ئانا يۇرت ئەزىمەتلىرى تۈنجى غەلبىنى قولغا كەلتۇردى

elqut

	ئانا يۇرت ئەزىمەتلىرى تۈنجى غەلبىنى قولغا كەلتۇردى    شەندۇڭ لۇنىڭ پۇتپول مەكتىۋىدە ئۆتكۈزىلىۋاتقان <لۇنىڭ >> لوڭققسىنى تالىشىشى مەملىكەتلىك ئۆسمۇرلەر تەكلىپلىك مۇسابىقىسىغە قاتنىشىۋاتقان، غۇلجا شەھەر 12- باشلانغۇچ << ئەمىن >> پۇتبول كاماندىسىنى ( غۇلجا شەھەر ئەمىن ئۆي مۇلۇك شېركىتى ئىقتىسادى ياردەم بەرگەن ) بۇگۈن 9 -10 ياشلىقلار ۋە 11-12 ياشلىقلار بويىچە ئىككى گۇرۇپپا، ئىككى مەيدان مۇسابىقە ئوينىدى. ئانا يۈرت ئەزىمەتلىرى بۇ مۇسابىقىدە ئۆزلىرىنىڭ باتۇر، قورۇقماس، جاسەرەتلىك، جەڭگىۋار روھىنى نامەيەن قىلدى. يۇقىرى سەۋىيەدە تولۇق قوراللانغان، ئەلا شارائىت، يۇقىرى سەرپىيات بىلەن مۇنتىزىم تەربىيىلەنگەن  دوڭيىڭ يىجا پۇتبول كۇلۇبى ۋە جېجىياڭ لۈچېڭ پۇتبول كۇلۇبىدىن  ئىبارەت ئىككى كۇلۇپ كاماندسى بىلەن مۇسابىقىغە چۈشتى. گەرچە بالىلىرىمىز ناچار شارائىتتا مەشىق قىلغان، ئۇزۇن يوللارنى بېسىپ، كۆپ يول ئازاۋى تارتىپ ،ئاران ئىككى كۈنلا دەپ ئالغان بولسىمۇ، ئۆزدىكى ئۇيغۇر قېنىدىكى جاسارىتىنى نامەيەن قىلدى. قارشى تەرەپ پۇتلىرىغا ئەلا سۇپەتىك بوتبول ئايىقى ( بوتىس)، قوغداش ياپراقچىلىرىنى كىيىپ مەغرۇر مۇسابىقىغە چۈشۈپ كەلدى. ئانا يۇرت ئەزىمەتلىرى بولسا، پۇتلىرىغا ئاددى پۇتبول ئايىقى (چوقەي) كىيىپ، كەمتەرلىك، ئەمما جەزبىدار، جەڭگىۋار، باتۇرلۇق بىلەن، مەرت - مەردانا ھالدا مەيدانغا چۈشتى. ئۇلار يۇقىرى سەۋىيەدە تولۇق قوراللانغان، ئەلا شارائىت، يۇقىرى سەرپىيات بىلەن مۇنتىزىم تەربىيىلەنگەن بۇ كۇلۇپ كاماندىلىرىدىن قىلچىمۇ قورقۇنۇچ ھىس قىلمايتى . ئۇلار خەلقىنىڭ دۇئاسى، ئاتا _ ئانىلارنىڭ دۇئاسىنىڭ ئۇلارغا زور كۈچ قۇۋەت ئاتا قىلىدىغانلىغىنى ئېسىدە مەھكەپ ساقلىغان ئىدى. ئۇلارنىڭ يۇرىكىدە پۇتبولغا بولغان ئوتقاشتەك ئىشتىياق يالقۇنجايتى، ئۇلار دىلىغا شىنجاڭدىكى نەچچە مىليون خەلىقنىڭ ئۇمىد _ ئارزۇسىنى مۇجەسسەملىگەن ئىدى . ئۇلارنىڭ پۇتىغا كىيگىنى سېسىق چوقەي بولسىمۇ، ئەمما ئۇلارغا ئالى دەرىجىلىك پۇتبول ئايىقىدەك بىلىنەتتى. ئۇلار يەرنى دەسسەپ ئەمەس بەلكى ئۇچار گىلەمدە ئولتۇرۇپ مېڭىۋاتقان ھىسىياتتا ئىدى. شېۋىستىك چېلىندى!  ھۇررا ! دەپ ئاتاكىغا ئۆتتى ئانا يۇرت ئەزىمەتلىرى !....  ھۇررا ..!! ھۇررا  ساداسى رەقىپلەرنىڭ يۇرىكىگە قورقىنىش سالدى. خۇددى گۇلدۇرمادەك ئاڭلىناتتى ئۇلارغا ..! . مانا قىزغىن جەڭ باشلاندى.  ھۇررا ..!! ھۇررا ..!! ھۇررا ..!!   ھەممىمىز ئورنىمىزدىن دەس تۇرۇپ كەتتۇق!  قالتىس! بەكمۇ قالتىس! 5 مىنۇت بولمايلا ئەزىمىتىمىز رەھمىتۇللا بىر توپ كىرگۈزدى. ھۇررا ..!! ھۇررا ..!! ھۇررا ..!!  كۆزلىرىمىزگە ئىسسىق ياش كەلدى! ئەركىشى بولمىغان بولساق يىغلىۋەتكەن بولاتتۇق.  ئالاھەزەل 10 مىنۇت ئۆتكەندەيەنە بىر توپ ئورۇلدى. ھۇررا سادالىرى مەيداننى بىر ئالدى !  ئەستا ! چاتاق بولدى! رەقىپ كاماندا بىزگە بىر توپ ئۇرۋالدى. يۇرىكىمىز زەرداپتەك ئېچىشتى، گەرچە 2 گە قارش 1 نەتىجە بىلەن ئۇستۇنلۇكتەبولساقمۇ .....      مۇسابىقە جىددى داۋالاشماقتا مانا ھۇررا ..!! ھۇررا ..!!  3قارشى 1 ، ھۇررا ..!! ھۇررا ..!!  مانا 4 كە قارشى 1 .... بىرىنجى مەيدان ئاخىرلاشتى. ئاھ خۇدا بىز 4گە قارشى 1 نەتىجە بىلەن ئالدىنقى مەيدان ئۇستۇنلۇكتە ! مانا ئىككىنجى مەيدانمۇ ئاخىرلاشتى!  ھۇررا ..!! ھۇررا ..!! ھۇررا ..!!  بىز غەلبە قىلدۇق! بىز بۇ 7 كىشىلىك مۇسابىقىدە 7 گە قارشى 2 نەتىجە بىلە رەقىپ كاماندىسىنى يەڭدۇڭ ! بۇ ۋاقىتتا يەنە بىر كاماندا 9 _ 10 ياشلىقلار كاماندىسى ئاللا بۇرۇن رەقىبىنى 8 گە قارشى 0 نەتىجە بىلەن يېڭىپ غەلبىنى قولغا كەلتۇرۇپ بولغان ئىدى !  نىم دىگە قالتىس !  بىز بۈگۈن قوش غەلبىنى قولغا كەلتۇردۇق ! مەن مۇسابىقىگە چۈشكەن ئەزىمەتلىرىمىزنى بىردىن قوچاقلىدىمدە ياتاققا يۈگۈردۇم !  بۇ خەۋەرنى ئانا يۇرتتىكى نەچچە مىليون خەلقىمگە تېزدىن يەتكۈزۈم كېرەك !   تۆۋەندىكىلەر مۇسابىقە جەريانىدا تارتىلغان سۇرەتلەر

sazguri

	بايقى يوللىغان ئەزا سىز ئەمەسما ؟   كىشى بېشغا بىردىن ئۇرۇپتۇ دە   ....ئاللاھ  نۇسرەت ئاتا قىلسۇن قېرىنداشلىرىمىزغا

al.ansar

	ئاغزىم كالچىيىپلا كەتتى، ئۇنىڭدىن باشقا ھىچنەرسە ئېسىمگە كەلمىدى 8-0......... 7-2...........

تېرەك

	يارايسىلەر ئەزمەتلەر.ئاپېرىن!!!

┎→LonDoη

	ياشاپ كىتڭلار  ساقىلىرىم....   ئەمما سەزگۇر بۇلۇڭلار   ،،،، چىدىماسلا جىق

xahnaz306

	بۇلانى كۆرۈپ  خۇددى نەخ  مەيدانغا بارغاندەكلا بوپ كالدىم . ئۇلانىڭ بۇندىن كېيىن  تېخىمۇ ياخشى نەتىجىلەنى قولغا كەلتۈرىشىنى تىلەيمەن . يەنە بىر ئىش ، مېنىڭمۇ 3 ياشلىق ئوغلۇم بار ، ئەلۋەتتە مەنمۇ ئوغلۇمنىڭ ئۇلاردەك باتۇر ئەزىمەتلەردىن  بولىشىنى ئۈمىد قىلىمەن ،شۇڭا ۋاقتىمىز چىخسىلا دادىسى بىلەن توپ مەشىق قىلدۇرغىلى ياكى پۇتبول مۇسابىقىسى كۆرگىلى ئاپىرىمىز . بۇ بالىلارنى كۆرۈپ بىر تەرەپتىن سۆيۈنسەم ، بىر تەرەپتىن كۆڭلۈم يېرىم بوپ قالدى .  مېنىڭ دىمەكچى بولغىنىم   ، ئادەتتە خەجلەيدىغان پۇلىمىزدىن كىچىككىنە  ئىقتساد قىلىپ شۇ بالىلارنىڭ ياخشى ئاياق ۋە تىزلىرىنى ئاسىرايدىغان نەرسىلەرنى ئېلىشىغا ياردەم بەرسەك  (چۈنكى بىلىشىمچە توپ ئونىغاندا پۇتلىرىغا قاتتىق تېپىلىپ كېتىدىكەن ) ، ئۇ ئۇماقلار  ئارتۇقچە زەخمىلەدىن ساقلىنىپ كالار بولغىتى. سىلەرچە قانداق ؟

818sabda

	xahnaz306 يوللىغان ۋاقتى  2012-7-13 01:19 PM بۇلانى كۆرۈپ  خۇددى نەخ  مەيدانغا بارغاندەكلا بوپ كالد ... ھەي ئىشلىرىم ئەجەپ يۈرۈشمەسكە قالدى،جىق پىلانلىرىم بار ئىدى،پىكرىڭىزنى قوللايمەن،كۈنلەرنىڭ بىرىدە ئاللا روناق تېپىپ قالسام ئۆسمۇرلىرىمىزگە چۇقۇم ياردەم قىلىمەن

bugaltir

	غەلبەڭلارغا  مۇبارەك  بولسۇن    ،  بۇندىن  كېيىنمۇ داۋاملىق تىرىشىپ  ، ياخشى نەتىجىلەرنى قولغا كەلتۈرشىڭلارغا  تىلەكداشمەن   .