سۈرىيە ۋەزىيىتىدە ئويلىمىغان ئۆزگىرىشلەر كۆرىلەمدۇ-يوق؟

نەۋرۇز

	يېقىنقى بۇيان، سۈرىيە ۋەزىيىتى كۈنسېرى جىددىيلىشىپ، ھۆكۈمەت بىلەن ئۆكتىچىلەر ئوتتۇرىسىدىكى كۈچ تالىشىش كەسكىنلىشىپ كەتتى. خەلقئارا جەمئىيەت سۈرىيە مەسىلىسىنى چۆرىدەپ ئۆزلۈكسىز كۈچ چىقارماقتا، ئۇنداقتا سۈرىيە ۋەزىيىتىدە ئويلىمىغان ئۆزگىرىشلەر كۆرىلەمدۇ-يوق؟ 6-ئاينىڭ ئاخىرى سۈرىيە ھاۋا ئارمىيەسىنىڭ پولكوۋنىكى مىگ 21-بەلگىلىك ئۇرۇش ئايروپىلانىنى ھەيدەپ ئىئوردانىيەگە قېچىپ بېرىپ، سىياسىي پاناھلىق تەلەپ قىلغاندىن كىيىن، سۈرىيە زۇڭتۇڭى باشار ئەسەتنىڭ يېقىنى ۋە ھۆكۈمەتنىڭ يادرولۇق ئەزالىرىنىڭ بىرى سۈرىيە جۇمھۇرىيىتى دۆلەت مۇداپىئە قىسمىنىڭ گېنېرال مايورى تالاسمۇ 5-ئىيۇل تۈركىيەگە قېچىپ بېرىپ، سۈرىيە ھۆكۈمىتىدىن ۋاز كەچكەن 15-گېنېرالىغا ئايلاندى. تالاس سۈرىيەنىڭ سابىق دۆلەت مۇداپىئە مىنىستىرىنىڭ ئوغلى، شۇنداقلا ھازىرغا قەدەر قېچىپ كەتكەن ئەڭ مۇھىم ۋە دەرىجىسى ئەڭ يۇقىرى ئەمەلدار. ئۇ ۋە باشقا ئالىي ھەربىي ئەمەلدارلارنىڭ قېچىپ كېتىشى سۈرىيە ھۆكۈمىتىنىڭ ئۇيۇشچانلىقى ۋە كونترول قىلىش ئىقتىدارىنىڭ ئاجىزلىشىۋاتقانلىقىنى چۈشەندۈرۈپ بىرىدۇ. ئەگەر سۈرىيەنىڭ ۋەزىيىتى يەنە داۋاملىق يامانلاشسا، بۇ خىل قېچىپ كېتىش ۋەقەسى سۇرىيە ھۆكۈمىتىنىڭ ئۆز ئىچىدىن بۆلۈنىشىنى تېزلىتىشى مۇمكىن. بۇنىڭ بىلەن بىر ۋاقىتتا، سۈرىيەنىڭ ئۆكتىچى كۈچلىرىمۇ جىددىي ھەرىكەت قىلىپ، غەربنىڭ قوللىشىنى قولغا كەلتۈرۈش بىلەن بىرگە ھۆكۈمەت ئارمىيەسىگە ھۇجۇم قىلىشنى كۈچەيتمەكتە. سىرتتىن كەلگەن بېسىممۇ كۈنسېرى ئېغىرلىشىۋاتىدۇ، ئالدىنقى ئايدا سۈرىيە ئارمىيەسى تۈركىيەنىڭ ئۇرۇش ئايروپىلانىنى ئېتىپ چۈشۈرگەندىن كىيىن، تۈركىيە بىلەن سۈرىيەنىڭ مۇناسىۋىتى بارغانسېرى ناچارلىشىپ كەتتى. ئىككى دۆلەت چېگرا رايونىنىڭ ۋەزىيىتى تېخىمۇ جىددىيلىشىپ كەتتى، لىۋان تەرەپ سۈرىيەنىڭ چېگرا ھالقىش قىلمىشىغا نازارى بولدى، پارس قولتۇقى دۆلەتلىرى بولسا ئاستىرتىن سۈرىيەدىكى ئۆكتىچىلەرنى ماددىي ئەشيا بىلەن تەمىنلەۋاتىدۇ. 3-ئىيۇل ئۆكتىچىلەر يىغىنى مىسىرنىڭ قاھىرەدە ئېچىلغاندىن كىيىن، 6-ئىيۇل پارىژدا ئۆتكۈزۈلگەن 3-قېتىملىق «سۈرىيەنىڭ دوستلىرى» يىغىنىدا، پارس قولتۇقى دۆلەتلىرىنىڭ سۈرىيەگە تېخىمۇ قاتتىق ئىقتىسادىي جازا يۈرگۈزۈشى تەلەپ قىلىندى، جىددىي ئۆزگىرىش بولۇشنىڭ ئالدى ئېلىنىشى مۇمكىن. بىرلەشكەن دۆلەتلەر تەشكىلاتى كىشىلىك ھوقۇق كومىتېتىنىڭ 10-قېتىملىق يىغىنى 6-ئىيۇل قارار ماقۇللاپ، ئامېرىكا قاتارلىق دۆلەتلەر تاپشۇرغان «سۈرىيەنىڭ كىشىلىك ھوقۇق ئەھۋالى» قارار لايىھەسىنى ماقۇللىدى، سۈرىيەدىكى خەلقئارا تەكشۈرۈش كومىتېتى، بىرلەشكەن دۆلەتلەر تەشكىلاتى كىشىلىك ھوقۇق ئىشلىرى ئالىي خادىمى قاتارلىقلارنىڭ ھەممىسى سۇرىيە ھۆكۈمىتى ۋە ئۆكتىچى قوراللىق كۈچلەرنىڭ كىشىلىك ھوقۇققا دەخلى تەزۇر قىلىش قىلمىشى مەۋجۇت دەپ قارىغان ئەھۋالدا، يەنىلا سۇرىيە ھۆكۈمىتىنىڭلا تەنقىدلىنىشى، قارار لايىھەسىنى ئوتتۇرىغا قويغان دۆلەتنىڭ سىياسىي خاھىشىنى ئەكس ئەتتۈرۈپ بەردى. نۇرغۇن دۆلەتلەر سۈرىيەدىكى ھەرقايسى گۇرۇھلارنىڭ زىددىيىتى مۇرەككەپ بولىۋاتقان ئەھۋالدا، سىرتقى كۈچلەرنىڭ ئۆز مەنپەئەتىنى چىقىش قىلىپ، سۇرىيە مەسىلىسىدە مەلۇم بىر تەرەپنى قوللاپ، يەنە بىر تەرەپنى بېسىشى پەقەت ئوت ئۈستىگە ياغ چاچقانلىق دەپ قارىدى. سىرتقى كۈچنىڭ سۈرىيە مەسىلىسىگە ئارىلىشىش سالمىقىنىڭ ئىشىشىغا ئەگىشىپ، سۈرىيەدىكى قانلىق توقۇنۇشلارمۇ داۋاملاشماقتا. دەل مۇشۇنداق ئىچكى تاشقى مالىمانچىلىقتا، زۇڭتۇڭ باشار يېقىندا تۇنجى قېتىم ۋەزىپىسىدىن شەرتلىك ئىستىپا بېرىشكە قوشۇلۇپ، ۋەتىنىنى كىرزىستىن ساقلاپ قالماقچى بولدى. بىر قىسىم تەھلىلچىلەر باشارنىڭ ۋەزىپىسىدىن ئىستىپا بېرىشى نۆۋەتتىكى سۇرىيە كىرزىسىدا بۇرۇلۇش ياساشتىكى تاللاشلارنىڭ بىرى، ئۇ بۇنداق قىلغاندا، خەلقئارا جەمئىيەتنىڭ بېسىمنى ئازايتقىلى، سىرتنىڭ ھەربىي ئارىلىشىشىدىن ساقلانغىلى، ئۆكتىچى كۈچلەرنى پارچىلاپ يوقاتقىلى، ئۆزىنىڭ جەمەت ھۆكۈمرانلىقىنى ساقلاپ قىلىشقا پۇرسەت يارىتىدۇ دەپ قارىدى. بۇنىڭدىن باشقا، سۈرىيە 6-ئاينىڭ ئاخىرى جەنۋەدە ئېچىلغان سۇرىيە مەسىلىسى يىغىنىدا ئورتاق قاراش ھاسىل قىلىنغانلىقىنى قارشى ئالىدىغانلىقىنى بىلدۈردى. خەلقئارا جەمئىيەت ئورتاق تونۇش ئاستىغا ئۇيۇشۇپ، سۇرىيە كىرزىسىنى سىياسىي يول بىلەن ھەل قىلىشنى پائال ئىلگىرى سۈرۈشى، سۈرىيەدىكى ھەرقايسى تەرەپلەرنى زوراۋانلىق ھەرىكەتلىرىنى ئاخىرلاشتۇرىشغا ھەيدەكچىلىك قىلىپ، «ئۆتكۈنچى باشقۇرۇش ئورگىنى»نى تىزدىن تەشكىللەپ، مەملىكەت خاراكتېرلىك سۆھبەتلىشىش مۇساپىسىنى باشلاپ، سۇرىيە خەلقىنى ئاساسىي گەۋدە قىلىشتا چىڭ تۇرۇپ، ھەرقايسى تەرەپلەر قوبۇل قىلالايدىغان سۇرىيە مەسىلىسىنى ھەل قىلىش چارىسىنى تېپىپ چىقىش كېرەك. باشارنىڭ تەختىن چۈشۈشكە ماقۇل بولۇشى ۋە سۈرىيە ھۆكۈمىتىنىڭ جەنۋە لايىھەسىنى قوبۇل قىلىشى، سۈرىيە ھۆكۈمىتىنىڭ بۇرۇنقى قاتتىق مەيدانىدىن ۋاز كەچكەنلىكىنى، سۈرىيە ۋەزىيىتىدە يېڭى بۇرۇلۇش ھاسىل بولىۋاتقانلىقىنى چۈشەندۈرۈپ بىرىدۇ. مۇشۇنداق ھەل قىلغۇچ ۋاقىتتا، ئۈزلۈكسىز داۋالغۇش ئىچىدە ئۆتكەن 16ئاي ئىچىدە نۇرغۇن جانغا زامىن بولغان سۈرىيە كىرزىسىمۇ ھەقىقەتەن يېڭى بۇرۇلۇشقا ۋە بۆسۈشكە مۇھتاج. سۈرىيە مەسىلىسىنى ھەل قىلىشتا ھەرقايسى تەرەپلەرنىڭ ئورتاق قاتنىشىشى ۋە تىرىشچانلىقىغا تايىنىش كېرەك.                            مەنبەسى جۇڭگو ئۇيغۇرچە رادىئو تورى

bizkima

	نىمە  ئىشلار بولاپ  كىتەر  ئەمدى

karadulan

	مەن بۇ تىمغا سەل بۇرۇن كىرىپ قاپتىمەن.  راسىت يالغان «نەپرەت» لەر  جىدەللىرى تىخى باشلانماپتۇ ئەمەسمۇ.

白绿光

	سۈرىيەنى ئامىرىكا باشچىلىقىدىقى كۈچلەر بىلەن روسىيە تەرەپ ئىككىيلەننىڭ ئويناۋاتقان « شاھمەت » ىگە ئوخشاتساق ئارتۇقلۇق قىلماس ... بىچچارە پۇخرالارغا بوپ بىرىدۇ-دە .

anatil8

	karadulan يوللىغان ۋاقتى  2012-7-8 10:45 PM مەن بۇ تىمغا سەل بۇرۇن كىرىپ قاپتىمەن.  راسىت يالغان «ن ... قېرىنداشلىرىمىز مۇنبەردە تىللاشسا سىز ئارىدا تۇرۇپ تاماششا قىلىدىكەنسىز ھە؟ ئىسىت-ئىسىت،سىزدەكمۇ ئىت مۇجەز ئادەم بۇلامدۇ؟بىز تىللاشساق سىزگە نىمە پايدا؟ كۆردۈڭلارمۇ خالايىق ماۋۇ قارا دۇلان تورداشنىڭ ئىنكاسىنى،مۇنبىرىمىزدە مۇنداق ئادەمنىڭ بارلىقىنى ئويلاپمۇ باقماپتىكەنمەن. گەپلىرىم ئېغىر كەتكەن بولسا كەچۈرۈڭ،لىكىن بۇندىن كىيىن ئويلىشىپراق ئىنكاس يازارسىز.

kaliptax

	ۋاي  بۇ ئىشلارنىڭ ئاخىرى  قاچانلىققا چىقا

国民党

	anatil8 يوللىغان ۋاقتى  2012-7-8 10:48 PM قېرىنداشلىرىمىز مۇنبەردە تىللاشسا سىز ئارىدا تۇرۇپ ت ...   anatil8  گە ：                             karadulan  نىڭ ئىنكاسىنى، ئۇنداق يامان تەرەپتىن ئەمەس، يىقىن تۇرغان دوستىڭىزنىڭكىدەك ھىس قىلسىڭىز، سىز تىللىغۇدەك ھىچقانداق يامان تەرىپى يوقكەن، پەقەتلا مىسرانىم مۇنبىرىدە، ئىنكاسقا قارىشى چىقدىغانلار كۆپقۇ.

arkinlk

	قارىغاندا سۈرىيەدىكى بۇ ئۇرۇش خېلى ئۇزۇنغا سۇزۇلىدىغان ئوخشايدۇ؟

anatil8

	国民党 يوللىغان ۋاقتى  2012-7-8 10:56 PM anatil8  گە ：                             karadulan  نىڭ ئىنكاسىنى، ئۇنداق ... ئۆزۈمنىڭ خاتا قىلغان ئىشلىرىمنى ھىس قىلدۇرغىنىڭىزغا كۆپ رەخمەت. تورداش قارا دولاندىن كەچۈرۈم سورايمەن... مىنىڭ ئەڭ ئۈمۈت قىلىدىغىنىم مۇشۇ مىسرانىم مۇنبىرىدە ئۇرۇش-جىدەل چىقىسا.

国民党

	سۈرىينىڭ تىزراق دىموكراتىيلىشىشنى ئىشقا ئاشۇرۇشقا تىلەكداشمەن. يەنى باشار ئاسادنىڭ تەخىتتىن چۈشۈش ۋاقتىنى تىزلەتسە،