سەدىچىن سېپىلىنىڭ ياسىلىشى

akbar0997

	مىلادىدىن بەش ئەسىر بۇرۇنقى چاغدىن باشلاپ،يەن جاۋ،چىڭ قاتارلىق ئۈچ بەگىلىك ھونلارنىڭ ھوجۇمىدىن ساقلىنىش ئۈچۈن ئۆز تېرىتورىيىسىنىڭ شىمالى چىگىرىسىغا سېپىل سېلىشقان،مانا بۇ سەدىچىن سېپىلىنىڭ دەسلەپكى قورۇلۇشىنىڭ باشلىنىشى ئىدى. چىڭ شىخۇاڭ مىلادىدىن ئىلگىرىكى 215-يىلى ھونلار ئۈستىدىن غەلبە قىلىپ ئوردوس يايلىقىنى ئېلىپ،ئۇ يەرگە ئادەم كۈچۈرۈپ ناھىيە تەسىس قىلىپ،مۇداپىيە ئىشلىرىنى يولغا قويغاندىن كىيىن بۇرۇنقى يەن،جاۋ،چىڭ بەگلىكلىرىنىڭ شىمالى چىگرىسىغا سېلىنغان سېپىللارنى بىر بىرىگە چېتىپ،ئۇنى غەرىپكە قاراپ سوزۇشقا بەل باغلىدى.ئۇ بۇ نىيەتنى ئەمەلگە ئاشۇرۇش ئۈچۈن مىلىدىدىن ئىلگىرىكى 214-يىلى سانغۇن مىنتىيەنگە يارلىق چۈشۈرۈپ،بۇ ۋەزىپىنى ئۇرۇنداشنى ئۇنىڭغا يۇكلىدى.ئۇ يارلىققا بىنائەن دۆلەتنىڭ ھەرقايسى جايلىرىدىن سېپىل سوقۇش ھاشاسىغا كەلگەن بىر نەچچە يۈز مىڭ كىشىنى ئىشلىتىپ،يوقۇردا تىلغا ئېلىنغان يەن،جاۋ،چىڭ بەگلىكلىرىنىڭ شىمالى چىگرىسىغا سېلىنغان ئۇزۇن سېپىللارنى بىر بىرىگە ئۇلاپ،ئۇنى شەرىقتە شەنخۇيگەندىن تارتىپ،غەرىپتە لىڭتاۋ(ھازىرقى گەنسۇنىڭ مىنشەن ناھىيىسى)غىچە يەتكۈزدى.مانا بۇ مەشھۇر سەدىچىن سېپىلىدۇ. سەدىچىن سېپىلىنىڭ ئۇزۇنلىقى 5مىڭ كىلومىتىردىن ئارتۇق بۇلۇپ،ئىگىزلىگى تەخمىنەن سەككىز مىتىر،توغرىسى يەتتە مىتىر كېلىدۇ.بۇ قەدىمقى چاغدىكى ناھايىتى ھەيۋەتلىك قۇرۇلۇشلارنىڭ بىرى بۇلۇپ،ئۇ ئەمگەكچان،چىداملىق خەنزۇ خەلقىنىڭ ئاتا-بوۋىلىرىنىڭ جەۋرى جاپالىق ئەمگەكلىرى،ئاققۇزغان قانلىرى،تەرلىرى بەدىلىگە قۇرۇلغان بۇلۇپ،جۇڭيۇەن(ئوتتۇرا تۈزلەڭلىك)دىكى خەلىقنىڭ ئامانلىقى ۋە يېزا ئىگىلىك ئىشلەپچىقىرىشنى قوغداپ،ھونلارنىڭ تاجاۋۇزىغا قارشى مۇداپىيە كۈرۈشتە مۇھىم روللارنى ئوينىغان ھەمدە مىلادى 3-ئەسىردىن باشلاپ مىلادى 17-ئەسىرگىچە بولغان 14ئەسىرنى ئۆز ئىچىگە ئالغان ئۇزۇن بىر تارىخىي مەزگىلدە سىيانپىلار،ئاۋارلار،تۈرۈكلەر،قىتانلار،موڭغۇللار،تاتارلار،ئويراتلاردىن مۇداپىيە كۈرۈشتىمۇناھايىتى مۇھىم روللارنى ئوينىغان. شۇنىڭ ئۈچۈن خەن سۇلالىسى،شىمالى چى سۇلالىسى،شىمالى جۇ سۇلالىسى،سۇي سۇلالىسى،تاڭ سۇلالىسى،مىڭ سۇلالىسى قاتارلىق سۇلالىلەر دەۋرىدە سەدىچىن سېپىلى كۆپ قېتىم ئومۇميۈزلۈك ئىسلاھ قىلىنىپ ياسىلىپ تۇرغان.يىغىپ ئېيىتقاندا سەدىچىن سېپىلى دۇنيا تارىخىدىكى ئۇلۇغ كاتتا قۇرۇلۇشلارنىڭ بىرى بۇلۇپ، ئۇ خەنزۇ ئەمگەكچى خەلقىنىڭ يۈكسەك ئەقىل پاراسىتى ۋە چەكسىز ئىجادىي كۈچىنى مۇكەممەل گەۋدىلەندۈرۈپ بىرىدۇ. (ھونلارنىڭ قىسقىچە تارىخىدىن ئېلىندى)

dengizburkuti

	مەن بۇيىل 5-ئايدا بادالىڭغا بېرىپ سەدىچىننى كۈرۈپ كەلدىم ھەقىقەتەن ھەيۋەت قۇرلۇشكەن.

بىلىگ

	سەدىچىننى سوققانلار ھون بوۋۋامدىن قورققانلار

ئالماس

	ئېسىل تېمىلرىڭىز ئۈزۈلمىسۇن رەھمەت سىزگە

tewelgha

	تارىخى خاتىرىلەردىن قارىغاندا مىڭ سۇلالىسىنىڭ قۇرغۇچىسى جۇيۇەن جاڭ «تۆمۈر لەڭ » ۋە ئوغلى ئۇلۇغبەگنىڭ شەرەققە كېڭىيىش خىيالىنىڭ بارلىغىنى سېزىپ ،ھازىرقى جا يۇ گۇوندىكى سېپىلنى سوققان ئىكەن .

ataman26

	http://image.baidu.com/i?ct=503316480&z=&tn=baiduimagedetail&word=%B3%A4%B3%C7&in=4902&cl=2&lm=-1&st=&pn=254&rn=1&di=338499718200&ln=1991&fr=&fm=&fmq=1340142881975_R&ic=&s=&se=&sme=0&tab=&width=&height=&face=&is=&istype=#pn270&-1&di30623335050&objURLhttp%3A%2F%2Fpic17.nipic.com%2F20111119%2F5252423_101742276000_2.jpg&fromURLhttp%3A%2F%2Fwww.nipic.com%2Fshow%2F1%2F38%2F5385491k013a2e15.html&W1024&H768&T6930&S376&TPjpg

ataman26

	پەقەتلا رەسىم يوللىيالمىدىمما

Suchi

	مەن بىر ماتېريالدا،سەددىچىننى قانداقتۇ شىمالدىكى ياۋايىلارنىڭ ھۇجۇمىدىن قورقۇپ ئەمەس بەلكى شىمالدىكى ئەزەلدىن جوڭگو زېمىنىغا قارايدىغان چارۋىچىلارنىڭ قوي-كالىلىرى،جەنۇپتىكى دېھقانلارنىڭ ئېتىز-ئېرىق،باغ-ۋارانلىرىنى بۇزىۋاتماسلىقى ئۈچۈن سالغان توساق(قاشا)ئىكەن،مەن شۇ چاغدا مۇشۇنداق بىر ماقالىنى يازغان كىشىگە ۋە ئۇنىڭ ئاجايىپ تەپەككۈرۈگە  قاتتىق قايىل بولماي تۇرالمىغانتىم.

Suchi

	سەددىچىن-بۈيۈك چىن سېپىلى.