«يىگىت»لەرگە سۆز

yangh1n

	ئالمىسام پىشىمگە تۆكتۈڭ "خوش"دەپ سۇنغان "كۆڭلۈڭ"نى ، نە كۆڭۈل بولغايكى زەھەر، كەلتۈرمىگىن كۈلگۈمنى ، سورۇن كۆرگەن "يىگىت"مەن دەپ مۇشلاپ تېخى كۆكسۈڭنى، مەن يىگىت بولماس ئىمىش مەن گەر ياندۇرسام قولۇڭنى، "يىگىت"لىكنى بىلمەپتىمەن، كەچۈر مەندەك دوستۇڭنى. مەن ئۆزەمچە سادىر پالۋان، غېنىلارنى ئەر چاغلاپ، ماڭماق بولۇپ يۈرۈپتىمەن لۇتپى ئىزىنى بويلاپ، سۇلتان سۇتۇق بۇغراخان،مەھمۇد،يۈسۈپنى ھەم داملاپ، "شىر كەيىپ" بولۇپ ياشاشنى گۇناھ كەبىر ھېسابلاپ، "يىگىت"لىكنى بىلمەپتىمەن، كەچۈر مەندەك دوستۇڭنى. سەن ئېيتتىڭكى:"يىگىتلىكنى ھەقىقەت سىنار سورۇن، ئىچمەيدىغان <موللا>لارغا سورۇندا يوق ھەم ئورۇن، سورۇندا يوق، نەزەردە يوق،يۈرىدۇ قىسىپ بويۇن، بوينى قىسىق،قولى قىسقا،ياراتماس ھەتتا خوتۇن." "يىگىت"لىكنى بىلمەپتىمەن،كەچۈر مەندەك دوستۇڭنى. ماختىنىسەن بىكارلىغان بوتۇلكا سانىڭ بىلەن، ئەرزان ھاراق سەندىن يىراق،"قىممەتنىڭ كەيپى بەلەن" "پۇل دېگەننىڭ كارى چاغلىق،پۇل قولنىڭ كىرى" ئىكەن، "قانداق تېپىش ۋە خەجلەشنىڭ سورىقى بار" دەپتىمەن، "يىگىت"لىكنى بىلمەپتىمەن، كەچۈر مەندەك دوستۇڭنى. "بىر بوتۇلكا ھاراق پۇلى، يېتىمغا بىر ۋاق تاماق، تۇرۇپ تۇرسۇن ،خوتۇن بالاڭ ئىشىتكەن ناھەق تاياق، لاپ بىلەن تاڭ ئاتقۇزغانغا ھېچنىمە كەلمەس بىراق." چاغلىماستىن دەپ ساپتىمەن،ئاتمىدىڭ ماڭا شاپاق... "يىگىت"لىكنى بىلمەپتىمەن،كەچۈر مەندەك دوستۇڭنى. ساڭا ئوخشاش"يىگىت"لەرمۇ مىللىتىمدە ئاز ئەمەس، كۆپەيسە ھەسسە كۆپەيدى،نەشىكەش ۋە مەس-ئەلەس، شۇنداق يىگىتلىرى بار، دەپ ئالەم قىلماستىن ھەۋەس، قاراپ باققىن خەلقىمىزگە،نىچۈن كۈنى شۇنچە تەس، بىلمىدىم قانداق يىگىتلىك،كەچۈر بەڭۋاش دوستۇڭنى. "يىگىت"لەرگە سۆزۈم بولسۇن،بىر مىنۇت زېھنىڭنى بەر: ئۆزگىنى شىر چاغلىغىن،چاغلىساڭ ئۆزۈڭنى ئەر، ئەر دېمەك ئۆيگە تىرەك،ئەرسىز ئەل_ھالى خەتەر، جېنىمىز پىدا بولسۇن،كېرەك بولسا ئەلگە گەر، دېمە دوستۇم ئاقساقال،تاشلا ئەمدى ئويۇننى. يىگىتكى ئۇ ،خەلقى ئۈچۈن جاننى ئالقانغا ئېلىپ، ئوتىدا كۆيگۈسى ئەلنىڭ،ھەم ئەل سۈيىدە ئېقىپ، ياۋغا ھەردەم ئېتىلغۇسى تەكبىر بىلەن،جاننى تىكىپ، دۈمبىسىدۇر گويا قالقان،قولنى گاھ نەيزە ئېتىپ، "يىگىت" بولساڭ قىلالامسەن،دەڭسەپ كۆرگىن ئۆزۇڭنى.            يانغىن

ئەنسار

	"يىگىت"لەرگە سۆزۈم بولسۇن،بىر مىنۇت زېھنىڭنى بەر: ئۆزگىنى شىر چاغلىغىن،چاغلىساڭ ئۆزۈڭنى ئەر، ئەر دېمەك ئۆيگە تىرەك،ئەرسىز ئەل_ھالى خەتەر، جېنىمىز پىدا بولسۇن،كېرەك بولسا ئەلگە گەر، دېمە دوستۇم ئاقساقال،تاشلا ئەمدى ئويۇننى.                                                                               بەك ياخشى يېزىپسىز جۇمۇ.

ئايچىن

	راس ، يىگىتلەر ئوبدان ئويلىشىپ تىگىشلىك سۆزلەركەن بۇ.... ، قېنى ئەسلى بۇنداق تېمىغا ئىنكاس يازىدىغان يىگىتلەر  قىزلارنى تىللايدىغان تېمىغا ئىنكاس يازىدىغان يىگىتلەر سانىدىن كۆپ بولسا بولاتتى  ئەپسۇس...

QALIB

	ھازىرقى جەمئىيەتتە يىگىت ئۇنۋانىنى ئالماق تەس جۇما.......

uyghur05

	ھازىر ھەقىقىي بىر يىگىت بولۇش ئۇنداق ئاسان ئەمەس بولۇپ كەتتى. بۇنىڭ ئۈچۈن ھەممە ئۇيغۇر يىگىتى چوقۇم تىرىشىش كېرەك (مەنمۇ شۇنىڭ ئىچىدە)

ئالماس

	"بىر بوتۇلكا ھاراق پۇلى، يېتىمغا بىر ۋاق تاماق، تۇرۇپ تۇرسۇن ،خوتۇن بالاڭ ئىشىتكەن ناھەق تاياق، لاپ بىلەن تاڭ ئاتقۇزغانغا ھېچنىمە كەلمەس بىراق." چاغلىماستىن دەپ ساپتىمەن،ئاتمىدىڭ ماڭا شاپاق... 、ئىسىل

ئۆل

	ھە نىم بولسا ماۋۇ يىگتلەر سەمىمكەن ھە !

yagilak

	ئوغۇل دېگەن ئەلگە يارالغان ،    ۋاقتى  كەلسە  جەڭگە يارالغان.    ئۆتۈك  بىلەن سۇ كېچەر شۇڭا ،    ئوغۇل  نامى ئەلگە  تارالغان  .