ئىران ئىسرائىلىيىنى يەر يۈزىدىن يوقىتىۋېتەلەيدىغانلىقىنى ئېيتتى

hekmat110

	ئىران ئىسرائىلىيىنى يەر يۈزىدىن يوقىتىۋېتەلەيدىغانلىقىنى ئېيتتى ياۋروپا ئىتىپاقى ئىرانغا قاراتقان نىفىت ئىمباگوسىنى يۈرگۈزۈپ بىر كۈندىن ئۆتۈپ، ئىران ئىسلام ئىنقىلابىنى قوغداش قىسمى دۈشەنبە كۈنىدىن باشلاپ نەچچە كۈنلۈك ئاتوم بومبىسىنى سىناق قىلىش ھەربىي مانىۋېرنى رەسمىي باشلىدى. ئىراننىڭ بۇ قېتىمقى مانىۋېردا سىناق قىلغان ئاتوم بومبىسىنىڭ مۇساپىسى ئىسرائىليىگە يېتىپ بارالايدىكەن. سەمىن ئۆلكىسى قۇملۇقىنىڭ شىمالى مەركىزىدە بولغان ئۈچ كۈنلۈك ئۇرۇشتا، " ئۇلۇغ پەيغەمبەر 7 " دەپ نام ئالغان ئاتوم بومبىسى، ھۆكۈمەت ھەۋەر ئاگېنىتلىقى تەرىپىدىن ئېلان قىلىندى. خەۋەردە ئېيتىلىشىچە، ئۇلار ئىران ئىسلام ئىنقىلابىنى قوغداش ئارمىيىسىنىڭ باشقۇرۇلغان بومبا بېشى ۋە ئاتوم سېستىمىسىنىڭ ئېنىقلىقى ۋە ئۈنۈمچانلىقىنى سىناق قىلىۋاتقان. ئىراننىڭ ھەربىي مانېۋىر ئېلىپ بېرىشى تولىمۇ تەبىئي بىر ئىش.  ئىراننىڭ ئەرەپ دۇنياسىدىكى ئەڭ يېقىن ئىتىپاقدىشى بولغان سۈرىيەدىكى كۈنسېرى داۋاملىشىپ كېتىپ بېرىۋاتقان كىرزىس، يەنە غەرب بىلەن ئۆتكۈزۈلگەن ھەم  ئاساسەن مەغلۇبىيەت بىلەن ئاخىرلاشقان يادرو سۆھبەت يىغىنى ئىراننىڭ ناھايىتى ئاسانلا ھەربىي ھۇجۇمغا ئۇچراش ئىھتىماللىقىنى پەيدا قىلىدۇ. ئىراننىڭ يادرو بومبا تەتقىقاتىنى چەكلەشنى مەقسەت قىلغان ئالتە دۆلەت بىلەن ئىران ئوترىسىدىكى بىر قاتار تېخنىكىلىق يىغىنلار تۈركىيەدە ئېچىلماقچى. ئەمما ب د ت خەۋىپسىزلىك كېڭىشىنىڭ بەش مۇقىم ئەزاسى ۋە گېرمانىيە قوشۇلۇپ ئالتە دۆلەت ( P5+1 ) ۋە ئىران ئارىسىدا ئېلىپ بېرىلىدىغان بۇ ئۇچرىشىشلاردىمۇ چوڭ ئۈمۈد يوق. ئالتىنچى ئايدا مۇسكىۋادا ئېلىپ بېرىلغان بىر قاتار يىغىنلاردا بۇ ئىككى تەرەپ بىردەكلىككە كېلەلمەي ئۆز قارىشىنى ساقلاپ قالغان ئىدى. ئىران ئۆزىنىڭ يادرو ئېنىرگىيە پروگراممىسىنىڭ تىنىچلىقنى مەقسەت قىلغانلىقىدا چىڭ تۇرىدۇ. ئامېرىكا بىلەن ئىسرائىلىيە بىرخىل ھەربىي تاللاشنى ئوترىغا قويدى. ھۆكۈمەت ئاخبىراتىدا بىلدۈرىشىچە، بۇ ھەپتىدىكى ھەربىي مانېۋىردا بىر قىسىم باشقۇرۇلغان بومبىلار دۆلەت ئىچىدىكى  چەتئەل بازىلىرىغا تەقلىد قىلىنغان 100 قۇرۇقلۇق ۋە دېڭىزدىكى ئادەتتىن تاشقىرى رايون كۈچلىرىنى نىشان قىلىدىكەن. مانېۋىردا يەنە ئۇچقۇچىسىز ئايروپىلانلار ۋە باشقا ھۇجۇمچى ئايروپىلانلار ئىشلىتىلىدىكەن. دۈشەنبە كۈنى ئىران ئىسلام ئىنقىلابىنى قوغداش ئارمىيىسى ھاۋا بوشلۇق قىسمىنىڭ كوماندىرى، گېنىرال ئامېر ئەلى ھاجىزادە ئىران ئىسلام جۇمھۇريىتى ئاگېنتلىقىنىڭ خەۋىرىدە، " ئامېرىكا ۋە ياۋروپا ئىراننى نىشان قىلغان ئاتوم بومبادىن قوغدىنىش پىروگراممىسى ياساۋاتقان بىر پەيتتە ئىران ئەلۋەتتە جىم ئولتۇرالمايدۇ. شىمالىي ئاتلانتىك ئوكيان ئەكتى تەشكىلاتى ياۋروپادا ئىرانغا قارشى ئاتوم بومبىسىدىن مۇداپىئە كۆرۈش بازىسى قۇرۇشنى پىلانلىۋاتىدۇ. " دېدى. گېنىرال ھاجىزادە " ئىران چۇقۇم رادار سېستىمىسىنى تەكشۈرۈش ھەم پارتىلىتىش ئىقتىدارى بولغان بىر يېڭى ئۇچقۇچىسىز ھۇجۇمچى ئايروپىلانى " ئارىم " نى ئاشكارلىشى كېرەك. ئارىم ناتونىڭ تۈركىيەدىكى بازىسى، پارس قولتۇغىدىكى دۈشمەن پاراخوتلىرى ۋە ئىسرائىلىيەنىڭ تۆمۈر قالپاق ئاتومدىن مۇداپىئە كۆرۈش سېستىمىسىنى پارتىلىتالايدۇ. " دېدى. گېنىرال ھاجىزادە يەنە ئىران مۇتەخەسسىسلىرىنىڭ ئۆتكەن ئايدا ئىراندا ئېتىپ چۈشۈرگەن ئامېرىكىنىڭ RQ-170 ئايروپىلانىنىڭ ئۇچۇرلىرىنى مۇۋاپپىقىيەتلىك ھالدا يېشىپ چىققانلىقى، نۆۋەتتە مۇشۇ ئايروپىلاننى تەقلىد قىلىپ ئۆزىنىڭ ئۇچقۇچىسىز ھۇجۇمچى ئايروپىلانىنى ياساۋاتقانلىقىنى ئېيتقان. ئا ق ش مەركىزى ئاخبىرات ئاگېنتلىقى ئىپادە بىلدۈرۈشنى رەت قىلدى. ئىرانغا قارشى ھەربىي تەھتىتنى ئويلاشمىدى. ئۇ " ئىراننىڭ ئاتوم بومبىسى ۋە باشقا قوراللىرى ئامېرىكىنىڭ رايوندىكى ئۇرۇش بازىلىرىغا يېتىپ بارالايدۇ، شۇڭا ئامېرىكا بۇنداق سىنارىيە بىلەن ئويناشماسلىقى كېرەك. " دېدى. ئىران ئىسلام جۇمھۇريىتى ئاگېنتلىقىنىڭ خەۋىرىدە، گېنىرال ھاجىزادە يەنە " ئىسرائىلىيەنىڭ ئۆز ئالدىغا ئىرانغا قارشى ئۇرۇش قىلىش ئىقتىدارى يوق. ئەگەر شۇنداق بوپ قالسا، ئىران قايتۇرما زەربە بېرىدۇ.  ئەگەر ئىسرائىلىيىدە بىر ئۆزگۈرۈش بولىدىكەن، بۇ بىزگە ئىسرائىلىيەنى يەرشارى خەرىتىسىدىن ئۆچۈرۈپ تاشلاشقا بىر چوڭ باھانە بولۇپ بېرىدۇ. " دېدى. دۈشەنبە كۈنى ئىران پارلامېنتىنىڭ دۆلەت خەۋىپسىزلىك ۋە تاشقى سىياسەت كومىتتىتىنىڭ ئەزاسى ئىبراھىم ئاغا مۇھەممەدى ئىران پارلامېنت تورى Icana دا "  يەنە ئىراننىڭ قانۇن تۈزگۈچىلىرى خورمۇز بوغۇزىنى ئامېرىكا ۋە ياۋروپاغا قارىتا تاقاش توغرىسىدا قانۇن يوللىغانلىقى ۋە بۇ ئىشنىڭ ياۋروپانىڭ ئىرانغا قارشى ئىمبارگو يۈرگۈزگىنىگە جاۋابەن بىر جىددى پىلان ئىكەنلىكىنى ئېيتتى." ئۇ يەنە بۇ پىلاننىڭ پارلامېنتتىكى 290 ئادەمنىڭ 100 نىڭ قوللىشىغا ئېرىشكەنلىكىنى. ھەمدە ئىراننىڭ ئۆزىنىڭ دېڭىز تەۋەلىك ھوقۇقى ۋە شۇ ئەشەددى نېفىت ئىمبارگوسىغا قارشى ئېلىپ بارغان بىر ھەركىتى ئىكەنلىكىنى ئېيتقان. بۇ بىر پۈتۈنلەي سەۋەپلىك پىلان بولۇپ، باش لېدىر ئايتوللا ئەلى خامەنىينىڭ قوشۇلۇشى بىلەن تەستىقتىن ئۆتىدىغانلىقىنى ئېيتقان. ئامېرىكىنىڭ بىر دۆلەت ئەمەلدارى " بىز ئىراننىڭ مۇشۇنىڭغا ئوخشاش خورمۇز بوغۇزىنى تاقاش تەھدىتتىنى نەچچە نۆۋەت كۆرۈپ كەتتۇق. ئىراننىڭ مەيلى بوغۇزنى تاقاش ياكى بۇ پاراخوتلاردىن بوغۇزدىن ئۆتۈش ئۈچۈن ئېراننىڭ رۇخسىتىنى ئېلىشنى تەلەپ قىلىش جەھەتتىكى ھەرقانداق ھەركىتى خەلىقئارا قانۇنغا خىلاپ ۋە ئامېرىكا بۇنى قۇبۇل قىلالمايدۇ. " دېدى. مەنبە:http://www.sirdax.la/article/world/2012-07-04/2884.html

altiwip

	ئىراننىڭ قېرىندىشىنىڭ ئۈچۈرگۈچى كونىراپ قالدىمۇ قانداق، تېخىچە ئىسرائلىيەنى خەرىتىدىن ئۈچۈرۈپ بولالماپتۇ، بۇنداق بولىشىغا ئىراندىكى پۇل پاخاللىقى سەۋەپ بولغان بولسا كىرەك، چۈنكى ئىرانلىقلار ھەتتا ئاددى ئۈچۈرگۈچنىمۇ چەتتىن ئالىدۇ.

QALIB

	ئىران ئىسرائىلىيەنى خەرىتىدىن ئۆچۈرۋەتسە،ئامرىكا قاراپ تۇرامۇ

kaliptax

	ئىسرائىلىيەمۇ  بوش  ئەمەس  جۇمۇ

kaliptax

	ئىسرائىلىيەمۇ  بوش  ئەمەس  جۇمۇ

gulbaxikar

	مۇشۇنداق خەۋەرلەرنى ئۇقۇشقا بەك قىزىقىمەن، قەيەردىن ئۇقىغىنىم  ئىسىمدە قالماپتۇ ئاڭلىشىمچە ئىران دۆلەتنىڭ 70 پىرسەن مەبلىغىنى يادرو ئىشلىرىغا سەرىپ قىلىدىكەن قالغان 30 پىرسەننى قالغان ساھەلەرگە ئىشلىتىدىكەن، بۇنۇڭدىن كۆرۋىلىشقا بولدۇ، ئىراننىڭ ئەگەر ئىسرائىلىيە ئۆز ئالدىغا ئۇرۇش قىلسا ئۇنى يەر شارى خەرىتىسىدىن يۇقىتىۋىتەلەيمىز دىگىنى پو گەپ ئەمەس دەپ ئويلايمەن!