قۇرئان كەرىم» باسمىخانىسى(ئەنسار)

ئەنسار

	ئىسلام دۇنياسىغا مەشھۇر «قۇرئان كەرىم» باسمىخانىسىسەئۇدى ئەرەبىستانىدىكى شاھ فەھد «قۇرئان كەرىم» باسمىخانىدىكى ئىسلام دۇنياسىغا مەشھۇر، چوڭ تىپتىكى «قۇرئان كەرىم» بېسىش مەركەزلىرىدىن بىرى. 1984-يىل 10-ئاينىڭ 30-كۈنى پۈتۈپ ئىشقا كىرىشتۈرۈلگەن بۇ باسمىخانا قۇرۇلۇش كۆلىمى تەخمىنەن 250مىڭ كۋادرات مېتىر بولغان ئۇنىۋىرسال بىنالار تۈركۈمى بولۇپ، مەمۇرىيەت بىناسى، رېمۇنت سېخى، باسما سېخى، ئىسكىلات، تارقىتىش بىناسى، ئىشچى - خىزمەتچىلەر ئۆي - جاي بىناسى، كۆڭۈل ئېچىش زالىنى ئۆز ئىچىگە ئالغاندىن باشقا، ئۇنىڭ يەنە مەسچىت، دوختۇرخانا، كۇتۇپخانا، ئاشخانا قاتارلىق قۇرۇلۇشلىرىمۇ بار. باسمىخانىنىڭ كاتىبات باشقارمىسى ھەر قايسى مەركەزلەرنى، تارماق بۆلۈملەرنى ۋە سېخلارنى باشقۇرىدۇ ھەمدە ئۇلارنىڭ كۈندىلىك ئىشلىرىنىڭ يۈرۈشۈش ئەھۋالىنى نازارەت قىلىپ تۇرىدۇ. بۇ باسمىخانىنى سەئۇدى ئەرەبىستانىنىڭ ئىسلامىيەت، فوند، تەشۋىق - تەربىيە، يېتەكچىلىك ۋازارەتلىرىنىڭ ۋەزىرلىرى رىياسەتچىلىكىدىكى ئالىي ئورگان مەسئۇل بولۇپ باشقۇرىدۇ.باسمىخانىنىڭ ئاساسىي مەقسىتى مۇنۇلار:1. «قۇرئان كەرىم» نى بېسىش ۋە نەشىر قىلىش؛ 2. «قۇرئان كەرىم»نى ئىشلىتىش دائىرىسى كەڭرەك بولغان تىللارغا تەرجىمە قىلىش ۋە بۇ تىللاردا بېسىپ تارقىتىش؛ 3. «قۇرئان كەرىم» نى ئەڭ ئاتاقلىق قارىيلارغا قىرائەت قىلدۇرۇپ لېنتىغا ئېلىش؛ 4.مەدىنە ئىسلام ئۇنىۋېرسىتېتى بىلەن ھەمكارلىشىپ ھەدىس شەرىپ ۋە پەيغەمبەر ئەلەيھىسسالام تەرجىمھالىنى بېسىش ۋە نەشىر قىلىش؛ 5. «قۇرئان كەرىم» ۋە ھەدىس شەرپكە مۇناسىۋەتلىك ئىلمىي تەتقىقاتلارنى ئېلىپ بېرىش.باسمىخانا ھەر يىلى 30 مىليون «قۇرئان كەرىم» بېسىش ئىقتىدارىغا ئىگە بولۇپ، ھازىر، ئەمەلىيەتتە، ئۇنىڭ يىللىق بېسىش مىقدارى 10 مىليون بولۇۋاتىدۇ. بۇنىڭ ئىچىدە ھەر خىل تىللارغا تەرجىمە قىلىنغان «قۇرئان كەرىم» نۇسخىلىرى 30 پىرسەنتىنى ئىگىلەيدۇ. باسمىخانا ئىشقا كىرىشتۈرۈلگەندىن تارتىپ، تا ھازىرغىچە بېسىپ چىققان «قۇرئان كەرىم» نۇسخىسى 50خىلدىن ئاشىدۇ. باسمىخانىنىڭ ئىلغار ئۈسكۈنىلىرى ۋە باشقۇرۇش تېخنىكىسى ھەر خىل نۇسخىدىكى «قۇرئان كەرىم» لەرنىڭ نەپىس ۋە سۈپەتلىك بېسىلىشىنى كاپالەتلەندۈرىدۇ.سەئۇدى ئەرەبىستانى پادىشاھىنىڭ يوليۇرىقىغا ئاساسەن، ئۆتكەنكى بىر نەچچە يىل ئىچىدە دۇنيادىكى ھەر قايسى جايلارغا ھەر خىل نۇسخىدىكى «قۇرئان كەرىم» دىن 104مىليۇن 956مىڭ 407 پارچە تارقىتىلدى. تۆۋەندىكى سانلىق مەلۇماتلار ھەر خىل نۇسخىدىكى «قۇرئان كەرىم»نىڭ تارقىلىش ئەھۋالىنى قىسقىچە چۈشەندۈرۈپ بېرىدۇ.1.ئاسىياغا 67مىليۇن 73مىڭ 619پارچە تارقىتىلدى؛ 2.ئافرىقىغا 7مىليون 124مىڭ 691پارچە تارقىتىلدى؛ 3.ياۋروپاغا 2مىليون 459مىڭ 936پارچە تارقىتىلدى؛ 4.جەنۇبىي - شىمالىي ئامېرىكىغا 455مىڭ 211پارچە تارقىتىلدى؛ 5.ئاۋسترالىيىگە 55مىڭ 570پارچە تارقىتىلدى؛ 6.سەئۇدى ئەرەبىستانى چەت ئەللەردە ئۆتكۈزگەن كۆرگەزمىلەرگە 633مىڭ 221 پارچە قويدى؛ 7. ھەج قىلغۇچىلارغا 10مىليۇن 397مىڭ 84پارچە تەقدىم قىلىندى؛ 8.باسمىخانىنىڭ تارقىتىش باشقارمىسىدا 7مىليون 757مىڭ 75 پارچە ساقلىنىۋاتىدۇ. بۇلارنىڭ ھەممىدىنى قوشقاندا، جەمئىي 104مىليون 956مىڭ 407پارچە.باسمىخانىنىڭ ئاساسىي ئۈسكۈنلىرى:1.تۆت يۈرۈش يۇقىرى ئۈنۈملۈك ئىلىكتىرۇنلۇق سۈرەتكە تارتىش ماشىنىسى؛ 2. كومپيۇتېر بىلەن خەت تىزىش ماشىنىسى؛ 3. ئۈچ يۈرۈش چوڭ تىپتىكى رېزىنكىلىك باسما ماشىنىسى، بۇ ماشىنىنىڭ ھەر بىرى سائىتىگە 2000نۇسخا «قۇرئان كەرىم» باسىدۇ؛ 4- 12يۈرۈش مىق مەتبەئە ماشىنىسى، بۇ ماشىنىنىڭ ھەر بىرى سائىتىگە 4500 قېتىم قاتلايدۇ؛ 6. ئۈچ يۈرۈش قەغەز رەتلەش ماشىنىسى؛ 7- 21يۈرۈش ئېلىكتىرۇنلۇق تۈپلەش ماشىنىسى، بۇنىڭ ئۈچى ژىرىك تۈپلەش ماشىنىسى بولۇپ، مەخسۇس كىچىك «قۇرئان كەرىم» تۈپلەيدۇ؛ 8. بىر يۈرۈش مۇقاۋا ئىشلەش ماشىنىسى ۋە قەغەز كېسىش ماشىنىسى؛ 9. ئىككى يۈرۈش قاتتىق مۇقاۋىلاش ماشىنىسى، ئىككى يۈرۈش ئاددىي مۇقاۋىلاش ماشىنىسى.باسمىخانىدا تېخنىكىلارنى يېتىشتۈرۈش مەركىزى تەسسىس قىلىنغان بولۇپ، ئۇنىڭ مەقسىتى كەسپىي سەۋىيىگە ئىگە بىر تۈركۈم تالانتلىق سەئۇدىلىق باشقۇرۇش خادىملىرىنى يېتىشتۈرۈپ، ئۇلارنى تۈرلۈك تېخنىكا ۋە ئىشلەپچىقىرىش تارماقلىرىنىڭ باشقۇرۇش ئىشلىرىنىڭ ھۆددىسىدىن چىقالايدىغان قىلىشتىن ئىبارەت. بۇنداق تەربىيىلەش خىزمىتىنى، ئاساسەن، مۇتەخەسسىسلەر ۋە تېخنىكۇمنىڭ ئوقۇتقۇچىلىرى ئىشلەيدۇ؛ تېخنىك ئىشچىلىرىنى ئۆز خىزمىتىنىڭ ھۆددىسىدىن چىقىش ئىقتىدارىغا ئىگە قىلىش ئۈچۈن، باسمىخانا يەنە ئۇلارنى قىسقا مۇددەتلىك كۇرسلاردا تەربىيىلەيدۇ، ئۇنىڭدىن باشقا، باسمىخانا يەنە تېخنىك ئىشچىلىرىنى چەت ئەللەرگىمۇ ئەۋەتىپ تۇرىدۇ.باسمىخانىدا باسمىخانىنىڭ باش كاتىپى رەھبەرلىكىدىكى كەسپىي ھەيئەتكە قارايدىغان بىرنەچچە مەركەز ۋە تەتقىقات ئاپپاراتلىرى بار، بۇلار تۆۋەندىكىچە:1. «قۇرئان كەرىم» تەتقىقات مەركىزى؛ 2.تەرجىمە مەركىزى؛ 3. «ھەدىس شەرىپ» ۋە پەيغەمبەر ئەلەيھىسسالام تەرجىمھالىنى تەتقىق قىلىش مەركىزى؛ 4.ئىسلام تەتقىقات مەركىزى؛ 5. «قۇرئان كەرىم» باسمىسىنى كوررېكتور قىلىش ھەيئىتى؛ 6. «قۇرئان كەرىم»نى لىنتىغا ئېلىش ئىشلىرىنى باشقۇرۇش ھەيئىتى؛ 7.تەرجىمە ھەيئىتى؛ 8.مەسلىھەتچىلەر ھەيئىتى مەنبەسى: جۇڭگۇ مۇسۇلمانلىرى 1998-يىل 2-سان

sazguri

	لىكىن مەن ئىسىمنى بىلگەندىن بىرى  بىرەر پارچە قۇرئان كىرەمنى  ماۋۇ  جۇڭگۇدا بېسىلغىنىنى بىلمەيمەن . 80نەچچىنچى يىلى بىر قېتىم 5000تالدەك بېسىپتىكەن . نەچچە 10مىليۇن مۇسۇلمان بار يەردە ئاران شۇنچىلىك . . يىلىدا 10مىليۇن بېسىلسا  بۇ سان بىلەن بىزنىڭ يۇرىتلارغا كەلگۈچە بىررسىمۇ قالمامدۇ نىمە ؟

MY_Dreām

	ھازىز دۆلىتىمىزنىڭ شېنجىن ۋە يىۋۇ شەھەرلىرىدە ئىلىكتۇرۇنلۇق قۇرئانلار بېسىلىۋاتىدىغۇ ، ئادەتتە يىۋۇنىڭ كوچىلىرىدا ئەڭ يېڭى نۇسقىدىكى ئىلىكتىرۇنلۇق قۇرئان كەرىملەر 170 يەندىن ، كونا نۇسقىدىكى قۇرئام كەرىملەر 130 يۇەندىن ! سۆرەتلىك قۇرئان كەرىملەر سەل قىممەت باھادا سېتىلىۋاتىدۇ ، ساتالماي بېسىپ ياتقانلارمۇ ئاز ئەمەس ! ئەرەپلەرنىڭ دىيىشىچە ئەزھەر ئۇنىۋىرسىتىتى دۆلىتىمىزدىكى قۇرئان كەرىملەردىن خاتالىق كۈرۈلگەن ئىكەن ، شۇڭا ئۇلار مالنى زاكاس قىلغان بىلەن ئالماپتۇ ...........

aptap104

	ئەڭ ياخشى ئاللاھقا سىىنىپ ، جىم ئولتۇرۇپ ، قۇرئاندا مەسىلە كۆرۈنسە ، بۇرۇنمۇ ھەجىلەپ ئوقۇپ ئۈگۈنۈپ تىكەن شۇنداق قىلساق بولا ئەمدى .

YAZR

	sazguri يوللىغان ۋاقتى  2012-7-9 10:29 PM لىكىن مەن ئىسىمنى بىلگەندىن بىرى  بىرەر پارچە قۇرئان ك ... بۇرۇن ،  بىر  مەھەللىگە  بىر ياكى  ئىككى  دىگەندەك سان بىرىلەتتىكەن .... كىمنىڭ سەل  يۈزى بولسا  شۇنىڭغا تىگەتتىكەنتۇق .......

alma123

	خاتالىق كۆرىلدى دىگەن نىمە

muhabbatsiman

	بۇ 1998-يىلىدىكى مەلۇماتلار ئىكەن،بەلكىم بۇ 14 يىل جەريانىدا ئۆزگىرىش بولغاندۇ؟

Azizan

	بۇ تىمىدىكى ئىنكاسلار ئارىسىدا مەلۇم كىشىلەر مەلۇم نەرسىنىڭ ئۇرۇقىنى تېرىپ قويغان چىراي ... سۈف !

Azizan

	بۇ تىمىدىكى ئىنكاسلار ئارىسىدا مەلۇم كىشىلەر مەلۇم نەرسىنىڭ ئۇرۇقىنى تېرىپ قويغان چىراي ... سۈف !

korkam

	ماڭا بىردانە قۇرئان كەرىم كىرەكتى؟بېسىلىشى ۋە تۈپلىنىشى ياخشىسىدىن بولسا ئەۋلاتمۇ-ئەۋلات تەۋەررۇك قىلىپ ساقلىغىلى بۇلىدىغان بولسا تېخىمۇ ياخشى ئىدى.