ئايەمدىكى سېغىنىش

topaq

	ئەسالامۇ ئەلەيكۇم مىسىرانىم مۇنبىردىكى دوستلار ياخشىمۇ سىلەر. تۇرمۇش ھەلەكچىلىكى ۋە خىزمەت ئالدىراشلىقى بىلەن خېلىدىن بېرى كۆرۈشەلمەي يۈرگەن دوسلىرىم بۈگۈن ھېيت پەتىسى قىلىپ ئۆيۈمگە يىغىلدى، ئايەم شادلىقىغا شادلىق قوشۇلۇپ دىلىم سۆيۈندى. قۇلۇمدىن كېلىشىچە داستىخان راسلىدىم. دوستۇم رازىيە مەن بۇرۇن ئىسمى زاتىنىمۇ  ئانچە بىلىپ كەتمەيدىغان غىلىتىرەك ياسىنىۋالغان ئوتتۇز ياشلاردىكى بىر چوكانى باشلغاچ كەپتۇ. ئۇ چوكان بىلەنمۇ مەڭزىمىزنى يېقىشىپ سالاملاشتۇق چاي تارتىلغاندىن كېيىن مېھمانلار ھېيتلىق  تاتلىق -تۇرۇملارغا ئېغىز تېگىشتى .بىر چاغدا قارسام ھېلىقى چوكانىڭ ھالى باشقىچە ،دەمدەك چەكتۈرۈۋەلغان قاشلىرىنى سۈزۈپ ،قان رەڭگىدە بويىۋالغان لەۋلىرىنى پۈرۈشتۈرۈپ داستىخانغا قىيپاش بولۇۋاپتۇ. ئوڭايسىزلانغان رابىيە ئۇنى داستىخانغا تەكلىپ قىلدى. ئالە ئاداش ، ھېيىلىق مەزەلەردىن ئالغاچ ئولتۇر. تولا زورلىمىغىنا دېدى ئۇ چوكان قاپاقلىرىنى تېخىمۇ سۈزۈپ ،- بىز قاچانغىچە مۇشۇ ساڭزا دېگەن بىرنېمىنى ئاخۇنۇمنىڭ سەللىسىدەك ئۈستى -ئۈستگە يۆگەپ ئوتتۇرىغا پوتەيدەك تىكلىۋېلىپ خۇددى ئات قوناق يېگەندەك كاراسلىتىپ يەپ يۈرەرمىز؟ چەت ئەللىكلەر بۇنداق كۇنلەردە تورت ، كولباسالارنى يالتىراپ تۇرغان ۋىلكىلارغا چىرايلىق سانجىپ، ئاغزىنى بىزدەك ماچىلداتماي شۇنداق سىيايىلىك بىلەن ئېچىپ يېيىشىدىكەن ۋىسىكى ، براندىلارنى گۈزەل گاللىرىدىن سۈزۈپ ئىچىشىدىكەن . ئەجەپ زىرىكتىم بۇ يەردىن ،ۋەيگو دېگەن نېمانچە ياخشىدۇ.ھازىر مېنى ئېلىپ بىر بوۋاي بولسىمۇ داۋاي دەپلا ماڭاتتىم . ئىسىت  مۇشۇمۇ كۇنمۇ ؟ قۇدۇقتىكى پاقىدەك ياشاپ . ئاداش ئالجىپ قالمىغانسەن،-دېدى رازىيە ئەلەمدىن قىزىرىپ،-ۋەيگو،پەيگو دېگنلىرىڭ نېمە ئۇ؟ -پەيگو ئەمەس ،ۋەيگو ،دېگەن چەت ئەل دېگەن گەپ ،چەت ئەل شۇنمۇ بىلمىساڭ بىچارە،-ئۇ چوكان شۇنداق دېدى-دە قاچانلاردىدۇ ئاغزىغا سېلىۋالغان سېغىزىنى خۇددى ھارۋىكەش قامچا سوققاندەك قاسىداتقىىلى تۇردى. ھەممىمىز بىر ھازا جىم بۇلۇشۇپ كەتتۇق،كەيپىياتىمىزنى بۇزغان ھېلىقى چوكانغا يەر ئاستىدىن قاردىم،ئۇ بىر-بىردىن يۇقىرى ئاۋازدا ھەدەپ ئاغزىنى قاسىلدىتىۋاتاتتى. -ھېيت پەتىسىگە كىلىپ ،ئۆلۇم پەتىسىگە كەلگەندەك ئولتۇرامدۇق،-دېدى يەنە رازىيە چىدىماي ،-ئۇزۇن بولدى كۆرۈشەلمىدۇق ،سېغىنىشتۇق .بىردەم ھال-مۇڭ قىلىشىپ ئولتۇرايلى.قېنى ساباھەت ،ساھىبخاناۈولغاندىكىن گەپنى ئاۋۋال ئۆزۈڭ باشلا ماقۇل .-دىدىم مەنمۇ بىر ئۇلۇغ -كىچىك تىنىۋېلىپ  پىيالىلەرگە چاي لىقلىغاچ -بىزغۇ ھەپتە ، ئايدا بىر كۆرشسەكمۇ يەنىلا بىر ۋەتەندە ،بىر شەھەردە ياشايمىز چىمەنگۇل بىردىن ،ۋەتەندىن ئايرىلىپ چەت ئەلدە ياشاۋاتىدۇ.شۇ دوستىمىزدىن تۇنۇگۇن بىر پارچە خەت كەلدى.خېتىدە ھەممىمزگە يىغلاپتۇرۇپ سالام ئېتىپتۇ. ئۇ خەتنى ئوقۇۋېت مېنىڭمۇ كۆڭلۇم بۇلۇزلدى. خېنىم ئاداش ،ئاۋچال شۇ خەتنى ئوقۇپ بەر -دېد  شەمسىيە يۇزلىرى لاۋۇلداپ يانغال ھادا. موقول -دېدىم -دە خەتنى ئوقۇشقا باشلىدىم <<ئەسالامۇ ئالايكۇم ،دوستۇم ساباھات ،ئايىمىڭگە مۇبارەك بولسۇن شۇ تاپتا سەن ۋەتەندە ،ئانا تۇپىراقتا ،ئايەم شادلىقىغا چۆمۇپ ئۇرۇق-تۇقان،يارۇ بۇردەرلەر بىلەن جەم بولغانسەن؟ جېنىم دوستۇم مانا مەن ئۆزۈمنىڭ كاتدا داچىسىدا ،ياساندۇق سارايدا ،نەپىس كەشتىلىك ئاپئاپ داستىخانلار سېلىنغان ئۈستەلدىكى فرانسىيىنىڭ خرۇستاللىغا ھەر خىل مۇراببا ،تورت ،قېزا سېرمقمايلاردىن تارتىپ ئېسىل ۋىسكىلارغىچە تىزىۋېتلگەن نازۇنىمەتلەر ئادىدا ئېرىمنىڭ  پوزۇر ياسانغان دوستلىرنىڭ ئېسىلزادە خانىملىرى خرۇستال رومكىلارنى بىر-بىرگە ئۇرۇشۇپ ھېتبى تەبرىكلەۋاتقان بولساممۇ،قەۋەت-قەۋەت ساڭزا ،پوشكال ياغلىق قوناق ،ياڭاق بادام،ئالما،ئانار تىزلغان يۇرتىمىزنىڭ ھېيتلىق داستىخىنى بۇرنۇمغا پۇراپ كەتتى،خۇددى ئانامنىڭ ھىدىدىك پۇراپ كەتتى. ئايەم كۇنلىرى ئېگىز پەشتاقلاردا ياڭريدىغان ناغرا -سۇنايلارغا تەڭكەش بۇلۇپ ،ساماغا چۈشىدىغان ئوت يۈرەك ئۇيغۇرلىرىمنى ھىجران ئازابىدا لەختە-لەختە قانغا تولغان يۈرىكىمدە سېغىندىم. سېكىلەك چاچلىرىنى تال-تال ئۆرۈۋېلىپ ھېيتقا ئاتاپ تىكتۈرگەن يارشىملىق ئەتلەسس كۆڭلەكلىرنى كىيىشىپ كوچىغا چىقىدىغان پەردازسىز تەبئىي گۈزەل قىزلارنى ،رەڭمۇرەڭ بويالغان تۇخۇملىرنى چىشلىرىغا ئۇرۇشۇپ <تۇتە ھەا،بۇدا سەن تۇت> دېيىشىپ تۇخۇم چېكىشىدىغان مەردانە سەھرا يىگىتلىرىنى سېغىندىم. مانا،ئالدىمدا فرانسىيەنىڭ ئاتاشقا ئادەمنىڭ تىلى كەلمەيدىغان ھەرخىل نازۇنېمەتلىرى تۇرۇپتۇ. لېكىن ،تۇرپان يازنىڭ يالقۇنتاغ قۇيشىغا قاقلىنىپ پىشىدىغان ئۈزۈم قوغۇنلىرى كۆزۇمدىن ئۇچۇپ كەتتى . پۈتۈن بەدىنىدىن پۈپۈلدەپ ئەتىر پۇراپ تۇرغان شۇنچە ئادەملەر ئارسىدا تۇرۇپ ، ۋۇجۇدىدىن توپا ۋە تەرنىڭ ھىدى كېلىدىغان ئۇيغير دېھقانلىرىنى سېغىنىپ،ئۇزۇن چۆلدە يالغۇز قالغاندەك غېرىبسىنىپ قېلۋاتىمەن،خۇددى پادىلار ئارسىدا قالغان پادىچى ماللىرىنى ئوتللاققا قۇيۇپ بېرىپ ئۆزى ئڭدىسىغا يېتىپ يالغۇز خىيال سۈرگندەك ،مەنمۇ ئۆيۇمگە تىلى باشقا نۇرغۇن مېھمانلارنى چاقىرىپ قۇيۇپ  .ئۆزۈم يالغۇز بالكونۇمغا چىقىۋېلىپ كۆزلىرىمنى يىراقلارغا ئۇشۇ ۋەتەن تەرەپكە تىكىپ سىلەرنى ئەسلەۋاتىمەن. كىچىك چاغلىرىمدا ئايام كۇنلىرى ئاپام كۆز يېشى قىلسا <خوش بولماي نېمىشقا يىغلايدىغاندۇ،دەپ چۈشەنمەپتىكەنمەن. ئەمدى ئويلىسام ئادەم چوڭ بولغانسېرى يۇرتىنى ،ئاتا-ئانسىنى،ئۇرۇق-تۇغقانلىرنى سېغىنىپ مۇڭداشقىسى كېلدىكەن ،ئكتكەن ئېشلارنى ئەسلەپ كۈلشكۈسى،يىغلاشقۇسى كېلدىكەن،سەن بىلمەيسەن ؟مەن ئېسىل ماشىنامنى ئازادە يوللاردا ھەيدەپ كېتىۋېتىپ ،ئۆيىمىز بىلەن ئېتىزلىق ئارسىدا ئېشەك ھارۋىسىدا ئولتۇرۇپ قىزىلچا توشۈغان چاغلىرىمنى سېغىنىمەن .ئېرىم بالىرىم بىلەن دېڭىز ساھللىرىغا سۇ ئۈزگىلى بارغاندا يېزىمىزدىكى بىر سۇغا چۆمۈلىدغان ئۈستەڭنى سېغىنىمەن ھاتتا ئاشۇ ئۆستەڭدىكى كونا تۈگمەن ،مەھەللىمزدىكى راملىرى قېيىپ قالغان قاراڭغۇ جۇۋازخانمۇ ھەر كۇنى ئىسىمدە. بەك ھىرىپ ئۇيقۇم كىلىپ كەتتى. داۋامىنى داۋاملىق ئىنكاس شەكىلەدە يولايمەن...... مەنبەسى <<زامان ئاخىرىنىڭ ئايالىرى>> دېگەن كىتابتىن 20127.9 كىچە ئۇرۇمچى

afxar

	بەك ياخشى يېزىلغان ھېكايە ئىكەن

sazguri

	ۋاي شۇنداق تەسىرلىنىپ ئوقۇۋاتسام توق قېچىپ كەتتىما . توختاپ قاپسىز يا ؟  داۋامىنى  بى شاققىدە جىمۇ

musilina

	‹‹ۋەتەننىڭ قەدرىنى ۋەتەنسىزلەر بىلەر››... مېنىڭ بىر خىزمەتدىشىم بار ئىدى ،بەش يىل بولدى چەتئەلگە چىقىپ كەتكىلى،ھەر قېتىم تېلىفون قىلسا‹‹ۋەتەن››دېگەن سۆزنى ئېغىزدىن چۈشۈرمەيدۇ... كىشىنىڭ يۇرتىدا سۇلتان بولغۇچە، ئۆز يۇرتۇڭدا ئۇلتان بول.

سەۋېر

	ئادەم چوڭ بولغانسېرى يۇرتىنى ،ئاتا-ئانسىنى،ئۇرۇق-تۇغقانلىرنى سېغىنىپ مۇڭداشقىسى كېلدىكەن ،قىلغان-ئەتكەن ئېشلارنى ئەسلەپ كۈلشكۈسى،يىغلاشقۇسى كېلدىكەن.... ئۆيدىن ئايرىلغان نەچچە يىللار بېرىدادام-ئانامنىڭ تىلفوندا قىلغان سۆزلىرىگە  ئۇنچە ئەرەن قېلىپ كەتمەيىتتىم،لىكىن بۇيىل ئوخشىمايدۇ....نەچچە كۈندىنبېرى....شۇ ،تولىمۇ سېغىندىم...

qog

	ياخشى ھىكايىكەنتۇق ئاخىرىغا تەشنا بىز.ئىملادا ئازراق مەسىلە باركەن

azizgul

	«زامان ئاخىرنىڭ ئاياللىرى » دىگەن كىتاپ ئۇقۇشقا ئەرزىيدىغان ياخشى كىتاپ .

xohsanam886

	مەن كىتابىنى ئوقىغانتىم؛

guzelim

	NAQARBALA0998 يوللىغان ۋاقتى  2012-7-10 02:04 PM بىزنىڭ قەشقەردە قىزلار ئۇسۇرغۇمغا تەڭ ،، ما بالىنىڭ كاللىسىدا رەسمى چاتاق باركەن! باشقا تېمىلارغا يازغان ئىنكاسلىرىنىمۇ بىرمۇ-بىر كۆرۈپ چىقتىم،بىرسىمۇ نۇرمال ئەمەس،قەستەن جىدەل چىقارغىلى كەپتۇ!