ئىملاجان ۋە ئىنكاسگۈل

Eltekin

	ئىملاجان بىلەن ئىنكاس گۈل ئاپتورى: نىمجان   ( ساتىرا ) بىركۈنى ئېنتىرنتنىڭ دۇنياسىدا ، قايسىبىر    مۇنازىرە  سەيناسىدا . شىكايەت قىلغان ئىمىش ئىككى دەرتمەن ، توردىكى كەچۈرمىشلەر توغرىسىدا . مىچىلداپ ھال ئېيتىپتۇ  ئىنكاس ئاۋال : بولدىغۇ شۇكۈنلەردە  نەرقىم پاخال . تەر تۆكۈپ يازسا بىرسى ئىسىل تېما ، سايرىشىپ شاتۇتىلار  قىلدى ئۇۋال . مۇنبەرگە ئېزىپ - تېزىپ كىرەمدىكىن ، يارايسىز، ياخشى ...، دەپلا يۈرەمدىكىن . ئەجرىگە باشقىلارنىڭ ھۆرمەت قىلىپ ، تەپەككۇر قىلىپ باقسا  ئۆلەمدىكىن  ؟ ئىنكاس دەپ يازار تېخى قوچاقلارنى ، ئوينىتىپ توقماق ، بېگىز ، پىچاقلارنى . بىھۇدە ئازار بېرىپ باشقىلارغا ، تېرىيدۇ زىدىيەتلىك چاتاقلارنى . يازمىسا بولمامدىكىن يازالمىسا ، يېزىشنى ئۈگۈنۈشتىن يالتايمىسا . ئىنكاسنى كۆڭۈل قويۇپ يېزىڭ دېسە ، غوتۇلداپ ، ئادەمگە سەت ئالايمىسا . ئىككى-ئۈچ ئىسىم قويۇپ بىر جېنىغا ، قىستۇرۇپ گۇپپاڭچىنى ھەم يېنىغا . ھېلى ئوڭ ، ھېلى تەتۈر گەپ ئوينىتىپ ، قىلمىسا  تەخسىكەشلىك يېقىنىغا . مېغىزلىق ، ئەھمىيەتلىك بولسا ئىنكاس، دوستانە ئىناقلىققا تولسا ئىنكاس . زارلىنىپ يۈرمەس ئىدىم مەنمۇ بۇنچە ، مۇنبەرگە قىزىل گۈلدەك قونسا ئىنكاس ! ئىنكاس گۈل جىم بولۇپتۇ  ئولۇغ تىنىپ ، ساپ ھاۋادىن نەپەس ئاپتۇ قېنىپ - قېنىپ. تەسەللى بېرىپ شۇئان ھاياجاندا ، ئىملاجان گەپ باشلاپتۇ غەزەپلىنىپ : نىزامدۇر ئىملا دېگەن تىل - يېزىققا ، تىل - يېزىق شەرت ئەمەسمۇ ھاياتلىققا . بەزىلەر مېنى قەستەن بوزەك ئېتىپ ، قالدىمغۇ شۇ كۈنلەردە خاپىلىققا . بىرسى مېنى ئويناشقاندەك يېزىۋاتقان ، بىرسى يەنە يېزىپ تۇرۇپ ئېزىۋاتقان . چېكىت، پەش... بەلگىلىرىم بولۇپ سەرسان ، ئۆزىنى غېرىپ- يېتىم سېزىۋاتقان ... ئۇيغۇر تۇرۇپ ئۇيغۇرچە خەت يازالمىسا ، يازسىمۇ ، سۆز- جۈملىلەر  باغلانمىسا . ماڭىمۇ ، ئۆزىگىمۇ ھۆرمەت قىلسا ، نە بولۇر يۈرەك - باغرىم داغلانمىسا . ئىملانى چوڭ بىلىدۇ ئۆزگە مىللەت ، ئىملاسىز خەت يېزىشتۇر بىزدە ئىللەت . تاپقاندەك ئىنسان ئەخلاق بىلەن زىننەت ، يېزىقمۇ تاپار ئىملا بىلەن قىممەت . بەزىلەر بۇ ھېكمەتنى بىلمەمدىكىن ، بىلسىمۇ مېنى كۆزگە ئىلمامدىكىن ؟ ئېنتىرنېت  دۇنياسىدا  يېزىقىمىز، سازايى بولسا خىجىل بولمامدىكىن ؟ دېگۈم بار شۇڭا  دوستۇم دىققەت قىلىڭ ، مەن ئەمەس ، ئۆزىڭىزگە ھۆرمەت قىلىڭ . دېسىڭىز : قوغداي ئۇيغۇر يېزىقىمنى  ، كەمىنە ئىنكاسجاننى ئۈلپەت قىلىڭ !!! _ _ _ _ _ _ _ _ _ _ _ _ _ _ _ _ _     ئەھمىيىتى ۋە رولى بارلىق ئۇيغۇر ۋە مۇنبەر، ئونىۋېرسال تور بەتلەرگە بولىدۇ دەپ قاراپ، ئاپتورنىڭ رۇخسىتىسىزلا كۆچۈرۈپ كېلىندى. ئاپتور نارازى بولسا ئۇچۇر قايتۇرغاي، دەرھال ئۆچۈرىلىدۇ. ئاپتورنىڭ بۇ ئىككى خىل مەسىلىنى بۇنداق يېقىشلىق ھەم تېتىملىق شەكىلدە بىزگە تەمىن ئەتكىنى ئۈچۈن كۆپ تەشەككۇر! ئىملاجان ۋە ئىنكاسگۈللەر يەنە يىغلاپ قالمىسۇن !

سۈمەييە

	راسلا ئەھمىيەتلىككەن ، مىنىڭمۇ قونچاق يوللاپ قويغان ۋاقىتلىرىم ئازدۇر كۆپتۇر بولغان ، ئەجەپ خىجىل بولدۇم بۇ تىمىنى كۆرۈپ (ئەلۋەتتە قەستەنلىك بىلەن يوللىمايمەن ئۇ قونچاقلارنىمۇ) ، بۇندىن كىيىن چوقۇم دىققەت قىلىمەن . ھەر بىرىمىز كۆرۈشكە ، كۆرۈپلا بولدى قىلماي رىئايە قىلىشقا تىگىشلىك تىمىكەن

YAZR

	يەنە  ماۋۇ  نەقىلاخۇننىمۇ يازىدىغان  گەپتى ،    كەلسە كەلمىسە   رەددىيە  بەردىم دەپ  نەقىل دىگەننى   توپ باھادا ساتقاندەكلا   قىلىۋىرىدۇ  . نەقىل دىگەننىمۇ ئىلمى   ، كۆڭۈللۈك ،  قۇلاققا  خوشياققۇدەك   قىلسا  ،   ئاندىن چىرايلىق  ئولتۇرۇپ مۇنازىرە  قىلغىلى بۇلىدۇ نەقىلسىنى  ئۇقۇپ بولغۇچە  قىرىققا  چىقىپ كەتكۈدەك  نەقىل قىلدىغانلار بار ،   ئۇنداق زىددىيەت ئۇرۇقىنى چاچىدىغان  نەقىلنى قىلغان دىن  ،  ئايىلىنىپ  ئۈتۈپ كەتكەنمۇ مىڭ ياخشى .

dilbar

	ھەقىقەتەن نەق چۈشكەن ساتىرا ئىكەن... ئەمما بەزى تېمىلارغا تەپەككۈرر قىلىپ يازسا ئىش چاتاق ئىكەن ئەمەسما... يارايسىز، ياخشى ...، دەپلا يۈرەمدىكىن . ئەجرىگە باشقىلارنىڭ ھۆرمەت قىلىپ ، تەپەككۇر قىلىپ باقسا  ئۆلەمدىكىن  ؟

كارۋان

	مىنىڭ بىلىمىم سەل تۆۋەنرەك شۇڭا بىلىمىمغا چۇشلۇقراق يازىمەن ئىنكاسنى.ئەمدى ھەممىلا ئادەم ئالىم، يازغۇچى، شائېر بولمىغاندىن كىيىن ئىنكاسچىلار ئوتتۇرسىدىمۇ پەرىق بولىدىكەن. ئەمما ئىملاغا ئامالنىڭ بېرىچە دىققەت قىلىپ كېلىۋاتىمەن.قورچاق ئىپادە ئەۋەتىشنى نۇمۇس دەپ بىلىمەن.

ARZUY

	مەن بۇ تىمىنى بىر مۇنبەردە كۈرۈپ ياختۇرۇپ قالغان ئىدىم . رەھمەت يەنە كۈرۈشكە مۇيەسسەر قىلغىنىڭىزغا.

gulbar5

	ئۆزگىچە بىر ساتىرا كەنغۇ بۇ ......   ئاپتورنىڭ قولىغا دەت بەرمىسۇن  ،  بەك ياخشى يېزىپتۇ ، ئىملاجان بىلەن ئىنكاس گۈلنىڭ سۆزلىرى بىزگە بەك تەسىر قىلدى. تەربىيىۋى قىممىتى بار تېممىكەن. ھەممە ئېنتېرنىتچى بىر قېتىم ئوقۇپ چىققۇدەك. بولۇپمۇ ،مۇشۇ  مىسرانىم مۇنبىرگە بەك ماس كىلدىكەن،

rizwangul0995

	ئەسسالامۇ ئەلەيكۇم ھۇرمەتلىك تورداشلار .    ھەممىمىز دىققەت قىلىپ ئۇقۇپ كاللىمىزغ ئورنىتۋالغىدەك ياخشى يېزىلغان ساتىرا ئىكەن. بۇلۇپمۇ مەن ئىملاغا راس سەل دىققەت قىلال مايۋاتمەن بۇنىڭغا  ئەمدى دىققەت قىلىمەن، قارىسام نەچچە كۈننىڭ ياقى  مىسرانىمنى ئاۋات قىلۋەتكەن تېيمىلاردا تورداشلار  بىر بىر بىرىمىزگە زەھەردەك گەپلەرنى قىلىشۋالدۇق ،ئۇتۇپ كەتكەن ئىش ئۇتۇپ كەتتى تەگىسەڭ تېرىق تەگىمىسەڭ ئېرىق دەپتىكەن كونىلار ئۈتۈپ كەتكەن ئىشلارغا ئاداۋەت ساقلىماي،ھەممىمىز بىر بىرىمىز بىلەن ئىناق ئۇتسەك دىگەن ئۈمۈتتە ،مەندىن ئۇتكەن يەرلىرى بولسا تورداشلاردىن كەچرۇم سورايمەن .

AynaK

	ئەسسالامۇ ئەلەيكۈم ؟بۇ تېمىنى  كورۇپ ئىنكاس يازماي تۇرالمىدىم  بەك سويۇندىم .يارايسىز بەك ئەمىلىيەتچانلىغى  كۈچلۇك يازما بوپتۇ . تورغا چىقماي خەت يېزىشنى ئۇنتۇپ قاپتىمەن

uyghur05

	ھەقىقەتەن بىر - بىرىدىن ياخشى يىزىلىپتۇ .بۇ شىئىرنىڭ  ئاپتورى كىمكەن