ئابدۇقادىر جالالىددىن ئەقلىيەلىرى

genius220

	1.  خۇدانىڭ گۈزەل ۋە ساغلام بەدننى ئاتا قىلىشى ھەممە بايلىقنى ئاتا قىلىشىنىڭ دەل ئۆزىدۇر.ئادەم مېڭىسى پىكىر قىلىش،ئويلىنىش ئۈچۈن يارالغان.كۆز،قۇلاق،پۇت-قول قاتارلىق باشقا ئەزالارمۇ ئۆزىگە لايىق قۇدرەتكە ئىگە.ئەگەر بۇلارنىڭ ھەممىسىنىڭ قەدىر-قىممىتىنى تونۇپ مۇۋاپىق رولىنى جارى قىلدۇردىغان بولسا،ئىنسان بالىسىغا نېمىلەر نىسىپ بولمايدۇ؟ساغلام ۋۇجۇد ئاتا قىلغان خۇدا ئۇنى توغرا ئىشلەتكەن،ئۆز بەخىت-سائادىتىنى ئىزدەش يولىدا سەرىپ قىلغان بەندىسىگە نۇسرەتنى ئايارمۇ؟ 2.بىر مىللەتنىڭ چۈشكۈنلۈكى ئاياللاردىكى ساياقلىقتا روشەن كۆرۈلىدۇ.بۇ يەنە ئەرلەردىكى قەيسەرلىكنىڭ بەربات بولغانلىقىنى چۈشەندۈرىدۇ. 3.نۇمۇس تۇيغۇسى ئۆلگەن كىشىلەرگە ھەقىقەتتىن گەپ ئېچىش،ئېشەككە مۇراببا بەرگەندەك بىر ئىش. 4.ئىت ئۆزىنىڭ رىزقىنى ئىگىسىدىن ئالىدۇ.شۇڭا،ئۇنىڭ ھەركىتى ئىگىسىنىڭ رايى بىلەن چەكلىندۇ.بۆرە ئۆزى تېپىپ يەيدۇ،شۇڭا،ھۇشيارلىق بىلەن قەيسەرلىك ئۇنىڭ خاراكتىرى. 6.بىر مىللەتنىڭ ئۇزاق تارىخى ئەنئەنىسى،مەدەنىيەت تەرەققىياتى،ئارزۇ-خاھىشلىرىنىڭ مەزمۇن دەلىلى بولغان خاس مۇھىتنىڭ بەربات بولۇشى شۇ مىللەتنىڭ تارىخىنىڭ پالەچ بولغانلىقىدىن بىشارەت بېرىدۇ. 7.ئىشىكلەرنىڭ ئۆزى خالىغاندا ئىچىدىن ئېچىلغىنى ئەۋزەل.ئۆزى خالاپ ئېچىلغان ئىشىكلەر ھەقىقەتەن سېخىيدۇر.    <ئابدۇقادىر جالالىدىن شۇنداق دېگەن>  كىتابتىن ئېلىندى.                                    مىسرانىم تورىدا بېسىلدى

oygan0

	مەن كۆپچىلىككە ‹‹ ئابدۇقادىر جالالىددىن ماقالىلىرى ›› دېگەن كىتابنى تېپىپ ، چۈشىنىپ ئوقۇپ ، ئاندىن ساقلاپ قۇيىشىنى تەۋسىيە قىلىمەن ، ئەگەر بۇ كىتابنى سېتىۋېلىپ ئالغان پۇلىڭىزغا رازى بولمىسىڭىز مەن تۆلەپ بېرىمەن،ئىنشائاللاھ......

نەۋرۇز

	مەنمۇ بۇ كىتابنى ئوقۇۋاتىمەن ھەقىقەتەن ياخشى كىتاب تورداشلارنىڭمۇ ئوقۇپ بېقىشىنى تەۋسىيە قىلىمەن!

tewelgha

	ئابدۇقادىرنىڭ ماقالىلار توپلىمىنى خېلى بۇرۇنلا ئوقۇغان ئىدىم.مېنىڭچە ئۇنى ئوقۇش ئۈچۈن ئالدى بىلەن گېگىل ،فىرباخ ،ماركىسلارنىڭ پەلەسەپەسىنى ئاز تولا ۋاراقلاپ بىقىش كېرەك .بۇلمىسا بەزى جۈملىلەردە ئاپتۇرنىڭ نېمە دېمەكچى ئىكەنلىگىنى چۈشەنمەك تەس .ئۇنىڭ ئۈستىگە ئابدۇقادىر يوقۇرى سەۋىيىدىكى  ئەدەبىي تىل ئارقىلىق پەلەسەپەۋى قانوننىيەتلەرنى شەرھىلىگەنلىگى  ئۈچۈن،ئۇنى  چۈشۈنۈش خېلىلا تەسكە چۈشىدۇ . ئەسلىدىغۇ پەلەسەپەۋى ھۆكۈملۈكلەرنى ئاددى دېھقان تېلىدا ئىزاھلىسا تولىمۇ ياخشى بولاتتى .

yidayat164

	2.بىر مىللەتنىڭ چۈشكۈنلۈكى ئاياللاردىكى ساياقلىقتا روشەن كۆرۈلىدۇ.بۇ يەنە ئەرلەردىكى قەيسەرلىكنىڭ بەربات بولغانلىقىنى چۈشەندۈرىدۇ. تولىمۇ توغرا دەپتۇ

JAHANGIR.123

	ئابدۇقادىر جالالىدىننى دىيارىمىزدىكى 1-نومۇرلۇق دەھرىي پەيلاسوپمىكىن دەيمەن. ئۇ، ئۆمۈر بويى مائارىب بىلەن شۇغۇللانغان بولسىمۇ، ئىسلام ئۈچۈن، مۇسۇلمانلار ئۈچۈن بىرەبىر ئىلمىي ئەمگەك قىلىپ باققىنىنى ئاڭلىمىدىم، ياكى كۆرمىدىم. چۈنكى، بۇ ساھادە ئۇنىڭ نەتىيجىسى يوق دېيەرلىك. ئابدۇقادىر جالالىدىن ئەپەندىم غەرىب دىنسىز مۇتەپەككۈرلىرىنىڭ پەلسەپە ئىدىيىسىنى بازارغا سېلىپ، دىيارىمىزدىكى ئۇيغۇر مۇسۇلمانلىرىنىڭ ئېتىقادىغا سوغاق سۇ سەپتى. ئىسلامىي بىرلىك بىلەن مۇسۇلمانلىق بىرلىككە قىسمەن دەز كەتتى. غەرىب شوۋېنىزىمىنىڭ شوۋىسىنى ئىچكەن بىر تۈركۈم ئازغۇن، گۇمراھ ياشلار باش كۆتۈرۈپ، ھەقتىن باتىلغا يۈزلەندى. باتىل ئەقىيدە ئۇلارنىڭ مەڭگۈلىك قىبىلنامىسىگە ئايلاندى. شاگىرتنىڭ پاسىق ۋە فاجىر مىللەتچىلەردىن بولۇشىنى ئۇستازنىڭ ئەجىرىدىن ئايرىپ قارىيارلمايمىز. مەن قارىسىغا سۆزلىگىنىم يوق. ئەپەندىمنىڭ ئەسەرلىرىنى ئوقۇش ئارقىلىق مۇشۇ خىل تونۇشقا كەلگەنىدىم. ئالىم ياكى پەيلاسوپ بولۇشتىن ئەۋۋەل ئىسلامدا ئالىم بولۇش شەرتىنى ئازىرلاش كېرەك. بىزگە لازىمى ساغلام ئەقىيدە. باتىل ئەقىيدە، ئەخلەت ئىدىيىلەر بىلەن خۇشۇمىز كەلمەيدۇ. فېيىرباخ، گېگىل، ماركىس ۋە ياكى زورو ئاستېر بولسۇن، ھەممىسى شەيتاننىڭ شايكىلىرى. ئۇلارنىڭ ئىدىيە-نەزىرىيېلىرى ئەتىۋارلاپ ئىستىمال قىلىشقا ئەرزىمەيدۇ. ئىدىيە-نەزىرىيە ھەقىيقەت بىلەن تەڭلىشەلمەيدۇ. ئۇ، نىسپىيلىق خاراكتىرى بىلەن يۇمىلاق تاۋۇزغىلا ئوخشايدۇ. ئۇنى ھەقىيقەت دەپ چۈشەنگەنلەرمۇ يۇمىلاق تاۋۇزغا ئوخشايدۇ. يۇمۇلاق تاۋۇز ئۇيغۇر تىلىدىكى بىر ئېدىيوملۇق سۆز بولۇپ، ئۇ ئىككى يۈزلىمىچى كىشىلەرگە قارىتىلىدۇ. ئىككى يۈزلىمىچىلىك خاراكتىرىگە ئىگە كىشى ئەلۋەتتە، مۇناپىقنىڭ شەرتىگە چۈشۈدۇ. مۇناپىقنىڭ جەمىيەتلىشىشىنى ئازغۇن، غەيرى ئىدىيە-نەزىرىيەلەرنىڭ ئۇيغۇر جەمىيىتىدە چوڭقۇر يىلتىز تارتىشىدىن ئايرىپ قارىيالمايمىز. غەرىب دىنسىز مۇتەپەككۈرلىرىنى پەيغەمبەردەك كۆرۈۋاتقانلار كىم؟ يەھۇدىي-ناسارالاردىن ئىخلاسمەنلىك بىلەن زوقلىنىۋاتقانلار كىم؟ سۈزۈك ئەقىيدىمىزنى لېيىتىۋاتقانلار كىم؟

BBC

	JAHANGIR.123

BBC

	JAHANGIR.123 پارتىيە ھۆكۈمەتنىڭ ماۋۇ (جاھانگىر123) تەك ئەقلىگە پوق يەيدىغان ،جانابى ئاپئاق خوجىنىڭ جاھىل مۇرتىدىن بىرنى تەربىيلەپ بەرگىننىگە ھەشقاللا.مۇشۇنداق دىن دىگەن نىمە؟ پەن دىگەن نىمە؟پەلسەپە دىگەن نىمە؟ھۆرلۈك نىمە؟قۇللۇق نىمە؟مىللەت نىمە؟ئىدىيە دىگەن نىمە؟ھاياتلىق دىگەن نىمە؟ئىلىپنىڭ سۇنىقىنى بىلمەيدىغان بۇنداق كىشىلەرنىڭ كۆپلۈكى بىرمىللەتنىڭ ھالاكىتى.

bugaltir

	JAHANGIR.123 باشقىلارنى  ئۇنداق  -  مۇنداق  دىيىشتىن ئاۋال ئۆزۈڭنى  بىر  دەڭسەپ  باق   . ئۆزۈك  كىم  ؟ ،  نىشانىڭ  نىمە   ؟  تۆبىگە  ئالدىردىڭمۇ  ؟