تىز بوغۇمىغا زىيانلىق ئادەتلەر

dulatjan

	1.پەلەمپەيدىن تولا چىقىپ چۈشۈش. نۇرغۇن كىشىلەر پەلەمپەيدىن چىقىپ-چۈشۈشنى بىر خىل چېنىقىش،ئورۇقلاشنىڭ ياخشى ئۇسۇلى دەپ ھىساپلايدۇ. ئەمما پەلەمپەيدىن تولا چىقىپ-چۈشۈشنىڭ پايدىسىدىن زىيىنى كۆپ، ئادەم پەلەمپەيدىن چىققاندا تىز بوغۇمىغا  ئۆز ئېغىرلىقىنىڭ 4.8 ھەسسىسىچىلىك ئېغىرلىق بېسىمى چۈشىدۇ،چۈشكەندە بولسا 6.7ھەسسىسىچىلىك بېسىم چۈشىدۇ. بۇنداق بولغاندا ئاسانلا  تىز بوغۇمىنىڭ زەخمىلىنىشىنى،ئوتتۇرا ياش،ياشانغانلاردا تىز بوغۇمىنىڭ چېكىنىشىنىڭ تېزلىشىشىنى كەلتۈرۈپ چىقىرىدۇ.شۇڭا بۇ خىل چېنىقىش ئۇسۇلىدىن ۋاز كېچىش كېرەك.ئەگەر چوقۇم پەلەمپەيدىن چىقىپ-چۈشۈش كېرەك بولسا،مېڭىش سۈرئىتىنى ئاستىلىتىڭ،بىنادىن چۈشكەندە لىفىت بولسا ئامال بار لىفىتقا چىقىڭ. 2.تاغقا يامىشىش . تاغقا يامىشىش بىر خىل ئىنتايىن ياخشى چېنىقىش ئۇسۇلى،بىراق ياشانغانلار،بولۇپمۇ تىز بوغۇمى ئاغرىيدىغان ياشانغانلارغا تاغقا يامىشىش ماس كەلمەيدۇ. چۈنكى تاغقا چىقىپ چۈشكەندىمۇ تىز بوغۇمى ئۇچرايدىغان بېسىم ئوخشاشلا چوڭ بولىدۇ،شۇڭا ياشانغانلار يۇمشاق ئاياغ كىيىپ تۈز يولدا چىنىققىنى ياخشىراق. 3.ئۇزۇن ۋاقىت ئېگىز پاشنىلىق ئاياغ كىيىش. نۇرغۇن خانىم-قىزلار ئېگىز پاشنىلىق ئاياغ كىيىشنى ياخشى كۆرىدۇ. ئېگىز پاشنىلىق ئاياغ كىيگەندە پۇتقا چۈشىدىغان ئېغىرلىق بېسىمى يۆنىلىشىدە يۆتكىلىش بولۇپ،تىزغا چۈشىدىغان بېسىم ئارتىپ كېتىدۇ. بولۇپمۇ ئېگىز پاشنىلىق ئاياغ بىلەن پەلەمپەيدىن چىقىپ-چۈشكەندە تىزغا بولغان زىيىنى يېخىمۇ ئېغىر بولىدۇ. ئۇنىڭدىن باشقا،ئېگىز پاشنىلىق ئاياغ كىيگەندە پۇت ئاسان قايرىلىپ كېتىدۇ،تاپان ئاغرىيدۇ،بەزىلەردە بەل ئاغرىقىنى كەلتۈرۈپ چىقىرىدۇ،شۇڭا  ئىگىز پاشنىلىق ئاياغنى ئاز كىيىش كېرەك.4.زىيادە چېنىقىش. چېنىقىشنىڭ ئادەم بەدىنىگە بولغان پايدىسى ئىنتايىن كۆپ. ئەمما چېنىقىش مۇۋاپىق بولىشى،بەدەننىڭ سالامەتلىك ئەھۋالىغا،ياش قۇرامىغا ماس كېلىشى كېرەك.بەك زىيادە چېنىققاندا،بىرىنچىدىن،زەخمىلىنىش ئېھتىماللىقى يۇقىرى بولىدۇ،ئىككىنچىدىن،بوغۇملارنىڭ ئۇپرىشى تېز بولىدۇ.بولۇپمۇ ئوتتۇرا ياش،ياشانغانلارغا نىسبەتەن تېخىمۇ تېز بولىدۇ.شۇنىڭ ئۈچۈن ئۆزىگە مۇۋاپىق كېلىدىغان سەيلە قىلىش،ئاستا يۈگرەش،سۇ ئۈزۈش قاتارلىق ھەركەتلەر بىلەن چېنىقىشى كېرەك. 5.سوغۇقتا نېپىز كىيىنىش. بوغۇملار سوغۇققا بىر قەدەر سەزگۈر بولىدۇ،شۇڭا بەزى كىشىلەرنىڭ بوۈۇملىرى تىمپىراتۇرا ئۆزگەرگەندە،يامغۇر ياغقاندا ئاغرىيدۇ. ئەگەر ھاۋا سوغۇق كۈنلىرى قېلىن كىيىنمىگەندە تىز بوغۇملىرىدا ئاسانلا رىماتىزىم قاتارلىق كىسەللەر پەيدا بولىدۇ ۋە ئېغىرلىشىپ كېتىدۇ. ياز پەسلىدە شامالدۇرغۇچنى ئۇزۇن مەزگىل ئېچىپ قويغاندىمۇ تىز بوغۇمىغا ئاسانلا سوغۇق ئۆتۈپ قالىدۇ. شۇڭا ھاۋا سوغۇق كۈنلەردە  قېلىنراق كىيىنىش،ياز كۈنلىرى شامالدۇرغۇچنى كۆپ  ئىشلەتمەسلىك كېرەك. 6.ئۇزۇن ۋاقىت تىزلىنىش. بەزى ئاياللار تىزلىنىپ تۇرۇپ يەر ئېيتىدۇ. بۇنداق بولغاندا بەدەننىڭ ئېغىرلىق بېسىمى تىزغا،بولۇپمۇ لىپەك سۆڭەككە چۈشىدىغان بولغاچقا،ئاسانلا لىپەك سۆڭەكنىڭ كۆمۈرچەكلىرىنى زەخمىلەندۈرىدۇ.بۇنداق بولىۋەرسە تىزنى يىغىش ۋە سۇنۇش تەس بولۇشنى كەلتۈرۈپ چىقىرىپ،ھەرىكەت قىلىش توسالغۇغا ئۇچرايدۇ. شۇڭا بۇ خىل ئادەتنى ئۆزگەرتىش كېرەك.ئەگەر چوقۇم شۇنداق قىلىش كېرەك بولسا،تىزنىڭ ئاستىغا يۇمشاق نەرسىلەرنى قويۇۋېلىش،5_10مىنۇتتا بىر دەم ئېلىپ،قان ئايلىنىشنى راۋانلاشتۇرۇش كېرەك. 7.ئۇزۇن ۋاقىت زوڭزىيىپ ئولتۇرۇش. زوڭزىيىپ ئولتۇرغاندا تىز بوغۇمىدىكى ئايسىمان تەخسىگە چۈشىدىغان بېسىم چوڭ بولىدۇ ھەمدە ئاسان زەخمىلىنىدۇ.شۇڭا بەك ئۇزۇن زوڭزىيىپ ئولتۇرۇشمۇ بولمايدۇ. 8.ياغلىق تاماقلارنى كۆپ يېيىش. ياغلىق تاماقلارنى كۆپ يىگەندە سېمىزلىكنى كەلتۈرۈپ چىقىرىدۇ.بەدەن ئېغىرلىقى ئېشىپ كەتكەندە تىزغا چۈشىدىغان بېسىممۇ ئارتىپ كېتىدۇ_دە،بوغۇم كۆمۈرچەكلىرىنىڭ ئۇپرىشىنى تېزلەشتۈرىۋېتىدۇ. ئۇنىڭدىن باشقا يەنە سېمىز كىشىلەردە يەللىك بوغۇم ياللۇغىمۇ كۆپ كۆرىلىدۇ.شۇڭا يىمەكلىككە دىققەت قىلىش،ياغلىق يىمەكلىكلەرنى ئاز يېيىش.  پۇرچاق تۈرىدىكى يىمەكلىكلەر،ماش ئۈندۈرمىسى،كۆكتاتلاردىن  قىزىل مۇچ،تەرخەمەك(تەرخەمەك تەركىبىدە پىروپىل ئالكوھول كىسلاتاسى مول بولۇپ،يىمەكلىكتىكى كاربون-سۇ بېرىكمىلىرىنىڭ  بەدەندە ياغقا ئايلىنىشىنى تىزگىنلەيدۇ)،پالەك قاتارلىقلارنى كۆپرەك ئىستىمال قىلىپ بېرىش،ئۆزىگە مۇۋاپىق كېلىدىغان ھەرىكەتلەر بىلەن بەدەن چېنىقتۇرۇپ بېرىش ئىنتايىن مۇھىم. مەنبە ساغلاملىق دەستۇرى

danixman1

	بىلۋىلىشقا تېگىشلىك ئىشلار ئىكەن .  تېما ئىىسىگە رەھمەت .

870606

	قىزلار ئامال بار ئىگىز پاشنىلىق ئاياغلانى جىق كەيمەڭلا

sazguri

	UQARBURA يوللىغان ۋاقتى  2012-7-13 12:10 PM بېڭگۇۋنىدىن باشقا  ئاساسەن  ،ئائېللىكلەردە  لىفېت ي ... ئاكا خاپا  بولماي ئاۋۇ خەتلىرىمنى بىر توغرا يېزىپ بەسىلە بوپتىكەن ....بەك قىينىلىپ كىتىپتۇ .خىلى خىلىغا كەلمەي .... تىمىغا : 3.ئۇزۇن ۋاقىت ئېگىز پاشنىلىق ئاياغ كىيىش. نۇرغۇن خانىم-قىزلار ئېگىز پاشنىلىق ئاياغ كىيىشنى ياخشى كۆرىدۇ. ئېگىز پاشنىلىق ئاياغ كىيگەندە پۇتقا چۈشىدىغان ئېغىرلىق بېسىمى يۆنىلىشىدە يۆتكىلىش بولۇپ،تىزغا چۈشىدىغان بېسىم ئارتىپ كېتىدۇ. بولۇپمۇ ئېگىز پاشنىلىق ئاياغ بىلەن پەلەمپەيدىن چىقىپ-چۈشكەندە تىزغا بولغان زىيىنى يېخىمۇ ئېغىر بولىدۇ. ئۇنىڭدىن باشقا،ئېگىز پاشنىلىق ئاياغ كىيگەندە پۇت ئاسان قايرىلىپ كېتىدۇ،تاپان ئاغرىيدۇ،بەزىلەردە بەل ئاغرىقىنى كەلتۈرۈپ چىقىرىدۇ،شۇڭا  ئىگىز پاشنىلىق ئاياغنى ئاز كىيىش كېرەك   قىزلار ئەمدى دىققەت قىلىڭلار ھە ئىگىز پاشنىلىق ئاياغ كەيسەك  چىرايلىق كۆرنىمىز دىگەن بىلەن :

ئۆل

	بۈلۈپ قويسام بولغىدەك ..ساقام قوياي ھازىر ئوقۇساممۇ ؟ ئېسىمدىن كۆتۈرلۈپ كېتەمكى

yawaat0998

	بۇرۇن تىزلىرىمنىڭ ئەتراپىدىكى مۇسكۇللار بەك ئاغرىتى، كۆرپىدە چازا قۇرۇپ بىمالال ئولتۇرالمايتتىم، زوڭمۇ ئولتۇرالمايتتىم، ماشىنىدا ئولتۇرۇش، ۋېلىسپىت مىنىش مەن ئۈچۈن زۇلۇم ئىدى. بىرچاغدا ئۆيدىن چايان چىقىشقا باشلىدى، دەسلەپتە چايانلارنىڭ جەسىدىنى تاشلىۋەتتىم. كىيىن، بىر دورا قىپ باقمايمەنمۇ، دەپ، تۇتقان چاياننى تۇتۇپ بىر شىشىدىكى ئىسپىرتقا چىلىدىم. تەخمىنەن، 5،6 تالغۇ دەيمەن. ئاپتاپقا قويۇپ قويدۇم. كۆپۈك پەيدا بولۇپ، ئىسپىرىتنىڭ رەڭگى سارغۇچ بولغاندا پۇتلىرىمغا سۈرتۈشكە باشلىدىم. ئارىدىن 2، 3 ئاي ئۆتۈپ، ئۆزۈممۇ سەزمىگەن ھالدا پۇتۇمنىڭ ئاغرىقىدىن قۇتۇلدۇم دېسە. دوستلارنىڭ سىناپ بېقىشىنى تەۋسىيە قىلىمەن.