بەربات

apsana-977

	بەربات ئەگەر تەلۋە ئاشىق ۋىسالىغا يىتەلمىسە، ئاقىۋەتتە ئۇ چۇقۇم بىر قانخور قىساسكارغا ئايلىنىدۇ.                                                                                                                                                                      -دانالار سۆزىدىن ئۇنىڭ چىرايلىق كۆزلىرىنى ئويۇۋېتىش كېرەك! چۈنكى ئاشۇ بېھىسساب شېرىنلىككە، تەسىۋىرلىگۈسىز گۈزەللىكە تولغان قاپقارا جۈپ كۆزلەر مېنى سانسىز چۈشكۈنلۈككە، كۆتۈرۈپ قوپقۇسىز دەرت-ھەسرەتكە دۇچار قىلغان. ئۇنىڭ چىرايلىق يۈزلىرىنى تىلىۋېتىش كېرەك! چۈنكى ئاشۇ مەن كېچە-كۈندۈز كۆرۈشنى ئىستىگەن، تەلپۈنگەن بۇ دۇنيادىكى بارچە مۇھەببەت بارچە ئىزگۈلۈك بارچە پاكلىق مۇجەسسەم بولغان نۇرلۇق يۈز مېنى ھىجران ئازابىدا سەكپارە قىلىپ، يالغۇزلۇقنىڭ، تەنھالىقنىڭ يەنە ئازاب چېكىشنىڭ مەڭگۈلۈك زۇلمىتىگە  مەھكۇم قىلغان. ئۇنىڭ جىنەستىدەك، ياق! ئالۇچىدەك! ياق! ئۇنى بۇنداق ئوخشىتىشقا ھەرگىز بولمايدۇ. ئۇنىڭ مەن دائىم ئاچكۆزلەرچە قارايدىغان، چىراي ھەركىتىگە خوپ ياراشقان غۇنچىدەك لەۋلىرىنى تىلىۋېتىش كېرەك! چۈنكى ئاشۇ جان ئالغۇر لەۋلەر، ئاشۇ لەززەتلىك ۋە تاتلىق تەم، ئاشۇ  ئىبلىسلارچە ئېزىقىش  مېنى بۇ جېنىمدىن جاق تويغۇزۇپ، مېنى بۇ دۇنيادىكى ئەڭ ئۈمۈدسىز، ئەشەددىي چۈشكۈن بىر ئادەمگە ئايلاندۇرۇپ قويغان. ئۇنىڭ ئۇزۇن-ئۇزۇن،  تىقىمىدا يەلپۈنۈپ تۇرىدىغان قاپقارا چاچلىرىنى يۇلۇۋېتىش كېرەك! چۈنكى ئاشۇ قارىدىن قارا چاچلار مەيىن شامالنىڭ نازلىق پىچىرلاشلىرىغا مەسىت بۇلۇپ تەسۋىرلىگۈىسىز، چەكسىز گۈزەللىك بىلەن كۆز ئالدىمدا يەلپۈنۈشكە باشلىغاندا،  مەن مىڭ يېرىمدىن تۆكۈلگىنىمچە ئالەمچە پەريادلار چېكىپ ۋاقىت دوزىخىغا مەڭگۈلۈك مىخلىنىمەن. كۆيىمەن، ئۆلىمەن! ئېچىشنىلىق ۋاقىرايمەن!   ئۇنىڭ ئاپئاق، بۈدۈرۈققىىنە كەلگەن ئوماق بارماقلىرىنى چانىۋېتىش كېرەك! چۈنكى ئاشۇ بارماقلار مېنىڭ  چەكسىز مۇھەببىتىم  ۋە ساداقىتىم بەدىلىگە سۇنۇلغان ئەتىرگۈلنى  رەھىسمزلىك بىلەن قارا يەرنىڭ مۇزدەك باغرىغا  تاشلاپ قۇيۇپ كېتىپ قالغان. چۈنكى ئاشۇ بارماقلار باشقىلارنىڭ (بۇ دۇنيادىكى ئەڭ ئىپلاس، ئەڭ رەزىل مېنىڭ بۇ دۇنيادىكى ئەڭ ئەشەددىي دۈشمىنىم) قولىنى يىنىك سىلىغان ھەمدە بار كۈچى بىلەن كۈچەپ سىققان. ئەگەر ئۇ بۇ دۇنيادا مەۋجۇت بولمىغان بولسا،  ياكى مەجۇت بۇلۇپ ئۆز مەۋجۇتلىقىنى يوقاتقان بولسا.. بەلكىم مېنىڭ ئازابلىرىممۇ يىنەكلەپ قالار ئىدى، بەلكىم مەنمۇ بۈگۈنكىدەك ئازاپلىق لىرىكىلار قوينىدا تۇنجۇقۇپ يۈرمەيتتىم. شۇنى ھېس قىلىپ يەتتىم: بىر نەرسىنىڭ مەۋجۇتلىقى يەنە بىر نەرسىنى شۇنداق ئازاپلايدىكەن. سېنىڭ شۇنداق چاغلىرىڭمۇ كېلىدىكەنكى: سەن  بۇ دۇنيالىقتىكى سەن ئەڭ قىزغىن مۇھەببەت بىلەن سۆيگەن ئادىمىڭنىڭ ئەڭ ئېچنىشلىق كۈنلەرگە قېلىشىنى ياكى ئۈزۈل-كېسىل بەربات بۇلۇشىنى شۇنداق ئۈمۈد قىلىپ كېتىسەن. بىراق، بۇ- بىر ئىپلاسلىق!  بۇ-  بىر ئاجىزلىق!  بۇ- بىر پەسكەشلىك!  بىراق،بىراق...  مەن راستىنلا شۇنداق بۇلۇشىنى بەك...بەك..بەك ئۈمۈد قىلىمەن! مەنبە: ئۆزۈم

axek13999649893

	جىنەستەيۇ    جىنەستە تۈگەپ كەتى يىمەستە ھەي ئاشقليىق  مۇشۇ قىزلارنڭ  يۈرىكىدىن ئوت ۋولقان  چىقامدىغاندۇ  ئادەمنى بۇنچىۋالا  كۆيدۈرۈپ   زەپىران قىلىۋەتكۈدەك

rahatmakan

	بەزەن  چاغلاردا ئىشقى ھەۋەس ئادەمنى ئەقىلدىن مەھرۇم  قىلىدۇ    مۇشۇنداق  چاغلاردا  ئوغۇللار  سالماق  ئىغىر  بىسىق   بولىشى  كىرەك   بولمىسا  ئاسانلا  ئىغىر ئاقىۋەت كىپ  چىقىدۇ

blueleaf

	ھازىرقى جەمىئىيىتىمىزدە مۇھەببەتمۇ ئاللىقاچان ساختىلىشىپ كەتتىمىكىن دەيمەن . يەنىلا شەرمى- ھايا ، ئىپپەت -غۇرۇر ، ساداقەت ۋە مېھرىبانلىق ئۈستىگە قۇرۇلغان مۇھەببەت ئەڭ ساپ ھەم گۈزەل بولىدۇ دەپ قارايمەن .

YAZR

	ئەمسە   ئۇنىڭ  شۇ دۈشمەنگە    مايىل  روھىنىچۇ  ؟

yurkimzida

	ئاجايىپ ھە .................ئۆزگە تەۋە چاغدا قەدىر لىمەيدىكەنمىز ،خەخ قەدىرلىسە چىدىمايمىز؟   سىزگىلا قارتىپ دىگەن گەپ ئەمەس جىما ،خاتتا چۈشنىپ قامماڭ قەتئىي...........................ئىشقىلىپ ھەرقانداق نەرسىدىن ئايرىلىپ قالغاندا ياكى قەدرىنى بىلمەي تاشلىۋەتكەندە ئىختىيارسىز  مەلۇم مەزگىلدىن كىيىن سېغىنىپ قالدىكەنمىز ،يا بوممىسا چىدىماي قالدىكەنمىزغۇ تاڭ.........................................................

yurkimzida

	blueleaf يوللىغان ۋاقتى  2012-7-9 06:55 PM ھازىرقى جەمىئىيىتىمىزدە مۇھەببەتمۇ ئاللىقاچان ساختىل ... ۋوجو،يېڭىچە بىر گەپلەنى كۈرەتمەنيا...........................نەدە باكىنا ھازىر ئاشۇنداق مۇھەببەت ؟ مۇنبەردە تۇلا ئۇقۇپ پاڭ بولاپ كەتتىم لىكىن كۈرۈپ باقمىدىم......................

KVZATKVQI

	ئاشىقلىق قەلبىڭىزدە جىمى نەرسىدىن( غورورىڭىز،ئاتا -ئانىڭىز،ئىمانىڭىزدىن،ھەتتا پەزىلىتىڭىزدىنمۇ )ئۈستىن ئورۇنغا ئۆتكەندە ئۈزىڭىزنىڭ بىر خىل كىسەلگە گىرىپتار بولغىنىڭىنى ئىتراپ قىلىشىڭىز كىرەك.

qog

	سەن ئەڭ قىزغىن مۇھەببەت بىلەن سۆيگەن ئادىمىڭنىڭ ئەڭ ئېچنىشلىق كۈنلەرگە قېلىشىنى ياكى ئۈزۈل-كېسىل بەربات بۇلۇشىنى شۇنداق ئۈمۈد قىلىپ كېتىسەن. بىراق، بۇ- بىر ئىپلاسلىق!  بۇ-  بىر ئاجىزلىق!  بۇ- بىر پەسكەشلىك!  بىراق،بىراق...  مەن راستىنلا شۇنداق بۇلۇشىنى بەك...بەك..بەك ئۈمۈد قىلىمەن[/color] بۇ قانداق گەپ بوپ كەتتى ئەمدى.ئۆزى ياخشى كۆرگەن ئدەمگە بەخىت تىلىمەي

zokra

	ئۇنىڭ ئاشۇ كىلىشكەن ،ئادەمنى مەھلىيا قىلىدىغان قەددى- قامىتىنى سۇندۇرىۋېتىش كىرەك.ئۇ ئاشۇ دەسمايىسىگە تايىنىپ قانچە قىزنى ئالدىمىدى، سۇندۇرمىدى ؟! . .. ئۇنىڭ ئاشۇ شىكەر يالىتىلغان زەمبىرەك ئوقى ئاتىدىغان تىلىنى كىسىۋېتىش كىرەك ....... ئۇنىڭ بىر جۈپ ساختىلىق يوشۇرۇنغان ،خوتۇن -قىزغا تويمايدىغان ئاچكۆز كۆزىنى ئويۇۋېتىش كىرەك......... ئۇنىڭ ھەر قانداق قىزغا تەپ تارتماي سونىلىۋېرىدىغان  ، ئەيمەنمەيدىغان ،ھەر قانداق بالا كىلىدىغان ئاشۇ بىر جۈپ قولىنى كىسىپ تاشلاش كىرەك........ ئۇنىڭ ساختىپەزلىك ئۇچۇن مىڭىپ ھارمايدىغان ئاشۇ پۇتلىرىنى ئۈزىۋېتىش كىرەك ..... پۇتۇن يىرى ئالداشقا، ھىيلە-مىكىرگە تولغان ئاشۇ مىڭىسىنى چۇۋېتىش كىرەك ........ قارا نىيەت بىلەن بۇلغانغان ،سىسىپ كاردىن چىققان يۇرىكىنى سۇغۇرىۋېلىش كىرەك .......