ئۇيغۇر بولسىلا بولامدۇ ؟

aptap104

	ئۇيغۇر بولسىلا بولامدۇ ؟؟ !!! ئەسسالامۇ ئەلەيكۇم ! بەش – ئالتەكۈندىن بىرى ، بىر مەسىلە ئۈستىدە ، يەنى ئۇيغۇر بولسىلا بولامدۇ ؟ بىز ئۇنىڭ نەسەبىنى ، ئاتا بوۋىسىنىڭ نىمە ئىشلار بىلەن ئۆتكەنلىكىنى ، ئۇيغۇر مىللتىگە يۈز كىلەلەمدۇ ؟ دىگەندەك سۇئاللار چىرمىۋالسا ، يەنە بىر تەرەپتىن بۇ مەسىلە ئۇيغۇر مىللىتىنىڭ ئىچىگە سالغان زىدىيەت بولۇپ قالامۇ دەپمۇ ئويلىدىم . ئەمما مەندەك بىر قارا قوساق ، ساۋاتسىز ئادەمنىڭ  يازغان بىر – ئىككى قۇر، قۇرۇق گىپىنىڭ قولىدىن ئۇنچىۋىلا ئىش كەلمەس دەپمۇ ئويلىدىم . شۇڭا ئىككىلەنمەي ،ئۇشبۇ تىمىمى يولىدىم ھەمدە ئويلىنىشقا تىگىشلىك بىر مەسىلە ئىكەنلىكىنى ھىس قىلدىم . مازاق قىلماي ، تەپسىلى ، چۈشۈنۈپ ئوقۇپ ، چۈشىنىش ھاسىل قىلىشىڭلارنى ئۈمۈت قىلىمەن .بىز ئۇيغۇرلارنىڭ تارىخى ئۇزۇن ، مەدىنىيەتلىك ، ئىتقادلىق ، غەيرەتلىك ، مەرىپەتلىك مىللەت بولۇش سۈپىتىمىز بىلەن تەرىپلىنىپ كىلىۋاتقان شانلىق نەتىجىلىرىمىز ، ياراتقان تارىخلىرىمىز بار .ھەر قىتىمقى نەتىجىنىڭ ئالدى كەينىدە ، نۇرغۇنلىغان ئوڭۇشسىزلىقلارمۇ بار ئەلۋەتتە . مىنى چىرمىۋالغان ئوي پىكىر بولسا ، شۇ ئوڭىسسىزلىقنىڭ ساھىبى بولغان مىللەت ساتار خائىن ، مەدىنىيەت پارازىتلىرى ، زىيالىلارنىڭ ئۆسمىسى ، تارخىنىڭ دۈشمەنلىرىنى ، ...قاتارلىقلارنىڭ خەلقىمىزگە قىلغان زىيانلىرىنىڭ ھەممىسىنى دىگۈدەك  بىلمەيمىز .مەن ئۆزۈم  بىلىشكە تىگىشلىك مەسىلە دەپ قارىدىم . ( غەزەپ – نەپرىتى ئىنىق بولمىسا ، مىللەت ئىچىدىن كىتىدۇ ) . بۇلارنىڭ ھەممسىى خەلقىمىزگە پايدىسى يوق كىشىلەر ، بۇلارنىڭ ئەۋلاتلىرىنىڭمۇ ھەم . بۇرۇن مەشھۇر كىشلىرىمىزنى ساتقان ، ئۇلارنىڭ قىنى زالىملارغا شاراپ ئورنىدا تۇتقان ئاشۇ بەدبەخىتلەرنىڭ ئەۋلاتلىرى ھازىر كىرىلىپ ، ئاتا – بوۋىسىنىڭ قىلغان ئىشلىرىدىن پەخىرلىنىپ يۈرۈشلىرى مىنى بەك سەسكىندۈردى . بۇنداقلارغا لەنەت بولسىۇن . ئاپپاق غوجا زامانىسىدىن تارتىپ تاكى ئازاتلىق ئارمىيە شىنجاڭنى ئازاد قىلغانغا قەدەر بۇنداق خائىنلار بەك كۆپ ئۆتكەن . ھەتتا مەدىنىيەت ئىنقىلابى جەريانىدىمۇ  ،نۇرغۇن مەدىنىيەت مىراسلىرىنى يوق قىلغان ، تارىخى كىتاپلارنى كۆيدۈرگەن ، يوقاتقان  مەلئۇنلارنى بىلمەيمىز .بەلكىم بەزىلىرى ھاياتتۇر ، بەزىلىرى ئۇ دۇنيادا ئۆزىنىڭ قىلغان ئەتمىشلىرىگە چۇشلۇق جازا ئۆتەۋاتقاندۇ . بۇلارنىڭ ئەتمىشلىرىنى بىلىش ، بىلۋىلىش ھوقوقىمىز باردۇ ؟ ئەينى ۋاقىتتا قەشقەردە ياشاپ ئۆتكەن ، ئابدۇقادىر داموللامغا قەسىت قىلىشنى پىلانلىغان ، ئۆمەرباي . مەرھۇمنى ئۆلتۈرگەن ، شاپتۇل داموللا (لەنەتلەر بولسۇن) . تەۋپىقنى ساتقان ، تۇتۇپ بەرگەن ، خائىنلارنىڭمۇ ئەۋلادلىرى بولۇشى مۇمكىن . شۇمۇ ئۇيغۇرمۇ ، مۇسۇلمانمۇ ؟بىز يەنە شۇلارنى كۆرسەك ئىڭىشىپ ، دوڭغۇيۇپ سالامنىڭ چوڭىنى قىلدىكەنمىز . ئارىمزىدىن چىققان نى- نى ئارسىلان كەبى زىيالى ياشلىرىمىزنى كۆرسەك، شامدەك قىتىپ قالدىكەنمىز . پۇلى بولسىلا نوچى بولمايدۇ ، پۇلغا كەلمەيدىغان نەرسىلەر كۆپ . كىلدىغان نەرسىلەرمۇ بەك كۆپ . ئەمما نەپرەت دىگەن باشقا گەپ . باللىرىمىزنى قىزلىرىمىزنى شۇنداق پارازىت كەبى ئىنسانلارنىڭ قولىغا تاپشۇردىكەنمىز . يەنە جازانەخور ، جەزىخور ، ھارامخور  ، ....قاتارلىق خەلىقنىڭ دۈشمەنلىرى يەنىلا مەۋجۇت . ھەتتا ئۇلار دىيارىمىزدا ئالقىشقا ئىرشىپ ، قانداقتۇر ھالاللىشىپ كەتتى ، قانۇنلاردا ، شەرىئەت ئەھكاملىرىدا خىلاپ ئىشلارنى قانۇنلاشتۇرۇپ قويدى . بۇلارنىڭ دەردە خەلىقنىڭ كۆپ قىسمى زار زار يىغلاپ يۈرمەكتە . شۇمۇ ئۇيغۇرمۇ ، مۇسۇلمانمۇ ؟  ئۆتكەندە بىر ئىشقا دۇچ كەلدىم . ئۇ ئايالنىڭ بالىسى قىمارۋاز بولۇپ ، جەزىخودىن قەرىز ئىلىپ ، قىمار ئويناپ ، ئۆزى ھەيداۋاتقان تاكسىنى ئۇتتۇرغاندىن سىرت ، يەنە بىرمۇنچە قەرىز بولۇپ قاپتۇ ، ئاللاھ شۇلارنىڭ كۆڭلىگە ئىنساپ بەرسۇن !ئەمما بۇ يەردە يىغلاپ قالغىنى يەنىلا ئانىسى جەزىخونىڭ ئادەملىرى بالاڭنى تىپىپ بەر دەپ  ئالدىغا  سىلىۋاپتۇ .قاراڭلار ھازىرقى سىياسەتنىڭ ياخشىلىقىدا ، قانۇندىن يوچۇق ئىزدەپ يۈرۈپ ھارامدىن پۇل تاپىدىغان ئادەملەر كۆپىيىپ كەتكىنىگە ،،،،. قانۇن مۇقەددەستۇر  . چوڭ باشلىقلارنىڭمۇ شۇلارنىڭ قولىغا قالغىنىغا . شۇلارنى كۆرگەندە پوكونى داڭلىق ئىماممۇ ئورنىدىن تۇرۇپ ، بوينى كىندىكىگە كەلگۈچە ئىڭىشىپ ، سالام قىلىشلىرىغا. ئۆلۈملىرىگە بىرىپ مەرھۇم ياخشى ئادەمتى دىيىشلىرىگە ، ئەقلىم ھەيران قالىدۇ . جازانىخوغا نىكاھ ئوقۇشلىرى ، بىر ئىغىز ھالال – ھامنىڭ گىپى يوق . نەگە بارسا يادىلىۋالغان بىرگىپى ،چەپ بىردىغان بىر دىپى بىلەنلا ئوقۇسا بولدى .  نۇرغۇن ئىشلار بىزنىڭ تۈزلىشىمىزگە قاراپ تۇرماقتا . بىز تۈزەلمىسەك ، تىخىمۇ نامرات ، تىخىمۇ بىچچارە ، تىخىمۇ نادان ھالەتتە قالىمىز . تىخى قىزلىرىنى بەخىتلىك بولىسەن ، پۇلى بار دەپ قوسقىنى ئاختايسا ، بىلىمنىڭ ئوسۇرقىمۇ پۇرۇمايدىغان ، ئاتا – ئانىسى ئۆلۈپ كەتسە، قەبرىسىگە چىقىپ ئىككى ئاياتنى ئوقۇيالمايدىغان ئادەمگە زورلاپ بىرىشلىرى ، ... ئاللاھ ئۆزۈڭ بار ئىلمىي تەپەككۇر قىلىشنى ، گۈزەل تۇيغۇ بىلەن ياشاشنى ، ئىتقادنى مۇستەھەملەشنى ، پىتنە پاراڭلارغا ئارلاشماسلىقنى ، ئەقىل بىلەن كۈزىتىپ ، ئىىلىم بىلىم قۇچقىغا ئۆزىمىزنى ئىتىشنى ئويلىنىپ قالدىم . غەزەپ نەپرەتنى بىر ئايرىپ ، كاللىمىز بىلەن سەگەك ياشاپ ، شۇنداق ئادەملەردىن ئارلىقىمىز ساقلاپ يۈرسەك ، قانۇنىڭ كۈچىمۇ ئاشقان بولاتتى ، بىز چاپلىشىۋالغانسىرى ئۇلار ھەددىن ئىشىپ ، قانۇننى كۆزگە ئىلماي ، ئۆزىمىزنى ئەمەس باشقا قىرىنداشلىرىمىزمۇ جاپا قىلىۋاتىدۇ . بىز ئۇيغۇر ياشلىرى ھازىر پۇل ئىقىمىغا كىرىپ قاپتۇق ، ھەممسى بىر كىچە ئىچىدىلا بىيىپ كىتىشنى ئويلايدىكەن .خوش شۇنداق بولسۇن دەيلى . ئاللاھنىڭ مۆجىزى بىلەن بىر كىچە ئىچىدە بىيىپ كەتتىسىڭىز قانداق قىلاسىز ؟  كاللىڭىزدا ئوڭدا يىتىپ خەجلەشلا بار بولۇشى مۇمكىن . ئەگەر شۇنداق بولسا داۋامىلىق خىيال سۈرۈڭ .ئەكىسچە بولسا ، تىرشىڭ بىز روھى چۈشكۈنلۈكنىڭ قۇلى ئەمەس .بەلكى روھى ئەركىنلىكنىڭ قۇلى . مەن گەپنىڭ مىغىزىنى دەپ يىزىپ كۆنۈپ قاپتىمەن .ئەمما بەك ئۇزۇن ئولتۇرالمايمەن ، شۇڭا تورداشلارنىڭ ئەقىل بىلەن كۆرۈپ چۈشىنىنى ئۈمۈت قىلىمەن .

ئۇيغۇر38

	توغرا ئويلىشپ بىقىشقا تىگىشلىككەن.   مەن ئورۇن ئىلۋىلىپ  قايتىلەتىن بىر ئوقۇپ كۆرەي ھە! رەھمەت جاپا تارتىپسىز.

قۇندۇز

	بۈگۈن ‹ئۇيغۇر › مىسرانىم سوتىدا .......

ab8ob8

	ئەجدادىنىڭ قانداق بولۇشى ئەۋلادىنىڭ تەقدىرىنى بەلگىلىيەلمەيدۇ... بىزمۇ ھەم ياراملىق ئەجدادىمىز بار دەپ ئۇلارنىڭ چاپىنىدا تەرلىسەك بولمايدۇ... پەخىرلەنسەك ئەلۋەتتە بولىدۇ. بىزمۇ كېيىنكى ئەۋلادلارغا شۇنداق پەخىرلەنگۈدەك ئەجداد بولۇشىمىز كېرەك!

aptap104

	foormat يوللىغان ۋاقتى  2012-6-24 08:59 PM بۇلارنىڭ ھەممسىى خەلقىمىزگە پايدىسى يوق كىشىلەر ، بۇل ... ئەمسە سىلىمۇ خائىن ئەۋلادىما ؟؟  دادىسىنىڭ خەقنى سىتىپ ، باققان بالىسى قانداق بولماقچى !!

ئۆل

	سىزچە بولغاندا ،دېھقانىڭ بالسى ھامان دىھقان بولىدۇ ،كادىرىنىڭ بارلسى كادىرىمۇ ؟ ئۇلارىنىڭ ئەۋلادىنڭمۇ پايدىسى يوق دىگەن گەپ بولماپتۇ ؟ تارىخى كىنۇلاردىمۇ كۆرۈمىزغۇ ؟ بەزى  خائىن ئەسكلەرىنىڭ باللىرى خەلقىنى سۆيۈدىىغان ياخشى قىلىپ تەسۋىرلىندۇ .

كارۋان

	گەپنىڭ پوسكاللىسى ئۇيغۇردەك ،مۇسۇلماندەك،ئىنساندەك ياشايلى ،گەلگۈسى ئەۋلاتلىرىمىزغا يۈز كىلەلىگۈدەك بىر ئىش قىلايلى.ئەۋلاتلىرىمىزنىمۇ باشقىلار كىمنىڭ نەسلى دىسە پالانىنىڭ نەسلى دىسۇن.ھەممىمىز ئىشنى ئۆزىمىزدىن ئۇنۇڭدىن كىيىن ئەتراپىمىزدىكىلەردىن باشلايلى. ياخشى تېما!

almasqi2

	aptap104 يوللىغان ۋاقتى  2012-6-24 09:20 PM ئەمسە سىلىمۇ خائىن ئەۋلادىما ؟؟  دادىسىنىڭ خەقنى سىتى ... ئاغزىغا كەلگەن گەپنىڭ ھەممىنى دەۋەرگىلى بولمايدۇ،   ئامال قىزىرىشىپ قىلىشتىن ساقلىنايلى‹