ئۆسكىدەك...(ساتىرا)

nazaratqi

	ئۆسكىدەك... . . (ساتىرا) . خۇش بىشارەت:نام-ئەمەل،ئىناۋىتىمئۆسكىدەك، راھەت نېمە مەن ئۈچۈن،ھالاۋىتىم ئۆسكىدەك، يەڭ ئىچىدە تاپاۋەت-دارامىتىم ئۆسكىدەك، يۈكسەكلىكتىن غېمىم يوق،كامالىتىم ئۆسكىدەك! * كۈچۈكلىنىپ «جاڭ»لارغا،يېقىنلىقنى بىلدۈرۈپ، ئېگىلىشتىن ھەتتاكى بەل سۆڭەكنى سۇندۇرۇپ، يەمچۈك تاشلاپ پەم بىلەن، قارمىقىمغا ئىلدۈرۈپ، ئۆتۈپتىمەن نەزەردىن،ساداقىتىم ئۆسكىدەك! * چوڭاملارغا قوش قوللاپ تۇتقۇزغانتىم ھاياننى، كەلگەن چېغى پۇرسىتى ،تولدۇرۇشقا زىياننى، ئەمدى قايرىپ قويمەن، ئىنساپ بىلەن ئىماننى، بانكىلاردا پۈل پۈچەك،ئامانىتىم ئۆسكىدەك! * ئىشلىدىم «باش چۆكۈرۈپ»،ئىلغاپ«ياخشى-يامان»نى، بەزى چاغدا ئايرىماي بۇغداي بىلەن ساماننى، قېچىپ كەلدىم جاپادىن، ئىلغىۋېلىپ ئاساننى، تەلەي ماڭا بېقىپتۇ،شارائىتىم ئۆسكىدەك! * دۈشمەنلىرىم كۆزىدىن ئوت چىقىرىش قەستىدە، مېڭىپ كەتسەم غادىيىپ،كوچىلاردا-رەستىدە، پىچىرلىسا ھەۋەستە: «باشلىق شۇكەن ئەسلىدە»، نام-ئەمەلگە يارىشا، سالاپىتىم ئۆسكىدەك! * ئۇرۇق- تۇققان، قاياشقا نەپ يەتكۈزۈپ خىزمەتتىن، سىغالماسمەن تېرەمگە،خوش-خوشلاردىن،ھۆرمەتتىن، قانائەت يوق دىلىمدا، كۆرگەن شۇنچە ئىززەتتىن، مەن ئويلىغان چىن بەخت-سائادىتىم ئۆسكىدەك! * قۇرۇق گەپكە رايىم يوق،ئىش ئاقمايدۇ ئالدىمدا، چىقسىمۇ گەر پوتلىڭىز«مىش»ئاقمايدۇ ئالدىمدا، ئەمەل ئۈچۈن ئەزىيەت تارتقانلىرىم يادىمدا، پۇل-ئاقچىدىن نېمە غەم، تاپاۋىتىم ئۆسكىدەك! * جاھان بىزگە بىر ئۆتەڭ،بەكمۇ قىممەت ياتىقى، بۇھاياتتىن نە مەنا، قالمىسا نام-ئاتىقى، قېرىشسىڭىز مەن بىلەن،شۇدۇر ئىشنىڭ چاتىقى، تا ئۆلگۈچە ئۇنداققا، ئاداۋىتىم ئۆسكىدەك! * كەلسە ئەگەر تۇشمۇ-تۇش،ھاجەتمەنلەر يېلىنىپ، ئىش-كۈشىگە «غەمخورلۇق»،تىلەپ ماڭا تىۋىنىپ، راۋا بولسا ھاجىتى، نەزەرىمگە ئىلىنىپ، ماڭا ھەمدوست-ئاغىنە، جامائىتىم ئۆسكىدەك! . *********** . «ئۆسەرمىش نام-ئەمەلى»بىراۋ مىش-مىش گەپ دېسە، ھاياجاندا شۇ ئويلار سالدى دىلغا ۋەسۋەسە، بوپقالارمۇ ۋەياكى، ماڭا پۈتمەس دەرد-ئېسە، ئويلانمىسام مالامەت-خىجالىتىم ئۆسكىدەك! * «ئەلنىڭ كۆزى ئەللىك» دەر،دانا ئەجداد بوۋىمىز، ئەمەل تۇتاي ئويلىنىپ،كۈلسۇن ئىللىق ئۇۋىمىز، تېپىۋالاي ھۇشۇمنى،چىقماستىنلا توۋىمىز، ماڭسام تۇيۇق يول تامان، ھالاكىتىم ئۆسكىدەك! . ************ . مەنبە: ئىجادىيەت.

axek13999649893

	ئەمەلدار بولۇپ يۈرگەن چاغلاردا ئەل ئاۋام جاناب دىگۈدەك مەنسەپتىن ئايرىلغان چاغدا يۇرت خەلقى چاناپ يىگۈدەك

قالقان

	ئەمەلدار بولۇپ يۈرگەن چاغلاردا ئەل ئاۋام جاناب دىگۈدەك مەنسەپتىن ئايرىلغان چاغدا يۇرت خەلقى چاناپ يىگۈدەك ئالامەت كەپتىغۇ بۇ شىېرىي ئىنكاس

ئايچىن

	بۇنداق ئۆسكەندىن چۇشۇپ كەتكەن تىنىچ جۇمۇ.... ياخشى ساتىراكەن...

sazguri

	ئاڭلىسام مال باھاسى ئۆسكىدەك ....مائاش جىم تۇرغۇدەك

nazila998

	مەن تىخى يەنە نىمىنىڭ باھاسى ئۆسكەندۇ دەپ ئالدىراپ كىرسەم  ، ئەسلى سىزنڭ خياللىرىڭىز  ئۆسۈپتىكەن ئەمەسمۇ ؟   خىياللىرىڭىز نىمە دىگەن ھەجۋى ،           دۈشمەنلىرىم كۆزىدىن ئوت چىقىرىش قەستىدە،           مېڭىپ كەتسەم غادىيىپ،كوچىلاردا-رەستىدە،             پىچىرلىسا ھەۋەستە: «باشلىق شۇكەن ئەسلىدە»،               نام-ئەمەلگە يارىشا، سالاپىتىم ئۆسكىدەك!       بۇ مىرالىرىڭىزنى ئوقۇپ سىزنى ئاسماندىكى غازنىڭ شورپىسىغا نان چىلاپ يىدىمىكىن دىسەم                                            «ئەلنىڭ كۆزى ئەللىك» دەر،دانا ئەجداد بوۋىمىز،                                   ئەمەل تۇتاي ئويلىنىپ،كۈلسۇن ئىللىق ئۇۋىمىز،                                     تېپىۋالاي ھۇشۇمنى،چىقماستىنلا توۋىمىز،                                    ماڭسام تۇيۇق يول تامان، ھالاكىتىم ئۆسكىدەك!    يەنىلا  ئەقىللىق ئىكەنسىز

musilina

	شېئىرىي تىلى جانلىق،كىنايىلىك كۈچلۈك چىقىپتۇ.... https://uyghur-archive.com/misranim/thread-72637-1-1.html ‹‹ ئۆسكۈدەك››دېگەن شېئىردىن ئىككىسى بولدى ..............

vqkun

	بۇرۇت    كۆچىتى  ساتىمەن  دىگەن  ئەسىرىم    تاقالغان   ئوخشىمامدۇ    توۋا   ..............

asat708

	خەنلەرنىڭ دىنىدا ،   بۇ دۇنيادا جىق پۇل تېپىپ ، ئەمەل تۇتۇپ ( ھىچ بولمىغاندا بىر - ئىككى ئادەمگە باشلىق بولۇپ ) ئۇ دۇنياغا بارمىسا ،  ياماراجا بىلەن رۇلەي : دۆتلىكىڭدىن ئەمەلمۇ تۇتالماپسەن ! دەپ تىللامىش .     شۇڭا بۇلار ئەمەل دەيدىغان بولسا جېنىنى بېرىشكە تەييار .     بۇلارنىڭ ئەمەلنى ، پۇلنى چوڭ بىلىشى ھازىر نۇرغۇن ئۇيغۇرلىرىمىزغىمۇ سىڭىپ كەتتى .     دىيانەتلىك ، غورۇرلۇق بولۇپ ، ئاللاھنىڭ يولىدا مېڭىپ ،  ........   قىلىپ ئۆتكەنگە يەتمەيدۇ جۇمۇ يەنىلا .   ئەمما ساتىرا بەك ياخشى چىقىپتۇ .

natik

	vqkun يوللىغان ۋاقتى  2012-7-12 12:26 AM بۇرۇت    كۆچىتى  ساتىمەن  دىگەن  ئەسىرىم    تاقالغان   ئوخ ... بىرقسىم  ‹‹شىكەرسىمان›› ئەزالارنىڭ دەستىدىن سىزنىڭىكدەك ياخشى تىملار تاقلۋاتدۇ ياكى ئۈچۈرلۋاتدۇ.