نەسىھەتلەر تامچىسى

boldibas

	بسمىللادىن سۆز باشلاي ، بۇنىڭسىز سۆز جاھالەت ،           قادېر  ئېگەم ئەيلىسۇن بارچىمىزگە شاپائەت .           نەسىھەتلەر تامچىسى تېمىسىدۇر سۆزۈمنىڭ ،           قىلسا ئەمەل تاپقۇسى ئەلدە ئىززەت ئىناۋەت .           كۆزلىرىڭنى ھارامدىن ساقلىغىن سەن ھەر ۋاقىت ،           ئىشقا ئاشار كۆز بىلەن چۈنكى كۆپلەپ خىيانەت ،           تىل زۇۋانىڭ يىغىلسۇن نامۇناسىپ سورۇندا ،           چۈنكى ئارتۇق سۆزلىرىڭ ئابرۇيۇڭغا مالامەت .           ئەجىر ساۋاب ئىزلىسەڭ ، يۈگەن سالغىن ھەۋەسكە ،           ھېسىياتقا بېرىلمە ، ئاڭا يېقىن جىنايەت .           ئىمان ئىسلام مەندە دەپ جار سالمىغىن جاھانغا ،           زەررىچىسى ئىماننىڭ ، بولسا پەرز ئىبادەت .           پەرۋايىڭ يوق شادلانساڭ ، پەقەت ئەلەم كەلگەندە ،           قۇلىمەن دەپ ئىگەمنىڭ ، قىلما ساختا ئىتائەت .           كۆتۈرۈلۈپ ئانچىكى ، سىغماي قالما تېرەڭگە ،           چۈنكى دۈشمەن ئەشەددى ، كىبىر بىلەن كامالەت .           دۈشمەن پەقەت ئۇ ئەمەس ، دۈشمىنى بار بارچىنىڭ ،           يالقۇن بىلەن سۇ كەبى ، ساختا بىلەن ئادالەت .           بۇرادېرىڭ بولسا گەر دوستلۇقىڭنى ئاۋايلا  ،           دەز كەتمىسۇن ئارىغا دېسەڭ ، تۇتما ئاداۋەت .           مەيلى قانداق ئىش ئۈچۈن باغلىساڭ گەر ئىرادە ،           لاپ ئۇرمىغىن ئالدىراپ ، كۆرمەي جەبرى مۇشەققەت .           ئادەم بولۇش جاھاندا ناھايەت تەس كەسىپتۇر ،           بۇ كەسىپچۈن كېرىكى چىن ئىنسانى مۇھەببەت .           مۇھەببەتسىز كىشىنىڭ قەلىب بېغى ياشارماس ،           ئۇرسا دىلنى شىۋىرغان ، ئۇ پاناھ جاي ئىمارەت .           سۆيگۈسىز جاھان زۇلمەت ، زۇلمىتى تېخى قەلبىڭ ،           شەكلەنمە بۇ زۇلمەتكە يېقىن دېسە قىيامەت .           ......سۆزلىگۈم بار بەك ئۇزاق ،لېكىن ۋاقىت يار بەرمەس ،           قىلدىم شۇڭا سۆزۈمدىن توختىماققا ئىرادەت .           ئەپۇ قىلىڭ دوستلىرىم ، بولسا نۇقسان سۆزۈمدە ،         چۈنكى شائېر ئەمەسمەن ، يوق ھېچقانچە ماھارەت .                 مەنبەسى ئۆز قەلىمىم .

parwinaz

	ئالتۇنغا تىگىشكۈسىز نەسھەتلەر ئىكەن، ساقلىۋالدىم،رەھمەت سىزگە، ئاللاھ سىزگە رەھمەت قىلسۇن!

azizgul

	اللە ئىلىمىڭىزنى زىيادە قىلسۇن قېرىندىشىم ، اللە خالىسا ، بۇ نەسىھەت تامچىلىرىدىن دائىم بەھرىمەن بۇلۇپ مەنپەئەتلىنىپ تۇرغايمىز !

تېرەك

	مەنمۇ قەلىپ دەپتىرىمدە ساقلىۋالدىم،بۇنەسىھەت تامچىلىرىنى ئىسىمدە چىڭ ساقلايمەن،

bugaltir

	ھەقىقەتەن ياخشى  نەسىھەتلەر  ئىكەن    .   ئاللا  رەھمەت  قىلسۇن   قېرىندىشىم   .

islamogli1566

	ناھايىتى ياخشى  يېزىپسىز.  مەزمۇنمۇ  شۇنداق  جانلىق  چىقىپتۇ. ئاللاھ ئەجىر  بەرسۇن  قېرىندىشىم.

870606

	بەك ياخشى يېزىپسىز

Qabiljan

	بەزى ئاغرىتىپ ئېيتىلغان نەسىھەتلەر قامچىدىن يامان

qog

	نەسىھەتىڭىزنى ئىسىمدە ساقلايمەن