شەيتان قۇترىغان مەھەللە

genius220

	شەيتان قۇترىغان مەھەللە ئۆزەمدىن ئۆزەم ياتسىراپ،ئۆزەمدىن ئۆزەم يىراقلىشىۋاتىمەن...ھەي..!؟ روھ ئۇسۇزلۇقىنى قاندۇردىغان بۇلاقنىڭ كۆزى تىنىپ قالغىلىۋاتىدۇ... ئەسلىدە ئۇ ئاجايىپ بىر بۇلاق ئىدى. نى شىرمەت سەركىلەرنى، جاھان ئەركىلىرنى؛ لاتاپەت،پەزىلەت بابىدا تىللارغا داستان قىز-ئانىلارنى روھ سەمەرىسىدە سۇغۇرۇپ،ۋۇجۇدىنى يۇيۇندۇرۇپ، قاغجىرغان قۇرغاق روھيەتتىن مۇستەسنا بۇلىشىدا زامان-زامانلاردىن بۇيان تەڭداشسىز خىسلىتىنى نامايەن قىلغان ئىدى. ئەپسۇس... شەيتان بۇلاققا سىيگەن بولسا كېرەك. مانا،...بۇلاق بېشى مەھەللىسى ئەلمىساقتىن تارتىپ تۇنۇلغان ئۇلۇغ نام-نەسەبى بىلەن شەيتان مەينەتچىلىكىنى يۈدۇپ ھالسىراۋاتىدۇ. شەيتاننىڭ مەپتۇنكار قەدەھلىرى كىشلەرنىڭ روھىدا يىرگىنىشلىك ئللەتلەرنى بىخلاندۇرۋاتىدۇ،بىخلاندۇرماقتا. ھەي ...ئاجايىپ بىر دۇنيا...ئۇ قايسى جىنىڭ ئەپسۇنلىرى بىلەن سېھرىلىنىۋاتقاندۇ؟! ناكەسلەرنىڭ جەننىتى مۇشۇ بۇلاق بېشىدىن ماكان تۇتقان ئوخشايدۇ... قارىغىنا،-جەلىپكار سەتەڭلەردەك تولغۇنۇپ ئۆرلەۋاتقان تۇتۇن مەھەللە ئاسمىنىنى قاپلىماقتا. ئەپتىدىن ئېچىرقاش قۇتىراۋاتقان سەتەڭلەر نەيرەڭ بىلەن كۆز قىسماقتا.مەيخانىلاردىكى شىشىگە بەنىت قىلىنغان «سۈپسۈزۈك» شەيتان سۈيى زەئىپلىك،غەپلەت پاتقىقىدىكىلەرنىڭ ئۇسۇزلۇقىنى قاندۇرۋاتىدۇ... ئىشرەت مەينەتچىلىكىدە سېسىغان كۇچىلار، ھاياسىز سەتەڭلەر بىلەن تولغان. كۆڭلى سۇيۇلۇپ قۇترىغان قاۋانلار بۇ كۇچىدا ئەشۇ مەينەتچىلىكنى ھىدلاپ تىمىسقىلاپ يۈرمەكتە. ئادەملەر ئۆز تەبىئىتىدىن ياتلىشىپ باشقىچە بىر مەخلۇقاتقا ئايلانماقتا. غالىپ روھ چۇقانلىرى تەرپىدىن بەنىت قىلغان شەيتانلار تىرىلىپ كىشلەرنىڭ روھىغا ماكانلاشتى. ھەي شەيتان...ئەقىلگە ئۆزەڭنى ھاپاشلىتىپ يەنە قانداق كارامەتلىرىڭنى كۆرسىتەرسەن...؟ ھەي...ياخشىلىقتىن يامانلىق كۆپ. بىر-بىرىمىزنى يىگىلۋاتىمىز.خۇددى شەيتان بىزنىڭ روھىمىزنى يىگەندەك. كىشلەر بىر-بىرىنىڭ لاتاپىتىگە،سالاپىتىگە،ساھىيىتىگە كۆز ئالايتىپ،كوتۇلدىماقتا،غوتۇلدىماقتا. مەمنۇنىيەت ئاز،غاجاش،قاساش كۆپ. شۇ سەۋەپلىك يىقىلغانلار كۆپ،يىقىلغاننى يۆلەيدىغانلار ئاز، يىقىتىدىغانلار كۆپ. كىشلەرنىڭ چېھرىدىكى تەبەسسۇمنىڭ ئورنىنى ھىجاق ئىگەللىگەن. ھەي... نامەرتلەر كۇچىلاردا لالما ئىتتەك قاتىراپ،تەر تۆككەنلەرنىڭ يانچۇقىنى كۆزلەپ ئالدىراپ، گېزى كەلسە تىغ كۆتۈرۇپ قۇتۇراپ. بەزىلەر ھارامنى ئۆزىنىڭ ئارام بېغىغا ئايلاندۇرسا يەنە بەزىلەر شۇملۇق،قۇۋلۇق دەستۇرىنى تۈزۈپ دەرس سۆزلىمەكتە. مانا جاھاننىڭ رەپتارى. بۇلاق بېشى مەھەللىسى بۇ ھالغىمۇ كۆنگىلىۋاتىدۇ. چىۋىن، پاشا قورىغان قوللار نامەرلىكنى قورۇشقا مەيلى يوق. چۈنكى«نامەرت بولسىمۇ ئادەم ئەمەسمۇ!تىرىكچىلىك ئەمەسمۇ؟». بۇ زەئپ خىتاپ كۆڭۈلدە بىخلاندى. مەھەللىدىكى مەينەتچىلىكتىن يىرگىندىغانلار كۆپ، توسىدىغانغا جۈرئەت، بىرلىك يوق...چۈنكى روھ بۇلىقىنىڭ سۈيىگە شەيتاننىڭ سۈيدىكى ئارلاشتى. بۇ بۇلاق كۇچا مەينەتچىلىكىنى بېسىقتۇردىغان ئەۋرەزگە ئيلىنىۋاتىدۇ. ھەي... مەھەللىدىكى مويسىپىت قېرىلار ئاچچىق كۈلكە،ئىزتىراپ تۇيغۇلار بىلەن ئەتىراپقا باقماقتا..كۆز ئالدىدىكى رىئاللىقتىن«توۋا»دەپ ياققا تۇتۇپ ھەسىرەتلەنمەكتە. ئۇلارنىڭ مۇڭ باسقان ئەلەملىك چىرايىدىن ئۈمىد ئۇچقۇنلىرى ئۆچكىلۋاتىدۇ...بۇلاق بېشى مەھەللىسى سۇكىنات ئىچىدە ئۇھ سىنماقتا.ئاجىز بىر خىتاپ كىملەرنىدۇر ئۆزلۈككىگە قايتىشقا چاقىرماقتا.سىز ئاڭلىدىڭىزمۇ..........!                                               ئىزدىنىش تورىدىن ئېلىندى!

!UYGHURJAN

	بۇلاقبېشى كوچىسىنى مۇشۇ ئاقىۋەتكە قويغان ئادەم سۈرەتلىك،< شەيتان> <مەلئۇن >لارنىڭ بالدۇرراق زاۋاللىققا يۈزلىنىشىنى   كىچە-كۈندۈز تىلەيمەن . شەيتاننىڭ ئۈممەتلىرى بەك ھەددىڭدىن ئېشىپ كىتىشتىڭ ، تىرەڭگە پاتماي كۈرۈڭلەپ كىتىشتىڭ ،كۈنلەر تېخى ئۇزۇن ..........! اللا جاجاڭنى بەرسۇن !بىزگە قىلغان ئەتكەنلىرىڭنىڭ 1000 بولسۇن . مۇشۇ ئادەم سۈرەتلىك<شەيتان>لار ئاياغ باسقان زىمىنلار بۇلغانماي قالمايدۇ . لەنەتكەرلەر..............!

aziz33

	بۇلارنىڭ سەۋەبىنى نۇقۇل ئادەمدىنلا ئىزدىسەك بولماس ، باشقا مۇھىم سەۋەپلەرمۇ بار ،

musilina

	ھازىر بۇنداق شەيتان قۇترىغان مەھەللىلەر كۆپىيىپ كەتتى... ئادەمنىڭ ئىچى ئېچىشىدۇ بەزى ئەھۋاللارغا قاراپ...

كۆلەڭگە

	بىر كۇنلەرمۇ كىلەر ،لەنەتكار شەيتانلار ئۇزنىڭ پۇقنى ئۇزى يەپ تۇگىشىدىغان.

bayhenim

azizgul

	شەيتانلار قۇترىماقتا ، ئۇلار ئىنسانلارغا دوزاخنىڭ بىلىتىنى سېتىش بىلەن ئالدىراش................