مۇئەللىم بىز (ساتىرا)

dulatjan

	مۇئەللىم  بىز  (ساتىرا)             نۇرمۇھەممەت  قاراساي   ئەل ئىچىدە يالغان گەپ ،ساتمايدىغان مۇئەللىم بىز ،   ھە دىسىلا قۇرۇق پو ،ئاتمايدىغان مۇئەللىم بىز .   ئەۋلات ئۇچۇن ئىزدىنىپ ،ياتمايدىغان مۇئەللىم بىز ،   زەر ھالالغا ھارامنى ،چاتمايدىغان مۇئەللىم بىز ،   ھەر سەھەردە مەكتەپكە ،قاتنايدىغان مۇئەللىم بىز .   مەرىپەتكە بۇپ شەيدا ،جاھالەتتە يوق پايدا ،   بۇ''قوش تىللىق ''مائارىپ ،ئەۋىج ئالدى جاي -جايدا.   تۇنىمىساق نە قىسمەت ئالتۇن ياتسىمۇ سايدا،   خاراپ بولسا مائارىپ ،ئەۋلات قايدا بىز قايدا ،   ئۆگەنگەنچە بىلىمنى ،ھارمايدىغان مۇئەللىم بىز .   تەكشۇرۇشلەر كەپ تۇرار ،سەپ بۇلۇشۇپ رەتمۇ -رەت ،   تەييارلىقلار ئۈستىگە، بېسىپ تۇرار كۈندە خەت ،   ھەقىقەتنى سۆزلىسەك .كۆرىنىمىز كۈزگە سەت .   بۇدۇنيادا يامانكەن ،دەرت ئۇستىگە ياغسا دەرت ،   گۇناھلارنى باشقىغا ،ئارتمايدىغان مۇئەللىم بىز .   بىلىنىدۇ ئارمانىم، قېپ قالغاندەك يىراقتا ،   مۇھەببىتىم ،سىردىشىم ،ساقلىغاندەك قىرغاقتا ،   ئوتقا چۆشكەن قىل كەبى ،يۆرەكلىرىم پىراقتا،   نىمىشقىكىن قەلبىمنى، بىر ۋەھىمە تىلماقتا ،   مۇھەببەتتە ،خىزمەتتە ،چانمايدىغان مۇئەللىم بىز .   شۇئارىمىز بۇپ قالدى، بىر گە چىقماس گىپىمىز ،   بور -تۇزاندە ھامىنى، بىر كۈن ئۇلۇپ كىتىمىز،   چارچىساقمۇ ھارساقمۇ، مۇئەللىم بىزنىڭ ئېتىمىز ،   بەزى يالغۇز ئولتۇرۇپ ،ئاچچىق ھەسرەت چىكىمىز ،   مەنزىلىدىن ئارقىغا ،يانمايدىغان مۇئەللىم بىز .   كىملەر قويغان بىلمەيمىز، بىزگە مۇئەللىم بۇلۇشنى ،   ھېيت - بايرامدا تەتىلدە ،جىبەرلىكتە قۇنۇشنى ،   كۈندە ئىشلەپ بىلمەيمىز ،پۇت-قولنىمۇ سۇنۇشنى .   ئىسپىراپكا ئېپ بىرەي، تېپىپ بىرەر تۇنۇشنى ،   دەپ سۆرەن سەپ ،مەكتەپكە پاتمايدىغان مۇئەللىم بىز .   تەييارلىقنى تەق قىلساق، قاراپ تۇرار تاپشۇرۇق ،   تاشلىنىدۇ ئوقۇتۇش ،كۈندە يېڭى بىر بۇيرۇق .   تازىلىق قىل دەپ شۇئان ،يىڭىلىنار يول -يۇرۇق ،   شۇسەۋەپتىن ھەممىمىز ،چاپان شالدەك بەك ئۇرۇق ،   ساپان تارتقان كالىدەك ،ھارمايدىغان مۇئەللىم بىز

ئىمكان

	پاھ پاھ پاھ ... پاساھەتلىك شىئېركەن. لىكىن بۇ شىئېرنى بەزى جايلارغا سۆرەپ چىققىلى بولمىغۇدەك، چوڭئاملىرىڭىز كۆرۈپ قالسا يەۋاتقان نېنىڭىز يوق بولغىدەك، بىر كۈلىۋالدىم رەھمەت

asat708

	ئۆيدىكى تۆت مەلىمگە ئوقۇپ بىرەي مانى .       كېلىن بىلەن بەشكەن راسىت .    جاپا چەكتىڭلا باغۋەنلەر .

!UYGHURJAN

	asat708 يوللىغان ۋاقتى  2012-7-10 05:33 PM ئۆيدىكى تۆت مەلىمگە ئوقۇپ بىرەي مانى .       كېلىن بىلەن ب ... سىلىنىڭ ئۆيگە جاپاكەشلەر يىغىلىپتۇ ھە ! ئەمما ماۋۇ ساتىرامۇ قالتىس ياخشى چىقىپتۇ .

qog

	ھەجەپ ياخشى شىئەركەن.ئاشۇنداق مۇئەللىملەنىڭ كۆپلەپ چىقىشىغا تىلەكداشمەن

gittarmahiri

	مائىنكاسچىلارغا نىمبولغاندۇ دەيمەندە،ساتىرا دەپ ئېنىق چۈشەنچە بەرسە توۋا.......... نىمدەپ جۆيلىۋاتىدۇ ما ئەدەملە...........

yawaat0998

	بۇگۈن يېزىغا خىزمەت تەكشۈرگىنى بارغان. بىر مەكتەپكە كىرسەك، «ھازىر مۇئەللىملەر ئىككى گورۇپپىغا بۆلۈنۈپ دىجۇرنىلىك قىلىۋاتىمىز، يەنى ھەر ئىككى كۈندە بىر كۈن دىجۇرنىلىك قىلىۋاتىمىز. قاچانمۇ مەكتەپلەر ئىككى ئېرى بار يۈزى قېلىن خوتۇندەك بوپ قېلىشتىن قۇتۇلا؟ » دەپ دادلاپ كەتتى. ئەسلى ناھىيىمىزنىڭ تەلىپى بويىچە دىجۇرنى خادىملار 6 دىن كەم بولماسلىق ئىدى. ئىدارىنىڭ تەلىپىمۇ ناھىيەنىڭ بىلەن ئوخشاش. ئەمما، يېزىنىڭ ئورۇنلاشتۇرۇشى بىلەن، 40 نەچچە ئەر ئوقۇتقۇچى ئىككى گورۇپپىغا بۆلۈنۈپ دىجۇرنىلىك قىلىۋىتىپتۇ. يەنە بىر يېزىغا بارساق ئوقۇتقۇچىلار يېزىنىڭ ئورۇنلاشتۇرۇشى بىلەن 2 كۈندىن بېرى نوپۇس ئېنىقلىغىنى تۇرۇپتۇ. ئەگەر ۋەزىپىنى تاماملاپ بولسا ئەتىدىن باشلاپ نۇرمال تەتىل باشلىسا بولىدىكەن، ئۇنداق بولمىسا داۋاملىق ۋەزىپىسىنى تاماملايدىكەن. بىزنى يەنە بىر يېزىغا يەتكۈزۈپ قويۇش ئۈچۈن ماشىنىسىبار بىر ئوقۇتقۇچى چاقىرتىلىپ كەلدى، ئۇنىڭ دېيىشىچە يېزىنىڭ ئورۇنلاشتۇرۇشى بىلەن، يەنە بىر ئوقۇتقۇچى بىلەن بىللە 3 كۈندىن بېرى تەشۋىق ۋاراقلىرىنى ھەر بىر كەنتنىڭ ھويلىسىدىكى تەشۋىقات دوسكىسىغا چاپلا ۋېتىپتۇ. كۆرۈڭ، كەنتنىڭ كادىرلىرى نېمىش قىلىدۇ؟ نېمىش قىلالايدۇ؟ .................. ئىچىم ئاچچىققا تولدى. ئىدارىدىن چۈشۈرگەن ۋەزىپىنى تاماملىيالماسلىقىغا كۆزۈم يەتتىدە، بۇ مەكتەپنىڭ خىزمىتىنى تەكشۈرۈشتىن ۋاز كېچىپ مەكتەپ مۇدىرىغا: ئىدارە تاپشۇرغان ۋەزىپىنى جۈمە كۈنى مەكتەپكە يىغىلغاندا ئورۇنلاڭلار، ئىدارىنىڭ ئورۇنلاشتۇرۇشى بويىچە ئەتىدىن باشلاپ تەتىل قىلىۋەرسەڭلا بولىدۇ، ئەمما، باشقىلار سوراپ قالسا، خىزمەتلىرىمىزنى تەكشۈرۈپ كەتتى دەپ قويۇڭلار دەپ، باشقا يېزىغا يول ئالدىم................. يېزا مەكتەپلىرى، ئەگەر خىزمەتنى ياخشى ئىشلىسە، ئۇ، يېزىنىڭ تۆھپىسى بولىدىكەن، ئەگەر مەسىلە چىقىپ قالسا، مائارىپ ئىدارىسىنىڭ ئىشى بوپ قالىدىكەن.................. جاپاكەش باغۋەنلەر، باغنىڭ ئىشىنى ياخشى قىلىشقا ۋاقىت، زېھىن يېتىشمەي، باغنىڭ مېۋىلىرىگە قۇرت چۈشمىسىلا بولاتتىغۇ.

zunnurayn

	تەكشۇرۇشلەر كەپ تۇرار ،سەپ بۇلۇشۇپ رەتمۇ -رەت ،   تەييارلىقلار ئۈستىگە، بېسىپ تۇرار كۈندە خەت ،   ھەقىقەتنى سۆزلىسەك .كۆرىنىمىز كۈزگە سەت .   بۇدۇنيادا يامانكەن ،دەرت ئۇستىگە ياغسا دەرت ،   گۇناھلارنى باشقىغا ،ئارتمايدىغان مۇئەللىم بىز .     بۇ مىسرا ماڭا بەك يارىدى

hekmat110

	يالغاننى راست سەپ يازمىساڭ تېىخى، پىلان دەپ ئاقماس گەپلەرنى يازمىساڭ تېىخى ، بەگزادە خىنىملارنىڭ رايىغا باقمىساڭ تېىخى ، دۇنيادا ھەممىدىن مۇئەللىم بولماق تەس.

anka1314

	yawaat0998 يوللىغان ۋاقتى  2012-7-10 08:24 PM بۇگۈن يېزىغا خىزمەت تەكشۈرگىنى بارغان. بىر مەكتەپكە كى ... ئۇنداق ئۆز بېشىمچىلىق بىلەن .ئىش كۆرىدىغانلارنى جازالاش كىرەققۇ ھە ؟