بىر ئانىغا يىزىلغان خەت

halida108

	قايسى كۈنى كىتاپ كۆرىۋېتىپ مىللەتلەر ئەدەبىياتىدىكى "ھايات ھەققىدە"نامىدىكى نەسىرلەر توپلىمىنى ئوقۇپ قالدىم، ئۇنىڭ ئىچىدىكى "خەت "ناملىق بىر نەسىر ئالاھىدە دىققىتىمنى تارتتى ۋە تورداشلارنىڭمۇ بۇ نەسىرنى ئوقۇپ بېقىشىنى لايىق تاپتىم . چۇنكى بۇنىڭدا سۆزلەنگەن ئىشلار بەلكىم ئەتراپىمىزدىمۇ نۇرغۇن بۇلىشى مۇمكىن.                                                                          خەت 2008-يىلى 5-ئاينىڭ 23-كۈنى،مەلۇم ئۆلكىلىك ئوت مۇداپىئە باش ئەترىتىدىكىلەر بېيچۇەن ناھىيەسىدىكى ئوتتۇرا مەكتەپنىڭ خارابىسىنى تازلىغاندا،بىر تاپشۇرۇق دەپتىرىنى تېپىۋالدى،ئۇنىڭدا بىر ئوتتۇرا مەكتەپ ئوقۇغۇچىسىنىڭ ئاپىسىغا يازغان خېتى بار ئىدى:     "ئاپا، مەن خىش دۆۋىسى ئاستىدا،تېخى ھايات،مەن سىزنى سېغىندىم.     سىزنى ئىلگىرىكىدىنمۇ بەك سېغىندىم.ئۆتكەن ئىشلار خۇددى كىنو كۆرىنىشىدەك كاللامدىن بىر-بىرلەپ ئۆتمەكتە.ئەسلىملەر ماڭا ئازراق بولسىمۇ تەسەللى بولدى. ئۇلارنى يېزىۋىدىم،خۇددى سىز يېنىمدا باردەك ھېس قىلدىم.مەن چۇقۇم ھايات چىقىپ سىز بىلەن كۆرىشىمەن ئاپا!    بۇ يەرنىڭ قانچىنچى قەۋەت ئىكەنلىكىنى بىلمەيمەن، لېكىن بۇ تۆتىنچى قەۋەتتكى سىنىپ ئەمەس.بىنا ئولتۇرشۇپ كەتتى . ئۈستۈمدە قىيسىيىپ قالغان سىمۇنىت تاختاي بار، ئۇنىڭ ئارىسىدىن نۇر سىرغىپ كىرۋاتىدۇ. بۇ كىمنىڭ سومكىسىكىن،ئۇنىڭدىن قەغەز-قەلەم ئېلىپ سىزگە خەت يېزىۋاتىمەن.    پۇتۇم سەزگۈسىنى يوقاتقان بولغاچقا مىدىرلىتالمايۋاتىمەن.خېلى ۋاقىت ئىلگىرى(بىر كۈن ئىلگىرىمىكىن،بىلمەيمەن)ئەتراپىمدىكى خىش-كېسەكلەر ئارىسىدىن يىغا،نالە ئاۋازلىرى ئاڭلاندى. كېچىدە بۇ ئاۋازلار تېخىمۇ ئېنىقلىشىپ،مېنى قورقۇتىۋەتتى.بولدىلا،بۇلارنى دېمەي.    ئاپا، كىچىك ۋاقتىمدا چېچىمنى تاراپ ئۆرۈپ قوياتتىڭىز،چۈشكەن چاچلارنى قۇلۇمغا تۇتقۇزۇپ قوياتتىڭىز،ئۇ چاچلارنى كۈن نۇرىغا تۇتۇپ قاراپ، قانچىلىك ئۆسكەنلىكىنى بىلىۋالاتتىم. سىز تىرنىقىمنى ئېلىپ قوياتتىڭىز، تىرناق پارچىلىرىنى كىكىردەك دورىسىنىڭ يېشىل رەڭلىك تۆمۈر قۇتىسىغا سېلىپ قوياتتىم. بۇ سىز يۇيۇپ پاكىزلىۋەتكەن تىرناقلار ئىدى.    مەن ئاپلىسىن يېيىشكە ئامراق ئىدىم، بىر چاغدا ئاپلىسىننى تولا يەپ ئالقانلىرىممۇ سارغىيىپ كەتكەن ئىدى. لېكىن سىز ئاپلىسىن ماڭا قۇرۇق ئىسسىق كېلىدۇ، دەپ يېگىلى ئۇنمايتتىڭىز. ئاشۇ قېتىم كەچلىك مۇزاكىرىدىن قايتىپ كېلىۋېتىپ، كوچا چىرىغى ئاستىدا بىر ئايالنىڭ ئەخلەتلەرنى ئاختۇرۋاتقانلىقىنى كۆرۈپ قالدىم. ئۇ باققال تاشلىۋەتكەن سېسىق ئاپلىسىنلار ئىدى. ئايال ئاپلىسىننىڭ سېسىقلىرىنى تاشلىۋېتىپ، ساقلىرىنى ھە دەپ ئاغزىغا تىقاتتى. ئەمما ئۇ ئايالنىڭ سىز ئىكەنلىكىڭىزنى ئەسلا ئويلاپ باقماپتىمەن، ئاپا! شۇ چاغدا بەك ئاچچىقىم كېلىپ، سىزنى چاقىرمايلا كېتىپ قالغانىدىم. ساۋاقداشلىرىمنىڭ بۇ ئىشىڭىزنى، مېنى مازاق قىلىشىدىن قورققانىدىم. سىزگە ئەمدى كوچا چىرىغى ئاستىدا سېسىق ئاپلىسىن تېرىپ يۈرمەڭ دېمەكچى بولدۇم، لېكىن ئاغزىمدىن چىقىرالمىدىم. شۇنىڭدىن كېيىن ئۆيگە قايتىدىغان ئۇ يولدىن ماڭمايدىغان بولدۇم. بۇ ئىشنىڭ گۈزەل ئەسلىمە بۇلۇپ قېلىشىنى ئويلاپ باقماپتىمەن.    ئاپا، تۇنجى ئاق چېچىڭىزنى بايقىغان ۋاقتىڭىزدا 35 ياشقا كىرگەنىدىڭىز . ئېسىمدە قېلىشىچە ، سىز  بىر تال ئاق چاچنى دەپ دادام بىلەن سوقۇشقان ، ئۇنى يارامسىز ، مەن كۆكتات سېتىپ ، سائەتلىك ئىشچى بولۇپ ئىشلىگەچكە ، چېچىمغا بالدۇر ئاق كىرىپ كەتتى ، دەپ ئەيىپلىگەندىڭىز . ئاشۇ چاغدا گەرچە كىچىك بولساممۇ ، جېدىلىڭلارنى بەكلا تۇتامسىز ھېس قىلغان ، تۇرمۇشنىڭ گۈزەللىكىنى ۋە مۇزىكىنىڭ نىمىلىكىنى بىلمىگەچكە بىر تال ئاق چاچ ئۈچۈنمۇ ئۇرىشىۋاتىدۇ ، دەپ ئويلىغانىدىم. ھازىر چۈشەندىمكى ، گۈزەللىك دىگەن يۇپۇرماققا ئورالغان تاڭزۇڭزىغا ئوخشاش ئاددى ، چىڭ ۋە ھەقىقى بولىدىكەن .    ئاپا ، بەرداشلىق بېرەلەمدىم - يوق ، بىلمەيمەن . ئاچلىق ۋە ئۇسسۇزلۇق دەستىدىن مادارىم قالمىدى. ئەتراپ ئاللىقاچان جىمىپ كەتتى. مەن بىنانىڭ ئۈستۈنكى قەۋىتىدە بولغاچقا ، ھەر ھالدا تەلەيلىك . 1-،2-،3-قەۋەتتىكى ساۋاقداشلارنىڭ ھەممىسى كۆمۈلۈپ قالدى. ئەگەر ئەتىگىچە بەرداشلىق بىرەلىسەم ، بۇ سىزنى سېغىنغانلىقىمدىن ئاپا.    سىزنىڭ ئۇيقۇسىزلىق كېسىلىڭىز بار ، كېچىچە ئىچىڭىزدە قارا قوزا، ئاق قوزىلارنى ساناپ چىقىسىز. تاڭ يۇرۇشقا ئاز قالغاندا ، ئەمدىلا كۆزىڭىز يومۇلغاندا سائەت سىزنى يەنە ئويغىتىۋېتىدۇ، ئورنىڭىزدىن تۇرۇپ ماڭا ناشتىلىق تەييارلايسىز.     بۇ ئىشلارغا مەن سەل قاراپتىمەن. ئەگەر بىر ئادەم كېچىچە ياخشى ئۇخلىيالمىسا ھەم سەھەر تۇرسا ، كۈندە مۇشۇنداق بولىۋەرسە قانچىلىك ئازاپلىنىپ كېتەر-ھە؟! ئەينى چاغدا غوتۇلداشلىرىڭىزغا پەرۋا قىلماي ، چوڭلار ئۆزلىرىنىڭ ئازابىنى پەرزەنتلىرىنى ئۆگىنىش قىلدۇردىغان ھەركەتلەندۇرگۈچ كۈچ قىلۋالماسلىقى كېرەك، دەپ ئويلايتتىم . ھازىر بىلدىمكى ، سىز پەقەت ئىچىڭىزدىكىنى تۆكىۋالدىكەنسىز، خالاس. مەن رەددىيە بەرگەندىن كىيىن كوتۇلدىماس بولدىڭىز. ھازىر ئاشۇ كوتۇلداشلىرىڭىزنى قانچىلىك ئاڭلىغۇم كىلىۋاتىدۇ-ھە.     ئاپا، سىز ئالىي مەكتەپ ئىمتىھانىنىڭ نىمىلىكىنى بىلمەيسىز. بىز خۇددى ئۆسۈملۈك دورىغا ئوخشاش ، ئوتنى ئۇلغايىتقانسىرى شۇنچە قىرتاقلىشىپ كېتىمىز. ئۆگىنىشى  ياخشى ئوقۇغۇچىلار مەڭگۈ ئەتىۋارلىق، ئۇلارغا ئالىي مەكتەپنىڭ دەرۋازىسى ئوچۇق، ئۇنىڭدىن قالسا پۇلدارلارنىڭ بالىلىرىغا . سىز بىلمەسلىكىڭىز مۇمكىن، مەن ئالىي مەكتەپكە ئۆتەلمىدىم. لېكىن سىزنىڭ ئەجرىڭىزنى ، بولۇپمۇ مېنى ئالىي مەكتەپكە چوقۇم ئۆتەلەيدۇ دېگەن ئېتقادىڭىزنى دەپ بولسىمۇ مەكتەپكە بىرسى سۆرىگەندەك باراتتىم. لېكىن بۈگۈن شۇنى ئويلىدىمكى، سىلەرنىڭ جاپالىق ئەجرىڭلار ئۈچۈن بولسىمۇ ، ياخشى ئوقۇشۇم كېرەك ئىدى. لېكىن ھاياتنىڭ گۈزەللىكى ئالىي مەكتەپكە كىرىش ئارقىلىقلا ئىپادىلەنمەيدۇ. ئەگەر ھايات چىقىپ كېتەلىسەم ، مەيلى تېخنىكومدا ئوقاي ياكى ئۆز ئالدىمغا ئىگىلىك تىكلەي ، چوقۇم نۇرغۇن پۇل تېپىپ سىلەرنى ياخشى كۈنلەرگە ئېرىشتۇرىمەن.    ئاپا، سىز ئىلگىرى"چىڭدۇدا بىر مۇنچا بار ئىكەن، مەخسۇس ئادەم دۈمبىسىنى سۈرتۈپ، تىرنىقىنى ئېلىپ، يۈزىگە يۈزلۈك چاپلاپ قويىدىكەن، نىمىدېگەن راھەت تۇرمۇش-ھە!"دېگەنىدىڭىز. سىزدىن:"دۈمبىڭىزنى ھېچكىم سۈرتۈپ قويمىغانمۇ؟"دەپ سورىسام، سىز "كىچىك ۋاقتىمدا موماڭ سۈرتۈپ باقمىغان، توي قىلغاندىن كىيىن داداڭمۇ سۈرتۈپ باقمىدى، ئۇنىڭغا سۈرتكۈزسەممۇ بولمايدۇ-دە. بۇنداق راھەت ماڭا نېسىپ بولماپتىكەن" دېگەنىدىڭىز. مەن يۇيۇنغاندا سىز دۈمبەمنى سۈرتۈپ قوياتتىڭىز، بۇ گەپلىرىڭىزنى ئاڭلاپ كۈلۈپلا قويغاندىم . ئاپا، ئەمەلىيەتتە دۈمبىڭىزنى سۈرتۈپ قويسام بولاتتى، ھىچ بولمىغاندا مۇشۇنداق قىلغۇدەك كۈچۈم بار ئىدى. سىزمۇ مۇشۇنداق ئويلىغان ، لېكىن ئاغزىڭىزدىن چىقىرالمىغان بولىشىڭىز مۇمكىن . كىيىن ئانا- بالا ئىككىمىز چىڭدۇدىكى ئاشۇ مۇنچىغا بارماقچى بولغانىدۇق. ئەگەر بارالماي قالساق ، ھەر ھەپتىدە بىر قېتىم دۈمبىڭىزنى سۈرتۈپ قويىمەن. تەڭرىم مۇشۇنداق پۇرسەتنى ماڭا نىسىپ قىلارمۇ، بىلمەيمەن.    تۇلۇقسىزغا چىققاندا، 300 يۇەن ئوقۇش پۇلىنى يىتتۈرۈپ قويغان ۋاقتىمدا ، مېنى ئۇرغان ۋە يارىماس دەپ تىللىغان ئىدىڭىز. ئەمەلىيەتتە، پۇلنى باشقىلار سومكامدىن ئوغىرلاپ كەتكەن ئىدى. سىز ئېلىشىپ قالغاندەك، چۈشەندۈرۈشىمگە زادى قۇلاق سالمىدىڭىز . ئىلگىرى سىزنى "قېرى جادى"دەپ يازغان ئىدىم. ئەمدى بىلدىم، سىزنىڭ بوتۇلكا يىغىپ سېتىشىڭىز، ئۆزىڭىز سەككىز ۋاتلىق لامپۇچكا ئىشلىتىپ ، 40 ۋاتلىق ئۈستەل چىرىغىنى ماڭا بىرىشىڭىز، چىلىغان كۆكتات يېيىشىڭىزدىن 300 يۈەن ئۈچۈن قانچىلىك بەدەل تۆلىگىنىڭىز ئېنىق تۇرمامدۇ؟ مەن باي ئائىلىنىڭ پەرزەنتى ئەمەس، لېكىن دەردىڭىزگە يېتىشنى ئۆگەنمەپتىمەن.    ئاپا، سىزنىڭ قەيەردىلىكىڭىزنى بىلمەيمەن. يەر تەۋرىگەن ئاشۇ دەقىقىدىن باشلاپ سىزدىن، دادامدىن ۋە مومامدىن غەم يىدىم. ئۈستى ئوچۇق بازاردا كۆكتات سېتىۋاتقان بولسىڭىز بەك ياخشى بولاتتى، ھەرگىزمۇ باشقىلارنىڭ ئۆيىدە سائەتلىك ئىشلەۋاتقان بۇلۇپ قالماڭ. يانفۇندىنمۇ قولايلىق بىر خىل قەلىب ئالاقىسى بولسا-ھە، سىزگە ئۆزۈمنىڭ ھايات ئىكەنلىكىمنى ئېيتاتتىم، سىلەرنىڭ ھايات ئىكەنلىكىڭلارنى بىلەتتىم. ھاياتلا بولساق، ئارزۇ-ئارمانلىرىمىز چوقۇم ئەمەلگە ئاشىدۇ. چىلىغان كۆكتات، سەككىز ۋاتلىق لامپۇچكا، دادام ئىككىڭلارنىڭ ئاق چېچى.....بۇلارنىڭ ھەممىسى دۇنيادىكى ئەڭ شېرىن نەرسىلەر ئىكەن.    ئاپا، بولالمايدىغان ئوخشايمەن، كۆز ئالدىمدا خىيالىي كۆلەڭگە پەيدا بولىۋاتىدۇ. سېسىق پۇراقتىن نەپسىم سىقىلىۋاتىدۇ. بېلىمنىڭ ئاستى سەزگۈسىنى يوقاتتى. سىرتتىن ماشىنلارنىڭ ئاۋازى ئاڭلىنۋاتىدۇ، لېكىن "قۇتقۇزۇڭلار " دەپ توۋلىغىدەكمۇ ماجالىم يوق......                                                  "مىللەتلەر ئەدەبىياتى " 2011 - يىللىق 6- سانىدىن

ئايچىن

	يۈرەكنى ئەزگۈدەكلا ئەسەركىنا بۇ...، ئانا ئەڭ ئۇلۇغ!!

aptuwa

	ھەر قانچە ئەسكى بولسىمۇ ئۆز ئانىنىڭ مېھرىگە نىمە يىتىدۇ ؟؟ ئانىلارمۇ شۇ باللىرىمغا ياخشى بولسۇن دەيدۇ . بەك تەسىرلىككەن ....

QALIB

	NAQARBALA0998 يوللىغان ۋاقتى  2012-7-8 02:30 PM بىزنىڭ قەشقەردە بىر قىز بار ئىدى،ئانىسى ماڭا تۇرامسەن  ... باش سۈرتىڭلار پەيزىكەن ھە؟ بولسا ئالماشتۇرۋىتىڭلار`````

halida108

	شۇنداق ئانا ئەڭ ئۇلۇغ،  بىزدە «بار چاغدا تىللىماڭ، يوق چاغدا يىغلىماڭ»دەيدىغان بىر ھىكمەتلىك سۆز بار، شۇنى ئۇنۇتماسلىقىمىز كېرەككى:« جەننەت - ئانىلارنىڭ ئايىغى ئاستىدا»

خۇش

	NAQARBALA0998 يوللىغان ۋاقتى  2012-7-8 02:30 PM بىزنىڭ قەشقەردە بىر قىز بار ئىدى،ئانىسى ماڭا تۇرامسەن  ... بۇ قىزلارنىڭ ئوغۇللاردىن ئەقىللق ئىكەنلىكىنىڭ تىپىك مىسالى

ئۇيغۇر38

	ئانا ئانا ئانا ئانا ئانا ئانا ئانا ئانا

Jim

	ئانادەك ئۇلۇغ قايدا بار .ئۇلارنىڭ جاپاسىغا نىمىش قىلىپ بېرەلىدۇق ؟؟؟؟؟؟؟؟؟؟؟؟؟؟

ئىپارە

	جېنىم ئاپامنى ھەجەپ كۆرگۈم كەلدا؟!