپىش تۈركۈملەپ يولۇڭ بولدى قويمىچى. پۇللىرىدىن ئايرىلىپ ئۇلار يىغلاپ يۈرۈشسە، سېنىڭ ئۈچۈن كۈلكىلىك ئويۇن بولدى قويمىچى. ھارام سىڭمەس ئىنسانغا دىگەن ئىكەن كونىلار، مانا قىزىل قىيامەت كۈنۈڭ بولدى قويمىچى. تۇشمۇ-تۇشتىن بىلىشتى ھەممە سېنىڭ ئەسلىڭنى، ئۆز بېشىڭغا چىققىنى خۇيۇڭ بولدى قويمىچى. 2011-9-11

afxar

	پەيزى چىقىپتۇ ،داۋاملىق تىرىشىڭ ،مەن باشلاپ بېرەي ،ياخشى چىققان بولسا باشقىلارمۇ مۇنبەر پۇلى ئۇرىۋېتىڭلار ھە. 200 مۇنبەر پۇلى بىلەن مۇكاپاتلاي

sazguri

	ھەقىقەتەن ياخشى ئوخشىتىش  بوپتۇ ....     بىزنىڭ ئۆيدىكىلەرمۇ دەل ئاشۇنداق قويمىچىلارغا 5500كوينى   سېلىپ  بىرىپتىكەن يانچۇقىغا ! بىر 8مو يەر تېرىيدىغان ئائىلىگە ئاز پۇلمۇ ئاشۇ پۇ ل  مىنىڭ بىر يىللىق ئوقۇش پۇلۇم تۇرسا ئۇ

YuqunAdam

	تولىمۇ ۋاختىدا يېزىلغان شېئىر ئىكەن. ئىبىرەتلىك مىسىرالىرىڭىز ئۈزۈلۈپ قالمىسۇن

ئۆل

	شۇنداقمۇ ئەخمەق كىشلەر بۇلارمۇ ھەي ....ئەمما زە مىنى كىشى ئالدايمەن دەپمۇ ئالدىيالمايدۇ

fatima

	بەك جايىدا ئوخشىتىپسىز.دىمىسىمۇ ساددا كىشىلەر قۇيمىچىلارنىڭ سۆزىگە ئاسانلا ئىشىنىپ ئالدىنىپ قالىدۇ.

tatlik0997

	ياخشى  چىقىپتۇ،  داۋاملىق تىرشىڭ.

bugaltir

	كۈندىلىك تۇرمۇشىمىزدا يانفون ياكى QQ، E-mail قاتارلىقلاردا خىلمۇ-خىلمۇ ئادەم ئالدايدىغان ئۇچۇرلارنى تاپشۇرۇپ ئالىمىز، مەزمۇنى ئاساسەن «سىزگە مۇكاپات چىقتى، مانچە پۇل سالسىڭىز سىزگە مانچە سوم قىممىتىكى مال ئەۋەتىپ بېرىمىز» دېگەندەك ئۇچۇرلار، بەزىدە بۇ ئالدامچىلار ھەددىدىن تېخىمۇ ئېشىپ توختىماي تېلىفون ئۇرىدۇ ۋە ئۇچۇر يوللاپ بىزنى قويماقچى بولىدۇ.       شۇڭا  بىز  بۇنداق ئالدامچىلىق قىلمىشلىرىنىڭ  ھىلە - مىكىرىدىن  ساقلىنىشىمىز لازىم   .

نــۆل

	ئەمدى قويمىچىلار ئازلاپ يوقاپ كېتىدىغان بولدىدە ...

qog

	يوقالسۇن قويمىچىلار.ياخشىلار بىلەن بۇ دۇنيا شۇنچە گۈزەل بىلىنىدۇ