ئالتۇن زىننەت بۇيۇملىرى سېتىۋالغانلىق ئالتۇنغا مەبلەغ

bugaltir

	ئالتۇن زىننەت بۇيۇملىرى سېتىۋالغانلىق ئالتۇنغا مەبلەغ سالغانلىقمۇ؟ بەزىلەر ئالتۇن زىننەت بۇيۇملىرى سېتىۋېلىشنى ئالتۇنغا مەبلەغ سېلىشتىكى ئەڭ ياخشى ئۇسۇل، دەپ قارايدۇ.ئۇنداقتا ئالتۇن زىننەت بۇيۇملىرىغا مەبلەغ سالغانلىق ئالتۇنغا مەبلەغ سالغانلىق بولامدۇ؟ مېنىڭچە ئالتۇن زىننەت بۇيۇملىرىغا مەبلەغ سالغانلىق ئالتۇنغا مەبلەغ سالغانلىق بولمايدۇ. سەۋەب: بىرىنچىدىن، ئالتۇن زىننەت بۇيۇملىرى ياسىنىشقا ۋە تاقاپ يۈرۈشكە ئىشلىتىلىدۇ، ئۇنىڭ قىممىتىگە كاپالەتلىك قىلغىلى ۋە قىممىتىنى ئاشۇرغىلى بولمايدۇ. ئالتۇن زىننەت بۇيۇملىرىنى پىششىقلاش خىراجىتى ۋە باج يۇقىرى بولغاچقا، ئىستېمالچىلار سېتىۋالغان ئالتۇن زىننەت بۇيۇملىرى ئالتۇن باھاسىغا يەنە ％20 - ％30 پايدا قوشۇلغان باھا بولىدۇ، ئەمما ئالتۇن زىننەت بۇيۇملىرىنى ساتقاندا ئالتۇن باھاسى ئاساسىدا باھا يەنە ％20 تىن كۆپرەك چۈشۈرۈلىدۇ. ئەگەر ئالتۇننىڭ باھاسى ئۆزگەرمىگەن ئەھۋالدا مەلۇم بىر ئىستېمالچى ھازىرقى باھا بويىچە ئالتۇن زىننەت بۇيۇمى سېتىۋالسا، بىرقانچە يىل ئىشلەتكەندىن كېيىن ئۇنى ساتماقچى بولسا، بۇ ئالتۇن زىننەت بۇيۇمىنىڭ ھەر گرامىنى ئەسلىدە سېتىۋالغان باھادا ساتالماسلىقى مۇمكىن. چۈنكى ئالتۇننىڭ باھاسى ئۆسكەن تەقدىردىمۇ، ئالتۇن زىننەت بۇيۇمىنىڭ باھاسى ئالتۇن باھاسىنىڭ ئۆسۈشىگە ئەگىشىپ ئۆسمەستىن، بەلكى ئەسلىدىكى قىممىتىنى ساقلاپ قالالمايدۇ. شۇڭا ئىستېمالچىلار ئالتۇن زىننەت بۇيۇمىنى ئالتۇنغا مەبلەغ سېلىشتىكى ئەڭ ياخشى ئۇسۇل قىلىۋالماسلىقى كېرەك. ئىككىنچىدىن، نۇرغۇن مەبلەغ سالغۇچى ئالتۇن دۇكانلىرىدىن 18 كاراتلىق ئالتۇن زىننەت بۇيۇمى سېتىۋالىدۇ. ئەمما 18 كاراتلىق ئالتۇن زىننەت بۇيۇمىنىڭ تەركىبىدىكى ئالتۇننىڭ مىقدارى ئاران ％75 كېلىدۇ، شۇڭا ئۇنىڭ مەبلەغ سېلىش قىممىتى يۇقىرى بولمايدۇ. 24 كاراتلىق ئالتۇن زىننەت بۇيۇمىنىڭ تەركىبىدىكى ئالتۇننىڭ مىقدارى ％99.99 كېلىدۇ، ئەمما ھەر قانداق ئالتۇن ئەسلىدىكى ھالىتىدە ساقلانسا قىممىتى ئاشقان بىلەن، پىششىقلاپ ئىشلىنىپ زىننەت بۇيۇمىغا ئايلاندۇرۇلسا، زىننەت بۇيۇمى ئىستېمال بۇيۇمىغا ئايلىنىپ، ئەسلىدىكى قىممىتىنى ساقلاپ قالالمايدۇ. ئۈچىنچىدىن، ئالتۇن زىننەت بۇيۇملىرى مەبلەغ سېلىش قىممىتىگە ئىگە ئەمەس. دۆلەت ئىچىدىكى ئالتۇن بازىرىنىڭ ئالتۇنغا بولغان ئېھتىياجى زور بولسىمۇ، ئەمما دۆلەت ئىچىدىكى ئالتۇن باھاسى خەلقئارا بازاردىكى ئالتۇن باھاسىغا قاراپ ئۆزگىرىدۇ. ئالتۇن زىننەت بۇيۇملىرى ئىشلىتىش داۋامىدا سۈركىلىپ ئوخشىمىغان دەرىجىدە ئۇپرايدۇ. ئىشلەتكەنسېرى قىممىتى شۇنچە تۆۋەنلەيدۇ، بۇنىڭ بىلەن بۇنداق ئالتۇن زىننەت بۇيۇملىرىنى سېتىۋېتىشقا توغرا كەلسە سېتىۋالغۇچىلار تۆۋەن باھا قويىدۇ. شۇڭا ئالتۇن زىننەت بۇيۇملىرىنى مەبلەغ سېلىش تۈرى قىلىۋېلىشقا بولمايدۇ. مەنبە      :    جۇڭگو ئۇيغۇرچە رادىيو تورى   . http://www.uycnr.com/cj/cjgc/201207/t20120712_356431.html

Atom430

	جىق پۇلۇمنىڭ يوقلىقىغا، ئالتۇن زىبۇ-زىننەتلەرنى ئىلىپ بەر دەپ غەۋغا قىلمايدىغان ئىللىق ئايالىمنى ماڭا نېسىپ قىلغان ئاللاھقا رەھمەت.

AKELA

hokumran

	ئالتۇن زىننەت بويۇمىنىڭ سېتىۋالغان باھاسىنىڭ بىر نەچچە يىلدىن كېيىن شۇ باھادىن چۈشۈپ كېتىشى ناتايىن. بۇنى بازار بەلگىلەيدۇ.

asat708

	ئۇنداقتا قانداق قىلغاندا ئالتۇنغا مەبلەغ سالغىلى بولىدۇ ؟ يا زەگەرچىلە كاللەك ئالتۇننى ساتمىسا . مۇشتەكتىن بىرنى ئېلىپ گېرەمگە كۈمۈپ قوياي دىسەم .    بىلىدىغانلا مەسلىھەت بەرسەڭلا .

bayhenim

koziqak1118

	دىمىسىمۇ جەمىئىيىتىمىزدە بەزەن ئاياللىرىمىز بار، ئالتۇن جانغا ئەسقاتىدۇ دەپ، مودا قوغلىشىپ تاقىۋالدىغان.  بوينىغا ئون گىرام ئالتۇننى ئېسىۋېلىپ، ئۇكام بالامنىڭ ئوقۇشىغا تاپشۇردىغان پۇل يوقتى دەپ خىجىل بولمايدىغانلار.

XERHAN

	بۇ مۇنازىرىنى ئاياللار ئېلىپ بارسا بولغۇدەك ...

┎→LonDoη

	قىممەت ئالسىز   ساتقاندا يەنىلا بازار باھاسىدىن تۇۋەن ساتىسىز   ،،     زەرگارلا  بۇنىڭ  سىرتىدا بۇلا  باھا پەرىقىدن ياخشى پايدلىندۇ .. ..........

azizgul

	ئالتۇن زىننەت بۇيۇملىرى ئىقتىسادى جەھەتتىن قىيىنچىلىققا ئۇچىرىغاندا ساتسا دەرتكە دەرمان بولىدۇ .