( ئەلباش)سىلەرچوشقا گۈشى يىسەڭلار ھىچنىمە بولمايدۇ !

albax

	ئەسسالامۇ ئەلەيكۇم ! كۆپچىلىكنىڭ قاتتىق ئەيىبلەپ كەتمەسلىكىنى تۈۋەنچىلىك بىلەن سورايمەن !    7 -8 يىللارنىڭ ئالدىدىغۇ دەيمەن ، بىز يىقىن ، ئامراق ، ئايرىلماس ئونچە ئاغىينە بار ئىدۇق . ئارىمىزدا ھەرخىل - ھەرياڭزا كەسىپتىكىلەر ھەممىسى دىگۈدەك بار ئىدى . ئۇنىڭ ئۈستىگە بىز كۆپىنچىمىز بالا ئاغىينە بولغاچقا دىيىشمەيدىغان گىپىمىز يوق ئىدى . كۈندە دىگۈدەك يىغىلىپ بىللە ئوينايتتۇق ، قىززىق - قىززىق مۇنازىرىلەرنى ، ئاجايىپ - غارايىپ پاراڭلارنى ، ئىبرەتلىك ھىكايەتلەرنى سۆزلەيتتۇق . بەزىدە ئارىلاپ ئانچە - مۇنچە ئۇيۇن - تاماشا سورۇنلىرىغا باراتتۇق . يىقىنلارنىڭ تويلىرى بۇلۇپ قالسا توي مەشرىپىدىن يېنىپ بىللە ئۇيەر ، بۇيەرگە بېرىپ كىلەتتۇق . قىززىق يېرى بەزىدە ئاتايىن ئادەمسىز سايغا بېرىپ ۋاقىراپ - جاقىراپ ھارغىنلىقنى ، جىددىيلىكنى پەسەيتەتتۇق . بەزىدە ئۇلاپ ناخشا توۋلايتتۇق ....................    شۇ كۈنلەرنىڭ بىرىدە بىركىچىسى سائەت 12 لەر بىلەن نەدىن قايتىپ كەلگىنىمىز يادىمدا يوق ، ئەيتاۋۇر ئاغىينىلەرنىڭ قورسىقى ئېچىپ تاماق يىمەكچى بولدۇق . مەندىن باشقىللىرى ئاساسەن مەس ئىدى . مەن ھاراق ئىچمىگەچكە ئۇلارنىڭ قىززىق قىلىقلىرىنىڭ  ، غەلىتە گەپ -سۆزلىرىنىڭ گۇۋاھچىسى ئىدىم .   ئادەتتە داۋاملىق تاماق يەيدىغان بىر كوچىغا باردۇق . قېرىشقاندەك بىز تاماق يەيدىغان تۇڭگان ئاشخانىسى نىمىشقىدۇر تاقاق تۇراتتى . شۇ ئەسنادا بىرەيلەن ياندىكى سۇيۇق - سەلەڭ تاماق ئىتىدىغان بىر ئاشخانىنى كۆرسىتىپ تۇرۇپ دىدى :   - ماۋۇ ئاشخانىغا كىرمەمدۇق ؟     مەن بىر قاراپلا ئۇنىڭ خەن ئاشخانىسى ئىكەنلىكىنى ، ھەتتا ئالدامچىلىق ئۈچۈن بولسىمۇ « مۇسۇلمانچە » دىگەن تاختا ئاسمىغانلىقىنى كۆردۈم . شۇنداق بولسىمۇ قانچە يىللاردىن بىرى تەربىيە قىلىپ ھاراقتىن تۇسالمىغان ماۋۇ ئاغىينىللىرىمنى بىر ئوسال قىلماقچى بولدۇم .   - مېڭىڭلار ئەمىسە !   شۇ ئەسنادا بىزنىڭ « ھەربى» ئاغىينىمىز توۋلاپ سالدى :   - ھوي ، ئاغىينىلەر ھوي ، قاراپ تۇرۇپ مۇشۇ خەن ئاشخانىسىغا كىرىپ تاماق يەمدۇق ؟ ئىككى يىل ھەربىلىكتە تۇرۇپمۇ مەن بۇلارنىڭ تامىقىنى يىمىگەن . ئاچ ئۇخلىسام مەيلىكىن بۇلارنىڭ تامىقىنى يىمەيمەن . ئاداش سىلەر داۋاملىق بىزگە تەربىيە قىلىدىغان ئادەم قاراپ تۇرۇپ مېڭىڭلار دەيسىلەرغۇ ؟   مۇغەمبەرلىك بىلەن دىدىم :   - ھىچقىسى يوق ئاداش ، نىمانچىۋالا زىل بۇلۇپ كەتتىڭلار ئەمدى ؟ ناھايىتى تاماق يەيسىلەر ، نىمە بوپتۇ ئەمدى ..............؟   ئەزەلدىن بۇنداق گەپنى مەقسەتسىز دىمەيدىغانلىقىمنى بىلىدىغان بىرى سوراپ قالدى :   - ئاداش بۇلارنىڭ تامىقى ھارام تۇرسا يىسەك قانداق بۇلىدۇ ؟   ئوخشاشلا مۇغەمبەرلەرچە جاۋاپ بەردىم :   - سىلەر يىسەڭلار بۇلىلىۋىرىدۇ !   « ھەربى » ھەيران قالدى :   - سىلەر دەيسىلەرغۇ ؟ بايا سىلىنىڭ قورسىقىڭلار ھەممىدىن بەك ئاچقان ، خۇددى تاماق يىمەيدىغاندەكلا ......؟   - ئۇغۇ شۇ ، لېكىن مەن بۇلارنىڭ تامىقىنى يىسەم بولمايدۇ !   ئاغىينىللىرىم بىر پەس جىمىپ قېلىپ غودۇراشتى .   - بۇ قانداق گەپ بۇلۇپ كەتتى ؟ بىز يىسەك بۇلىدۇ ، سىلە يىسەڭلار بولمايدۇ ، بۇرۇن ھارام دەپ ئۈزۈڭلار ئۇنىمايتىڭلاغۇ ؟   كەسكىن ھەم ئىشەنچلىك ئاھاڭدا ئېيتتىم :   - سىلەر ھاراق ئىچتىڭلار ، ھاراقنىڭ چوشقا گۈشىدىن ئۈتە ھاراملىقىنى مەن سىلەرگە نەچچە قېتىم ئېيتتىم ، ئاڭلىمىدىڭلار ، بۇگۇنمۇ ئوخشاشلا ھاراق ئىچتىڭلار شۇڭا ھاراقنىڭ ئالدىدا بۇ ئاشخانىنىڭ تامىقى ھىچنىمە ئەمەس يىسەڭلار بۇلىدۇ . لېكىن مەن ھاراق ئىچمىگەن ئادەم بۇ تاماقنى يىسەم بولمايدۇ .   ئۇلارغا ، يىقىن ئاغىينىللىرىمگە بۇ خىل ئۇسۇل بىلەن تەربىيە قىلغىنىمغا كۆڭلۈم يېرىم بولسىمۇ لېكىن مۇشۇنداق قىلماي بولمىدى . بۇ گەپ بىلەن قورسىقى پولو يىگەندىنمۇ بەكرەك تويغان ئاغىينىللىرىم ئارتۇق گەپ قىلمايلا ئاستا قايتىپ ماڭدى .   10 يىللاردىن بىرى تەربىيە قىلىپ بۇگۈنكى كۈنگە كەلگەندە ئۇلارنىڭ مۇتلەق كۆپ قىسمى ھاراق تاشلىغان بولسىمۇ يەنە بەزىللىرى ئوخشاشلا ئانچە-مۇنچە ئىچىپ يۈرىدۇ ، شۇنىڭغا قارىغاندا ئاللا كىشىگە ئىنساپ بەرمىسە ئۆزگەرمەيدىغان ئوخشايدۇ . ئاللا بارلىق ئەركەكلىرىمىزنىڭ كۆڭلىگە ئىنساپ - ھىدايەت ، روھىغا جۈرئەت - جاسارەت ئاتا قىلغايسەن !!!!!!!!!!!    مەنبە : ئەلباش

oygan0

	مۇشۇنداق ئەپ بىلەن ئۆزىمىزگە قايتۇرۇپ كېلىشىمىز كېرەك ئازغانلارنى .....

KUTALQESI

	دۈشمەن كۈلدۈرۈپ ئىيتار، دوس يىغلىتىپ دەپتىكەن ئەگەر ھەقنى سۆزلىگەن بولسىڭىز كۆڭلىڭىزنى ھەرگىزمۇ يىرىم قىلماڭ ھامان بىر كۈنى ئاشۇ دوسلىرىڭىز قەدىرىڭىزگە يىتىدۇ.

noQisi

	ئاللا ئاجرىڭىزنى بەرسۇن ›بولسا يەنە مۇشۇنداق ياخشى ئەسەرلەرنى داۋاملىق يىزىپ تۇرۇڭ.

ئۆل

	مۇشۇ  مۇنبەردىكى قانچلىك ئەر -يىگىتلرىمىز ئىچمەس مۇشۇنى

musilina

	ماۋزۇنى ئوقۇپلا ئاچچىقىم بىلەن كىرگەن ئىدىم،ئەسلىدە تەربىيىۋى قىممىتى بار،ئەھمىيەتلىك تېمىكەنغۇ... رامىزان كىرگگندە ھاراق ئىچىدىغانلارمۇ سەل ئازلامدىكىن....

ئۆل

	sazguri يوللىغان ۋاقتى  2012-7-6 10:37 PM مانا مەن ئىچمەيمەن چەكمەيمەن راھىپ سۇپەت بالا ئىلاھىم مۇشۇ ئېغىزىڭىز بىلەن دىلڭىز بىر بولغاي ..ئامىن