گۈلمىرە

yargol

	گۈلمىرە   سەن قايتىپ كەل،مېنىڭ يېنىمغا قايتىپ كەل. ئۇلار سېنى ئالداۋاتىدۇ، تەننازلىقىڭنىڭ بىر   كۈنى ساڭا بالا بولۇپ قېلىشى تۇرغانلا گەپ.   ئۇلار سېنى ئالداۋاتىدۇ،ئەگەر ئالدىنىش كېرەك بولسا بىز بىرگە ئالدىنايلى.بىراق بۇ   ئالدىنىش تۇيغۇغا ئالدىنىشتۇر.چىن ئىنسانلارلا غايىۋىي تۇيغۇلارغا ئېرىشەلەيدۇ.   مىخانىك ئادەملەرنىڭ قۇرشاۋىدا قەلبىڭدىن ئايرىلىپ قېلىشىڭ مۇمكىن.   مېنىڭ شامالباغدىكى ئاتمىش كىۋادىرات مېتىرلىق ئۆيۈمدە چەكسىز كەتكەن بىر   قەلىب بار.ئۇ قەلىبنىڭ پايانى پەقەت ساڭىلا سوزۇلغان..   بىز قۇشلاردەك ياشاشنى ئۆگۈنەلەيمىز.بىز چوقۇم شاماللارغا ئايلىنالايمىز.   سەن قايتىپ كەل، بىز نۇرلۇق بىر مەنزىلگە قاراپ ئىلگىرلەيمىز .بىراق   بۇ سەپەرنىڭ مۇدھىشلىقى،تار ۋە زەي ئىكەنلىكىنى،ھەتتا ھىجابىڭنى   ئالغۇزۋېتىشقا ئۇرۇنىدىغان ئالۋاستىلارنىڭ بارلىقى ساڭا ئايان..شۇندىمۇ   سەن قايتىپ كەل....   سېنى بەك سېغىندىم،سېغىنغىنىم ئۈچۈن قايتىپ كەل.بىلىمەن مېنى ھەم   سېغىندىڭ،سېغىنغىنىڭ ئۈچۈن قايتىپ كەل..قايتىپ كەلگىنىڭدە بىز   سېغىنىمىز،خاتىرجەم ھالدا سېغىنىمىز ...قۇدرەت ئېگىسىگە.   ئۇلار سېنى ئالداۋاتىدۇ.سېنىڭ مىسۋاكىڭنى،پاشنىسى يوق ئاياقىڭنى،   رەڭسىز كەڭتاشا كېيىمىڭنى،يۈرۈكۈڭ بىلەن مېنى ئۇنتۇلدۇرۇشقا ھەر   دەقىق تىرىشىۋاتىدۇ. سەن قايتىپ كەل...مەن ئۇلۇغ قۇرۇق گەپلەرگە،   دەبدەبىلىك شوئارلارغا،بايراملىق شائىرلارنىڭ شېئىرلىرىغا ئۆچ بوپ   كېتىپ بارىمەن.بەدىئىيلىكى يۇقىرى،پاساھەتلىك سۆزلەر بىلەن   سېنى چاقىرالايدىغانلىقىمغا ئوقۇرمەنلەر ئىشەنمىگەن بىلەن سەن   تامامەن ئېشىنىسەن..بىراق سەنسىز بۇ كۈنلەردە تىلىممۇ ئازابىمدەكلا   يالىڭاچلىنىپ قالدى.   كۆزلىرىڭنى يۇم.بەتبۇي خانىلەردىن بىر نەپەس ئايرىل،ئىككى قۇلۇقىڭنى   ئالقانلىرىڭ بىلەن چىڭ ئېتىپ ۋەيلۇننىڭ دەھشىتىنى تەسەررۇر قىلىپ باق.   بەلكىم زۇلمەتتىكى زىيانى.جىمجىتلىقتىكى سادانى ھېس قىلىپ قالساڭ ئەجەپ   ئەمەس.قايتىپ كەل بىز بىرگە ياشايلى.   قايتىپ كەل،مېنىڭ يېنىمغا قايتىپ كەل. سېنى مەن چاقىرمىدىم،بەلكى،   مەن سەۋەبلىك بىر گۈزەل سىناققا چاقىرتىلدىڭ.        -يارغول

azizgul

	قۇرلار يۈرىكىمنى ،،،،،،،،،،،،،،،،  ! قۇدرەت ئىگىسى ھەممىمىزنى سىناقلاردا بەردەم بۇلۇشقا مۇۋەپپەق قىلسۇن !

تېرەك

	قايتىپ كەل،ئىلىق باغرىمغا قايتىپ كەل،قايتىپ كەل........................! ياخشى يېزىلغان تىمكەن،

sultanogli

	توغرا سېغىنىش ھەقىقەتەن ئازابلىق ئۇ خۇددى ئادەمنى ۋەيلۇن دۇزاققا كىرىپ قالغاندەك قىينايدۇ...............؟

kawa

	قايتىپ كەل،سەن يىنىمىغا قايتىپ كەل .سەن مىنىڭ .....

bayhenim

	sultanogli يوللىغان ۋاقتى  2012-7-13 01:42 PM توغرا سېغىنىش ھەقىقەتەن ئازابلىق ئۇ خۇددى ئادەمنى ۋەي ... دەۋزەخ ئوتىنى بۇ ئوتلارغا تەڭ قىلغىلى بولمايدۇ

zulfay

	كىم مېنى ئىزدىگەندۇ دەپ يۈگرەپ كىرىپتىمەن تېخى. ياخشى يېزىپسىز، گۈلمىرە بەك بەخىتلىككەن. دۇنيادىكى ھەممە گۈلمىرەلەر مۇشۇنداق بەختلىك بولسا كاشكى.

BAHADER1

	كۆزلىرىڭنى يۇم.بەتبۇي خانىلەردىن بىر نەپەس ئايرىل،ئىككى قۇلۇقىڭنى   ئالقانلىرىڭ بىلەن چىڭ ئېتىپ ۋەيلۇننىڭ دەھشىتىنى تەسەررۇر قىلىپ باق.   بەلكىم زۇلمەتتىكى زىيانى.جىمجىتلىقتىكى سادانى ھېس قىلىپ قالساڭ ئەجەپ   ئەمەس.قايتىپ كەل بىز بىرگە ياشايلى. ئالامەي يىز ۋىتىپ سىز ماۋۇ يەرلىر نى جۇمۇ

ئىپارە

	ئاجايىپ ئۇستاتلىق بىلەن يېزىلىپتۇ بۇ ئەسىرىڭىز!

┎→LonDoη

	ئەمما  ھسىياتقا بايكەنسلە