مەن خۇراپىمۇ؟

zunara

	يېقىندىن بويان ئۆز_ئۆزۇمدىن مەن خۇراپىمۇ دەپ سورايدىغان بولۇپ قالدم.مەن ئچكىرىدىكى ئالىي مەكتەپنى پۈتۇرۈش ئالدىدا تۇرغان قىز سىتۇدېت.ياقاق_سىنىپ_ئاشخانا ئارىسىدىكى ئۈچ بۇلۇڭ ئىچىدە يۈرۈپ ئىدىيەم خۇراپىلىشىپ كەتىمۇ ئۇخمىدۇم ئەتراپىمدا بولغان بىرقىسىم ئىشلار نى قۇبۇل قىلىشقا ئامالسىز قېلىپ دوستۇمغاسۆزلەپ بەرسەم مېنى بەك خۇراپىكەنسەن دېدى . 1.مەكتەپ ئچىدە شىنجاڭدىن ئۆگۈنۈشكە كەلگەن ئۇيغۇرلارنى ئۇچىرىتىپ قالدىم .ئۇلار كەلگىلى نەچچە كۈن بولغانلىقى ،يەر شارايىتىنىڭ ناتۇنۇش، تىل جاھاتتىن قىيىنچىلىقى بولغانلىقى تۇپەيلى بۇ شەھەر نى ئايلىنىشقا ئامالسىز قالغانلىقىنى ئېيتتى.ئۇلارنىڭ ئىچكىرىدىكى شەھەرلەرگە كەلمىكىنىڭ ئاسان ئەمەسلىكىنى ئويلاپ،ئۇلارغا بوش ۋاقتىمدىن پايدىلىنىپ شەھەر رايۇنىنى ئايلاندۇرۇپ كېلىشنى خالايدىغانلىقىمنى ئېيتتم.يېرىم كۇن توختىماي سۆزلەپ بۇ شەھەرنىڭ مەركىزى رايۇنلىرىنى ئايلاندۇرغانمۇ بولدۇم،كەچلىك تاماققا مۇسۇلمانچە ئاشخانىغا باشلىدىم.تاماق بۇيرىتىپ بۇلغاندىن كېيىن بىرسى تۇيۇقسىزلا  كۈتكۈچىدىن ھاراق ساتىدىغان ساتمايدىغانلىقىنى سوراپ قالدى.ساتىمىز دېگەن جاۋاپتىن كېيىن ئۇلار قانداق ھاراق ئىچىش توغرىسىدا مەسىلەتكە چۈشۈپ كەتتى."قايتىش بىئەپ بولۇپ قالارمىكىن ئىچمىسەڭلار قانداق بولار"دېدىم مەن."مۇشۇ يەرگە كېلىپ مۇشۇنداق جەم بۇلۇش ئاسانمۇ،ئازراق ئوتلىۋالمىساق بولماس ،خاتىرجەم بۇلۇڭ سىڭلىم ئاكاشلارنىڭ خېلى ھاراق كۆتۈرۈشى بار،سىز قانداقنى ئىچىسىز،ئاقمۇ قىزىل؟"بۇ ۋاقىتتىكى خورلۇقنى ئىپادىلەپ بېرىشكە ئاجىزلق قىلىمەن.... ئۇئادەمنىڭ ياش جاھاتتىكى چوڭلىقى ماڭا مىھمان بولغانلىقى تۇپەيلى ئۆز ۈمنى قاتتىق تۇتىۋىلىپ ھېچنەرسە ئىچمەيدىغانلىقمنى ئېيتتم.تاماقنىڭ ئالدى چىقىشىغا مەكتەپتە ئىشىم چىقىپ قالغانلىقىنى تاماق يەپ بۇلۇپ تالسىغا ئولتۇرۇپ كەتسە بولىدىغانلىقىنى دەپ قويۇپ چىقىپ كەتتىم.مەن پەقەت ئۇلارنىڭ ئۇيغۇرۇم ئىكەنلىكىنى ،شىنجاڭدىن شۇنچە يىراقلىقتىكى جايدا ئۆز مىلىتىنىڭ ياردىمىدا خوشالىققا چۆمۈشىنى ئويلاپ ئېچىققان ئىدىم،لېكىن ئۇلار...... 2.دوستۇم ھەدىسىنىڭ ئوغۇل باللاساۋاقدېشىنىڭ بۇ شەھەرگە ساياھەتكە كەلگەنلىكى ،ھەدىسىنڭ ساۋاقدېشىنى ياخشى كۈتىۋېلىشنى تاپىلىغانلىقىنى ئېيتىپ بىرگە ئالدىغا چىقشىپ بېرىشىمنى ئۆتۈندى،گەرچە بەك خالاپ كەتمىسەممۇ دوستۇمنىڭ كۆڭلىنى دەپ بىرگە چىقتىم.مەنزىرىلىك رايۇنغا بارغاندىن كېيىن دوستۇم بېلەن ئاكاش خاتىرە سۈرەتكە چۈشتى.دوستۇم تەبىلا ئاكاشنى قولتۇقلىۋالدى...كېيىنكى سۈرەتلەردە ئاكاش دوستۇمنىڭ دولىسىدىن،قولىدىن تۇتىپ سۈرەتكە چۈشىۋەردى....ئىچىمدە توختىماي توۋا دەيمەن،ئىچىم ئارامسىز ھىسىيات ئلكىدە ھەرخىل سۇئال.سۈرەتنى قايتىلاپ كورگەندە دوستۇمغا ئاستا"ئەجەپ يېقىن چۈشتىڭلار ھە"دېدىم."ئاكام بولغىنكى"دېدى دوستۇم.بالىڭىز باردۇردەپ سورىدىم گەپ ئارلىقىدا"ھەئە،بىر بالام بار "دەپ قىسقىلا جاۋاپ بەردى.توۋا،بۇلار يا قانداشلىق مۇناسىۋىتى بولمىسا،بۇ ئاكاشنىڭمۇ ئائىلىسى باركەن بۇلمىسا....ئۇلارغا ئارتۇق گەپ قىلمىدىم،ئەمما بەك بىئارام بولدۇم.... 3.شوپۇرلۇق ئىمتاھانىسى بېرىش ئۈچۈن ئىمتاھان نوختىسىغا باردىم.گەرچە خېلى ياخشى مەشىق قىلسممۇ يەنىلا جىدديلىشىۋاتاتتم.جىددىلىكىمنى بېسىش ئۈچۈن تىنىچ يەرنى تېپىپ بىردەم ئولتۇرۋالدىم.بىردەمدىن كېيىن بىر ئىشىك  قارۇغۇچى يېنىمغا كېلىپ نىمىگە ئولتۇرغانلىقىمنى سورىدى،مەن دەپ بەرگەندىن كېيىن بەك جىددىلىشىپ كەتمەسلىكىم كېرەكلىنى ئەگەر ياردام لازىم بولسا ئۇ ياردەم بېرىدىغانلىقنى،ئىمتاھانىدىن ئۆتكۈزۈپ قويىدىغانلىقىنى  ئېيتتى .راسما،دېدېم ئىشەنمەي ،چۇقۇم پۇل دەيدۇ بىكارغا نىمىشقا ماڭا ياردەم قىلىدۇ،دەپ ئۇيلاپ ئۇدۇللا"نەچچە پۇل ئالىسىز "دەپ سورىدم."پۇل ئالمايمەن،بىرگە تاماق يېيشىپ بەرسىڭىز بولدى"."رەخمەت،ياردەم لازىم ئەمەس!"     بۇ ئشلارنى بىر تۇنىشىمغا دەپ بېرىپ بىرمۇنچە قاخشىدىم.بۇ تۇنۇشۇم كۈلۇپ كەتكەندىن كېيىن"سەن نىمانداق سادداھەم خۇراپى،بۇ ئەمىليەتتە ھېچقانچە ئىش ئەمەس،جەمىيەتكە چىخساڭ ئۇچرايدىغان ئشلىرىڭ بۇنىڭدىن كۆپ ،بۇنىڭدىن مۇرەكەپ.ئازىراق ئدىيەڭنى ئازات قىل ،بولمىسا جەمىيەتكە ماسلىشالمايسەن"دەيدۇ.   مەن راسلا خۇراپىمۇ؟؟؟؟؟

esyankar75

	خۇراپى ئەمەس ۋىجدانلىقكەنسىز . ئەتراپىمىزدا ھەر خىل ئادەملەر ئۇچرايدۇ ، ياخشىسىمۇھەم يامىنىمۇ .  خەقنىڭ يامانلىقىدىن مىنىڭچە ئاھ ئۇرۇپ كىتىشنىڭ ھاجىتى يوق ، مۇھىمى ئۆزىگە پۇختا بولسا  ، ئۆزىگە يۈز كىلەلىگۈدەك ياشىسا بولدى .

ardamay

	ئەگەر بۇنى «خۇراپىي» دېيىشكە توغرا كەلسە مەنمۇ نەچچە ھەسسە «خۇراپىي» لاردىن ھېسابلانغۇدەكمەن! بىراق بۇ تۈپ مەنىسىدىن ئېلىپ ئېيىتقاندا خۇراپىيلىق ئەمەس ،بەلكى ئىنساننىڭ ماھىيتى ،بىراق جەمئىيەتنىڭ تەرەققىي قىلىشىغا ئەگشىپ روھىيىتىمىزمۇ تەرەققىي قىلغان چېغى ،ھالا مۇشۇ كۈنگە كەلگەندە ماھىيىتىمىزگە يات بولغان نەرسىلەرنى «مودا»،«تەرەققىيات»،«يېڭى مەدەنىيەت» دەپ ئاتىۋالدۇق!~~~~

qiqakkiz

	سىز خۇراپى ئەمەس ، ئۆزىڭىزنىڭ كىملىكىنى ئۇنۇتمىغان ، قانداق ئىشلارنىڭ ئۆزىڭىزگە يارىشىدىغان قانداق ئىشلارنىڭ ياراشمايدىغانلىقىنى بىلەلىگەن ، ئاتالمىش غەرپ مەدىنىيىتىگە قۇل بولمىغان قىزكەنسىز ، ئىنشائاللا بۇنىڭدىن كىيىنمۇ شۇنداق ياشاڭ  .

FOCUS

	بۇ ھەرگىزمۇ خۇراپىلىققا كىرمەيدۇ ،بۇ پەقەت سىزنىڭ نومۇسلۇق غۇرۇرلۇق ۋىجدانلىق ھەقىقى ئۇيغۇر قىزى ئىكەنلىكىڭىزنى بىلدۇرىدۇ،  قىزبالا دىگەن ئىپپەت نومۇسى بىلەن قەدىرلىك.

ئالماس

	مەنچىمۇ سىز خۇراپى ئەمەس . بىلگەن يۇلۇڭنى ئاتاڭغا بەرمە.

saparbay

	قىلغىنىڭىز توغرا بوپتۇ ، ئۇنداق ئىشلارغا كۆڭلىڭىزنى يېرىم قىلماڭ،  ئۆزىگە يۈز كىلەلىگەن ئادەمنىڭ ھاياتى پۇشايمانسىز ھاياتتۇر !

fatima

	سىز خۇراپى ئەمەس،ھەرئادەمنىڭ ئۆزىگە چۇشلۇق ياشاش نىزامى بۇلىدۇ.شۇڭا ئۆز يۇلىڭىزدا دادىل ياشاڭ.جەميەتتە بۇنداق ئىشلار ھازىركۆپ.

nazigul8

	بۇ خۇراپىلىق ئەمەسكەنغۇ. بۇ تېمىدىكى ئىشلار مەن ئاڭلىمىغان گەپلەركەن. ھەر خىل ئادەملەر بولىدىكەندە، بىز چېغىمىزدا توغرا-خاتانى بىلىۋاتىمىز، ئۇنداقلارمۇ قىلىۋاتقان ئىشلىرىنىڭ توغرا  خاتالىغىنى بىلمەسمۇ؟! بىلسىمۇ بىلمەسكە سېلىپ شۇنداق ياشارمىدۇ؟!

ab8ob8

	مېنىمۇ ساۋاقداشلىرىم ئىدىيىسى قالاق خۇراپىي دەيتتى،،،لېكىن ھەممە ئادەمنىڭ كۆز قارىشى ئوخشىمايدۇدە... يەنىلا ئۆزىمىزنىڭ توغرا دەپ بىلگەن يولىمىزدا غورۇر ۋىجدانىمىزنى يوقاتماي ماڭالىساق ئۇلارنىڭ نەزىرىدىكى قالاق خۇراپىيلىق ئەكسچە ئەڭ ئىلغار ئەخلاق ھېسابلىنىدۇ.