11-ئىيۇلدىن باشلاپ ھەر لېتىر بېنزىننىڭ باھاسى 0.26 يۈەن تۆۋەنلەيدۇ

نەۋرۇز

	ئىلگىرى كۆپلىگەن ئورگانلار 11-ئىيۇل دۆلەت ئىچىدىكى تەييار نېفىتنىڭ باھاسى تۆۋەنلىشى مۇمكىن دېدى. تەرەققىيات ئىسلاھات كومىتېتى بۇ خەۋەرنى تۈنجى قېتىم ئېتىراپ قىلدى. تەرەققىيات ئىسلاھات كومىتېتى باھا مەھكىمىسىنىڭ مۇئاۋىن باشلىقى جۇ ۋاڭجۈن مۇنۇلارنى بىلدۈردى: نۆۋەتتىكى ئەھۋالدىن قارىغاندا خەلقئارادا نېفىت باھاسىنىڭ ئۈچ جايدىكى ئۆزگىرىش نىسبىتىنىڭ تۆۋەنلىشى%4 دىن ئېشىپ كەتتى. ھازىرقى تەييار نېفىت باھاسىنى بېكىتىش مېخانىزمى بويىچە بولغاندا 11-ئىيۇل يېڭى بىر نۆۋەتلىك باھانى تەڭشەش پەيتى بولۇپ ھېسابلىنىدۇ. تەرەققىيات ئىسلاھات كومىتېتى مېخانىزم بويىچە دۆلەت ئىچىدىكى تەييار نېفىت باھاسىنى تەڭشەيدۇ. بۇ يېقىنقى يىللاردىن بۇيانقى دۆلەت ئىچىدىكى تەييار نېفىت باھاسىنىڭ تۈنجى نۆۋەت ئۇدا ئۈچ قېتىم تۆۋەنلىتىلىشى. ھازىر يولغا قويۇلۇۋاتقان تەييار نېفىتنىڭ باھاسىنى بېكىتىش مېخانىزمى بويىچە، خەلقئارادا نېفىت باھاسىنىڭ ئۇدا 22 خىزمەت كۈنىدىكى كۆچمە ئۆزگىرىش نىسبىتى %4 گە يەتكەندە دۆلەت ئىچىدىكى تەييار نېفىت باھاسىنى تەڭشەشكە بولىدۇ. جۇ ۋاڭجۈن: بۇ قېتىمقى باھانى تەڭشەش مېخانىزم بويىچە ئېلىپ بېرىلدى، دېدى. ئەمەلىيەتتە ئالدىنقى قېتىمقى دۆلەت ئىچىدىكى نېفىت باھاسى تەڭشەلگەندىن كېيىن، خەلقئارادا نېفىت باھاسى سىجىل تۆۋەنلىدى. كۆپلىگەن تۈركۈملەپ ئىشلەپچىقىرىلىدىغان تاۋارلار ئاپپاراتلىرىنىڭ مەلۇماتىغا قارىغاندا: تەخمىنەن بۇ يىل 6-ئاينىڭ 20- كۈنلىرى خەلقئارادا نېفىت باھاسىنىڭ ئۈچ جايدىكى ئۆزگىرىش نىسبىتىنىڭ تۆۋەنلىشى%4 دىن ئېشىپ كەتكەن، لېكىن 7-ئاينىڭ 11- كۈنى ئاندىن 22 خىزمەت كۈنىدىكى شەرتنى ھازىرلىيالايدىكەن. شۇڭا بازاردا ئومۇميۈزلۈك 11- ئىيۇل دۆلەت ئىچىدە نېفىت باھاسى تۆۋەنلەيدىغان روجەك ئېچىلىدىغانلىقى ئومۇميۈزلۈك مۆلچەرلەندى. مەلۇماتقا قارىغاندا، 6-ئىيۇلغىچە خەلقئارادا نېفىت باھاسىنىڭ ئۈچ جايدىكى ئۆزگىرىش نىسبىتى مەنپىي %8.96 گە يەتكەن. مەزكۇر ئاپپارات بۇ قېتىمقى ماي باھاسىنىڭ ھەر بىر توننىسىنىڭ تۆۋەنلەش نىسبىتى تەخمىنەن 300 يۈەندىن 400 يۈەنگە يېتىپ ، ئالدىنقى قېتىمقى تەڭشەش نىسبىتىدىن تۆۋەن بولغان. مەلۇماتقا قارىغاندا، 11-ئىيۇلدا ئۈچ جايدىكى ئۆزگىرىش نىسبىتى تەخمىنەن مەنپىي %9 بولۇپ، ھەر بىر توننىسىنىڭ تۆۋەنلەش نىسبىتى تەخمىنەن 350 يۈەن بولىشى مۇمكىن. ئومۇمىي جەھەتتىن قارىغاندا، بۇ قېتىمقى نېفىت باھاسىدا بېنزىننىڭ ھەر بىر لىتىرى تەخمىنەن0.26 يۈەن تۆۋەنلەيدىكەن. ئالاقىدار تەھلىلچىلەر مۇنداق دەپ قارىدى: بۇندىن ئىلگىرى دۆلەت ئىچىدە نېفىت باھاسىنى تەڭشەشتە ھۆكۈمەت تۆۋەنلەش نىسبىتىنى كونتۇرۇل قىلغانلىقتىن، بۇ قېتىمقى تۆۋەنلەش نىسبىتى بىر ئاز كىچىكرەك بولىشى مۇمكىن. ئۇندىن باشقا يېقىندا ئېلان قىلىنغان 6-ئايدا ئىستىمالچىلار باھا كۆرسەتكۈچى %2.2 ئۆرلەپ، پۇل پاخاللىق بېسىمى يېنىكلىگەن. نىسبەتەن بىر قەدەر يۇقىرى ماي باھاسى مال باھاسىغا كۆرۈنەرلىك تەسىر كۆرسەتمەيدىكەن. يېقىنقى بىر قېتىملىق ماي باھاسىنى تۆۋەنلىتىش 6-ئاينىڭ 9-كۈنى سائەت نۆلدىن باشلاندى. بېنزىننىڭ تەمىنلەش باھاسىدا توننىسىنىڭ 530 يۈەن، دىزېلنىڭ 510 يۈەن تۆۋەنلىدى. پارچە سېتىش باھاسىدا 90 لىق بېنزىننىڭ بىر لىتىرىنىڭ باھاسى 0.39 يۈەن، نۆللۈك دىزېلنىڭ بىر لىتىرىنىڭ 0.44 يۈەن تۆۋەنلىدى. بۇ يىل 5-ئاينىڭ 10-كۈنى ماي باھاسى تۈنجى قېتىم تۆۋەنلەپ، بېنزىننىڭ بىر توننىسى 330 يۈەن، دىزېلنىڭ بىر توننىسى 310 يۈەن تۆۋەنلىدى. بۇنى لېتىر بويىچە ھېسابلىغاندا، بېنزىننىڭ بىر لىتىرى 0.24 يۈەن ، دىزېلنىڭ بىر لىتىرى 0.26 يۈەن تۆۋەنلىدى. بۇندىن ئىلگىرى بازاردا ئومۇميۈزلۈك خەلقئارادا نېفىت باھاسىنىڭ بەك يۇقىرى بولۇشى يېڭى بېكىتىلمە باھا مېخانىزمىنى يولغا قويۇشقا ئۇيغۇن كەلمەيدۇ دەپ، قارالغانلىقتىن، نېفىت باھاسىنىڭ ئۇدا ئۈچ قېتىم تۆۋەنلىشى بازارنى بېكىتىلمە باھا مېخانىزمىنى يولغا قويۇشقا ئۈمىدلەندۈردى. جۇۋاڭجۈن مۇنداق دېدى: نۆۋەتتە 22 خىزمەت كۈنىدىكى كۆچمە ئۆزگىرىش نىسبىتى %4 گە يىتىش ھەرىكەت مېخانىزمى يەنىلا مۇۋەپپەقىيەتلىك بولغان بولسىمۇ، لېكىن بېكىتىلمە باھا دەۋرىنى قىسقارتىش، %4 لىك ئۆزگىرىش نىسبىتىنى ئازايتىش قاتارلىقلارنى داۋاملىق مۇكەممەللەشتۈرگىلى بولىدۇ. بىراق پىشىپ يېتىلىش مەزگىلىنى تاللاشقا توغرا كېلىدۇ. مۇبادا خەلقئارادا نېفىت باھاسى بەك يۇقىرى بولسا بۇنى يولغا قويۇشقا مۇۋاپىق كەلمەيدۇ. شۇنىڭ بىلەن بىر ۋاقىتتا خەلقئارادا نېفىت باھاسى بەك تۆۋەن بولۇپ، دۆلەت ئىچىدىكى نېفىت كارخانىلىرىنىڭ ئېچىش تەننەرقىدىن تۆۋەن بولسىمۇ بۇنى يولغا قويۇشقا مۇۋاپىق كەلمەيدۇ. شۇڭا مۇۋاپىق پەيتنى تاللاش كېرەك. تەھلىلچىلەر مۇنداق دەپ قارىدى: بېكىتىلمە باھا مېخانىزمىنى مۇكەممەللەشتۈرۈشنىڭ مۇھىم بەلگىسى باھانى تەڭشەش دەۋرىنى قىسقارتىش. ئالايلۇق ، خەلقئارادا نېفىت باھاسى بەك يۇقىرى بولۇپ كەتكەندە دۆلەت ئىچىدىكى تەييار نېفىت باھاسىنى تەڭشەشتىن دېرەك بېرىدىغان تەدبىرنى تىز يولغا قويۇشقا بولىدۇ. دۆلەت ئىچىدە نېفىت باھاسى ئۆرلەيدىغان بولسا، ھۆكۈمەت ئاممىنىڭ قوبۇل قىلىشچانلىقىنى ئويلىشىدۇ.شۇنىڭ بىلەن بىر ۋاقىتتا خەلقئارادا نېفىت باھاسى بەك تۆۋەنلىگەن ۋاقىتتا خەلقئارا بىلەن جىپسىلاشقاندا، دۆلەت ئىچىدىكى نېفىت باھاسى نېفىت شىركەتلىرىنىڭ تەننەرقىنى ئەكس ئەتتۈرمىگەنلىكىدىن دېرەك بېرىدۇ.بۇنىڭ بىلەن نېفىت شىركەتلىرىنىڭ مەنپەئىتىنى زىياندىن ساقلاش قىيىنغا توختايدۇ. مەنبەسى جۇڭگو ئۇيغۇرچە رادىئو تورى

sazguri

	زىمىنلىرى باي ئادەملىرى خار ..... پۈتۈن جۇڭگۇ بۇيىنچە نىغىت مىقتىدارى ئەڭ كۆپ يەر شىنجاڭدا ماي باھاسىنىڭ قىممەتلىكى 2-3ئورۇننىڭ بىرسىدە تۇردۇ ،،،،...

KURAX.JAN

	مەندەك ماي بىلەنلا تىجارەت قىلىدىغانلارغا ، خوش خەۋەركەن بۇ

XERHAN

	sazguri يوللىغان ۋاقتى  2012-7-11 12:01 AM زىمىنلىرى باي ئادەملىرى خار ..... تۇربا بىلەن زاۋۇتقا ئاققۇزۇپ ، ئاندىن ماشىنا بىلەن جاي جايلاردىكى ماي قاچىلاش پونكىتلىرىغا ئەكىلىپ تۆكۈپ بىرىدۇ ئەمەسمۇ ... شۇڭا ، ماشىننىڭ كەتكەن گۇڭى بىلەن ماي پۇلىسىنى چاپلاپ ئاندىن سېتىشى مومكىن .

ئالماس

	بىزنىڭ  بۇ يەردىكى قېرىنداشلىرىمىز ھەقسز ئىشلەتسىمۇ بۇ خەقنىڭ قورسىقى ئاغرىمىسا توغرا بولدۇ.

oygan0

	مىسرانىم ھەقىقەتەن سۈرەت بۇلۇپ كېتىپتۇ جۇمۇ ، بۇ خەۋەرنى مەن ئاباي كۆرگەن تېخى ....

turmux.net

	ئاران بىر تۆۋەنلەپتۇ-دە، ئۆرلىۋالسا ھېچ چۈشكۈسى كەلمەيدىغان ئەسلى ...

awyamatka

	خەلقارا دا نېفىت بىر ھەسسە ئۆسسە بىزنىڭ بۇيەردە ئىككى ھەسسە ئۆسىدۇ.لكىن باھا چۈشىدىغان ۋاقىتتا بىزنىڭ بۇ يەردە ئالبىنى يەيدىغانغا باھانە كۆپ.

نۇربىيە

	ئەجەپ ياخشى بوپتۇ ؟