خاتىرەمدىكى يازمىلار2

tarhamak

	كىشىلەر ئادەتتە ئاغرىق ئازابىغا چىدىمىغاندا ئاغرىق توختۇتۇش دورىسى يەيدۇ . بۇ دورا ئاغرىقنى مەلۇم مۇددەت توختاتقان بىلەن ئاغرىقنى تۈپ يىلتىزىدىن ساقايتالمايدۇ ، بەلكى ئادەم بەدىنىگە مەلۇم دەرىجىدە زىيانلىق تەسىر ئېلىپ كېلىدۇ . بىراق كىشىلەر نىمە ئۈچۈن ئاغرىق توختۇتۇش دورىسى يەيدۇ ؟ مەقسەت پەقەت بىرلا ، ئاغرىق ئازابىدىن قۇتۇلۇش . ئەمىلىيەتتە ئاغرىق توختۇتۇش دورىسى ئاغرىقنى توختاتمايدۇ ، پەقەت نىرۋىلارنى مەس قىلىش ئارقىلىق ئاغرىق ئازابىنى ئۇنتۇلدۇرىدۇ . ھەم دورىنىڭ كۈچى تۈگىگەن ھامان ئاغرىق داۋاملىشىۋېرىدۇ . ئەسلى ئىچكى ئەزالارنىڭ فونكىسىيەسى نورمال بولغان بولسا ئاغرىقمۇ بولمىغان بولاتتى . ئاغرىق ئىچكى قىسىملاردىكى نورمالسىزلىقتىن كېلىپ چىققان نەتىجە خالاس ... مۇنداقچە قىلىپ ئېيتقاندا كىشىلەرنىڭ ئاغرىققا چىدىماي ئاغرىق توختۇتۇش دورىسى ئىستىمال قىلىشى ، رىئاللىقتىن ئۆزىنى قاچۇرغانلىقمۇ قانداق ؟ ئەمما ئادەمنىڭ بەرداشلىق بېرىش كۈچى چەكلىك بولىدۇ ، بارچە ئىشلارغا بەرداشلىق بىرەلەيمەن دەپ بەرداشلىق بېرىپ بولغىلى بولمايدۇدە . تۇرمۇشتىكى بەزبىر كۆڭۈلسىزلىكلەر ، دىشۋارچىلىقلار تۈپەيلى ئۈمۈدسىزلىك چايانلىرى بىزگە نەشتەر سانجىشقا ئۇرنىۋاتقاندا ، ئۆزىمىزنى بۇ ئىشلاردىن قاچۇرۇپ قۇلاقنى يۇپۇرۇپ ياشاشقا مەجبۇر بولىمىز . چۈنكى بىز ئۇ ئىشلارنى توختىتىشقا ئامالسىز ،  ئۇنىڭغا بەرداشلىق بېرىشكىمۇ ھەم ئاجىز ... شۇ چاغدا ئادەم ئاغرىق توختۇتۇش دورىسى يەپ ئاغرىق ئازابىدىن بىردەم بولسىمۇ قۇتۇلغىنىدەك ، ئۆزىنى رىئاللىقتىن قاچۇرۇپ ، روھى ئالدامچىلىق قىلىشقا ئۇرىنىدۇ . ئەمىلىيەتتىمۇ كۆڭۈلنى ئۇ ئىشلاردىن يىراقلاشتۇرغاندا بىئارامچىلىقمۇ ئۇنتۇلىدۇ . ئەمما كۆڭۈلنى ھەرۋاقىت ئالداپ رىئاللىقتىن يىراق ياشاپ بولغىلى بولمايدۇدە ، ئۆزىمىزنى رىئاللىقتىن قانچە قاچۇرساق چۈشكۈنلۈك پاتقىقىغا شۇنچە پاتىمىز ... دورىنىڭ تەسىرى تۈگىگەندە ئاغرىق قايتىدىن ئەۋج ئالغىنىدەك ، رىئاللىققا يۈزلەنگىنىمىزدە ئىشلارنىڭ شۇپېتى تۇرغانلىقىنى ، مۆجىزىنىڭ يۈزبەرمىگەنلىكىنى ھېس قىلىمىز . بۇ ۋاقىتتا ئۈمۈدسىزلىك بىزگە تېخىمۇ يېقىنلاپ كېلىشكە باشلايدۇ . بۇ چاغدا قانداق قىلىش كېرەك ؟ ئاغرىق توختۇتۇش دورىسىنى قايتىدىن ئىستىمال قىلىپ ئازابتىن يەنە بىر مەزگىل يىراق تۇرىشىمىز كېرەكمۇ ؟ ياكى باشقا چارە بارمۇ ؟  ئەمىلىيەتتە ھەرقانداق بىر مەسىلىنىڭ يۈز بېرىش سەۋەبى ۋە ئۇنى ھەل قىلىش ئۇسۇلى بولىدۇ . شۇنداقلا مەسىلىدىن قېچىپ ئەمەس بەلكى ئۇنىڭغا يۈزلەنگەندىلا ئۇنى ھەل قىلىش چارىسىنى تاپقىلى بولىدۇ ... شۇنىڭغا دىققەت قىلىش كېرەككى ، بىزگە ئاللاھتىن باشقا ھېچكىم ياردەم قىلالمايدۇ . شۇڭا تۇرمۇشىمىزدا بىزنىڭ تاقىتىمىز يەتمەيدىغان ئىشلاردا مۆجىزە كۈتۈشتىن ئىلگىرى مۆجىزە ئىگىسى بولغان ئاللاھقا تىۋىنىشنى ئۇنتۇپ قالماسلىقىمىز زۆرۈر ... 2011-2-12 ...

娜紫拉

	ئاۋال  ئورۇن   ئەپ  قوياي

ئىپارە

	راست ئاللاھ ئورۇنلاشتۇرغانغا بويسۇنۇش كېرەك، چۈنكى ھەممىنى ئاللاھ ئورۇنلاشتۇرغان. شۇنداقتىمۇبىز‹‹ ئى رەببىم سىنىڭ قىلغان ئىشىڭنىڭ ھەممىسى ياخشىدۇر، بىر ھېكمىتى باردۇر!›› دىيىشىمىز كېرەك . مەن ‹‹تەغدىر›› توغرىسىدا بىر تېما يازغان ئۆچۈرلۈپ كەتتىغۇ؟

篮球美女

	ھەقىقەتەن بىر ئوقۇپ چىقىشقا ھەمدە ئويلىنىشقا تىگىشىلىك تېما ئىكەن ~

ardamay

	رىئاللىق بەزىدە ھەقىقەتەنمۇ ئاچچىق بولىدۇ،روھىمىزغا ئاغرىق سايە تاشلايدۇ ،تەقدىر قىسمەتلەر  كۆزىمىزنى ياشلايدۇ،ئەمما كىشلىك تۇرمۇشتىكى ھەربىر ئىشلارغا ئامالنىڭ بارىچە كەڭ قۇرساقلىق بىلەن ،ئەپۇچانلىق بىلەن مۇئامىلە قىلساق  روھىي ئاغرىقىنى تۆۋەن چەككە چۈشۈرگىلى بولىدۇ!! بىز رىئاللىقىنى ئۆزگەرتىشكە قادىر بولالمىغان ئىكەنمىز ئەڭ ياخشى بولغان پوزىتسىە بىلەن رىئاللىقنىڭ قەلبىمىزگە بولغان پاسسىپ تەسىرىنى ئازراقمۇ بولسا يېنىكلەتكىلى بولىدۇ!!!

kigiz

	ھەقىقەتەن ماختاشقا تىگىشلىك

parwinaz

	روھىمىز ساغلام بولغاندىلا ئاندىن خۇشال، ساغلام ياشىيالايمىز

blueleaf

	بىز كېسەللىك ۋەياكى باشقا تۇرمۇش قىيىنچىلىقلىرى ۋەياكى ئازاب ئوقۇبەتلەردىن ھالسىزلانغاندا  بىزدىنمۇ ناچار كۈنلەردە ياشاۋاتقان كىشىلەرنىڭمۇ بارلىقىنى ئەسكە ئېلىشىمىز لازىم ،مەسىلەن كېسەللىك چىرمىۋالغاندا بۇنىڭدىنمۇ ئېغىر كېسەللەر بىلەن ئېلىشىۋاتقانلارنىڭ بارلىقى،ھەتتا كېسەل سەۋەبىدىن كۈننىڭ سېرىقىنى تۈزۈك كۆرۈپ باقماي ئۆلۈپ كەتكەنلەرنىڭ كۆپلۈكىنى ئەسلىشىمىز ،قىيىنچىلىق ۋە ئازاب ئوقۇبەتلەرنىڭمۇ ۋاقىتلىق ئىكەنلىكىنى ،ھامىنى ئۇنىڭدىن قۇتۇلۇپ چىقىپ كېتىدىغانلىقىمىزنى ئەسلىشىمىز ،ھەم بىزنىڭ مۇشۇ ھالەتتىمۇ يەنە نۇرغۇن كىشىلەردىن  بەختلىك ياشاۋاتقىنىمىزنى ئويلاپ ئاللاھقا شۈكرى ئېيتىشىمىز ھەم قىيىنچىلىقلاردىن قۇتۇلۇشقا مەدەت بېرىشنى ئاللاھتىن تىلىشىمىز كېرەك .

faeza.akef

	بۇ تېمىنى ئوقۇپ ئازراق ئەقىل تاپقاندەك قىلمەن!!!!