تىلغاپ ئۆتتى يۈرەكنى ھىجران

yawa-xir

	تىلغاپ ئۆتتى يۈرەكنى ھىجران ئۇزاپ كەتتى قەلبىڭ ھەم جىسمىڭ، ھەمراھ بولدۇم ئەلەملىرىمگە. ئۆزگىلەردىن ئاڭلانسا ئىسمىڭ، تىلغاپ ئۆتتى يۈرەكنى ھىجران، سىر ئېيتىمەن قەلەملىرىمگە. ئىكى يۈرەك قوشۇلار دېسەم، قوشۇلمىدى،بىرگە سوقمىدى. ھەر قېتىمدا شۇ خەتنى كۆرسەم، تىلغاپ ئۆتتى يۈرەكنى ھىجران، ئەسلى سەندە ۋاپا يوقمىدى. مەن ئىشەنگەن ساڭىلا پەقەت، كەتتىڭ لېكىن،چۈشەنمەي قالدىم. سۆيىمەن دېگەن ئەبەدىل-ئەبەد، تىلغاپ ئۆتتى يۈرەكنى ھىجران، ئۆزۈمگىمۇ ئىشەنمەي قالدىم. مەڭگۈ دېگەن شۇنچە قىسقىمۇ؟ نېمە ئۈچۈن دىگەنتىڭ مەڭگۈ؟ بىلەلمىدىم سۆزلەر ئەستىمۇ؟ تىلغاپ ئۆتتى يۈرەكنى ھىجران، كۈتكەنتىمغۇ سەندىنلا سۆيگۈ! خوش دېيىشنى تاللىدىڭ بوپتۇ، بولدى قىلاي بولمىسا ۋاپا. بۇ باغرىممۇ خۇن بولۇپ بوپتۇ، تىلغاپ ئۆتتى يۈرەكنى ھىجران، تىلىگەندە بەخت مەن ساڭا مەنبە:ئۆزۈم

ARKZAT

	قىز-يىگىتلەر ئارىسىدىكى سۆيگۈ-مۇھەببەت شۇ قەدەر  سېھىرلىككى، ئۇ لەززىتى بىلەن دىللارنى  تەسۋىرلىگۈسىز دەرىجىدە سۆيۈندۈرسە، ھىجرانى بىلەن تەشنا ۋۇجۇدلارنى ئۆرتەپ،باغرىمىزنى ئازاب-نەشتەرلىرى بىلەن ئۆتمە-تۆشۈك قىلىۋېتىشكە قادىر.    ھېسسىيات خېلىلا چىن ئىپادىلەنگەن لىرىكىڭىزغا مۇبارەك!

سۈمەييە

	ئەمما ماۋۇ شىئىرنى كۆرۈپ مىنىڭ يۈرىكىممۇ بىر قىسما بولدى دىسەم ھەرگىز يالغان دىمەڭلار ئەركزات ئەپەندىنىڭ ئىپادىلەشلىرىچۇ تىخى ، بەكلا مەنالىقكەن ئىكى يۈرەك قوشۇلار دېسەم، قوشۇلمىدى،بىرگە سوقمىدى. ھەر قېتىمدا شۇ خەتنى كۆرسەم، تىلغاپ ئۆتتى يۈرەكنى ھىجران، ئەسلى سەندە ۋاپا يوقمىدى مۇنۇ كۇبلىتىنى بەك ياقتۇردۇم ساقلىۋالاي رەھمەت !! سىزنىڭ شىئىرىلىرىڭىز بىر خىل يىقىملىق ، ئىسىل دۇردانىلىرىڭىز بىلەن مۇنبەرنى بىزەپ تۇرغايسىز

uyghur05

	بۇنداق مۇخەممەس شەكلىدە  يېزىلغان شىئېىرلارنى بەكلا ياقتۇرىمەن . سىزنىڭ بۇ شېئىرىڭىزنى تېخىمۇ ياقتۇرۇپ قالدىم   مەڭگۈ دېگەن شۇنچە قىسقىمۇ؟ نېمە ئۈچۈن دىگەنتىڭ مەڭگۈ؟ بىلەلمىدىم سۆزلەر ئەستىمۇ؟ تىلغاپ ئۆتتى يۈرەكنى ھىجران، كۈتكەنتىمغۇ سەندىنلا سۆيگۈ! داۋاملىق يېزىپ تۇراسىز

rizwangul0995

	مەڭگۈ دېگەن شۇنچە قىسقىمۇ؟ نېمە ئۈچۈن دىگەنتىڭ مەڭگۈ؟ مۇھەببەت گاھىدا تاتلىقلىقىدىن  ئادەمگە شېرىن ھىس تۇيغىلارنى ئاتا قىلسا گاھىدا ئاچچىق لىقىدىن ئادەمنىڭ يۇركىنى  چاك چاك قىلۋىتدىكەن

sabinur

	ياخشى يېزىپسىز ۋاپاسىزدىن خۇدا ساقلىسۇن.

篮球美女

	ئاشىقلىق شۇنداقمۇ بىلەلمىدىم ھېچ، يۈرىكىم-باغرىمنى ئۆرتەيدۇ بىر ھېس. ئويلىرىم-خىيالىم چاكاردۇر ساڭا، جانلىرىم ئازاپتىن بولالماس تىنىچ. سېنىڭدىن شۇنداقلا بولۇپ مەن مەھرۇم، ئالەمچە ئەلەمنى قۇچاقلاپ قالدىم. چىدىماي ئاخىرى ئېلىپ خەنجەرنى، يۈرەكنى ئوتتۇردىن ئىككىگە ياردىم. تاشلىدىم دېڭىزغا يېرىم يۈرەكنى، ئەسلىمە-ئۆتمۈشلەركەتسۇن دەپ چۆكۈپ. كېسىلگەن ئاغرىقنى سەزمىدىم، ئەمما- ئېچىشار ۋىسالىڭ پەيتىنى كۈتۈپ. يېرىم جان،يېرىم روھ ،يېرىم يۈرەكتە، يەنىلا بىر ساڭا تەشنا ھەر تىنىق. سېنىڭسىز بۇ دۇنيا ئازاب دېڭىزى، قۇتقۇزغىن سۆيگۈڭدىن ياساپ بىر قېيىق.

zulayha

	تىلغاپ ئۆتتى يۈرەكنى ھىجران، ئازاپلىرىڭ باسقاندا دىلىنى. تەشنا ۋۇجۇت ئۆرتەندى شۇنداق، سەن خالىدىڭ ئېيتقىنە كىمنى؟    تىللىرى يىنىك ھەم چىنلىق بىلەن يۇغۇرۇلغان شېئىرىڭىزدىن سۆيۈندۈم.