«ئەدىبلەر ئاۋازى» نەق مەيدان پائالىيەت خاتىرىسى

قايتماس

	«ئەدىبلەر ئاۋازى» نەق مەيدان پائالىيەت خاتىرىسى 2012-يىلى 6-ئاينىڭ 16-كۈنى قاراقاش ناھىيەلىك ئەدەبىيات-سەنئەتچىلەر بىرلەشمىسىدىن شائىر نۇرمۇھەممەد تۇردىئەخمەتنىڭ پىلانلىشى، ناھىيەلىك ئەدەبىيات-سەنئەتچىلەر بىرلەشمىسىنىڭ قوللاپ-قۇۋۋەتلىشى بىلەن بىلەن قاراقاش ناھىيە زاۋا بازىرىغا قاراشلىق «چېمەنزار ئارامگاھى» دا «ئەدىبلەر ئاۋازى» نەق مەيدان پائالىيەت خاتىرىسى ئۆتكۈزۈلدى. پائالىيەتكە خوتەن ۋە قاراقاش ناھىيەسىدىن بولۇپ 45 كە يېقىن شائىر-يازغۇچى ۋە بىر قىسىم مېھمانلار قاتناشتى. پائالىيەتنىڭ تېمىسى «ئەدىبلەر ئاۋازى» بولۇپ، پائالىيەتكە قاتناشقان ئەدىبلەر ۋاقىت تەرتىپى بويىچە ئۆزى تەييارلىغان ئەسەرلىرىنى ئۆز ئاۋازى بىلەن نەق مەيداندا دېكلاماتسىيە قىلدى. پائالىيەتكە مەرھۇم روزى سايىتنىڭ قىزى ئۇيغۇرنىسا روزى سايىت ۋە قاراقاش رادىيو-تېلېۋىزىيە ئىدارىسىنىڭ دېكتورى ئابلەھەت مەمەت رىياسەتچىلىك قىلدى. پائالىيەت باشلىنىشتىن بۇرۇن ئەدەبىيات سەنئەتچىلەر بىرلەشمىسىنىڭ رەئىسى تۇرسۇنباقى توختىقۇربان مۇھىم سۆز قىلدى، نۇرمۇھەممەت تۇردىئەخمەت پائالىيەتنىڭ تەشكىللىنىشى توغرىلىق چۈشەندۈرۈش سۆزى قىلدى. پائالىيەت ئاخىرىدا ئەدەبىيات-سەنئەتچىلەر بىرلەشمىسىنىڭ باش كاتىپى، يازغۇچى ئايمۇھەممەت ساھىبى خۇلاسە سۆزى قىلدى. ناھىيەلىك باش ئىشچىلار ئۇيۇشمىسىنىڭ رەئىسى تۇرغۇن مەمەتتوختى پائالىيەتتىن ئالغان تەسىراتىنى ۋە ئۈمىد، تېلەكلىرىنى سۆزلەپ ئۆتتى ھەمدە بۇ پائالىيەتكە 3000 يۈەن ياردەم قىلىدىغانلىقىنى بىلدۈردى. ئەڭ ئاخىرىدا پائالىيەتكە تەكلىپ بىلەن قاتناشقان خوتەن خەلق رادىيو ئىستانسىسىنىڭ باشلىقى ھەسەنجان سەمەت ۋە بىر قىسىم ئەدىبلەر بۇ قېتىملىق پائالىيەت توغرىلىق قىسقىچە ئۆزلىرىنىڭ كۆڭۈل ئىزھارلىرىنى بايان قىلدى. پائالىيەتنىڭ مەقسىتى ئەدىبلەرنىڭ ئۆز ئاۋازى بىلەن ئوقۇغان ئەسەرلىرىنى نەق مەيداندا سۈرەت ۋە ئاۋازغا ئېلىپ خاتىرە قىلىپ ساقلاشتىن ئىبارەت. پىلانغا ئاساسەن بۇ قېتىملىق «ئەدىبلەر ئاۋازى» نەق مەيدان پائالىيەت خاتىرىسى نۇرمۇھەممەت تۇردىئەخمەتنىڭ 2010-يىلى 7-ئاينىڭ 17-كۈنى ئۆز ئۆيىدە قاراقاش ناھىيەسى ۋە خوتەندىكى بىر قىسىم ئەدىبلەرنى تەكلىپ قىلىپ، مەرھۇم ئالىم يارمۇھەممەت تاھىر تۇغلۇق ئەپەندىنىڭ شەرىپىى ئۈچۈن بەرگەن «قەلەمكەشلەر چېيى» پائالىيەت خاتىرىسى بىلەن بىرلەشتۈرۈلۈپ، ئىككى قىسىملىق خاتىرە فىلىم قىلىپ ئىشلىنىدۇ، تورغا ۋە جەمئىيەتكە تارقىتىلىدۇ. نۆۋەتتە بۇ پائالىيەتكە دائىر ئالاقىدار خىزمەتلەر داۋاملىق ئىشلەنمەكتە.   تۆۋەندە پائالىيەتكە ئالاقىدار بىر قىسىم سۈرەتلەر بىرگە يوللاندى. تۆۋەندىكى ئادرېستىن كۆرۈڭ: http://bbs.xjtsnews.com/forum.php?mod=viewthread&tid=16638 http://bbs.xjtsnews.com/forum.php?mod=viewthread&tid=16638 مەنبە: يېڭى يازما قاراقاش ناھىيەلىك ئەدەبىيات-سەنئەتچىلەر بىرلەشمىسىدىن. 2012-يىلى 21 ئىيۇن

a.sayrami

	ناھايىتى ئەھمىيەتلىك پائالىيەت بۇپتۇ. خاتىرە فىلىمنى تىزرەك كۆرسەم دىگەن ئۈمىتتىمەن.

yolyar

	شائىر- ئەدىبلەر قولىغا بىر ۋاراق قەغەزنى ئېلىپ تۇرۇپ يازمىسىنى ئوقۇسا يېقىشلىق كۆرۈنىدىكەن. مانا مۇنداق

axek13999649893

	بىچارە   گىلەم سەت بوپ   كەتمىسۇن دەپتۇدە

kuyax

kuyax

	قەلەمكەشلەرنى بىر داستىخان قىلىش ئۈچۈن ھەقىقەتەن جاپا چەكتىڭىز نۇرمەمەت ، ئەجىرىڭىز يەردە قالمايدۇ .

kuyax

	بەك ياخشى پائالىيەت بولدى

kuyax

قايتماس

	«ئەدىبلەر ئاۋازى» نەق مەيدان پائالىيەت خاتىرىسىنىڭ داۋامى... 2012-يىلى 6-ئاينىڭ 16-كۈنى قاراقاش ناھىيەلىك ئەدەبىيات-سەنئەتچىلەر بىرلەشمىسىدىن شائىر نۇرمۇھەممەد تۇردىئەخمەتنىڭ پىلانلىشى، ناھىيەلىك ئەدەبىيات-سەنئەتچىلەر بىرلەشمىسىنىڭ قوللاپ-قۇۋۋەتلىشى بىلەن بىلەن قاراقاش ناھىيە زاۋا بازىرىغا قاراشلىق «چېمەنزار ئارامگاھى» دا «ئەدىبلەر ئاۋازى» نەق مەيدان پائالىيەت خاتىرىسى ئۆتكۈزۈلگەن ئىدى. بۇ پائالىيەت ناھىيىمىزگە نىسبەتەن تۇنجى قېتىملىق پائالىيەت بولغاچقا بەزى پىلانلارنى ئەمەلگە ئاشۇرۇش سەل قىيىنغا توختىدى. شۇڭا تۇنجى كۈنىدىكى خاتىرە پائالىيىتىدىمۇ قىسمەن مەسىلىلەر ساقلاندى. «ئەدىبلەر ئاۋازى» تېمىسىدىكى بۇ خاتىرە پىلاستىنكىسىنى ھەر جەھەتتىن ياخشى ئىشلەش، ئىجتىمائىي ۋە تارىخىي قىممىتىنى يەنىمۇ يۇقىرى كۆتۈرۈش ئۈچۈن 6-ئاينىڭ 23-كۈنى بۇ پائالىيەتكە قەدەم تەشرىپ قىلالمىغان ياكى مەلۇم سەۋەبلەر تۈپەيلىدىن تولۇق قاتنىشالمىغان بىر قىسىم ئەدىبلەر «چىمەنزار ئارامگاھى» غا قايتا جەم بولۇپ، ئۆزلىرىنىڭ كۆڭۈل سوۋغىلىرىنى ئىزھار قىلىشتى. پائالىيەت نەق مەيداندا سۈرەتكە ئېلىندى. پائالىيەتكە قاراقاش ناھىيەسىدىن ئابدۇلھەمىد ياسىن، ئەخمەتجان ئابدۇللا، ئايگۈل رۇزى، رۇزى ياسىن، ئابدۇقادىر ئوتلۇق ۋە بىر قىسىم ھەۋەسكارلار قاتناشقاندىن سىرت، خوتەندىن جاسارەت جاپپار، ئايشەم ئىسمائىل تەبەسسۈم ھەمدە قاراقاشتا زىيارەتتە بولىۋاتقان يازغۇچى ۋەلى كېرەم كۆكئالىپ تەكلىپ بىلەن قاتناشتى. پائالىيەت داۋامىدا يازغۇچى جاسارەت جاپپار، شائىرە ئايگۈل رۇزى، شائىر نۇرمۇھەممەت تۇردىئەخمەت مەرھۇم شائىرە ھاياتنۇپۇس مۇھەممەت ۋە بۈيۈك ئۇستاز يارمۇھەممەت تاھىر تۇغلۇق مۇئەللىمگە ئاتاپ مەرسىيە ئوقىدى. پائالىيەت ئاخىرىدا ۋەلى كېرەك كۆكئالىپ، جاسارەت جاپپار، ئابدۇلھەمىد ياسىن ۋە ئەخمەتجان ئابدۇللا پائالىيەت توغرىلىق كۆڭۈل سۆزلىرىنى قىلدى. بۇ قېتىملىق پائالىيەتكە نۇرمۇھەممەت تۇردىئەخمەت رىياسەتچىلىك قىلدى. نۆۋەتتە بۇ پائالىيەتكە دائىر ئالاقىدار خىزمەتلەر داۋاملىق ئىشلەنمەكتە.   تۆۋەندە پائالىيەتكە ئالاقىدار سۈرەتلەر بىرگە يوللاندى: قاراقاش ناھىيەلىك ئەدەبىيات-سەنئەتچىلەر بىرلەشمىسىدىن  نۇرمۇھەممەت تۇردىئەخمەت. 2012-يىلى 7-ئاينىڭ 4-كۈنى