يېڭى ئىددىيە جۆيلۈمىسى ( ئابدۇ قادىر جالالىدىن)

genius220

	يېڭى ئىددىيە جۆيلۈمىسى                                                                 ئابدۇ قادىر جالالىدىن                                                          داۋراڭچى بىر مىنۇتلۇق داۋراڭ ئۇچۇن 30مىڭ يۈۋەن نەق  ئالدى- دە ،داۋراڭ ئىشلەشكە كىرشىپ كەتتى.ناخشا چولپىنى ئوبراز بەدىلى ئۈچۈن 10 يۈۋەننى ئالدى.ۋاقتى بىر مىنۇت ياكى ئۇنىڭدىن ئاز. دەۋاگەر ئىلتىجا قىلىپ كەلدى،بوسۇقلاردا جىنايەت شان- شەرەپكە ،پۇرسەتكەزىياپەتكە ئايلاندى.ھاجەتلەردىن بىنالار ئۈندى، داچىلار ئۈندى،ماشىنىلار ئۈندى... يېڭى ئوقۇش پۈتتۈرگەن سىتودىنىت قىز ئانىسىنىڭ باشلىشىدا ئىش  ئىزدەپ ئىشخانىغا كىردى.تارتمىلار بايلىققا تولدى، ئىپپەت سودىسى باشلاندى.ئىشخانىلاردىكى توختام ئىشرەتخانىدا ئەمەلىيلەشتى. ئاخۇنۇم نىكاھ ئوقۇدى، 50يۈۋەن قويۇلدى. ئاخۇنۇم چالۋاقىدى؛ _ نىكاھ ئوقۇپ ھارامنى ھالال قىلدىم،ھالاللىقنىڭ بەدىلى مۇشۇمۇ؟ پاھىشە زىناخوردىن پۇلنى نەق ئالدى، ئاندىن نازلىنىشقا باشلىدى. دوختۇر ئىنجىقلاپ تۇرغان بىمارنڭ يانچۇقۇدىكى پۇلنى ئاۋال سۇغرىۋالدى،ئاندىن دىئاگىنوزنى باشلىدى. زورىدىن سابىر 15يىل يۈرەك قېنىنى سەرىپ قىلىپ((ئانايۇرت))نى يېزىپ چىقىپ،ھچنىمىگە ئىرشەلمەي ئۆلۈپ كەتتى.يازغۇچى بىلەن خۇشى يوق خېنىملارمۇ كىتابخانىلاردا ئۇنىڭ كىتابىنى ساتدۇ. ئەدىبلەر نەشىريات بوسۇغىسىدا دۈگدىيىپ يۈرۈشكەن يىزىق مەدىكارلىرى .ئۇلار ئۆز ئەمگىكىنىڭ باھاسىنى يېزىق سودىگەرلىرىدىن ئەيمىنىپ سورشىدۇ. _ يېزىقچىلىق بىر پىلسىرات كۆۋرۇكى،ئۇ قەيەرگە ئېلىپ بارىدۇ؟ _ يىقلىپ چۇشسەڭ جەھەننەمگە ،يىقىلمىساڭ قىيامەتكە ئېلىپ باردۇ. _ قىيامەت دىگىنىڭ نىمىسى؟ _ زەردابى قەلەم،گادايى ئەلەم دىگەن گەپ. ... قاسساپ پۇل ئالماي تۇرۇپ گۆش بەرمەيدۇ،ئاشپەز پۇل ئالماي تۇرۇپ تاماق بەرمەيدۇ.شەھەرنىڭ قىستاڭ رەستىللىرىدە پۇل تۆلىمەي تۇرۇپ ھاجەتخانىغا كىرگىلى بولمايدۇ.ئەدىپ جېنىنى خەجلەپ،نىسىگە يازىدۇ. ((قۇتادغۇبىلىك))تىن ئوغدۇرمىشنى ئىزدەپ تېپىپ ئۇنىڭدىن سوردىم: _ ئىدىيىنى نىمىشقا پۇلغا ئالغىلى بولمايدۇ؟ _ چۇنكى،ئدىيىنى يىگىلى بولمايدۇ. _ چۇشەنمىدىم. _ زامانداشلىرىڭ قورساق كويىدا،ئۇلار ئىلىمدىن ئىدىيە ئەمەس،نان سورايدۇ. _ قورسقى توقلارچۇ؟ _ ئۇلار ئىشرەت كويىدا.ئۇلار يېڭى ئىديەگە ئەمەس،تازلىق قەغىزىگە مۇھتاج. _ مەن نىمە قىلىشىم كىرەك؟ _ سەن سۈكت قىل.بۈگۈنكى دۇنيانىڭ يۆنىلىشىنى ئاياللار بەلگىلەيدۇ. ئۇلارنىڭ كوپتىسى بىلەن يوپكىسىنىڭ ئارسىدا بۈيۈك ئىدېئولوگىىيەبار. _ ئۇنداقتا... _ جىم تۇر،تەپەكۇر قۇلاقلىرىڭ پاڭ بولدى،جىسمانى سەزگۈلەر ئويغاندى... ئاھ،سىنا چۆلى،ئارلىقىڭ قانچىلىك يىراق؟!                                                     مەنبە:شىنجاڭ مەدەنىيتى                           تەپەككۇر تورىدىن كۆچۈرۈلدى

kaliptax

	ھەجەم چۈشۈنىكسىزلا

koygandengiz

	يوللىغۇچى « شىنجاڭ مەدەنىيىتى » نىڭ قايسى سانىدىن كۆچۈرگەنلىگى توغرىسدا ئىزاھات بەرگەن بولسا .

XIRNA

	ھەجەم چۈشۈنىكسىزلا بۇ يازمىنى چۇشۇنۇشكە سەگەك كاللا كىتىدۇ ...........

tewelgha

	ئەخلاق بۇزۇلغان ،ھەممىگە پۇل ھۆقوق ھۆكۈمرانلىق قىلىۋاتقان ،ئىلىم ئەھلىنىڭ بىر كويلۇق پىتەكچىلىك قىممىتى ۋە ئەتىۋىرى قالمىغان بۇ جەمىيىتىمىزنى ناھايىتى ئوبدان سۆكۈپتۇ . ئاپتۇرنىڭ سەگەك مىڭىسى ،ساپ قەلبىدىن ئۇرغىغان تەپەككۈر ئۈنچىكلىرىگە كۆپ رەھمەت .

mahatjan

	يېڭى ئىددىيە جۆيلۈمىسى نىڭ ئىپادىللىرى بەك ئېنىق. مەسىلەن، بىلىملىكتىن دۆت ياخشى، ھېلىقىنىڭىدىن -------ياخشى. قاپاقتىن باراڭ ياخشى -----دىن ساراڭ ياخشى. جىگەردىن كاۋاپ ياخشى بۈۋۈمدىن -------ياخشى.

مىليون

	خۇددى توي قىلغان دوزاققا كىرگەندەك،ئاجراشقان ھۆرلۈككە چىققاندەكلا

bugaltir

	زورىدىن سابىر 15يىل يۈرەك قېنىنى سەرىپ قىلىپ((ئانايۇرت))نى يېزىپ چىقىپ،ھچنىمىگە ئىرشەلمەي ئۆلۈپ كەتتى.يازغۇچى بىلەن خۇشى يوق خېنىملارمۇ كىتابخانىلاردا ئۇنىڭ كىتابىنى ساتدۇ. =============================================== زورىدىن سابىر  ئاكىمىزنىڭ  ۋاپاتىدىن خەۋىرىم يوقكەن  ئەمەسمۇ    . مەرھۇمنىڭ ياتقان  يېرىنى ئاللا  جەننەتتىن  قىلغاي    .

52arslan

	بۇنى چۈشىنىشكە  خېلى ئەقىللىق كاللا بولمىسا بىر يومۇرچىلىك مەززە ھىس قىلغىلى بولمايدۇ  ، لىكىن بۇ نىڭ بىلەن يومۇرنىڭ قىممىتىدە ئاسمان زىمىنچىلىك پەرق بار