كىتىشىمنى ئويلىسام

barquk8

	ئاھ ، ئاڭلىسا مەندەك يايلاق قىسىسىنى ، تاغ كەپتىرى مەن بىلەن تەڭ چىكەر پىغان . ئەي دوستلۇرۇم دەرتسىزلەرگە ئېيتىڭ شۇنى ، سەن بىلمەيسەن دەرتمەنلەرنىڭ قەلبى ۋەيران .                                      شەيخ سەئىدى ******************************************** كىتىشىمنى ئويلىسام مۆئمىنلىكىم تۇتىدۇ كىتىشىمنى ئويلىسام ، نەھىگە قول بارمايدۇ كىتىشىمنى ئويلىسام . غەيۋەت قىلغۇم كەلمەيدۇ كىتىشىمنى ئويلىسام ، ھەق سۆزلىگۈم كىلىدۇ كىتىشىمنى ئويلىسام . تۆككۈم كىلۇر دەردىمنى كىتىشىمنى ئويلىسام ...... تۇغۇلدۇممەن دۇنياغا تۇغۇلماقمۇ تەس ئىكەن ، تۇغۇلۇپ ساق قاتارغا قوشۇلماق بەك تەس ئىكەن . مىڭ جاپادا چوڭ بولساق جان باقماقمۇ تەس ئىكەن ، غورۇر-ۋىجدان-ئىمانلىق ياشىماق تەس، تەس ئىكەن . مۇرتەدلىكتىن قورقىمەن كىتىشىمنى ئويلىسام ..... ئەستەغپۇرلا شەيتان دەپ ئېزىپ قالساق بەزىدە ، تۈزەلمىدۇق ۋە لىكىن رېستۇراندا - بەزمىدە . يامانلىقنى قامچىلاپ ناخشىدا ھەم نەزمىدە ، يۇيۇنمىدۇق يەنىلا پاكلىق سۈيى ئەزمىدە . پاكلىنىشنى خالايتىم ، كىتىشىمنى ئويلىسام .... ئويناپ ياشاپ ھاياتتا ئۆتتى تىزلا ئاز ئۆمۈر ، دەتكە ئادەم ئۆلمەسكەن بولمىسىمۇ جان تۆمۈر . ئەلگە بەرسەم ئىسسىقلىق رازى ئىدىم بوپ كۆمۈر ، دەيتى ئەلمۇ شۇنىڭدا مەندىن مەدەت سەن سۈمۈر . سۈمۈرسەملا ئارمان يوق ، كىتىشىمنى ئويلىسام .... دەيدۇ چوڭلار كىچىكنىڭ پەقەتلا يوقتۇر غېمى ، چۈنكى تەييار ئۇلارغا ھەر ۋاقىتلىق ئاش-نېنى . نان بولسىلا يايرامدۇ سىزچە،بارچە جان تېنى ، يەم-خەشەكتە يايراشتۇر پەقەتلا ھايۋان جېنى . بولمىسامكەن پەرقسىز ،كىتىشىمنى ئويلىسام .... كەلگەچ ھايات پەقەتلا ھەر بىر جانغا بىر قېتىم ، مەنىلىك ئۆتسە ھايات بولمىسا ئۇ لاي ئېقىن . باغلانمىسام كىشىگە بۇلۇپ كالا بىر سېغىن ،،، رازى ئىدىم بولساممۇ گەرچە مىسكىن بىر يىتىم . مەنىسىزلا كەتمىسەم ، كىتىشىمنى ئويلىسام .... تويمىساممۇ ھاياتقا كەلسە ئەجەل ئامال يوق ، ئۇنتۇلمىسا قەبرىگاھ كىتەر ئىدىم كۆڭۈل توق . گۈزەل بېھىش يۇرتۇمغا تارالغاندىن پىتنە پوق ، ئەل ئالدىدا ئوغلاپ بوپ رازى ئىدىم يىسەم ئوق . ئەل ئاغزىدا ئۆلمىسەم ، كىتىشمنى ئويلىسام .... بىر ياخشىغا بىر (يامان)ھەمرا قىلغان خۇدايىم ، ساقلىسىكەن كىلىشتىن قېرىنداشتىن ئىلاھىم . ساپ ئۈزىدىن دىگەن سۆز ياتلا بولسا قەۋمىمگە ، ئون سەككىزمىڭ ئالەمگە ئاڭلىنار شوخ سادايىم . ساپ بولمۇدۇم بولمايمەن، كىتىشىمنى ئويلىسام ... ئېزىقتۇردى شەيتانمۇ كىلىپ بەزەن قېشىمغا ، ھالاللىقتىن قىزغىنىپ تۇپا چاچتى ئېشىمغا . بازغىنىنى تەييارلاپ بەختۇ -ئامەت تېشىمغا، رەھىمسىزلەر،پەرۋاسىز ۋىسالسىز كۆز يېشىمغا. دىلبىرىمگە ئىنتىزار،كىتىشىمنى ئويلىسام .... توۋا دەيمەن،دىدىم كۆپ جاھاننىڭ ئىشلىرىغا ، شۇنچە تېزلا كەلگىنى زىمىستان قىشلىرىغا . بىرۇر ھىساپ ھەممىسى ئەتمىش-قىلمىشلىرىغا ، كىشى بولسا گەر زالىم بەركەت يوق چىشلىرىغا . زالىملاردىن بولمايمەن ، كىتىشمنى ئويلىسام .... بىرسى مىنى دەر قارا، ھەمراسى ھەم دىدى ئاق ، دىسە بىرى ئۈرۈككەن  ،دەيدۇ بىرى گۈلە قاق . چۈشىنەمسەن دەردىمنى؟باش چايقىدى دىدى ياق ، ئىنتىزارمەن گۈلۈمگە ، ماڭا بەلكى بۇ كۈن ھاق . ئەيىپ زادى كىمدىدۇ؟ كىتىشىمنى ئويلىسام..... ئانا دىگەن دۇنيادا چىن مۇھەببەت سىماسى ، مىھرىۋانلىق تەختىدە يەككە ئۈزى ھىماسى . بىرۇر ئوردا بالىغا يوقتۇر ئۇنىڭ بىناسى ، شۇنچە كۆپتۇر ئېلىشى،لىكىن يوقتۇر رىياسى . رازى قىلسام كۈلەتتىم ،كىتىشىمنى ئويلىسام ... رەنجىتەركەن ھەر كىشى گۈدەكلىك قىپ ئانىنى ، ئويلىماسكەن كەلگۈسى ئائىلىسى - بالىنى . چاغلىماسكەن بوپ نادان كىيىنلىك ھەم ھالىنى ، ئويلايدىكەن ياشلىق دەپ نىگارىنى - يارىنى . مەن بولمايمەن ئاشۇنداق،كىتىشىمنى ئويلىسام... يىراق ئەمەس تاغلارمۇ كۆرۈنسىمۇ گەر يىراق ، قىينايدىكەن كىشىنى ھەممىدىن ئەپسۇس پىراق . قاراڭغۇدا ئەۋزىلى كىرەك ئىكەن جىن - چىراق . ئاياغ قويسا مەنزىلگە ھەتتا يېقىن شام -ئىراق . چىراق بولسام يايرايتىم، كىتىشمنى ئويلىسام..... ئەل ئالدىدا تۇغۇلدۇم ھەم ئۆستۈردى ئەل مىنى ، ھەممىدىن بەك شىپالىق ماڭا ئەلنىڭ ساپ نېنى . يەپ تۇرۇپ ئەل تۇزىنى،تۇزكور بولسام مەن قېنى ، تۈلكىمۇ ھەم قوغدايدۇ  بولغاچ پاناھ ئۆز ئىنى . نۇمۇس ماڭا تۈلكىدىن،كىتىشىمنى ئويلىسام.... بۇلبۇل سايرار قەپەستە يا گۈلشەندە ھەۋەستە ، ئوخشىمايدۇ سايرىشى دەتتە، خوشلۇق، پەۋەستە . ئەجدادىمنىڭ سۆزلىرى ئۇنتۇلمىدى ھەم ئەستە ، ئۇنۇتسام گەر ئۆزلۈكنى ئورنۇم بۇلۇر بەك پەستە . ئەجدادىمنى ئەسلەيمەن،كىتىشىمنى ئويلىسام... غورۇر-ۋىجدان،ئىمان دەپ جار سالساقمۇ شۇنچە بىز ، ئوڭشالمىدۇق يەنىلا يامان يولدىن بەزىمىز.... غورۇر-ۋىجدان ئىمانسىز ھەم ئەمەسمىز ھەممىمىز ، پەخىرلىنەر بىزدىنمۇ بىر كۈن نەۋرە-چەۋرىمىز . قالدۇرىمەن شانلىق ئىز، كىتىشىمنى ئويلىسام.... سىنىڭ قانداق باھايىڭ ئەجدادىڭغا ئەي ئەۋلات ، سەنمۇ ھامان بولۇرسەن ئەۋلادىڭغا ھەم ئەجدات . رازى باھا بەرسە گەر ، ئەۋلات ئۇرمىسا پەريات ، روھىم تاپۇر ئەمىنلىك ، بولمىسا گۈلۈم بەربات . ئوخشاش باھا ئالمىسام،كىتىشىمنى ئويلىسام.... ئەللىك يەتتە دىگەن سان تارقىلىپتۇ يېقىندا ، بار ئىمىش ھەم مەنىسى ئۆزگە تىلغا بېقىندا . كۆپ تىل بىلىش شەرەپلىك ھەرقانداق بىر ئېقىمدا ، ئانا تىلنى بىلمەسلىك نومۇس پۈتۈن ئىقلىمدا .! ئەللىك يەتتە بولمايمەن،كىتىشمنى ئويلىسام ... ئۆلمەي دەپ ئەل ئالدىدا ئىجادىيەت ياراتتىم ، ياقتۇرۇپ چۈشەنگەننى ئانچە-مۇنچە قاراتتىم . يىتىشىچە قۇربىمنىڭ ياخشى سۆزلەر تاراتتىم ، خەلقىم بولسىلا رازى يەنە شېئىر يازاتتىم ... ئەل ئەڭ مۇھىم قەلبىمدە،كىتىشىمنى ئويلىسام ..... ****************************************** خاتىمە ئاللاھىم ياراتتى مىنى ئەزىز دەپ ، ھەرگىز خار ئەمەسمەن بەندە ئالدىدا . تۇزكورلۇق قىلمايمەن خەلقمگە زىنھار ، ئاشكارا ۋە ياكى پنھان دالدىدا ....!!! ئاپتۇرى:ئۆزەم(مۇھەممەتئەلىجان.چۇڭقۇرچاق) قېرىنداشلىرىمنىڭ يىتەرسىزلىكلىرىمنى توغرا ئۇسۇلدا ئەسكەرتىپ بىرىشىنى ئۈمىد قىلىمەن !

ilmi

	ھەجەپ ياخشى  چىىقىپتۇ دىيەلمەيمەن . بەلكىم مەن ھەم سىز بايقىيالمىغان نۇقسانلار بۇلىشى مۈمكىن .  چۈنىكى  مەن ئوبىزورچى  ئەمەس   ،بۇنداق دىيىش ئارقىلىق  ياخشى يازالماپسىز دىگىنىم ھەم ئەمەس.   چۈنكى مەن شائىر ئەمەس .  مىنىڭ ھىس قىلغانلىرىم  بىر پۈتۈن ھاياتنى ، نىشاننى، ئارماننى،  دەرماننى،(  پۇشايماننى ) ئىنىق ئىپادىلەپسىز ....چاڭقىغان دىللارغا ئۇسسۇزلۇق   بولدى .               قەلىمىڭىزگە بەرىكەت   تىلەيمەن !!!!

سەۋېر

	خەلقىم بولسىلا رازى يەنە شېئىر يازاتتىم ... ئەل ئەڭ مۇھىم قەلبىمدە،كىتىشىمنى ئويلىسام ..... مۇشۇ قۇرلارنىڭ ئۆزى -- يۈرەك سۆزى.

xaripa2011

	بەك ياخشى يىزىلغان شىئىركەن

2012-2-22

	بۇ  دۇنياغا  كىلىش  تەس ،  چوڭ  بولماق تەس   ،  ئادەم  بولماق ،  جان باقماق  تەس  ..............                    جان  بەرمەك  ،  قىلغان  ئىشلىرىمىزنىڭ  ،  يىگەنلىرىمىزنىڭ ، كەيگەن  كىيىملىرىمىزنىڭ  .........................  سوراقلىىرىدىن  ئۈتمەك     دىگەنلەر   قانچىلىك   تەستۇ  -  ھە

vqkun

	ئاللاھىم ياراتتى مىنى ئەزىز دەپ ، ھەرگىز خار ئەمەسمەن بەندە ئالدىدا . تۇزكورلۇق قىلمايمەن خەلقمگە زىنھار ، ئاشكارا ۋە ياكى پنھان دالدىدا ....!!!

xohsarsan

	ھەجەپ ھايات بىلەن خوشلىشىدىغاندەكلا يېزىپسىزغۇ مىنى ئويغا سەپ قويدى !!!!!!!!!!!!!!!

barquk8

	xohsarsan يوللىغان ۋاقتى  2012-7-1 03:43 AM ھەجەپ ھايات بىلەن خوشلىشىدىغاندەكلا يېزىپسىزغۇ مىنى  ... توغرا، مەن ئەمەس ھەممىمىز رىزقىمىز تۈگىگەن بىر كۈنى چۇقۇم ھايات بىلەن خوشلۇشىمىز ! بىز ھەمىمىز قايتقۇچىلارمىز ! تويمىساممۇ ھاياتقا كەلسە ئەجەل ئامال يوق ، ئۇنتۇلمىسا قەبرىگاھ كىتەر ئىدىم كۆڭۈل توق .

Aychin

	بىز ھەممىمىز كېتىمىز، ھەممىمىز قىلغانلىرىمىزغا بىر-بىرلەپ جاۋاپ بېرىمىز، ئەمما شۇ جاۋاپنى نېمە بىلەن بېرىمىز؟ .......... ھاياتلىقىمىز ۋە ئاخىرەتلىكىمىز ھەققىدە كۆپ ئويلىنىشقا تېگىشلىك.مۇئەللىپكە كۆپ تەشەككۈر!

ئايچىن

	راس ، كەچ بولمايدىغان كۈن ، ئاخىرلاشمايدىغان سورون يوق... ھاياتلىقمۇ شۇ...