شاياردا«سەنەم»« توغۇلدى »

hasalharisi

	شاياردا«سەنەم»« توغۇلدى »         25-ئىيۇن مەن شايار ناھىيەلىك سەنئەت ئۆمىكىگە بارغىنىمدا ناھىيەلىك سەنئەت ئۆمىكى،مەدەنىيەت يۇرتى ۋە ھەر قايسى يېزا-بازارلاردىن يىغىلغان 50دىن ئارتۇق كەسپىي ئارتىس ۋە ئىشتىن سىرىتقى ئەلنەغمىچى ئاپتونۇم رايۇندىن تەكلىپ قىلىنغان رېژىسورنىڭ يېتەكچىلىكىدە يېڭىدىن رەتلەنگەن «شايار سەنىمى»نىڭ ناخشا-مۇزىكىسىنى ئەستائىدىل ئۈگىنىۋاتقان ئىكەن.         تويبولدى بازىرىدىن كەلگەن دېھقان ئەلنەغمىچى توختىنىياز ئىسمايىل مۇنداق دېدى؛«بىز بۇ قېتىم ناھىيەگە يىغىلىپ،‹‹شايار سەنىمى››نى ئۆگەندۇق.بۇ بەك چوڭ ئىش بولدى.بىز بۇ سەنەمنى مۇكەممەل ئۆگۈنۈپ،ئەلنەغمە-مەشىرەپ پائالىيەتلىرىدە ئورۇنلاپ،كېيىنكى ئەۋلاتلارغا مىراس قالدۇرىمىز».         شىنجاڭ مۇقام ئانسامبىلىنىڭ مۇقام تەتقىقاتچىسى ئابدۇللا مەجنۇن بۇ ھەقتە توختۇلۇپ مۇنداق دېدى:«‹شايار سەنىمى»نى توپلاشنىڭ ئىنتايىن مۇھىم ئەھمىيىتى بار.بۇنى رەتلەشتە ۋاقىت جەھەتتىن كېچىكىپ قالدۇق دەپ قارايمەن.شايار بولسا تارىخى ئۇزۇن بىر يۇرت بولۇپ،يىپەك يولىنىڭ تۈگۈنىدە مەدەنىيەت تارقاتقان.مۇشۇنداق بىر ئۇلۇغ زىمىننىڭ ئۆزىدە ئەسلىدىن بار بولغان خەلق ناخشىللىرى،سەنەملىرى كۈنلەرنىڭ ئۆتۈشى بىلەن يوقاپ كېتىش گىردابىغا بېرىپ قالغان.بۇ بىر چوڭ يوقۇتۇش بولۇپ ھىساپلىنىدۇ.بىر يۇرتتا ئۆزىنىڭ سەنىمى بولمىسا شۇ يۇرتتا سەنئەت بولمىغانلىق بولىدۇ.بۇ يۇرتنىڭ تارىخىدا پىشقان ئاتاغلىق مۇقامچى ، ئەلنەغمىچىلەر ئۆتمىگەن بولسا ھازىرقىدەك مۇشۇ يەرگە توپلاشقان ئەلنەغمىچىلەر بولمىغان بولاتتى.ھازىر يوقۇلۇش گىردابىغا بېرىپ قالغان سەنەمنى قۇتقۇزۇپ قالدۇق›.         سەنەم ــ بىر يۈرۈش ئۇسۇللۇق ناخشا-مۇزىكا بولۇپ،قەدىمدىن تارتىپ ئۇيغۇر ئەل ئىچى ئەلنەغمە-مەشىرەپ پائالىيەتلىرىدە ئوينۇلۇپ كەلگەن. ھەر يۇرتنىڭ ئۆزىگە خاس سەنەملىرى بولىدۇ.ناھىيەلىك مەدەنىيەت-تەنتەربىيە،رادىيو-تېلېۋىزىيە ئىدارىسى بۇ يىل قىممەتلىك مەدەنىيەت-سەنئەت بايلىقى بولغان«شايار سەنىمى»نى قېزىش،رەتلەش خىزمىتىنى مۇھىم خىزمەتلەر كۈن تەرتىپىگە كىرگۈزۈپ،بۇ يىل مايدا شىنجاڭ مۇقام ئانسامبىلىنىڭ مۇقام تەتقىقاتچىسى ئابدۇللا مەجنۇننى «شايار سەنىمى»نى رەتلەش خىزمىتىگە يېتەكچىلىك قىلىشقا تەكلىپ قىلىپ ئەكەلدى.ناھىيەلىك پارتىكوم،خەلق ھۆكۈمىتىمۇ بۇ خىزمەتنى قوللاپ يېتەرلىك مەبلەغ ئاجىرتىپ بەردى.«شايار سەنىمى»نى قېزىش-رەتلەش گوروپپىسىدىكىلەر يېزا-قىشلاقلارنى ئايلىنىپ ،«شايار سەنىمى»نىڭ شايار تەۋەسىدە  تارقالغان،يەرلىك ئالاھىدىلىككە ئىگە بولغان ۋاقتى 10سائەتلىك،سەككىز ئۆزگۈرۈشلۈك نەغمە-ئاھاڭ،120كوبلىتتىن ئارتۇق تېكىستنى ئەستائىدىل  قېزىپ،رەتلەپ چىقتى. .10-ئىيۇندىن ئېتىبارەن كەسپىي ناخشىچى،مۇزىكانت ۋە دېھقان ئەلنەغمىچىلەرنى يىغىپ ،رەتلەنگەن «شايار سەنىمى»نى ئۆگىنىشكە كىرىشكەن بولۇپ،نۆۋەتتە بۇ سەنەمنىڭ ناخشا-مۇزىكىسىنى ئۆگىنىش ئاساسەن ئاخىرلاشتى.         شىنجاڭ مۇقام ئانسامبىلىنىڭ مۇقام تەتقىقاتچىسى ئابدۇللا مەجنۇن چۈشەندۈرۈپ مۇنداق دېدى:«بىز سەنەم ماتىرياللىرىنى توپلاشتا خەلق ئەلنەغمىچىللىرى بىلەن ئۇچۇرۇشۇپ،سىردىشىپ،سەنەمنىڭ يىلتىزىنى تاپتۇق.سەنەمنى رەتلىگەندە ئىجادىي ئاھاڭ ۋە باشقا يۇرتلارنىڭ ئاھاڭىنى ئارلاشتۇرمىدۇق.%90ساپ چىقتى.دېمەك،بىر ئۆزگىچە يېشىل مەھسۇلات مەيدانغا چىقتى».         شايار ناھىيەسىدە «شايار سەنىمى »نىڭ ناخشا-مۇزىكىسى  مۇۋاپىقىيەتلىك رەتلەندى ھەم ئۆگۈتۈلدى.كېيىنكى تۈركۈمدە بۇ سەنەمنىڭ ئۇسۇلى رەتلىنىدۇ.بۇنىڭ بىلەن شاياردا خەلق ناخشىسى،سەنەم بولماسلىق تارىخىغا خاتىمە بېرىلىدۇ.«شايار سەنىمى»شايار ناھىيەسىنىڭ مەدەنىيەت-سەنئەت قۇرلۇشىدىكى بىر ئابىدە بولۇپ قالغۇسى. مەنبە:ئۆزۈم

aptap104

	ئىنكاسىم تەكرار بولۇپ قاپتۇ ..

aptap104

	ھەممە يۇرتتا سەنەم بار ، ئەمما غىرىپ يوق ، پاك ئەمەلدار يوق ، چىرىك بار .

سۈمەييە

	مۇنداق ئىشمىدى ، مەن تىخى شاياردا سەنەم تۇغۇلدى دىسە ، ئۇ يەردە پەقەت سەنەم ئىسىملىك ئادەم يوق ئوخشايدۇ دەپ چۈشىنىپ قاپتىمەن ئەمەسمۇ ؟؟؟؟ شايارنىڭ سەنىمىنى كۆرگەندەك قىلغان بىر قىتىم ، ئۇسۇلچىلىقتا خىلى داڭ ئالغان بىر ناھىيە دەپ ئاڭلىغان ئىدىم ، بۇنىڭدىن كىيىنكى ئىشلىرىڭلارغا ئۇتۇق تىلەيمەن .

كارۋان

	مەن تېخى شاياردا دۇنيا گۈزىلى تۇغۇلغان ئوخشايدۇ دەپتىمەن ئەسلى مۇنداقمىتى. ئەسسالامۇ ئەلەيكۇم ھەسەلجان يوقاپ كەتتۇققۇ؟ھەسەل يىققىلى كەتكەنما؟

SANSIZ0903

	ھەيران قالغۇدەك ئىش ئەمەس ، بىزدەك سەنئەتچى مىللەتتىن سەنەم تۇغۇلماي يەنە نىمە تۇغۇلاتتى

axek13999649893

	غىرىپ  سەنەملەر   يوققكەندە ھە

saparbay

	ئابدۇللا شاتىرىغا ھېزى بولۇڭلار جۇمۇ ! «سەنەم » گە نىيىتىنى بۇزۇپ، بىزنى ئوڭدا قويىدىغان ئىش چىقىپ قالمىسۇن !

bagu-bostan

	مىللى مەدەنيەت گۈلزارىمىزغا يەنە بىر خۇشپۇراق گۈل قوشۇلۇپتۇ.ياخشى بوپتۇ.

yawaat0998

	SANSIZ0903 يوللىغان ۋاقتى  2012-6-27 06:15 PM ھەيران قالغۇدەك ئىش ئەمەس ، بىزدەك سەنئەتچى مىللەتتىن  ... ھاھا،،،،، ئىخچام، چۈشىنىشلىك، مەزمۇنلۇق ئىنكاس دىگەن مۇنداق بولمامدۇ.  ئاپىرىن.