مۇھاببەتنى دەپ ئىززىتىڭىزنى يوقاتماڭ

kilyang

	مۇھەببەتنى دەپ ئىززىتىڭىزنى يوقاتماڭ بىرقىسىم قىزلار مۇھەببەتلىشش جەريانىدا ياكى يىگىتلەر ئالدىدا ئاسانلا ئۆزىنىڭ ئىززىتىنى يوقىتىپ قويىدۇ . نەتىجىدە بۇ ئەھۋال ئۇلارنىڭ قىممىتىنىڭ تېخىمۇ تۆۋەنلەپ كېتىشىگە سەۋەپ بولۇپ قالىدۇ . چۈنكى كۆپىنچە يىگىتلەر ئۆزى قوغلاشقاننى ياخشى كۆرۈپ ، ئۆزىگە ئارتۇقچە يېقىنچىلىق قىلغان قىزلاردىن ئۆزىنى تارتىدۇ . يەنە بىر تەرەپتىن ئۆزى ياخشى كۆرگەن قىزنىڭ يۈرۈش - تۇرۇش ، كىيىنىش قاتارلىق تەرەپلىرىگىمۇ ناھايىتى دىققەت قىلىدۇ . شۇڭا مەن تۆۋەندە مۇھەببەتلىشىۋاتقان ياكى مۇھەببەتلىشىش ئالدىدا تۇرغان قىزلارنىڭ دىققىتىگە 40 خىل ئۇسۇلنى سۇندۇم . بۇ سىزنىڭ مۇھەببەتتىكى ئۆز ئىززىتىڭىزنى ، ئابرويىڭىزنى ساقلاشتىكى «قىبلىنامە» بولۇپ قالغۇسى . 1 - سىزگە ئېتىبار قىلمىغان يىگىتتىن يىراق تۇرۇڭ ، چۈنكى سىزگە كۆڭۈل بۆلمىگەن يىگىتتىن ئايرىلالماي يۈرۈش ياكى داۋاملىق ئۇنىڭ ئۈچۈن مېھرىبانلىق ۋە سۆيگۈڭىزنى ئىپادىلەش ئەخمەقلىق بولىدۇ . 2 - ھەرقانداق چاغدا بىر مەسئۇلىيەتسىز يىگىت ئۈچۈن ئازابلانماڭ ، قىزلار ئاسان ئازابلىنىپ قالىدۇ . بىراق چوقۇم ئېسىڭىزدە بولسۇنكى ، بۇ ئەرزىمەيدۇ ، چۈنكى بەكرەك ئازابلىنىدىغىنى ئاخىرى يەنىلا ئۆزىڭىز بولىسىز . شۇڭا ئازابلىنىشلارنى يىغىشتۇرۇپ ، خۇشال ياشاشنى بىلىڭ . 3 - ياخشى كۆرگەن يىگىتىڭىزنىڭ ئەتراپىدا توختىماي ئايلىنىپ يۈرمەڭ ، سىز ئۇنى ئۆزگىچە ياخشى كۆرسىڭىزمۇ ، بىراق يەنىلا ئۇنىڭ ئۈچۈن بىر بوشلۇق بېرىشىڭىز كېرەك ، بولمىسا ئۇنى بىزار قىلىپ قويىسىز . 4 - ئەگەر يىگىتىڭىز سىزگە :‹‹ ئايرىلىپ كېتەيلى ! ›› دېسە ، ھەرگىزمۇ كۆز يېشى قىلىپ يۈرمەڭ ، غەيرەتلىك بولۇڭ- دە ، كۈلۈپ تۇرۇپ ‹‹ خوش ! ›› دەڭ . 5 - ئۆزىڭىزگە ئىشىنىڭ ، ئۆزىڭىزگە مۇئامىلىڭىز ھەرۋاقىت ياخشى بولسۇن ،چۈنكى ھاياتلىق سىزنىڭ . 6 - ھەركۈنى ئەتىگەن ئىشىكتىن چىقىش ئالدىدا يارىشىملىق كىيىنىپ ، كۈلۈمسىرەپ چىقىڭ . 7 - يىگىتىڭىز ئۈچۈن كۈلۈمسىرىشىڭىزنى ئايىماڭ . 8 - بەدەن شەكلى ۋە چىرايىڭىزنى ئاسراشنى بىلىڭ . 9 - تاماكا چەكمەڭ ، ھاراق ئىچمەڭ ، قىمار ئوينىماڭ . 10 - ئىچىڭىز پۇشۇپ كەتسىمۇ ، شۇنى باھانە قىلىپ قاۋاقخانلارغا بېرىپ يۈرمەڭ . يالغۇز قالغان چاغدا شۇ يالغۇزلۇقتىن ھوزۇرلىنىشنى بىلىڭ . 11 - ھەرگىز يالغان ھېسياتتا بولماڭ ، بۇنداق قىلىش يۈرىكىڭىزگە ئاچچىق تامغا بېسىپ قويىدۇ . 12 - ئېگىز پاشنىلىق ئاياغ كىيىپ يۈرۈڭ ، بىراق ئاياغنىڭ پاشنىسى بەك ئېگىز بولۇپ كەتمىسۇن . 13 - يالغۇز قالغىنىڭىزدا سىزنى ‹‹ ياخشى كۆرىمەن ›› دېگەن ئىنساننىڭ نېمىشقا سىزنى يالغۇز قالدۇرغانلىقىدىن ئازابلىنىپ كەتمەڭ . بۇنىڭ سەۋەبىنى ئۇ ئوبدان بىلىدۇ . 14 - ئۆمۈرلۈك ھەمراھىڭىزنى تاللىغاندا كۆزىڭىزنى چوڭ ئېچىڭ . ئەگەر خاتا تاللاپ قويغان بولسىڭىز، ۋاقتىدا ئايرىلىپ كېتىڭ . سۇنىڭ ئېقىشىغا باقماڭ . بۇ ئىككىڭلار ئۈچۈن ياخشى . 15 - يىگىتلەرگە قول كۆتۈرمەڭ . چۈنكى بىرىنچىدىن ، سىز ئۇلار بىلەن تەڭ بولالمايسىز . ئىككىنچىدىن ، سىز بىلەن قول ئۇزارتىشىپ سوقۇشقان يىگىت چوقۇم ساراڭ ... شۇڭا ئۇرۇشقاندىن ئۇرۇشمىغان ياخشى . 16 - دائىم سىرتلارغا چىقىپ ساياھەت قىلىپ كېلىڭ . بۇ سىزنى ناھايىتى ئۈمىدلىك ۋە روھلۇق قىلىدۇ . 17 - دائىم تەملىك گۈل چاي دەملەپ ئىچىپ ، كىتاب كۆرۈپ ، مۇزىكا ئاڭلاپ ھوزۇرلىنىشنى بىلىڭ . 18 -ئۆزىڭىزگە لايىق كىيىم-كېچەك سېتىۋېلىشنى بىلىڭ . ئۆزىڭىزگە يارىغىنى خانغا يارىغىنى . ھەرگىزمۇ باشقىلارنىڭ ئۈستى -بېشىغا ھەۋەس قىلىپ كەتمەڭ . 19 - سىز ياخشى كۆرمىگەن يىگىتنىڭ سوۋغىسنى ئەڭ ياخشىسى قوبۇل قىلماڭ . 20 - بىر قېتىمدا پەقەت بىرلا يىگىتنى سۆيۈڭ . 21 - ئۆزىڭىزنىڭ نېمىگە ئېھتىياجلىق ئىكەنلىكىڭىزنى بىلەمسىز ؟ يىگىتلەرمۇ بۇنىڭ ئىچىدە . 22 - ئۆزىڭىزنى پەقەت يالغۇزلۇقتىن قۇتۇلدۇرۇش ئۈچۈنلا خالىغان بىر يىگىت بىلەن ئارلاشماڭ ، بۇ سىز ۋە ئۇنىڭ ئۈچۈن تەڭسىزلىك بولىدۇ ھەمدە ھېسياتىڭىزغا نىسبەتەن تولىمۇ مەسئۇلىيەتسىزلىك بولىدۇ . 23 - سىز ياخشى كۆرمىگەن يىگىت ئەتراپىڭىزدا پەرۋانە بولسىمۇ ، سىز چوقۇم ھېسياتىڭىزنى ئېنىق ئىپادىلىشىڭىز لازىم . 24 - ھازىر قىلىۋاتقان خىزمىتىڭىزگە ئەستايىدىل مۇئامىلە قىلىڭ . خىزمەت بەلكىم سۆيگۈدەك يۈرىكىڭىزنى تىترىتەلمەسلىكى مۇمكىن ، بىراق خىزمەت سىزنىڭ قورسىقىڭىزنى تويغۇزىدۇ ، تۇرغۇدەك ئۆيگە ئىگە قىلىدۇ . بىراق مۇقىملاشمىغان سۆيگۈ سىزگە بۇلارنى بېرەلمەيدۇ .... شۇڭا چوقۇم ياخشى ئىشلەڭ . 25 - ئىللىق كەيپىياتنى ساقلاشنى بىلىشىڭىز كېرەك . قانداق سورۇنغا قانداق كىيىنىپ بېرىشنىمۇ بىلىشىڭىز لازىم . 26 - قولدىن بېرىپ قويغان ياخشى يىگىت ئۈچۈن پۇشايمان قىلىپ كەتمەڭ ، چۈنكى ئۇلار سىزگە ئاش بولمايدۇ ، كۆزىڭىزنى چوڭ ئېچىپ يەنە بىرنى ئىزدەڭ . 27 - كىيىملىرىڭىز چوقۇم ماسلاشقان بولسۇن ، ئۈستى-بېشىڭىزدىن ئاياللىق تۆكۈلۈپ تۇرسۇن . 28 -ئائىلىسى بار ئەرلەرنى ياخشى كۆرۈپ قالماڭ . چۈنكى ئۇلارنىڭ ئايالى بىلەن ئاجرىشىپ كېتىپ سىز بىلەن توي قىلماقچى بولغانلىقى ھەيران قالارلىق ئەمەس . ئۇ چوقۇم سىزدىن باشقا يەنە بىر قىز بىلەنمۇ شۇنداق قىلالايدۇ . 29 - تۇغۇلغان كۈنىڭىزدە ياكى ئاياللار بايرىمىدا سىزگە گۈل سوۋغا قىلىدىغان ئادەم بولمىسا كېرەك يوق ، سىز ئۆزىڭىز شۇ گۈللەرنى سېتىۋىلىپ سىزنى مىڭ بىر جاپادا بېقىپ چوڭ قىلغان ئاتا - ئانىڭىزغا سوۋغا قىلىڭ . 30- سىز ياخشى كۆرگەن ھەرقانداق كىشىڭىزنىڭ تۇغۇلغان كۈنىنى ئېسىڭىزدە چىڭ تۇتۇڭ . ئەلۋەتتە ئۆزىڭىزمۇ بۇنىڭ ئىچىدە . 31 - سىز ئەلۋەتتە بىر يىگىتنى ياخشى كۆرسىڭىز بولىدۇ ، بىراق بارلىق سۆيگۈڭىزنى ئۇنىڭ قوينىغا تۉكۈپ بەرمەڭ . چۈنكى ھاياتلىقتا ھاياتىڭىزنى سېلىپ بېرىپ سۆيگۈدەك يىگىت مەۋجۇتمىدۇ ؟........... شۇڭا ئۆزىڭىزنى قەدىرلەشنى بىلىڭ . چۈنكى ئۆزىڭىزنى قەدىرلىگەندىلا ، باشقىلارنىڭ ياخشى كۆرۈشىگە ئېرىشەلەيسىز .......... 32 - ئۆزىڭىز ياخشى كۆرگەن كىشىگە ئۇچۇر ئەۋەتىڭ . ئەگەر ئۇنىڭدىن ئىنكاس بولمىسا سىزمۇ قارا چىكىت ئۇرۇڭ . 33 - يالعۇزلۇق ھىس قىلسىڭىز ، دوسىتلىرىڭىزنى ئىزدەڭ ، ئۇلار بىلەن پاراڭلىشىڭ ، بازار چۆرگىلەڭ ، بىرگە تاماق يەڭ . يالغۇزلۇق ئىچىدە ئۆزىڭىزنى يوقىتىپ قويماڭ . 34 - ئەتىگەن سىرتقا چىقىشتىن بۇرۇن چوقۇم ئەينەككە قاراپ،  ئۆزىڭىزگە ئىللىق بىركۈلۈمسىرەشنى ئۇنتۇماڭ . 35 - سۆيگىنىڭىزگە يىگانە مۇئامىلە قىلىڭ ، كۆپ كېمىگە دەسسىسىڭىز، كېمە ھامىنى ئۆرۈلۈپ چۈشىدۇ . 36 - ئەگەر كۆڭلىڭىز يېرىم بولۇپ يىغلىغىڭىز كەلسە ، ئىشەنچىلىك بىرنىڭ ئالدىغا بېرىڭ . ھەرگىزمۇ خالىغانلا بىرىنىڭ مۈرىسنى ئىجارە ئېلىپ يۈرمەڭ . 37 - بۇندىن كېيىن ئەقىللىق بولۇڭ ، يىگىتىڭىزنىڭ سىزنى ياخشى كۆرىدىغان - كۆرمەيدىغانلىقىنى سوراۋەرمەڭ. ئۇ ياخشى كۆرسە چوقۇم تەبىئىي ھالدا دەيدۇ . سورىلىش ئارقىلىق بەرمەكچى بولغان جاۋابىدىن ئۇ مەغرۇرلۇق ھېس قىلىپ ، سىزگە ئېتىبارسىز قارايدىغان بولۇپ قالىدۇ . 38 - ئۆزىڭىزگە يارىشىملىق ، چىرايلىق ئۇخلاش كىيىمى سېتىۋىلىڭ ، بۇ كىيىم بەك رومانتىك بولسىمۇ مەيلى ............ 39 - ئاتا - ئانىڭىزنى ئەسلەپ تۇرۇڭ ، ئۇلارغا ئۆزىڭىزنىڭ كۆيۈمچانلىقىنى بىلدۈرۈڭ ، ئۇلارنىڭ يۈرىكىنى يېنىك قىلىڭ . 40 - يىگىت سىزدىن چىن كۆڭلىدىن ئەپۇ سورىسا ، ئۇنى كەچۈرۈشنى بىلىڭ .كەچۈرۈمگە ئېرىشكەن بۇ يىگىت سىزدەك بىر مېھىرلىك قىزدىن ئايرىلىپ قېلىشتىن قورقىدۇ . قەلەمدە : ئىمىنجان ھىدايەت پاسىبانىدىن حوتەن ۋىلايىتى گۇما - ناھىيە كىلياڭ يېزا يۇلغۇنجاي كەنت پايدىلانغان ماتىرىيال : شىنجاڭ پەن - تېخنىكا نەشىرىياتى نەشىر قىلغان روزىمۇھەممەت مۇتەللىپ تۇزگەن«ھاياتلىق پىسحىك ساعلاملىق مەجمۇئەسى» 2012 - يىل 7 - ئاي 2 - كۉنى

asoka520

	ھەقىقەتەن ياخشى تىمىكەن رەھمەت ئەجرىڭىزگە

marya

	تىمىڭىزگە كۆپ تەشەككۈر...تىمىڭىزنى ئوقۇپ بىر يۇرۇق نۇرنى كۆرگەندەك بولدۇم....

ئىپارە

	ياخشى تېمىكەن ، نۇرغۇن نەرسىلەرنى بېلىۋىلىشقا تىگىشلىككەن .ساقلاپ قوياي! رەھمەت!

سۈمەييە

	شەرمى ھايانى ئىسىدىن چىقىرىپ قويغان كىشىلەرگە يالغۇزلۇق ياكى توزىغان غازاڭ ھەمرا بولىدۇ

yawaat0998

	مەن مۇنداق بىر جۈپنى كۆرگەن: قىز ئوغۇلنىڭ ئورۇنسىز تەلىپىنى رەت قىلدى بولغاي، ئوغۇل ئۇ قىزنى ئۇرىۋاتاتتى: ئاناڭنى ھارامدىن بولغان، مەن سېنى ئالاي دەۋاتسام گېپىمگە كىرمەيسەنغۇ؟ ..... ئېغىزدىن چىقىۋاتقان گەپلەرنى يېزىش بى ئەپ. ھېلىقى قىز بولسا شۈمشىيىپ تۇراتتى، ھېچ بىر ئوغۇلبالىدىن ئايرىلىپ كېتىش نىيىتى يوق ئىدى. قىزمۇ تاياقنى راسا يېدى، ئېغىزغا ئالغۇسىز گەپلەرنى ئاڭلىدى، يەنە ئۇ ئوغۇلنىڭ كەينىدىن ئوغۇلنىڭ يالغۇز قالغان ئۆيىگە بېرىشكە ماقۇل بولوپ كۈچۈكتەك ئەگىشىپ كېتىۋەردى...... ئېسىت دەپ قالدىم، ئاتا ئانىسى يوقمىدۇ دېسەم تېخى( ئۇ قىز: ئانام دوختۇرخانىدا، ھېلى ئۇ ھالەتتە يۈزىگە قارىسام بولمايدۇ... دىگەندەك گەپلەرنى قىلىۋاتقان)، ئۇ قىزغا بولغان ئىچ ئاغرىتىشىم نەپرەتكە، ئېچىنىشقا ئايلاندى. ئاشۇنداق خار ھالدا ياشاشقا، قەدىرسىز ياشاشقا مەجبۇر قىلغان زادى نېمىدۇ؟ ئۆزىنى ئۆزى قەدىرلىمىسە باشقىلار قەدرىنى قىلمايدۇ

tumurkala

	ئىشقىلىپ قەدىر-قىممىتى يوقاتقان نەرسە ھامانلا ئەخلەت دۆۋىسىگە تاشلىنىدۇ،بۇ بىر قانۇنىيەت بۇنىڭغا قىزلارلا ئەمەس ئوغۇللارمۇ ئەمەل قىلىشى كىرەك بولمىسا ۋاي ئىسىت دەپ قالىسىلە ۋۇدالاڭدەك!