ئىلى خەلقىنىڭ سالامچاي ئادىتى

uzbik

	ئىلى خەلقىنىڭ سالامچاي ئادىتى     ئىلى خەلقى مېھماندۇستلۇقنى قەدىرلەيدۇ، ئىلى خەلقىنىڭ نۇرغۇن ئۆرپ – ئادەتلىرىدە مېھماندۇستلۇق، ئاقكۆڭۈللۈك ئۆز ئىپادىسىنى تاپقان. بۇنىڭ تىپىك مىسالى ئىلى خەلقىنىڭ سالامچاي ئادىتىدۇر. سالامچاي ئادىتى ئىلى خەلقى ئارىسىدا ئۇزۇن تارىخقا ئىگە. ئۇ قۇدىلارنى ئۆزئارا تونۇشتۇرۇش، كېلىنىگە ياخشى تەربىيە بېرىش، ئەدەب – قائىدە ئۆگىتىش سورۇنى ھېسابلىنىدۇ. سالامچاي ئادەتتە توي مۇراسىمىدىن كىيىن باشلىنىپ خىلى ئۇزۇن ھەتتا كىنلەر بالىلىق بولغۇچە داۋاملىشىدۇ. توي مۇراسىمىدىن كىيىنكى بىر  – ئىككى ھەپتىدىن كېيىن قىز – يىگىتنىڭ ئۇرۇق – تۇققانلىرى يېڭى كىلىننى سالامچايغا چاقىرىدۇ.سالامچايغا كېلىننىڭ ئانىسى، قېيىنئانىسى، ئۇرۇق – تۇققانلىرى ۋە خولۇم – خوشنىلىرى چاقىرىلىپ قىزغىن كەيپىياتتا ئىلىپ بىرىلىدۇ. ( سالامچايغا ئادەتتە ئاياللار قاتنىشىدۇ ) سالامچايدا كېلىن بىلەن يىگىتنىڭ ئۇرۇق – تۇققانلىرى تونۇشۇپ، بىر – بىرىنى ئۆيلىرىگە مىھمان بولۇشقا تەكلىپ قىلىشىپ تۇققاندارچىلىق مۇناسىۋەتنى قويۇقلاشتۇرۇشنى تەشەببۇس قىلىدۇ. سالامچايدا ساھىپخان ئۆزىنىڭ ئىقتىسادى ئەھۋالىغا قارىتا داستىخان راسلايدۇ. سورۇندا كېلىن بىلەن يىگىت تەرەپنىڭ ئۇرۇق – تۇققانلىرى ئەدەپ – قائىدە ۋە گەپ سۆزلەرگە ناھايتى دىققەت قىلىدۇ. بىر – بىرىنى ھۆرمەت ۋە ئىززەت قىلىدۇ. كېلىن سورۇنغا چىرايلىق ياسىنىپ كىلىپ ئۆزىنىڭ كېلىنلىك سالاھىيىتىنى نامايان قىلىدۇ. تائاملار يىيىلىپ بولغاندىن كىيىن قۇدىلار ئىلىپ كەلگەن سوۋغىلىرىنى داستىخانغا قويىدۇ، ساھىپخان كېلىنگە چىنە – قاچا، كورا دېگەندەك نەرسىلەرنى سوۋغا قىلىدۇ. ئەگەر سالامچايدا كېلىن پەرزەنتلىك بولۇپ بولغان بولسا بالىغا بىر قۇر كىيىم، ھىچ بولمىغاندا بىرەر لۆڭگە چاغلىق نەرسە سوۋغا قىلىنىدۇ. ناۋادا سالامچاي تىخى ئۆتكۈزۈلمەي تۇرۇپ تۇغقانلار ئارىسىدا توي – تۆكۈن بولۇپ قالسا تويغا كەلگەن كېلىننى قۇرۇق قول قايتۇرۇشقا بولمايدۇ دەپ قارىلىپ ئۇنىڭغا ئايرىم داستىخان تەييارلىنىپ كېلىنگە قاچا – قۇچا دېگەندەك نەرسىلەر سوۋغا قىلىنىدۇ. يىغىپ ئىيتقاندا، سالامچاي ئادىتى قۇدىلار ۋە ئىككى تەرەپ ئۇرۇق – تۇغقانلىرىنىڭ بىر – بىرىنى چۈشىنىش ھاسىل قىلىش سورۇنى بولۇپ، ئۇ ئۇرۇق – تۇغقانلار ئارا ئۇيۇشقاقلىقنى، ئىناقلىقنى ئىلگىرى سۈرۈپ، يېڭى كېلىنگە قائىدە – يۇسۇن ۋە ئۆي تۇتۇش يوللىرىنى ئۆگىتىدىغان سورۇندۇر. مەنبە:  تۇرمۇش

hulkar

	ئىلى دەرياسىغا قارسام كۆڭلۇم بەك يىرىم بولدۇ ،،،،9 ئاركا لىق ئاقىدغان سۇ ھازىر ئىككىگە بۆلۇنۇپ دەريانىڭ ئوتتۇرسى خۇددى پۇتبۇل مەيدانىغا ئوخشاپ قاپتۇ ،،،،،قۇرۇپ كىتەي دىدى .

JAWHAR.altun

	ياخشى ئادەتكەن....بىز تەرەپتە توينى قىلىپ بولدىما، بولدى ،  ھېيىت ئايام كەلمىگۇچە قۇدىلار باردى كەلدى قىلىدىغان ئىش يوق...    ئېلى خەلقى بەك مىھمان دوسكەن.

ئالماس

	مۇنداقمۇ ئىشلار بار دەڭلار

dilbar

	بۇ ھەقىقەتەن ئەھمىيىتى بار ئادەت..سالام چاي ئارقىلىق  ئىككى جەمەت كىشىلىرى تونۇشۇپ،ئۇرۇق تۇققانچىلىق مۇناسىۋەتنى چوڭقۇرلاشتۇرىدۇ..كېلىنگە ياخشى بولغان تۇرمۇش ئادىتى،كېلىنلىك مەجبۇريىتىنى ئادا قىلىش قاتارلىق ئەدەپ قائىدىلىرىنى ئۈگىتىىدۇ..

nazigul8

	ئىنسانلار ئارا ئادەمگەرچىلىك مېھىر-مۇھەببەت يەتكۈزۈش چېيى دىسىمۇ بولغىدەك، ھازىرقى ئۇدۇلمۇ-ئۇدۇل خوشنا تۇرۇپمۇ ئىشىك تاقاپ ئولتۇرىدىغان، بىرەر ئىش بولمىسا ئىزلەشمەيدىغان ئەھۋاللارغا نىسبەتەن بۇ خىل چاي مېھرى ئىسسىق بىلىنىدىكەن.

aptuwa

	ئىلى خەلقىنىڭ سالامچېيى  بولغاندىكىن ئەلۋەتتە  ئەتكەنچايمۇ كەم بولمايدۇ بۇ چايدا .

kaLGundi

	ئاۋۇ كۆۋرۇكتىن سۇغا سەكرەپ ئوينىغان مەن  بىر چاغلاردا.

ئۆل

	بۇ پەقەت غولجدىلا بارما ؟ باشقا يۇرتتا كىلىنى ئەپ كەتكەندىن كېيىن بۇنداق قائدىلرىنى قىلمامدۇ ؟

bayhenim

	ئۆل يوللىغان ۋاقتى  2012-6-24 09:07 PM بۇ پەقەت غولجدىلا بارما ؟ باشقا يۇرتتا كىلىنى ئەپ كەتك ... قىلىدۇ خوشنا مەلىڭىزدە بىز تەرەپتىمۇ شۇنداق