فېرناندونىڭ ئۇيغۇر يىگىتىگە كۆزى چۈشتى

TILSIMAT

	خان مادرىت كوماندىسى باش نازارەتچىسى فېرناندونىڭ توققۇز ياشلىق ئۇيغۇر يىگىتىگە كۆزى چۈشتى ياشىن تورى خەۋىرى: 7-ئاينىڭ 2-كۈنى خان مادرىت كۇلۇبى بالداقسىمان ئەترەت تېخنىكا بۆلۈمىنىڭ باش نارارەتچىسى، ئىسپانىيە دۆلەت كوماندىسىنىڭ سابىق ئەزاسى فېرناندو باش بارمىقىنى چىقىرىپ تۇرۇپ «شىنجاڭ مېنى ھەيران قالدۇردى ھەم بەك خوش قىلىۋەتتى» دېدى.     فېرناندو ۋە خېڭدا مادرىت پۇتبول مەكتىپىنىڭ مۇدىرى قاتارلىق كىشىلەر ئۈرۈمچى ۋە سانجى شەھىرىدە ياش-ئۆسمۈرلەر پۇتبولىغا قارىتا ئىككى كۈنلۈك تەكشۈرۈش ئېلىپ باردى. خېڭدا مادرىت پۇتبول مەكتىپىنىڭ تېرىنىرلار ئەترىتىدىكى ئاساسلىق شەخس بولۇش سۈپىتى بىلەن بۇ قېتىم بۇ ئىككەيلەننىڭ مەخسۇس شىنجاڭغا كېلىپ تەكشۈرۈشتە بولىشى يەنە ئۇلارنىڭ ناھايىتى ئەھمىيەت بەرگەنلىكىنى چۈشەندۈرۈپ بېرىدۇ.     1-ئىيۇل فېرناندو ۋە جۇ سۈيئەن ئۈرۈمچىگە يېتىپ كېلىپ مېھمانخانىدا ئازراق ئارام ئېلىۋىلىپلا شىنجاڭ تەنتەربىيە مەركىزىگە يېتىپ كېلىپ شەخسەن ئۆزلىرى 40 نەچچە بالىلارغا قارىتا پۇتبول ئاساسىي ساپا سىنىقى ئېلىپ باردى. ئۇلار مۇنداق دېيىشتى: «جۇڭگو ب دەرىجىلىكلەر بىرلەشمە مۇسابىقىسىنىڭ ھەربىر مەيدان مۇسابىقىسىنى نەچچە تۈمەن ئادەم كېلىپ كۆرىدىكەن، بۇنىڭدىن شىنجاڭدا پۇتبولغا بولغان قىزغىنلىقنىڭ ناھايىتى يۇقىرى ئىكەنلىكىنى بىلىۋالدۇق. ئاڭلىشىمىزچە بۇ يەردە ناھايىتى قالتىس پۇتبولچى نوتىلار بار ئىكەن، بىز ئۇلارنىڭ بىزنىڭ مەكتەپكە بېرىپ ئىلمىي، سىستىمىلىق بولغان مەشىقنى قوبۇل قىلىپ جۇڭگو پۇتبولچىلىقى شۇنداقلا شىنجاڭ پۇتبولچىلىقى ئۈچۈن كۆپرەك تۆھپە قوشىشىنى ئۈمىد قىلىمىز.»     بۇ قېتىم سىناققا قاتناشقان 40 نەچچە ئۆسمۈرنىڭ ھەممىسى خېڭدا مادرىت پۇتبول مەكتىپىنىڭ شىنجاڭدىكى تۇنجى سىنىقىدىن ئۆتكەن بالىلار، بۇنىڭدىن بۇرۇن ئۇلار سۈرئەت، كۈچ، چىدامچانلىق، ماسلىشىشچانلىقى، ئېلاستىكىلىقى ۋە ئەقىلىي قابىلىيىتىدىن ئىبارەت ئالتە تەرەپتىن سىناق ئېلىپ بارغان. سىناق پاس، توپ ئېلىپ مېڭىش، توپنى كونترول قىلىش، ۋارتاغا توپ ئۇرۇش ۋە ئەمەلىي مۇسابىقىدىن ئىبارەت بەش چوڭ تۈرگە بۆلىنىدۇ.     سىناق داۋامىدا بىر قارىمۇتۇق كىچىك بالا فېرناندونىڭ دىققىتىنى تارتقان بولۇپ، بۇ باشقىلاردىن بىر باش پاكار بالا مەيلى توپ ئېلىش، پاس بېرىش ۋە يۈگۈرۈش قاتارلىق تەرەپلەردە بولسۇن ھامان ناھايىتى تەبىئىي ۋە راۋان بىر خىل تەسىر بەرگەن، فېرناندو پات-پات چاۋاك چېلىپ، يۇقىرى ئاۋازدا ئۇنىڭغا مەدەت بېرىپ تۇردى.     مۇخبىر مەيداندا تۇرغان بۇ كىچىك بالىنىڭ تېرىنىرى مىرزاقېيۇمدىن ئىگىلىشىچە، بۇ بالىنىڭ ئىسمى ئابدۇللا ئىكەن، بۇ يىل ئاران توققۇز ياشتا بولسىمۇ ئەمما ئۇ ئىككى يىل ئىشتىن سىرتقى مەشىقنى قوبۇل قىلغان بولغان، بۇ يىل يىل بېشىدا ئۇنىڭ ئىلگىرلىشى ناھايىتى تېز بولغان، ھەتتا ئۆزىدىن ئىككى-ئۈچ ياش چوڭ بالىلارنىڭ ئارىسىدىمۇ ئالاھىدە كۆزگە كۆرىنىپ تۇرىدىكەن.     سىناق ئاخىرلاشقاندىن كېيىن فېرناندو بۇ بالىنىڭ يېنىغا چاقىرۋىلىپ خۇددى گۆھەر تېپىۋالغاندەك خوش بولغىنىچە مۇخبىرغا «بۈگۈنكى سىناقتا يېرىمدە بالىنىڭ ئىپادىسى ناھايىتى ياخشى بولدى، بۇ بالا بۈگۈن ئىپادىسى ئەڭ ياخشى بىرى.»     بۇ قېتىمقى شىنجاڭ سەپىرىگە قارىتا جۇ سۈيئەن مۇخبىرغا مۇنداق دېدى: «بۇ قېتىم شىنجاڭغا كېلىپ بىز نۇرغۇن تۆۋەن ياشتىكى بالىلارنىڭ ناھايىتى ياخشى ئاساسقا ئىگە ئىكەنلىكىنى، ئېگىز سەكرەش ماھارىتىنىڭ يۇقىرىلىقىنى، يەنە ناھايىتى شوخ، شۇنداقلا ئۆزىنى ئىپادىلەش ئىستىكىنىڭ ناھايىتى كۈچلۈك ئىكەنلىكىنى كۆرىۋالدۇق، بۇلارنىڭ ھەممىسى مۇنەۋۋەر توپچى بولۇشتىكى يوشۇرۇن ساپا»     جۇ سۈيئەننىڭ تونۇشتۇرىشىچە، خېڭدا مادرىت پۇتبول مەكتىپى بۇرۇنقى پۇتبول مەكتەپلىرىگە ئوخشىمايدىغان بولۇپ، مەدەنىيەت دەرسلىرىگە ناھايىتى ئەھمىيەت بېرىدىكەن، بىر ھەپتىدە ئاران ئۈچ قېتىم پۇتبول مەشىقى ۋە بىر مەيدان مۇسابىقە ئورۇنلاشتۇرىدىغان بولۇپ، بۇ مادرىت ياش-ئۆسمۈرلەر پۇتبول مەشىقى ئۇقىمىغا تەقلىد قىلىنغانىكەن. بۇنداق بولغاندا بالىلارنىڭ ئالتە ياشتىن 12 ياشقىچە بولغان پۇتبولنىڭ ئاساسىي تېخنىكىسىنى ئۆگىنىدىغان ئالتۇن دەۋرىدە پۇتبولغا بولغان قىزىقىشىنى ساقلاپ قېلىشقا پايدىلىق ئىكەن. بىر قەدەر يۇقىرى بولغان مەدەنىيەت ساپاسى بىلەن ئەقلىي ئىقتىدار بالىلارنىڭ بۇنىڭدىن كېيىن مۇنەۋۋەر پۇتبولچى بولۇپ قېلىشىدىكى مۇھىم ئامىلكەن.     فېرناندو بۇ قېتىمقى شىنجاڭغا قىلغان سەپىرىدىن ناھايىتى رازى بولغان بولۇپ مۇنداق دېگەن: «شىنجاڭدا نۇرغۇن قالتىس بالىلار بارئىكەن. ئۇلارنىڭ بەزىلىرىنىڭ تېخنىكىسىدا ئۆزىگە خاس ئالاھىدىلىكلىرى بولۇپ، مەن بۇ بالىلارنىڭ ئاتا-ئانىلىرىنىڭ ئازراق قۇربانلىق بېرىپ، بالىلىرىنىڭ ئۆز باغرىدىن ئايرىپ ئىلمىي، كەسپىي، سېستىمىلىق بولغان پۇتبول مەشىقىنى قوبۇل قىلىشقا بېرىشىنى ئۈمىد قىلىمەن.» مەنبە: نۇر تورى

870606

	قالتىس!

WATAN520

	بىزدە قالتىس تالانتلىق بالىلاربار . كىيىن چىقىرىمىز كۆرۈپ قالىسەن دۇنيا!!!!!!!!!!!!

genius220

baxkomissar

	كۆزى چۈشكەندىكىن ئېلىپلا كەتمەي . ئۇلىنىڭ كۆزى چۈشكىنى يەرلىكتىلا بىتەرەپ بۇلۇدۇ ..

akbar0997

	پۇتبول ئويناشمۇ قانغا مۇناسىۋەتلىك .تىما ئىگىسىگە رەھمەت .

gvlqay

	ئۇلارنىڭ ئىسپانىيەدە بۇ يەردىكىگە قارىغاندا ياخشى تەربىيىلىنىش پۇرسىتىگە ئېرىشەلەيدىغانلىقىغا ئىشىنىمەن. بېرىڭلار بالىلار ،دۇنيا سىلەرنى بىلسۇن!

dilbar

	WATAN520 يوللىغان ۋاقتى  2012-7-6 12:57 PM بىزدە قالتىس تالانتلىق بالىلاربار . كىيىن چىقىرىمىز كۆ ... بۇ ئىنكاسقا ئەگەشتىم....

★Esl~YaXa★

	دەل ۋاقتىدىلا چەتئەلگە ئېلىپ چىقىپ كەتسە ياخشى بولمىسا ئىچكىردىكى كۇلۇبقا بەرسە شۇ تۈگەيدۇ ``` سېستىملىق مەشىق قىلسا چەتئەلدىىكىلەرنىمۇ بېسىپ چۈشىدۇ ```