پۇل بولسا جاڭگالدا شورپا

abdulla9543

	پۇل بولسا جاڭگالدا شورپا،بۇ ھەممەيلەن تولا ئاڭلايدىغان كونا گەپ،بۇرۇن زور كۆپچىلىك بۇگەپكە تازا ئىشىنىپ كەتمەيىتتى،ھەم مەنمۇ ئىشەنمەيىتتىم، بىراق ھازىرقى كۈنلەرگە كەلگەندە بولسا جەمئىيەت تەرەققىياتىغا ئەگىشىپ ،پۇلدىن ئىبارەت بۇ تىلسىز جانۋارنىڭ رولى ھەقىقەتەنمۇ مۇھىم بوپقىلىۋاتامدۇ قانداق؟ ھازىرقى پۇل بولمىسا ھىچ ئىش ئاقمايدىغان جەمئىيەتتە ياشاۋاتقان بىزلەرگە ئىشەنمىسەكمۇ ئامال يوقتەك تۇرىدۇ. مەن كىچىك ۋاقتىمدا باشلانغۇچ مەكتەپنىڭ دەرىسلىكلىرىدە :پۇل ھەممىگە قادىر ئەمەس،پۇلغا دورىنى سىتىۋالغىلى بولغان بىلەن جاننى سېتىۋالغىلى بولمايدۇ،پۇلغا كىتاپنى سېتىۋالغىلى بولغان بىلەن بىلىمنى سېتىۋالغىلى بولمايدۇ،سۆيگۈ-مۇھەببەتنى پۇلغا سىتىۋالغىلى بولمايدۇ،دىگندەك قۇرلارنى ئوقۇغىنىم ھىلىھەم ئىسىمدە،(يەنە نۇرغۇن نەرسىلەرنى سىتىۋالغىلى بولمايدۇلار بار)، ھازىرقى كۈنگە كەلگەندەپۇلغا  نۇرغۇن نەرسىلەرنى سېتىۋالغىلى بولىدىكەن، ئەگەر سىزنىڭ پۇلىڭىز كۆپ بولسا ،ئاغرىپ قالسىڭىز  ۋاقتىدا دوختۇرغا كۆرۈنۈپ ۋاقتىدا داۋالىنالايسىز،ئەگەر سىز ئىغىر كىسەل بولۇپ قالسىڭىز پۇلىڭىز كۆپ بولسا تىخىمۇ ياخشى دوختۇرخانىغا (ئۈرۈمچىگە ،ياكى بىيجىڭ ،شاڭخەيدىكى ئەڭ ياخشى دوختۇرخانىلارغا)بىرىپ داۋالىنىپ ساقىيالايسىز،  ئەگەر ئىشەنمىسىڭىز رايۇنىمىزنىڭ كۆپ قىسىمنى تەشكىل قىلىدىغان يىزا-قىشلاقلىرىمىزدىكى دىھقانلىرىمىزنىڭ (مەنمۇ دىھقان)ئەھۋالىغا قاراپ بىقىڭ،دىھقانلىرىمىزنىڭ كۆپ قىسمى يەنىلا نامرات ھالەتتە،ئۇلارنىڭ ۋاقتى دىگۈدەك تىرىكچىلىك ئۈچۈن كۈرەش قىلىش بىلەن ئالدىراش،شۇ ۋەجىدىن ئۇلار ئاغرىپ قالسا مەھەللە دوقمۇشلىرىدىكى دورىخانلاردىن ئازراق دورا(ئاساسەن ئاغرىق توختىتىش دورىلىرى) ئىلىپ يەپ ساقىيىشقا مەجبۇر ،ياتاقتا يىتىپ داۋالىناي دىسە تىرىكچىلىك ئۈچۈن كۈرەش قىلمىسا بولمايدۇ،مۇشۇنداق داۋاملىشىۋىرىپ ئۇلارنىڭ كىسىلى ئىغىرلايدۇ،ئامال يوق  چوڭ دوختۇرخانىغا كىرىشكە مەجبۇر بولىدۇ،ھازىر كىسەلنىڭ تولىلىقىدىن دوختۇرخانىلاردا كارىۋات بەكمۇ قىس، ۋىلايەتلىك دوختۇرخانىغا ئەكىرگەندىن كىيىن دوختۇر  كىسەلنى كۆرۈپ ،دەررۇ ياتاقتا يىتىپ داۋالانمىسىڭىز ھاياتىڭىزغا خەۋىپ يىتىدۇ دەيدۇ ،بىراق ھازىر بىكار كارىۋات يوق ،كىسەل تىخى ساقلاپ تۇرمايدۇ.ئەمما سىزنىڭ پۇلىڭىز كۆپ بولسا چوقۇم تونۇش بىلىشلىرىڭىز بار،ئۇلارنىڭ تونۇشىنىڭ  بىرتونۇشى ئاشۇ دوختۇرخانىدا بار،شۇنىڭ بىلەن سىز بىر ئاماللارنى قىلىپ ياتاققا كىرەلەيسىز ،ھەم داۋالىنپ ساقىيالايسىز، ئەگەر سىزنىڭ پۇلىڭىز بولمىسا دەل ئەكىسچە قايتىپ چىقىپ شەخسى دوختۇرخانىلاردا يىتىشقا مەجبۇر بولىسىز. گەرچە ھازىر داۋالىنىش سۇغۇرتىسى،يىڭىچە ھەمكارلىشىپ داۋالىنىش دىگەندەك ياخشى سىياسەتلەر بولسىمۇ  ،داۋالىنىش ئۈچۈن چوقۇم ئالدىن پۇل تاپشۇرىشىڭىز كىرەك،كىيىن ئاتچوت قىلدۇرىۋالىسىز،مۇشۇ سەۋەپلىك نۇرغۇن كىشىلىرىمىز  ھازىرقىدەك داۋالىنىش ھەققى قىممەت بۇنداق شارائىتتا دوختۇرخانىغا تۆلەيدىغان پۇلنى چىقىرالمايدىغان قىرىنداشلىرىمىز ھىلىھەم نۇرغۇن،ئەگەر ئاشۇلاردا يىتەرلىك پۇل بولسا ۋاقتىدا داۋالىنپ ساقايغان بولاتتى(جىنىنى ساقلاپ قالالايتتى) . جەنۇبى شىنجاڭنىڭ نامرات يىزىسىدىكى نۇرغۇن بالىلار يۇقىرى ئۆرلەپ ئوقۇغۇسى بار،ئۇلارنىڭ ئۆگىنىش نەتىجىسىمۇ خىلى ياخشى،بىراق ئائىلە ئىقتىسادى ناچار،شۇۋەجىدىن يۇقىرى ئۆرلەپ ئوقۇشتىن چېكىنىپ ئائىلىسىگە قايتىشقا مەجبۇر،چۈنكى ھازىر 15-16ياشلاردىكى بالىلارمۇ ئىشلىسە كۈنىگە 60-70سومغا ئىشلىيەلەيدۇ، ئاتا-ئانىلىرىغا ئازراق بولسىمۇ ياردەم بىرەلەيدۇ،بۇنىڭ ھەممىسى يوقسىزلىق! ئەگەر ئۇلارنىڭ ئىقتىسادى ياخشى بولسا ئالدى-كەينىگە قارىماي ئوقۇشقا بارالايدۇ،  ئالى مەكتەپتەئوقۇيالايدۇبۇنىڭدىن كىيىنكى تەقدىرىنى تۈپتىن ئۆزگەرتەلەيدۇ(بىلىمنى پۇلغا سىتىۋالالايدۇ). بىر-بىرىنى ئىنتايىن ياخشى كۆرىدىغان بىرجۈپ ئاشىق-مەشۇقلار مۇھەببەتلىشىپ ،توي قىلىدىغان ۋاقىتتا بىرتەرەپنىڭ (كۆپىنچە ئەھۋالدا ئوغۇل تەرەپنىڭ)ئائىلە ئىقتىسادى ئەھۋالى ناچار سەۋەپلىك بۇ ئاشىق-مەشۇقلار مۇرادىغا يىتەلمەسلىكى  ، بىر-بىرىنى ياخشى كۆرسىمۇ چوڭلارنىڭ قارشى تۇرىشى سەۋەپلىك بۇلار توي قىلالمايدىغان ئەھۋاللار ھەر ۋاقىت يۈز بىرىشى مۇمكىن  ، ئەگەر ئاشۇ يىگىتنىڭ ئىقتىسادى ئەھۋالى ياخشى بولسا(ئەلۋەتتە ھىچكىمنىڭ نامرات بولۇپ قالغۇسى يوق)ئۇلار توي قىلىپ مۇرادىغا يىتەلەيدۇ. يەنە كىلىپ ھازىرقى دەۋىردە تويلۇقنىڭ ھەددىدىن زىيادە كۆپ بولۇشى نۇرغۇن ئائىلىلەرنى ھالسىراتماقتا،ھەتتا نۇرغۇن ياشلار توي قىلىش ئۈچۈن ئامالنىڭ يوقىدىن بىر مۇنچە قەرىزگە بوغۇلۇپ ،خىلى ئۇزۇن ۋاقىتقىچە قەرىزگە ئىشلىمەكتە. (ئەلۋەتتە ھەممەيلەن ئۇنداق دىمەكچى ئەمەس،نۇرغۇن كىشلەر توغرا چۈشىنىدۇ،ئىقتىسادى ياخشى بولمىسا ھىچقىسى يوق ،بىر ئۆيگە كىرگەندىن كىيىن تىپىۋالىدۇ،بالىلىرىم ياخشى ئۆتسىلا مەيلى دەيدىغان  كىشىلەرمۇ نۇرغۇن) قىنى مۇنبەردىكى ئايال دوسلار، قىزلار ،مۇشۇ كۈن مىنىڭ بىشىمغا كەپ قالسا ئائىلە ئىقتىسادى ھەر قانچە ناچار بولسىمۇ ،ئائىلەمدىكىلەر قارشى تۇرسىمۇ ئۇنىڭ بىلەن بىللە ئۆتكىنىم ئۆتكەن دەپ ئۇنىڭ بىلەن توي قىلالايسىلەر؟ بۇھەقتە يەنە نۇرغۇن مىساللار كەلتۈرىلىشى مۇمكىن. يۇقىرىدا دىيىلگەنلەر پەقەتلا مىنىڭ شەخسى كۆز قارىشىم،كەڭ تورداشلارنىڭ ئىلمى پىكىرلىشىشىمىزنى ئۈمىد قىلىمەن.

sabinur

	ھازىرقى جەمىيەتتە پۇلغا ھەممە نىمە كىلىدىغان بولۇپ كەتتى

شاتۇتى

	پۇل كۆپ نەرسىلەرگە قادىر، لىكىن يەنە  كۆپ نەرسىلەرگىمۇ قادىر بۇلالمايدۇ،مەسىلەن پۇلغا ئىمان ئنساپ ، ھىدايەت ، بەختلىك ئائىلە ، ئىلىم ھېكمەت، ۋاقىت، سالامەتلىك يەنە................. نۇرغۇنلىغان نەرسىلەرنى سېتىۋالفىلى بۇلمايدۇ

Atom430

	ئىشقىلىپ پۇلنىڭ ناھايىتى مۇھىملىقى ئېنىق. بىزدىكى يۈز بېرىۋاتقان نۇرغۇن ئىشلار شۇ پۇلنىڭ يوقلىقىدىن.

xadman0997

	ئۇنداق دەپمۇ كەتكىلى بولمايدۇ .، پۇلنى ھەممە نەرسىگە باغلىۋىلىش ئەخلاق ۋە ئىنسان تەبىئىتگە ماس كەلمەيدۇ .

hokumran

	بىزدە مۇكەممەل بولغان ئىقتىساد ئېڭى شەكىللەنگەن بولسىدى، نۇرغۇن ئىشلىرىمىز باشقىچە تۈس ئالغان بولاتتى. زىيالىيلىرىمىز ۋە ئولىمالىرىمىزغا قاچانمۇ ‹‹ ئەي ئۇيغۇر پۇل تاپ! پۇل تاپ! ›› دېگەن خىتابنى قىلغۇدەك ئەقىل كېرەر؟

tarhamak

	پۇل بىراۋنى بەختلىك قىلالمايدۇ . بىراق نۇرغۇن كىشىلەر پۇل سەۋەبلىك بەختسىز بوپقالىدۇ ... دەپ يازغانمەن ھېكمەت خاتىرەمگە ...

!UYGHURJAN

	پۇل قولنىڭ كىرى دەيدىيۇ . لىكىن پۇلنىڭ قۇلى بوپ ئۆتىدۇ . ئامېرىكىلىق فوتوگراف جىمى «پۇلنى ھەممىدىن ئەلا» بىلىدىغان بىر قىسىم كىشىلەرگە قارىتىپ بىر تۈركۈم سەنئەت ئەسىرىنى ياراتقان بولۇپ، ئۇ ئامېرىكا دوللىرى ئارقىلىق پۇلدىن «پۇل كىيىم» تىككەن. بۇ نى كىيىش ئارقىلىق بەزىلەرنىڭ پۈتۈن بەدىنىدىن مەنپەئەتپەرەسلىك تۆكۈلۈپ تۇرىدىغان بىر قىسىم كىشىلەرگە سىمۋول قىلغان .بىز بۇلارنى كۆرۈش ئارقىلىق شۇنى كۆرۈۋالالايمىزكى بەزى كىشىلەر پۇل ئۈچۈن ھەرقانداق ئىشلارنى قىلىشنى يانماي پۇلنىڭ قۇلى بولۇپ قالىدۇ.

AKELA

	پۇلغۇ ھازىر جەمىيىتىمىزدە بەك مۇيۇم بۇلۇپ كىتىپ بارىدۇ لىكىن بۇ پەقەت ماددى  مەنىۋىدە بولسا ھەممىمىز ئۇچۇن ئىتپاقلىق مۇيۇم

nazigul8

	قانداق قىلساق شۇ پۇلنى تاپقىلى بولىدۇ، بۇنىمۇ ئويلىشايلى، داتلىغانغا پۇل ئاسماندىن چۈشمەيدۇ، كاللىسى سەگەك، تىرىشچانلار ھەرگىز پۇل يوقلۇقتىن قاھشىمايدۇ، بەلكى بىلىمىنىڭ ۋاقتىنىڭ يېتىشمەسلىكىن قاقشايدۇ، نادانلىقتىن قاقشايدۇ. ئادىمىلىكنى يوقاتمىغان ئاساستا پۇلنىمۇ تېپىش كېرەك.