كوڭزى ھەيكىلى يېڭىساردا تىكلىنىپتۇ

ihtiram

	26-ئىيۇن، يېڭىسار ناھىيەسى كوڭزى ھەيكىلىنىڭ يوپۇقىنى ئېچىش ۋە ناھىيەلىك 1-ئوتتۇرا مەكتەپ يېڭى ئوقۇتۇش رايونى قۇرۇلۇشىنىڭ ئۆگزىسىنى يېپىش مۇراسىمى ئۆتكۈزدى. بۇنىڭ بىلەن ئاپتونوم رايونىمىز بويىچە ئوتتۇرا مەكتەپتىكى تۇنجى كۇڭزى ھەيكىلى تىكلەندى. جۇڭگو كۇڭزى فوندى جەمئىيىتىنىڭ مۇئاۋىن مۇدىرىيەت باشلىقى سۆز قىلدى ھەمدە مەزكۇر جەمئىيەتكە ۋاكالىتەن تۇنجى تۈركۈمدىكى 1000 پارچە كىتاب، دېسكا، كارتون فىلىم "كۇڭزى" قاتارلىق بويۇم ئىئانە قىلدى، شۇنداقلا يېڭىسار ناھىيەلىك 1-ئوتتۇرا مەكتەپتە "مىللىي مەرىپەت كۆچمە كۇتۇپخانا" تەسسىس قىلىپ، ۋېۋىسكا تارقىتىپ بەردى. بۇ پائالىيەت مەدەنىيەت جەھەتتىن شىنجاڭغا ياردەم بېرىشنىڭ مۇھىم شەكلى ۋە يېڭى يارقىن نۇقتىسى بولۇپ، كۇڭفۇزى تەلىماتى مەدەنىيىتىنى مەكتەپكە كىرگۈزۈپ، ئوقۇتقۇچى-ئوقوغۇچىلارنىڭ ئەنئەنىۋى مەدەنىيەت ساپاسىنى يېتىلدۈرۈش ئۈچۈن ياخشى سەھنە ھازىرلاپ، ئۇلارغا جۇڭگو مەدەنىيىتىنىڭ چوڭقۇر روھىنى ھېس قىلدۇرۇش، ئەنئەنىۋى مەدەنىيەتنىڭ جەۋھىرىنى چۈشەندۈرۈش، كۇڭزى مەدەنىيەت ئىدىيەسىنىڭ تەربىيەسى ئارقىلىق، ئوقۇتقۇچى-ئوقوغۇچىلارنىڭ قەلبىنى ئوزۇقلاندۇرۇپ، جۇڭخۇا مەدەنىيىتىنى ئېتىراب قىلىشنى كۈچەيتىش، كەڭ ئوقۇتقۇچى-ئوقوغۇچىلارنىڭ ۋەتەنپەرۋەرلىك روھىنى يېتىلدۈرۈشتە مۇھىم تەسىرگە ئىگە قىلدۇرۇلىدۇ. كۇڭزى ھەيكىلى يېڭىسار ناھىيەلىك 1-ئوتتۇرا مەكتەپ يېڭى مەكتەپ رايونىنىڭ مەركىزىگە جايلاشقان، ئۇنى جۇڭگو كۇڭزى فوندى جەمئىيىتى ئىئانە قىلغان بولۇپ، يۈز دانە ھەيكەل تىكلەش پىلانىدىكى 28-ھەيكەل ئىكەن. بۇندىن ئىلگىرى، كۇڭزى ھەيكىلى ئىلگىرى-كېيىن بولۇپ جۇڭگو دېڭىز-ئوكيان ئۇنىۋېرىستېتى، شۋېتسىيەنىڭ ستوكھولم ئۇنىۋېرىستېتى، يېڭى زىللاندىيە ئوكلان ئۇنىۋېرىستېتى، زىمبابۋې ئۇنىۋېرىستېتى قاتارلىق دۆلەت ئىچى ۋە سىرتىدىكى ئالىي مەكتەپلەردە ئورنىتىلغان، ئاسىيا، ئامېرىكا قىتئەسى، ئاۋستىرالىيە ۋە شىمالىي ياۋروپا قاتارلىق دۇنيانىڭ ھەرقايسى جايلىرىغا تارالغان بولۇپ، جۇڭگو ئەنئەنىۋى مەدەنىيىتى ۋە كۇڭفۇزى ئىدىيەسىنىڭ چەتئەللەردىكى تارقىلىشىنى ئىلگىرى سۈرۈپ، جۇڭخۇا مەدەنىيىتىنىڭ ئالماشتۇرۇلۇشى ۋە جارى قىلدۇرۇلۇشى ئۈچۈن ئاكىتىپ رول ئوينىغان. مەنبە: يېڭىسار ھۆكۈمەت تورى http://www.yjs.gov.cn/Article/ShowArticle.asp?ArticleID=6745