باي ناھىيىسىنىڭ ئازاد قىلىنىش ئەھۋالى ۋە بايدىكى ئەھۋاللار(2)

كارۋان

	ئۈستىدىكى سوپاخۇن سۈۋۈروفنىڭ ئاقسۇ قورغاننى ئالغان ۋاقىتتا چۈشكەن سۈرىتى. ئۈستىدىكى پولكوۋنىك سوپاخۇن سۈۋۈروفنىڭ ئۆز قۇلى بىلەن يېزىپ پۈتتۈرگەن تارىخى ئەسلىمىسى. باينى ئازاد قىلىپ مائارىپچىلار،زىيالىيلار، كادىرلار ۋە دېھقانلاردىن 100 گە يېقىن پىدائىي ئەسكەر قۇبۇل قىلدۇق.بۇلارنىڭ ئىچىدە ئەمەت غازى(كىيىن قەشقەر شۆبە ھەربىي رايۇننىڭ مۇئاۋىن قوماندانى بولدى)،مامۇت نىياز(خوتەننىڭ مۇئاۋىن ۋالىيسى بولدى)،ھامۇت يولداشوف(كىيىن سودا نازارىتىنىڭ مۇئاۋىن نازىرى بولدى)قاتارلىقلار بار ئىدى.باشقىلار ھەر ساھەدە ھازىرغىچە يازغۇچى،شائىر،كادىر،ئىنژېنېر بولۇپ ئىشلەۋاتىدۇ.باينى ئىشغال قىلىپ بىر ھەپتىدىن كىيىن باينىڭ چوڭ مەيدانىدا غەلبە تويى بولدى.ئارقىدىن چوڭ سايلام قىلىنىپ،ناھىيە ھاكىملىقىغا ئوسمان داموللام،مۇئاۋىن ھاكىملىققا ئىسمائىل قازى،يەنە بىر قىرغىز يولداش سايلاندى.نىمشېھىت(ئارمىيە داموللا)ھەربىي ئىشلار ھەيئىتى بولۇپ،مەدەنىيەت-مائارىپ ئىشلىرىغا مەسئۇل بولدى.ناھىيلىك تىنىچلىق ساقلاش ئىدارىسىگە ياسىناخۇن باشلىق بولدى.ئېلى ئېزىز(ھازىر ئاپتونۇم رايۇنلۇق سەنئەت ئۆمىكىدە)باي ناھىيلىك ساقچى ئىدارىسىنىڭ باش كاتىپلىقىغا،ھەسەن تۇردى(ھازىر قەشقەر تۈرلۈك ماللار شىركىتىنىڭ دىرېكتورى)مالىيە بۆلۈم باشلىقلىقىغا،يۈسۈپ ئايۇپ باي ياقا ئېرىق شۆبە ساقچىخانىنىڭ باشلىقلىقىغا،كەنجى ئىبراھىم سايرام شۆبە ساقچىخانىنىڭ باشلىقلىقىغا تەيىنلەندى.باي ناھيلىك ساقچى ئىدارىسىگە 30 دەك قوراللىق ساقچى،شۆبە ئىدارىلەرگە ھەر-بىرىگە 10 دىن قوراللىق ساقچى ئۆتكۈزۈپ بېرىلدى.ۋە ناھيىنىڭ باشقا مەمۇرىي ئىدارىلىرىگە زىيالىيلاردىن باشلىق بەلگىلەپ چىقىلدى.بۇنىڭ بىلەن باي ناھىيىسى جەنۇبىي شىنجاڭ بويىچە تۇنجى ئازاد قىلىنغان ۋە يېڭى ھۆكىمەت قۇرۇلغان ناھىيە بولۇپ قالدى. ھۆكىمەت ۋەكىللرىمىز يەرلىك ۋەتەنپەرۋەر زاتلار،ئاخۇن-ئۆلىمالار،سودا ۋەكىللىرىدىن بولۇپ بەش-ئالتە كىشىنى ئىلىغا بېرىپ كۆرۈپ كىلىشكە ئەۋەتتى.گومىنداڭ ئەسكەرلىرىنىڭ بۇلاڭچىلىقى بىچارە خەلىقىمىزنىڭ يۈرىكىدە قاتتىق داغ قالدۇرغان ئىدى.پارتىزانلىرىمىز بارغانلا جايدا خەلىقنىڭ بىر تال نەرسىسىگىمۇ چېقىلمىدى،ئارىيەتمۇ ئالمىدى.بۇ خەلىققە بەكمۇ تەسىر قىلدى.شۇڭا ئۇلار:<<ھەقىقىي بىزنىڭ باللىرىمىز ئىكەن،ھەقىقىي مىللىي ئارمىيە پارتىزانلىرى ئىكەن>>دىيىشتى.بىز نەگىلا بارمايلى،خەلىق بىزگە ياردەم قىلدى ۋە بىزنى قارشى ئالدى. بىز بايدىن ئايرىلىپ ئاقسۇغا قاراپ يول ئالدۇق.يول ئۈستىدە دېھقانلار بىزنى ياخشى كۈتىۋالدى.ئىسىل ئات ۋە باللىرىنى بىزگە سوۋغا ئورنىدا قۇشۇپ قويدى ھەم ئوت-سامان،يەم خەشەكلەرنى بەردى.بىز ياقا ئېرىققا يىتىپ بارغاندا دۈشمەنلەر ئۈرۈمچىگە يۆتكەپ ماڭغان چەكمەن،سەرگەز ۋە ئاشلىقلارنى تاشلاپ قاچقان ئىكەن.ئۇلارنىمۇ ئىشەك كارۋانلىرى بىلەن ئىلىغا يولغا سالدۇق.ئۈرۈمچىدىن جەنۇبىي شىنجاڭغا ئېلىپ ماڭغان بىر ماشىنا تاماكا ۋە بىر ماشىنا قەنىتنى غەنىمىيەت ئالدۇق.ياقا ئېرىقتا 8-ئاينىڭ 15-كۈنى بىر كۈن دەم ئالدۇق.بىزنىڭ غەلبىمىزدىن ئۈركۈپ كەتكەن باي ناھىيىسىدىكى دۈشمەنلەر بىزنى <<400 دىن ئارتۇق ئوغرى ئىكەن>>دەپ مۆلچەرلەپ،بايدىن قېىچپ كەتكەنىكەن.باينىڭ قولدىن كىتىپ،جەنۇبىي-شىمالى شىنجاڭ يولىنىڭ ئۈزۈلۈپ قېلىشى ئۈرمچىدىكى گومىنداڭ قوماندانىنى قاتتىق ئەنسىزچىلىككە سالغان.ئۇلار بىرمۇ دۈشمەننى شەھەرگە كىرگۈزمەسلىك ئۈچۈن ئاقسۇ ۋە كۇچاغا بۇيرۇق بەرگەن.لېكىن،ئاقسۇ ۋە كۇچا ئىككى شەھەردىكى ئاتلىق دۈشمەنلەر<<بايغا چۈشكەن ئوغرىلار ئارمىيىسى قايسى تەرەپكە يۈرۈش قىلىدۇ>> دەپ تۇرغاندا بىز ئاقسۇ تەرەپكە يۈرۈش قىلدۇق.                                                   تۈگدى مەزكۇر ئەسەر پولكوۋنىك سوپاخۇن سۈۋروفنىڭ <<مەن كەچكەن كىچىكلەر>>ناملىق تارىخى ئەسلىمىسىدىن ئېلىندى.كومپىيوتىر ئالدىدا كارۋان. مىللىي ئارمىيىنىڭ باينى ئازاد قىلىشىنىڭ بىرىنچى بۆلۈمىنى ئۇقۇشقا قىزىقسىڭىز بۇ يەرگە مەرھەمەت! https://uyghur-archive.com/misranim/forum.php?mod=viewthread&tid=81358&page=1#pid1173198

akbar0997

	مەن كەچكەن كېچىكلەر دىگەن كىتاپنى مەن ھازىر ئوقۇۋاتىمەن ،رەھمەت سىزگە

kaysarkasim

	تارىخ!!!!!!!!!

sada@0999

	ناھايتى ياخشى ماتىرىيال كەن مەن ساخلىۋالدىم

ئۆل

	جاپا چىكىپسىز رەخمەت...سىز باي ناھيەسدىن ئوخشايسىز ھە!

dawan~

	ياخشى يېزپسەن بولسا داۋاملق يېزېپ تۇرە

كارۋان

	ئۆل يوللىغان ۋاقتى  2012-6-25 06:01 PM جاپا چىكىپسىز رەخمەت...سىز باي ناھيەسدىن ئوخشايسىز ھە! سىزچە باي ناھىيىسىدىندەك  تۇرامدىم؟

dar

	ئىست ...............................ئەشۇ تارىخ

Nimjan

	باينىڭ سېپىلىنى ئالالماي نۇرغۇن جەڭچى  يارىلانغان-شەھىد بولغان ئىكەن، كىچىكىمدە تونۇيدىغان مىرغىياس، دەيدىغان  ئىككى پۇتى يوق، مەيدىسىگە لىق كەلگەن مېداللىرىنى  پارقىرىتىپ يۈرىدىغان، گىلەپە شىمىنىڭ پۇچقاقلىرىنى  تۈرۈۋالغان، ھەربىي فورمىسىنى قاتۇرۇپ  كىيىدىغان بىر كىشى بولىدىغان، باينىڭ كوچىلىرىدا سۆزلەپ يۈرەتتى، ئۇ دەل  نەچچە ئاتقا شاخ سۆرىتىپ سېپىل پوتىيىگە باستۇرۇپ  بارغان جەڭچى ئىكەندۇق، شۇ مىرغىياس دېگەن كىشىنىڭ تۆھپىسى بىلەن باي  سېپىلى  ئېلىنغان  ئىكەن...