ئۇنۋان باھالاشتىكى يېڭى سىياسەتلەر چىقىپتۇ

ihtiram

	شىنجاڭنىڭ ئۇنۋان ئىسلاھاتى تۈزۈلمىسىنى چوڭقۇرلاشتۇرۇش بويىچە ئاخبارات ئېلان قىلىش يىغىنىدا ياخشى سىياسەت چىقىرىلدى. بۇنىڭدىن كېيىن، شىنجاڭنىڭ ئاساسىي قاتلاملىرىدا خىزمەت قىلىدىغان كەسپىي تېخنىكا خادىملىرى ئۇنۋان ئىلتىماس قىلغاندا ئوقۇش تارىخى، ئېلان قىلىنغان ئىلمىي ماقالە، چەتئەل تىلى دەرىجىسى قاتارلىق چەكلىمىلەرگە ئۇچرىمايدىكەن. مىللىي تېببىي دورىگەرلىكى، دېكتورلۇق قاتارلىق 16 كەسىپ بويىچە چەتئەل تىلى ئىمتىھانى ئېلىنمايدىكەن. ئۇنۋان باھالاشتا، ئوتتۇرا تېخنىكوم مەلۇماتىغا ئىگىلەرمۇ ئالىي دەرىجىلىك كەسپىي تېخنىكا ئۇنۋانىنى ئىلتىماس قىلسا بولىدىكەن؛ ئالىي دەرىجىلىك كەسپىي تېخنىكا ئۇنۋانىغا ئىلتىماس قىلىدىغان يىل چەكلىمىسىمۇ ئەسلىدىكى بەلگىلىمە ئاساسىدا 2-3 يىلغىچە قىسقارتىلىدىكەن؛ يېزا-بازاردا كەسپىي تېخنىكا خىزمىتى بىلەن شۇغۇللىنىپ 3 يىلغا توشقان تولۇق كۇرۇس مەلۇماتىغا ئىگە بولغانلارغا، مۇناسىپ كەلگەن ئوتتۇرا دەرىجىلىك ئۇنۋان بېرىلىدىكەن. شۇنىڭ بىلەن بىرگە، كومپيوتېر ئىمتىھانى لاياقەتلىك ئۆلچىمى تەڭشىلىپ، ئەمەلىي مەشغۇلات ئىقتىدارى ۋە ئەمەلىيەتچانلىقىغا ئېتىبار بېرىلىدىكەن، ئەسلىدىكى چوقۇم ئىمتىھان بېرىلىدىغان 4 پەندىن ئۆز ئالدىغان 2 پەن تاللاپ ئىمتىھان بېرىشقا ئۆزگەرتىلىدىكەن. ھەمدە يىللىق باھالاشتا مۇنەۋۋەر بولغانلار ۋە كەسپىي نەتىجىسى، شۇنداقلا ناھىيە دەرىجىلىكتىن يۇقىرى مۇكاپاتقا ئېرىشكەن تۈرلەر كەسپىي نەتىجىسىنىڭ مۇھىم ئامىلىغا كىرگۈزۈلۈپ، ئۇنۋان باھالاشقا قاتناشتۇرۇلىدىكەن. ئىلمىي ماقالە ئېلان قىلىشنى ئاساسىي قاتلامدىكى ئۇنۋان باھالاشنىڭ قاتتىق شەرتى قىلىنماي، شۇ كىشىنىڭ ئىلىم سەۋىيەسىنى ئەكىس ئەتتۈرىدىغان ۋەكىللىك ئەسەر، ئەمەلىي خىزمەت جەريانىدا يەكۈنلىگەن تەجرىبە، تەسىراتلار، ئەمەلىي مەسىلىنى ھەل قىلىشتىكى نەتىجىلىرى ئىلمىي ماقالە، ئەسەر قاتارىدا قارىلىدىكەن. ئەمەلىي خىزمىتى چەتئەل تىلى، كومپيوتېر بىلەن زىچ مۇناسىۋەتلىك بولغان كەسىپلەرگە بىر قەدەر يۇقىرى ئۆلچەم تەلەپ يولغا قويۇلىدىكەن؛ مۇناسىۋىتى ئانچە زىچ بولمىغان كەسىپلەرگە قارىتا، ئۆلچەم، تەلەپلەر مۇۋاپىق تەڭشىلىدىكەن؛ ئەمەلىي خىزمىتى چەتئەل تىلى، كومپيوتېر بىلەن مۇناسىۋەتسىز كەسىپلەرگە قارىتا ئۇنىۋان باھالاشنىڭ قاتتىق ئۆلچىمى قىلىنمايدىكەن؛ كېلىنكىلىك جۇڭيى تېببىي دورىگەرلىكى، مىللىي تېببىي دورىگەرلىكى، ھۈنەر-سەنئەت، گۈزەل-سەنئەت، قەدىمكى ئەسەرلەرنى رەتلەش، تارىخى ئارخېئولوگىيە، بوغالتېر، سىتاتسىتىكا، ئىقتىساد، ئىقتىسادىي تەپتىش، تەنتەربىيە تېرىنېرى، دېكتور، ئاممىۋى مەدەنىيەت، سەنئەت، يېزا ئىگىلىك، چارۋىچىلىق، ئەدەبىي ئىجادىيەت قاتارلىق 16 كەسىپ بويىچە ناھىيەدىن تۆۋەن ئورۇنلاردىكى ئاساسىي قاتلام ئىختىساسلىقلىرى چەتئەل تىلى، كومپيوتېر ئىمتىھانىغا كەچۈرۈم قىلىش دائىرىسىگە كىرگۈزۈلىدىكەن. مەنبە: جۇڭگو ياشلار گېزىتىنىڭ 9-ئىيۇل سانى

زاغرا

	پەقەت چۈشەنمىدىم تىمىسىنى باھاش  دىگەن  نىمە؟  بىرەر يەر جاينىڭ ئىسمى ئەمەستۇ؟

sazguri

	ماۋۇ بىزلەگە  mhkدەيدىغانى نىمىشقا قويۋالدۇ دەيمەن ..... ئەدەبىيات كەسپىدە ئوقۇغانلارمۇ شۇنىڭدىن ئۆتمىسە دىپلۇم يوق

MY_Dreām

	ئەينى ۋاقىتتا بىزمۇ بايىنغۇلىن پىداگوگىكا مەكتىۋىنى پۈتتۈرۈشكە بىر مەۋسۈم قالغاندا مۇشۇ ‹خەنزۇتىلى سەۋىيە سىناش ئىمتاھانى › دىن ئۆتمىسە دىېپلۇم بىرىلمەيدۇ دىگەن تەتۈر تەشۋىقات چىقىپ تاس قالغان نۇرغۇن جاپەكەش ، تىرىشچان ، ئەلىيۇل - ئەلەلار دىپلۇم ئالالمىغىلى . مەنمۇ ئاران 6 دىن ئۈتۈپتىكەنمەن . ھازىر بولسا 8 دىن ئىشىپ كەتتۇق بەزى ساۋاقداشلار ئۈتەلمەي ھەقىقەتەن دىپلومنى يېرىم يىل كىيىن قايتا بىرىپ ئالغان . ئويلىسام مۇشۇ تىل ئۆتكەلمۇ بەزى ۋاقىتلاردا ئادەمگە زور بېسىم بۇلۇپ قالىدىكەن دىسە ، چەتئەل مائارىپىدا تىل ئۆتكىلى يوقمىش ، تىلدىن ئىمتىھان ئالمايدىكەن . پەقەت مۇشۇ رايۇندىلا بار دىسە............

quxtikiakku

	بۇ سىياسەتقۇ خىلى ياخشىكەن. مەن بىر تىببى خادىم بۇ يىل ئالى ئۇنۋان ئالماقچى ئىدىم. ھەرھالدا ئۇمۇت باردەك قىلىدۇ.

rinatcn

	بۇنداقلاردىن بەزىلەر نەپ ئالىدۇ لىكىن يەنە بەزىلىمىزنىڭ بوينىغا تاقاق سىلىپ قويدۇ ، چۇنكى ھەر يەر ئۆز بىلگىننى قىلىدۇ ئەمەسمۇ ...

ئىمكان

	ياشىسۇن جوڭخۇا، يا ئاللا. ئەمدى بىر ئىشنى ئەمىلىيەتچىلرەك قىلىدىغان ئوخشايدۇ بۇلار، ھەي مەن يازمىچە دوكىلات، يازمىچە پىلان خۇلاسە دىگەنلەردىن بەكلا زىرىكتىم. تەكشۈرۈپ كەلسە كۆرىدىغىنى ئەمىلى خىزمەت بولماستىن بەلكى ئارخىپ قېپىدىكى قەغەز. يالغان ئىشتىن بىرسى ئازايسا بىرگە ھىساپ.

xatuti

	بۇ ئىشقا نىمە دىسەم بولار ...كۆپچىلىك بىلەن ئوخشاش خوشال بولسام بولاتتى ئەسلى،نۇرغۇن ئىشلاردا شەرتنى تۆۋەنلەتكەننىڭ مۇشۇلارغا بەكرەك پايدىسى بار،بىزلەرنىڭ ئوقۇش تارىخىمىز يۇقىرى نۇرغۇن شەرتلەرگە چۈشىۋېرىمىز. ماۋۇلارنىڭ چاتاق ، ئاددىسى بىزنىڭ شىركەتنى ئېلىپ ئېيتسام:ئوقۇش پۈتتۈرۈش دېپلوم ، ئۇنۋان قاتارلىق كېنىشكىلەر شۇ بىزنىڭ باللارنىڭ راسكەن....بىزلەرنىڭ كېنىشكىنى قورقماي ئىشلىتىدۇ . ئۆزلىرىنىڭكى تولىسى يالغان،شىركەتتە ئىشلەتكەن بىلەن كادىرلار ئىدارىسى ياكى ئاپتونوم رايونغا قورقماي ئېلىپ چىقىپ تەكشۈرتەلمەيدۇ. شۇڭا نۇرغۇن شەرتلەرنى تۆۋەنلىتىش ئارقىلىق بۇ مەسىلنى ھەل قىلىش مەقسىدىگە يېتىش............مېنىڭچە ھەممە ئىشنىڭ سەۋەبى ھەم مەقسىدى بار... لېكىن شۇ باھانىدا بىزنىڭمۇ  بەزى ئىشلىرىمىز  ھەل بولۇپ قېلىشى مۈمكىن..... شۈكرى  ئاللا  ....!

篮球美女

	ئاۋال بىر ئەمەلىلەشسۇنچۇ ، ئاندىن بىر نىمە دەيلى ~ مۇشۇ قايسى ئىدارىگە بارسا ، ئۇنۋاننى ئالدىكەن يۇ ، خىزمەتنى تۈزۈك ئېشلىمەيدىكەن . بۇغۇ ھەممسى دىگەنلىكىم ئەمەس . لېكىن بىر قىسىملا ئارقا ئىشىك بىلەن شۇنداق ئېلۋىلىپ تېخى خىزمەت ئىپادىسى پەقەت ياخشى ئەمەس .

篮球美女

	ئاۋال بىر ئەمەلىلەشسۇنچۇ ، ئاندىن بىر نىمە دەيلى ~ مۇشۇ قايسى ئىدارىگە بارسا ، ئۇنۋاننى ئالدىكەن يۇ ، خىزمەتنى تۈزۈك ئېشلىمەيدىكەن . بۇغۇ ھەممسى دىگەنلىكىم ئەمەس . لېكىن بىر قىسىملا ئارقا ئىشىك بىلەن شۇنداق ئېلۋىلىپ تېخى خىزمەت ئىپادىسى پەقەت ياخشى ئەمەس . ئۇنۋان دىگەننى يوق قىلىسمۇ بولىدۇ جۇما . ئەسلىدە ئۇنۋان دىگەن خىزمەتتە ناھايتى كۆزگە كۆرنىپ ئېشلەۋاتقان ، مەلۇم دەرىجىدە تۆھپىسى بارلارغا بىرىشقا تىگىشلىك ئىدى . بېراق ھازىر نەگە قارىسا شۇ پۇلنىڭ كۈچى بىلەن ئىلىۋالغان ، لېىكىن نەدە بىر ئىقتىدارسزلار ئىلىۋالغان ...................