«كالۋا ئوغۇل»،كولاپ كۆمۈۋەت

شاپ

	«كالۋا  ئوغۇل» چارۋا-مال بېقىش-دېھقانلارنىڭ دېھقانچىلىقتىن قالسىلا ئىككىنچى ئورۇندا تۇرىدىغان كەسىپلىرىدىن بىرى ھىسابلىنىدۇ.چارۋا-مال كىسەللىكىنىڭ ئالدىنى ئېلىش - چارۋىچىلىقنى تەرەققى قىلدۇرۇشتا موھى رول ئوينايدىغان بولۇپ،قوي كالىلارنى يۇيۇندۇرۇش ماللاردىكى پارازىت قۇرۇتلارنى يوقىتىشنىڭ ئەڭ ئۈنۈملۈك يەرلىك ئۇسۇلى بولۇپ ھىسابلىنىدۇ.      مانا بۈگۈن ئىمىن ئاكا قىشتىن بىرى ئىسسىق قوتاندىن ئايرىلمىغان قويلىرىنى كۈننىڭ قىزىقىدا يۇيۇندۇرۇش ئۈچۈن ئوغلى مەمەتنىڭ ياردىمىدە ئىرىق بويىغا ئېلىپ چىقتى-دە،سۇيى يىغىلغان چوڭقۇر جايغا كېلىپ توختىدى.      -ئوغلۇم مەمەت،سەن قويلارنى توسۇپ تۇرغىن،ئۇلار قېچىپ كەتمىسۇن.مەن قويلارنى بىر بىرلەپ يۇيۇندۇرمىسام بولمايدۇ.      - بولىدۇ،دادا ! ئىمىن ئاكا قويلىرىنى بىربىرلەپ سۇنىڭ چوڭقۇر جايلىرىغا تاشلىغىلى تۇردى. سۇغا تاشلانغان قويلار سۇنىڭ تىگىگە كىرىپ چىققاندىن كېيىن سۇلىرىنى چاچرىتىپ قىرغاققا يامىشاتتى.     - ھەي مەمەت،دەرھال ماڭا ياردەملەش،بۇ قوچقار بەك ئېغىر ئىكەن !      -بىراق دادا،بۇ ئەتراپتا قولۇمدىكى ئانا قوينى باغلىغۇدەك يەر بولمىسا !     -ھەي كالۋا،شۇنىڭغىمۇ كاللاڭ  ئىشلىمىدىمۇ،ئارغامچىنى بېىڭگە چىگىپ قويۇپ كەلمەمسەن؟ شۇ گەپ بىلەن مەمەت بېشىنى قاشلاپ بىردەم تۇردى-دە،دادىسىدىن تىل ئاڭلىماسلىق ئۈچۈن قولىدىكى ئارغامچىنى ئۆزىنىڭ بېلىگە باغلاپ قويۇپ دادىسىغا ياردەملىشىپ قوچقارنى سۇغا تاشلىدى. قويلار بىر بىرلەپ ئازلىماقتا ئىدى.نۆۋەت مەمەت ېلىگە باغلاپ قويغان ئانا قويغا كەلدى. مانا كارامەت،دادىسى ئارغامچىنى يىشىشنى ئۈنتۇپ قوينى كۆتۈردى-دە سۇغا تاشلىدى.      -دا...دا... مەن...       مەمەتنىڭ سۆزى ئاخىرلاشمايتۇرۇپ ئۆزىنى قوي بىلەن بىرگە  سۇنىڭ  تىگىدە كۆردى. مەمەتتىن ئۈركۈپ كەتكەن قوي قىرغاققا ياماشتى بىراق ،ئارغامچىنى بىر ئۇچىغا باغلىنىپ قالغان  مەمەت قوينى سۇغا سۆرەپ كەتتى.بىر بىردىن ئۈركۈش15مىنۇتقا  يىقىن داۋاملاشتى. بىر ۋاقىتلاردا ئىسىنى يىغقان ئمىن ئاكا ئاران تەستە ھۇشىدىن كەتكەن  بالىسىنى سۇدىن چىقىرىۋالدى-دە قويلىرىغىمۇ قارىماستىن  يېزىلىق دوختۇرخانىغا چاپتى. ... ... ... بىر نەچچە كۈن ئۆتكەندىن كېيىن  مەمەت دوختۇرخانىدىن چىقتى-دە مەكتىپىگە يول ئالدى.... (تۈگىدى) كولاپ كۆمۈۋەت ھەي،بالىلار قاراڭلار،«كولاپ كۆمۈۋەت» كېلىۋاتىدۇ. سىنىپ ئىشىكى تۈۋىدە تەنەپپۇس قىلىۋاتقان بىر نەچچە ئوغۇل  ئوقۇغۇچى شۇنداق دىدى-دە،دەرھال سىنىپىغا كىرىپ ئىشىكنى تاقىۋىلىشتى. - ھۇ بەڭباشلار! .قاھار مۇئەللىم شۇنداق دەپ ئاچچىقى بىلەن سىنىپ تەرەپكە ماڭدى-يۇ،يەنە كەينىگە يېنىپ ئىشخانا تەرەپكە ماڭدى. قاھار مۇئەللىمنىڭ كۆز ئالدىدىن ئالدىنقى ھەپتە يۈز بەرگەن ئىشلار كىنو لىنتىسىدەك ئۆتۈشكە باشلىدى.... -ئەتە يۇقىرى دەرىجىلىك ئورۇنلاردىن مەكتىپىمىزنىڭ بارلىق خىزمەتلىرىنى تەكشۈرگىلى رەھبەرلەر كېلىدۇ.شۇڭا بارلىق ئوقۇتقۇچىلار ئوقۇتۇشنىڭ ئىچى قىسمىدىكى ئىشلارنى تولۇق قىلغاندىن سىرت،ھەر قايسى سىنىپلار ئۆزلىرىگە ئايرىلغان جايلارنىڭ تازىلىقىنى ياخشى قىلىش كېرەك.قاھار مۇئەللىم،سىز سىنىپىڭىزدىكى ئوقۇغۇچىلارنى ھەرىكەتلەندۈرۈپ مەكتەپتىكى ئەخلەتلەرنى كۆمۈپ ئاخىرلاشتۇرىسىز.كەينىگە تارتىشقا بولمايدۇ.        كەچلىك مۇزاكىرە ۋاقتىدا ھەممەيلەن تازىلىق قىلىشقا تۇتۇندى.      - مۇئەللىم،ئەخلەتلەرنى كۆمۈپ بولدۇق،بىراق ئەخلەت ئورىسىدىن چىقارغان توپىنىڭ يىرىمى ئېشىپ قالدى،قانداق قىلىمىز؟ ئىشخانىدا تاپشۇرۇق تەكشۈرۈپ ئولتۇرغان  قاھار مۇئەللىم بېشىنىمۇ كۆتۈرمەستىن  ئىشك تۈۋىدە تۇرغان ئوقۇغۇچىسىغاجاۋاب بەردى:    -كولاپ كۆمۈۋىتىڭلار!    - مۇئەللىم ...      -ھەي!،گاسمۇ سەن،كولاپ كۆمۈۋىتىڭلار دىدىمغۇ!    ئوقۇغۇچى پىخىلداپ كۈلگىنىچە دەرھال كەينىگە ياندى-دە ۋارقىرىدى:    -ھەي ساۋاقداشلار،ئاشقان توپىنى كولاپ كۆمۈۋەتكۈدەكمىز!    ئىشخانىدا دەرس تەييارلاپ ئولتۇرغان ئوقۇتقۇچىلارمۇ ئاغزىنى تۇتۇپ كۈلۈشكە باشلىدى....

turpan0995

delim

	2.سى راسلا قىزىقارلىقكەنغۇ  !   كولاپ كۆمۋەت

afxar

	كولاپ كۈمىۋەت ،ماۋۇ قىزىقكەن

sazguri

	ئاۋۇ پەستىكىسى ھەقىقەتەن ئالدىراش ئوقۇتقۇچى ئىكەن ھازىرقى ئوقۇتقۇچىلارنىڭ ئەمىلىي ئەھۋالىنى ئەكىس ئەتتۈرۈپتۇ !!    ئۈستىدىكى سەل ئەمىليەتتىن چەتنەپ كەتتىمۇ قانداق ئادەتتە بىز قويلارنى ئادەم چۆكرەلىگىدەك سۇغا پىشمايمىز يا

dilbar

	بولىدىغان لەتىپىلەر ئىكەن...

manmihnat

	بۇلارنىڭ ھەممىسى تاسادىبىيلىق ھەيران قىلىشنىڭ ھاجىتى يوق ،

كارۋان

	يۇمۇركەن پەستىكى. ئەمما ئۈستىدىكىدە قويلارنى سۇغا چۈمۈلدۈردى ئەمەس ۋاننىغا چۈمۈلدۈردى دەپ ئالسىڭىز تېخىمۇ ياخشى بولىدۇ.

دوللار

	قىزىق  ھە ؟؟؟؟؟؟

axkar

	مۇنبەر كۆرۈشمۇ بىر خىل ھوزۇر جۇمۇ ، تىمىغا ئىنكاس قوشۇلۇپ باشقىچە بىر دۇنيا شەكىللەندۈرىدۇ .