يۈرەكنىڭ بەرگىگە ياغماقتا يامغۇر

kilyang

	يۈرەكنىڭ بەرگىگە ياغماقتا يامغۇر توخسۇن ھۈسىيىن ئەلقۇت    1 --_________ دىرىزە تىكلىپ تۇرماقتا ماڭا تەنھالىق بېتىگە شېئىر يازىمەن ، قەلەمگە ئىچكۈزۈپ كۆز ياشلىرىمنى . بوغۇلۇپ -بوغۇلۇپ سۆزلەيمەن يەنە ، تۆت تامغا غېرىبلىق ، چاڭقاشلىرىمنى : ھەي ئىسىت ... جىمجىتلا ئۆتتى ئونبەش كۈن ، تېنىمگە مەستىخۇشلۇق تاراپ باقمىدى . خۇمارلىق كۆزىدە باققانچە ماڭا ، كارۋىتىم چېچىنى تاراپ باقمىدى . دىرىزە تىكىلىپ تۇرماقتا ماڭا ، گوياكى بىر تاتلىق گېپى باردەكلا ، بىر ئىقىم ئاقماقتا تومۇرلىرىمدا ، قېنىمغا مىڭ ئاتەش قۇيۇلغاندەكلا ... 2 ________ قوۋزاقلار باغرىدا تاتلىق جىلمىيىش ئەجەبمۇ چاغ بۈگۈن يامغۇرنىڭ كەيپى ، شاخلاردىن شاخلارغا سىرغىيدۇ مەستىخۇش . بىر ئەزگۈ شادلىقنىڭ باراۋىتىدە زېمىننىڭ تىنىقى ئاڭلىنار پۇش -پۇش ھەر چىمدىم تۇپراقتا مىڭ گىياھ كۈلەر، ھەر گىياھ لېۋىدە كۈلكە ناتىۋان . نۇر سۆيگەن يۈرەكنىڭ چوڭقۇرلۇقىدا ، يۇيۇنۇپ پاكلىنار يېشىل ھاياجان . بىر تىنىق ، پەقەتلا بىرلا تىنىقتا ، توغراقلار ھۈپپىدە كەتتى ياشىرىپ قوۋزاقلار باغرىدا تاتلىق جىلمىيىش ، زاماندىن زامانغا چىقتى بىخ يېرىپ . تەرلىمەكتە يۈرىكىم سىم - سىم بۇلاق بېشى قىياقلار بىھۇش .... مەجنۇنتاللار پىچىرلىشىدۇ . پوتىسىنى بوشىتىپ تۇرۇپ ، چېكەتكىلەر ۋىچىرلىشىدۇ . چىغىرتماقنىڭ پايانى قىنى ؟ ياپراقلىرى قىرىق كوكۇلا . قىرىق قىزنىڭ قىرىق نازىدا ، تېپىرلايدۇ گىرىمسەن شولا . قۇچىقىمدا يۇلتۇزلۇق ئاسمان ، ئۇ گوياكى چەكسىز باياۋان . پەسىللەرنىڭ قىسىلچىلىقىدا ، بەرگىللىرى يۇيۇلغان تامام سايىسىدا يازنىڭ بۇ ئەسنا ، تەرلىمەكتە يۈرىكىم سىم - سىم ئۆز - ئۆزۈمنى سۆيدۈم ئاۋايلاپ ، تەرلەپ - پىشىپ ئاخىرقى قېتىم . يۈرەكنىڭ بەرگىگە ياغماقتا يامغۇر يۈرەكنىڭ بەرگىگە ياغماقتا يامغۇر ، گوياكى خىيالدەك يىنىك تاراسلاپ . بىر سايە كېزىدۇ ناخۇش دىلىمدا ، ئۈگە - ئۈگىلىرىمنى تاتلىق تاراشلاپ . ئاسمانغا بوي سوزغان بولجا تىرەكنىڭ ، شېخىدا بىر قاغا تۇرار شۈمشىيىپ . كوكاتنىڭ لەۋلىرى گەپ يۇقى بۇدەم ، سىماپ رەڭ بىر ھېساپتا بارىدۇ كويۇپ . ئىككى تەن - ئىككى روھ ، ئىككى خىل دۇنيا ، ئارىدا سىر ھىكمەت تولۇپ ياتىدۇ . خۇشلۇق ۋە ناخۇشلۇق ئاراچلىرىدىن ، بىر ناخشا كۈلكىدەك پارلاۋاتىدۇ . ئاپتۇر گۇما ناھىيە كىلياڭ يىزىلىق خەلىق ھۆكىمىتىدە مەنبە : تارىم ژۇرنىلى 2012 يىل 4 - سانىدىن            2012 - يىل 7 - ئاينىڭ 7 - كۈنى

muhabbatsiman

	ئېسىل شېئىرلاركەن.ئىنكاسىم ئارقىلىق ساقلىۋالاي.

ATAX318

	ئىسىل شىېىرلاركەن رەخمەت

篮球美女

	سەلكىندىكى كىلىياڭ سىزمۇ ياكى مەن خاتا تونۇپ قالدىممۇ ؟

qog

	ياخشى شىئىرلاركەن

zulayha

	تولىمۇ يېقىشلىق تىل ئىپادىلىرى بىلەن يۇغۇرۇلغان تېمىڭىزدىن خۇرسەنمەن . قەلىمىزگە بەرىكەتلەر بولسۇن .

musilina

	بەدىئىي  تىل ناھايىتى جايىدا،ئوبرازلىق ئىپادىلەنگەن، يېقىشلىق شېئىرلاركەن،شائىرغا ھەم تېما يوللۇغۇچىغا تەشەككۈرلەر ياغسۇن...

kigiz

	رەھمەت

kilyang

	篮球美女 يوللىغان ۋاقتى  2012-7-7 08:57 PM سەلكىندىكى كىلىياڭ سىزمۇ ياكى مەن خاتا تونۇپ قالدىممۇ  ... ئەسسىلامۇ ئەلەيكۇم  ھۆرمەتلىك مۇنبەردىشىم مەن سەلكىنگە ئەزا بولمىغان ئەمما كۆپىنچە تورلاردا كىلياڭ دىگەن ئىسىم بىلەن ئەزا مەن  مۇمكىن بولسا سەلكىن تورىنىڭ ئادىرىسنى ئەۋەتىپ بىرىڭ مەن كۆرۈپ باقاي مىنىڭ نامىمدىن باشقىلار قالايمىقان پايدىلانمىسۇن