تەس ئىكەن

muslina216

	تەس ئىكەن سۆيۈپ تۇرۇپ جاناننى كەچتىم دىيىش تەس ئىكەن ، چاڭقاپ كەتكەن دىللارغا ئازاپ ئىچىش تەس ئىكەن . تۇرسا تارتىپ مەيلىمنى شۇ جاناننىڭ گۈل باغى ، تەرىك ئېتىپ ۋىسالنى چۆلگە قايتىش تەس ئىكەن . كۆيدى يۈرەك ئوتۇڭدا ، مەن قۇرۇدۇم قۇرايدەك ، زىمىستاننى ، باھارنى پەرىق ئېتىش تەس ئىكەن . شېرىن چۈشلەر شامالدەك ، دەرت - ئەلىمىڭ ماناندەك ، سەنسىزلىكتە يۈتتۈممەن ، ئۆزگە قايتىش تەس ئىكەن . كەتتى بەخت سەن بىلەن ، كۆزلىرىمدە مۇڭ - ھەسرەت ، ئاھ ! تەبەسسۇم يەلكىننى ئەمدى تارتىش تەس ئىكەن . ئۆزۈڭ كەتتىڭ يىراققا ، نىگاھىمدىن كەتمىدىڭ ، ئېسى - يادىم سەندىدۇر ، سېنى ئۇنتۇش تەس ئىكەن . مەنبە  : ئىجادىيەت .

natzic

	سۆيگەن ئىكەنمىز كىچىشنىڭ زۇرۇرىيىتى بارمۇ؟

QALIB

	بىرىنى ياخشى كۆرۈپ،كىچىش ئاسان ئەمەس جۇمۇ،بىشىمدىن ئۆتكەن كۈنلەر كىنو ئىكرانىدەك،بىر-بىرلەپ ئۆتۈشكە باشلىدى```

musilina

	ئۇزۇن بوپتىكەن لېرىك شېئىرلىڭىرىزنى مۇنبەردە كۆرمگىلى...

zooro

	مىنىڭچە سۆيۇشنى بىلگەندىن كىيىن كىچىشنىمۇ بىلىش كېرەك بولمىسا ماڭا ئوخشاش ئەھۋالغا چۇشۇپ قالىدۇ.

kakkuk11

	سۆيۈپ تۇرۇپ يۈرەكتىن، كەچتىم دىيىش تەس ئىكەن ، سۆيۈپ تۇرۇپ چىندىلدىن، ئۇنتۇپ كېتىش تەس ئىكەن. ئورناپ كەتكەن يۈرەكتىن، چىقىرۋېتىش تەس ئىكەن، كۆنگەن يۈرەك سوقۇشنى، ھەم ئۆزگەرتىش تەس ئىكەن.

yawa-xir

	سۆيۈپ تۇرۇپ جاناننى،ئايرىلماقمۇ تەس ئىكەن، قىلچە كۆڭلى بولمىسا كۆڭۈل ئۇتماق تەس ئىكەن. خوش دېگەندە خوش دەپلا قايرىلغاندا چانمىدى، لېكىن كەلگەن بۇ ياشنى توسۇپ قالماق تەس ئىكەن تىلىسەممۇ بەختىنى چىن دىلىمدىن چىقىرىپ، خۇشال يۈرمەك مەن ئۈچۈن خېلى بەكلا تەس ئىكەن. .

zulayha

	ئېقىن سۇدەك يېقىملىق چىققان كۈيلىرىڭىزگە مەھلىيامەن جانىم . تېمىلىرىڭىز ئۈزۈلمىسۇن.

qawandaz29

	ئەجەپ بىر يۇرەككىلا تەگدىغۇ. ماڭىمۇ ئۇزۇن بوپتىكەن،بۇنداق ياخشى يېزىلغان لېرىك شېئىرلارنى ئۇچراتمغىلى.

قۇندۇز

	.......... خوش دېگەندە خوش دەپلا قايرىلغاندا چانمىدى، لېكىن كەلگەن بۇ ياشنى توسۇپ قالماق تەس ئىكەن    ........................ ئەجەپ چىن ئسىل چىقىپتۇ ...............