مۇسۇلمانلار ئىستىمالىدىكى «مۇسۇلمانچە» بولمىغان يىمەكلىكلەر

faruk07

	ئەسسالامۇ ئەلەيكۇم قىرىنداشلىرىم مەن تۆۋەندە تىيەنجىن شەھرىدىكى مۇسۇلمان قېرىندىشىمىز نۇرۇنجى نىڭ تەكشۈرىشىدە بايقالغان، مۇسۇلمانلار ئىستىمالىدىكى ھارام يىمەكلىكلەرنى سىلەرگە بىلدۇرمەكچىمەن. ئاپتۇر: تىيەنجىن شەھىرىدە مۇسۇلمان، نۇرۇنجى. لىنشىيا شەھەرلىك مۇسۇلمانلار تەشۋىقات كومتېتى بىسىپ تارقاتتى. ئەسسالامۇ ئەلەيكۇم.   مىھرىبان ئاللاھغا چەكسىز ھەمدۇسانالار بولسۇن! مەن ئاللە نىڭ رەھمىتى بىلەن لىنشىيادىكى داشىگۇۋەن جامەسىدە، جامائەت بىلەن يۈز كۆرۈشۈپ، بېيجىڭ، تىيەنجىن، خېبىي، شەندۇڭ، يۈننەن، شىنجاڭ قاتارلىق رايۇنلاردا بازارغا سىلىنىۋاتقان ھەرخىل ‘مۇسۇلمانچە’ ئەمەس يىمەكلىكلەرنى تەكشۇرۇش جەريانىدىكى ئەمىلى ئەھۋاللارنى ئىنكاس قىلىش شەرىپىگە ئېرىشتىم. مۇسۇلمانلار ياشاۋاتقان رايۇنلاردا بۇلغىنىش مەسىلىسى ناھايىتى ئېغىر، نۆۋەتتە پۈتۈن مۇسۇلمانلار ھالال بولمىغان يىمەكلىكلەرگە يۈزلەنمەكتە. بۇنىڭ سەۋەبى، تۇرمۇش سەۋىيەسىنىڭ ئۆسىشى، يىمەكلىك تاللاشتا سەرخىللىشىش، ئوزۇقلۇق قىممىتى يۇقىرى بولۇش، شەكىل جەھەتتىن دەۋرىلىشىش ئەھۋاللىرى سەۋەپلىك كىشىلەر ئېڭىدا «خەنزۇچە» دەپ يىزىلماي «مۇسۇلمانچە» ياكى «ھالال» دىگەن خېتى بار يىمەكلىك بولسىلا بۇلىۋىرىدۇ دەيدىغان قاراش پەيدا بولدى. ئاللە تائالا قۇرئانى كەرىمدە ئاگاھلاندۇرۇپ مۇنداق دەيدۇ «ئاللە سىلەرگە ئۆزى ئۆلۇپ قالغان ھايۋاننى، قاننى، چوشقا گۆشىنى ھەم ئاللە نىڭ نامى زىكرى قىلىنماي بوغۇزلانغان ھايۋاننى يىيىشنى ھارام قىلدى» (2 سۇرە 173- ئايەت) «ئاللە نازىل قىلغان ھەقىقەت بويىچە ھۆكۇم قىلمايدىغانلار پاسىقلاردۇر» (5-سۇرە47-ئايەت) دىيىلگەن. ھەدىستە مۇنداق بايانلار بار: ‘ئەبۇ ۋەققاس رەزىيەللاھۇ ئەنھۇ مۇھەممەد سەللەللاھۇ ئەلەيھى ۋەسسەللەمگە: ئى ئاللە نىڭ ئەلچىسى! مىنىڭ دۇئايىمنىڭ مەقبۇل بۇلىشى ئۈچۈن دۇئا قىلىپ قويسىلا دىگەندە، رەسۇلۇللا مۇنداق دىدى «ئى ئەبۇۋاققاس يىمەك – ئىچمىكىڭنى پاك قىلغىن. شۇندىلا سىنىڭ دۇئايىڭ ئىجابەت بولىدۇ. ئاللە نىڭ نامى بىلەن قەسەمكى ئەگەر بىر ئادەم بىر لوقما ھارام نەرسىنى يىسە، ئۇنىڭ 40 كۈنلۈك ئىبادىتى مەقبۇل كۆرۇلمەيدۇ (بولمايدۇ)». ھەر قانداق بىر مۇسۇلماننىڭ ئىمانىنى ساقلاپ تۇرالىشىنىڭ بىر شەرتى ھالال، پاك يىمەكلىكلەرنى ئىستىمال قىلىشتۇر. يۇقىردىكى قۇرئانى كەرىم ۋە ھەدىستىكى بايانلار بىز مۇسۇلمانلارنى ئۆز ھالىمىز توغرىلىق ئويلىنىپ بېقىشقا دالالەت قىلىشقا كۇپايە. ئاللە قۇرئاندا مۇنداق دەيدۇ «روھىنى پاك قىلغان ئادەم چوقۇم مۇرادىغا يىتىدۇ. نەپسىنى كۇپرى ۋە پىسقى – فۇجۇر بىلەن كەمسىتكەن ئادەم چوقۇم نا ئۇمىد بولىدۇ» (91- سۇرە 10- ئايەت) بىر مۆئىمىن ئىھتىياتسىزلىقتىن ھارام نەرسە يەپ سالسا، چىن دىلىدىن تۆۋە قىلىشى كىرەك. ئەگەر ھازىرقى جەمىيەتتە بىر قىسىم ئادەملەر ھەر كۇنى ھارام نەرسىلەرنى ئىستىمال قىلىۋەرسە ئۇنى قانداقمۇ ئىسلامغا ئەقىدە قىلغان مۇسۇلمان دىگىلى بولسۇن؟ تۈرلۈك يىمەكلىكلەر ھالال – ھاراملىقى ئايرىلماي تۇرۇپلا بازارلىرىمىزغا تولۇپ كەتتى. ئۇنى ئايرىپ ئىستىمال قىلىش سەل قاراشقا بولمايدىغان مۇسۇلمانلار قاتتىق ئىتىبار بىرىشكە تىگىشلىك مەسىلە مەن ئاللە نىڭ رىزاسى ئۈچۈن نەچچە يىللىق جاپالىق تەكشۈرۈش ئارقىلىق ئېرىشكەن پاكىت ئاساسلىرىمنى قەلەم بىلەن بايان قىلىپ ئەھلى ئۆلىما ۋە مۇسۇلمانلارنىڭ پايدىسىغا سۇندۇم. بىرىنجى چوڭ مەسىلە سۆڭەك يىلىمى (骨胶、明胶) دۇر. سۆڭەك يىلىمى بولسا تۈرلۈك ھايۋانلارنىڭ سۆڭىكىدىن ۋە تېرىسىدىن پىششىقلاپ ئىشلەنگەن، يىپىشقاقلىقى كۈچلۈك بولغان يىلىم. بۇنى كۆپچىلىك ھەممىسى بىلىدۇ. بۇ ئەنئەنىۋى مەھسۇلات ئەسلى ياغاچ، ماتىرىياللارنى يەملەشكە ئىشلىتىلەتتى . تېخنىك تەرەققىياتى بىلەن ھازىر سۆڭەك يىلىمىنى يىمەكلىكلەرگە ئىشلىتىدىغان سۈزۈك، چاپلىشاڭغۇ بولغان تۈرلۈك يىلىملەر پىششىقلاپ ئىشلىنىدىغان بولدى. بۇ ئىنچىكە پىششىقلاپ ئىشلەنگەن يىلىم ھازىرقى سېغىز (پوپوتاڭ)، ئىغىز پۇراقلىق قىلىش كەمپۈتى، شاكىلات (چوكىلى) سۈت كەمپىتلەرگە قوشىلىدۇ. يىلىم بولمىسا بۇ مەھسۇلاتلارنى ياساش مۇمكىن ئەمەس. ھازىرقى تېخنىكا يېڭىلاش دەۋرىدە يىمەكلىككە ئىشلىتىلىدىغان يىلىم يەنە سوغاق يىمەكلىكلەرنى ياساشقا ئىشلىتىلمەكتە. مەسىلەن: قايماقلىق سۈت پاراشۇگى، سۈتلۈك چوكامۇز (بىڭگۇر)، سۈتلۈك مارۇژنا (بىنجىلىن) مىۋە تۈرمىسى قاتارلىقلار. ئۇنىڭ قاتۇرۇش رولى بۇلۇپ، مەھسۇلاتنىڭ ئاسانلىقچە ئىرىپ كەتمەسلىكىگە كاپالەتلىك قىلىدۇ. مەن تىيەنجىن شەھەرلىك قىزىل يۇلتۇز سوغاق ئىچىملىكلەر زاۋۇتىغا يەنى كاڭلى سوغاق ئىچىملىك زاۋۇتىغا بىرىپ تەكشۇردۇم. تىخنىك خادىم بىزگە زاۋۇت ماھسۇلاتلىرىنىڭ ياسىلىش ئۇسۇلىنى تونۇشتۇردى. (1) بۇ زاۋۇتنىڭ مەھسۇلاتلىرى مۇسۇلمانلار رايۇنىغا كۆپلەپ يۆتكىلىدۇ. زاۋۇت ئىشچىلىرى بۇ مەھسۇلاتلارنىڭ مۇسۇلمانلارنىڭ ئىستىمال قىلىشىغا مۇۋاپىق كىلىش – كەلمەسلىكىنى ئەلۋەتتە ئويلاشمايدۇ. بۇ مەھسۇلاتلارنىڭ ھەممىسىدە سۆڭەك يىلىمى بار.   (2) بوتۇلكىغا قاچىلانغان مۇراببا ۋە شەربەتلەر： يەنى شاپتۇل، ئامۇت، ئەنجۇر، ئاپلىسىن، ئۈزۈم قاتارلىقلارنى ياساش مەسىلىسى بولۇپ، بۇ مەھسۇلاتلارنى ياساشتا، 85 – يىلدىن ئىلگىرى 500 گىرام (بىر جىڭ) دىتسىللەنگەن سۇغا ئالتە جۈپ قەنت سىلىپ، ھاۋانى سۈمۈرۋېلىپ، ئېغىزنى ھىم ئىتىپ دىزىنفىكسىيە قىلاتتى. ھازىر قەنت سىيىش كىسىلى، زىيادە سېمىزلىك، يۇقىرى قان بېسىم كىسەللىكلىرى كۆپەيدى. بۇنىڭ بىلەن زاۋۇتلارغا يىمەكلىك پىششىقلاپ ئىشلەشتە قەنت مىقدارىنى ئازايتىش توغۇرلۇق بەلگۈلىمە چىقىرىلدى. كىيىن بۇ زاۋۇتلار سۆڭەك يىلىمىنى دىتسىللەنگەن سۇغا قوشۇپ قەنت مىقدارىنى ئازايتىش مىقدارىنى قوللاندى. ھازىرقى كونسىرۋالارنىڭ سۇيىنى تۆكىۋەتسەك، تەركىۋىدە ئوماچقا ئوخشاش بىر قەۋەت قويۇق ماددا بارلىقىنى كۆرۈمىز. مانا بۇ سۆڭەك يىلىمى ئىشلىتىلگەنلىكنىڭ ئىسپاتى. (3) ھازىرقى خالتىلىق ناۋات (يەنى كىرىستاللانغا ناۋات دەپمۇ ئاتىلىدۇ). يىگەندە چۈرۈك، تەمى تاتلىق، قاتتىق ئەمەس ھەمدە نۇر ئۆتكۈزۈشچانلىقى ياخشى. تېخىمۇ مۇھىمى يۇقىرى تېمپىراتۇرا پەسلىدە ئاسانلىقچە ئېرىمەيدۇ، ساقلاشقا ئەپلىك. ئەمىلىيەتتە بۇنىڭغا سۆڭەك يىلىمى ئىشلىتىلگەن. (4) مىۋە قېتىشمىلىرى بولسا پۈتۈنلەي سۆڭەك يىلىمىگە رەڭ كىرگۈزگۈچى ۋە تەم قوشقۇچى قاتارلىقلاردىن ياسالغان بولۇپ، بالىلار ئىچىملىكلىرى خېمىيىلىك چەكلەنگەن مەھسۇلاتتۇر. بۇنداق مەھسۇلاتنىڭ تەمى ۋە قەنت تەركىۋى ئىلگىركى ئۇسۇل بويىچە تەييارلانغانلىقىدىن 15 ھەسسە كۆپ بۇلىدۇ. ياسال مىللىرىغا مەبلەغ ئاز، پايدا كۆپ بولىدىغان سۆڭەك يىلىمىدىن پايدىلىنىدۇ. (5) كىسىلگەن ئاش (گۇا مىيەن) (gua mian) ئىچىگە سۆڭەك يىلىمى سىلىش: بىز ئاش كىسىش زاۋۇتىغا بىرىپ، تەكشۇرگەندە زاۋۇت تېخنىكى بىزگە ئوچۇقلا قىلىپ، ‘ئەگەر كىسىلگەن ئاشنىڭ خېمىرىغا مۇۋاپىق نىسپەتتە سۆڭەك يىلىمى ئارىلاشتۇرمىساق، سۇدا ئۇزاق قاينىتىلسا ئوماچقا ئوخشاش بولۇپ قالىدۇ’ دىدى. بىز ئاش كىسىش ئورنىدا كىسىلگەن ئاشنى قازاندا قاينىتىپ، سۇيىنى پۇراپ باقسىڭىز سۆڭەك يىلىمىنىڭ ھىدى كىلىدۇ. (6) پىنتوزا ياساش: پىنتوزا پۇرچاق تۇرىدىكى خام ئەشيالار، كوممە قوناق، ياڭيۇلاردىن پىششىقلاپ ئىشلىنىدىغان بولۇپ، يۇقارقى خام ئەشيالارغا بەلگىلىك نىسبەتتە سۆڭەك يىلىمى قوشۇلىدۇ. بولۇپمۇ لازىجاڭ ۋە تىتىتقۇ ئىچىگە سۆڭەك يىلىمى قوشۇلىدۇ. باشقا تۇرلەرنىڭ سەل ئازراق. ئەگەر لازا كونسىرۋاسىنى بىر كۇن قايناتسىمۇ ئوماچتەك بولۇپ قالمايدۇ. بۇلار دەل سۆڭەك يىلىمىنىڭ كۈچلۈك يىپىشتۇرۇش رولىنىڭ كۈچى. سىز زاۋۇتلاردا ياسالغان مەلۇم بىرخىل سەي كونسىرىۋاسى (سەي جاڭ) نى قايناق سۇغا قۇيۇپ ئىرىتسىڭىز ئۇنىڭدىن سۆڭەك يىلىمىنىڭ پۇرىقىنى پۇرىيالايسىز.   يۇقارقى مەسىلىلەرگە ھەر بىر ئۆلىمادىن تارتىپ ئاددى كىشىلەرگىچە دىققەت قىلىش كىرەك. بۇ پاكىتلار شۇنى چۇشەندۇرۇدىكى: چوشقا سۆڭىكى بولغان سۆڭەك يىلىمى يۇقارقى ئىستىمال بۇيۇملىرىنىڭ ھەممىسىنى ھارام قىلىدۇ. جۇڭگۇدا 1 مىليارت 300مىليۇن خەلىقنىڭ ئىچىدە خەنزۇلار %95 ئىگەللەيدۇ. ھەر قايسى شەھەر، ناھىيەلەردىكى يىمەكلىك پىششىقلاپ ئىشلەش زاۋۇتلىرىنىڭ ئاساسلىق باشقۇرغۇچىلىرى خەنزۇلار بولۇپ، پەقەت تازىلىق، سەھىيە تەلىۋىگە ئۇيغۇن بولسا تۈرلۈك تېتۇتقۇلارنى قوشىۋىرىدۇ. يىمەكلىككە قوشۇلىدىغان سۆڭەك يىلىمىغا ئاساسلىقى: چوشقا سۆڭىكى، كالا سۆڭىكى خام ئەشيا قىلىنىدىغان بولۇپ بۇنىڭ ئىچىدە كالا، قوي سۆڭىكى ئىھتىياجنى قاندۇرالمايدۇ. چوشقا سۆڭىكىنى مەيلى قايسى خىل ئۇسۇلدا پىششىقلاپ ئىشلىشىدىن قەتئى نەزەر قەتئى ھارام، شەرىئەتكە خىلاپ! ئۆسۈملۈكلەردىن تاللاپ ئېلىنغان مايلار مەسىلەن: دىڭىز يىلىمى، كۆكتات يىلىمى قاتارلىق ماتىرىياللارنىڭ تەننەرقى ھايۋان سۆڭىكىنىڭ تەننەرقىدىن 10 ھەسسە ئېشىپ كىتىدۇ. بۇلار ئاساسلىقى دۆلەت مۇداپىئەسى، تىببى داۋالاش، تەجىربە تېخنىكىسىدا ئىشلىتىلىدۇ. بىر ئادەتتىكى يىمەكلىك زاۋۇتىدا بۇ خىل ئۆسۈملۈك مايلىرىنى ئىشلىتىدىغانلىقىغا بىز ھەرگىز ساددىلىق بىلەن ئىشىنىپ قالماسلىقىمىز، ئۇلارنىڭ ئېلان ۋېۋىسكىلىرىدا جار سىلىپ ماختاشلىرىغا ئالدىنىپ قالماسلىقىمىز كېرەك. بىز يەنە جاڭيۇنىڭ تەركىۋىگە دىققەت قىلىپ باقايلى: جاڭيۇنىڭ تەركىۋى ئاساسلىقى ئادەمنىڭ چىچى بىلەن ھايۋانلارنىڭ يۇڭىنى ئاساس قىلىپ ياسالغان. بۇ ئاساسى خۇنەن جاڭيۇ زاۋۇتىنىڭ ھەر قايسى تارماقلىرىدا ياسىلىدۇ. جاڭيۇغا تەڭشۈگۈچ قوشۇپ كونسىرۋا قۇتىسىغا چاپلىغاندا تازىلىققا قىلچىمۇ ئەھمىيەت بەرمەيدۇ. ئەڭ خەتەرلىكى، چوشقا مېيىنى ئىستىمال قىلىش مەسىلىسى بولۇپ مەملىكەت مىقياسىدا ھەممە يىمەكلىك زاۋۇتىدا چىقىۋاتقان سۇنئى سۈت پاراشوگى، سۈنئى قايماق، تورت مېيى، ئىموللىيەلەشتۈرگۈچى قاتۈرغۈچى ۋە باشقا تېتىتقۇچىلار چوشقا مېيىدىن پىششىقلاپ ئىشلەنگەن. بىز تىيەنجىن قوشۇمچە يىمەكلىكلەرنى توپ سېتىش بازىرىدا تەكشۈرۈپ كۆرۈپ چوڭ خۇجايىن – بايۋەتچىلەر بىلەن سۆھبەتلىشىپ، يىمەكلىك زاۋۇتلىرىنىڭ ئىشلىتىدىغىنى ئاساسى چوشقا مېيى ئىكەنلىكىنى بىلدۇق. يىمەكلىك سىرىتقى يۈزىگە بىر قەۋەت چوشقا مېيىنى سۈركىۋەتسە، يىمەكلىكنى يېڭى ھەم ئۇزۇن مۇددەت ساقلىغىلى بولىدۇ. ھازىرقى تېخنىكا شارائىتىدا ھايۋانات مىيىدىن چەكلىنىپ، تەمسىز، پۇراقسىز، سۈزۈك، سۇغا ئوخشاش سۇيۇقلۇققا ئايلاندۇرلىدۇ. 97 – يىلى چاڭجى خىمىيە سانائىتى زاۋۇتى يۇقىرى تېمپۇراتۇرا شارائىتىدا ئاساسى ئېرىتمىدىن سۈزۈپ ئۆتكۈزۈش ئارقىلىق ھايۋانات مېيىنى مۇۋاپىقىيەتلىك چەكلەپ، ھازىرقى يىمەكلىكلەرگە سىڭدۈرۈشكە مۇۋاپىق كىلىدىغان زەھەرسىز، غەيرى پۇراقسىز، رەڭسىز سۇيۇقلۇقنى ئىشلەپ چىقاردى. سىز بارمىقىڭىزدا سىلاپ بېقىپمۇ ئاللى بۇرۇن چەكلەنگەن چوشقا مېيىنى بۇراپ بىلەلىشىڭىز مۇمكىن ئەمەس. بىز تىيەنجىن شەھەرلىك سۇنئى سۈت پاراشوگى (سۈت مەھسۇلاتلىرى) زاۋۇتىغا بېرىپ تەكشۈرسەك، سۈت پاراشۇگىنىڭ ئەسلى مەنبەسى پۇرچاق تۈردىكىلەر بۇلۇپ، پۇرچاق مېيىنى يۇقىرى تېمپۇراتۇردا پۈركۈپ چىقىرىش ئۇسۇلى بىلەن قاتۇرغۇچىغا سىڭدۈرۈپ، سۈنئى پاراشۇك ياساپ چىقىدىكەن. بۇ يەردىكى ئاساسلىق مەسىلە قاتۇرغۇچى چوشقا مېيىدىن ياسالغان. تورت دۇككانلىرىدا ئەگەر زاۋۇتنىڭ تەم كىرگۈزگۈچى بۇيۇملىرىنى ئىشلەتسە بۇمۇ يۇقىرىغا ئوخشاش بۇلۇپ قالىدۇ. پەن تېخنىكا تەرەققىياتى چوشقا مېيىنى چەكلەپ سۈزۈك سۇيۇقلۇققا ئايلاندۇرۇپ، ھەر خىل نام بىلەن رىستۇرانلارنىڭ تاماق شىرەسىگە چىقارغاندىن كىيىن بۇ خەۋەر لەنجۇدىكى خۇيزۇ مۇسۇلمانلارنىڭ يۇكسەك دىققىتىنى قوزغىدى. بۇ ھەقتىكى جەمىيەت مۇنازىرىسى بىلەن لەنجۇ شەھىرىدىكى سودا – سانائەت، سەھىيە ۋە ج خ ئورگانلىرى بىرلىشىپ جىددى تەكشۈرۈپ، ھارام بۇيۇمنىڭ چىقىش مەنبىيىنى ئىزلەپ تىگىشلىك جازاسىنى بەرگەندىن كىيىن، كىشىنى غەزەپلەندۈردىغان بۇ قىلمىشلار ئەمدى باشقىچە شەكىلدە باشقا جايلاردا يامرىماقتا. ئىككىنجى چوڭ مەسىلە: كالا – قوي ۋە توخۇلارنى بوغۇزلاش مەسىلىسى، شەندۇڭ، خېنەن، خېبىي قاتارلىق ئىچكىرى ئۆلكىلەردىكى خۇيزۇلارنىڭ قۇشخانىلىرىدا شەرىئەتكە مۇخالىپ كالا – قوي ئۆلتۈرۈش ئەۋج ئالدى. بىر شەندۇڭ لۇۋەنشۇەن ناھىيە سىدە بىر خۇيزۇ يېزىسىنى تەكشۈرگەندە بۇ يېزا مەشھۇر قاسساپلار يېزىسى بۇلۇپ بىز ئۆز كۆزىمىز بىلەن مۇنداق ئەھۋاللارنى كۆردۇق. خۇيزۇلار كالىنىڭ بۇرنىغا يۇقىرى بېسىملىق سۇ پۇرژىنىنى تىقىپ كالىنى سۇ بىلەن تىنجىقتۇرۇپ ئۆلتۈرىدىكەن. بۇ ئارقىلىك كالىنىڭ ئىغىرلىقىنى ئاشۇرىدىكەن. بەزى قاسساپلار ئۇشلۇق بىگىزنى كالىنىڭ مىڭىسى ئوتتۇرىدىكى نىرىپ مەركىزىگە تىقىپ ئۆلتۈرىدىكەن. ئۇلارنىڭ دىيىشىچە بۇنداق قىلغاندا قان چىقماي گۆشنىڭ ئومومى ئىغىرلىقى ئاشىدىكەن. مۇنداق ۋەھشىلەرچە ئۆلتۈرۈش ئۇسۇلى شەرىئەتكە پۈتۈنلەي خىلاپ. بۇنداق گۆش ھارام بولىدۇ. خالتىلارغا قاچىلانغان گۇشلارگە مەيلى ‘ھالال’ ياكى ‘مۇسۇلمانچە’ دەپ يېزىلغان بولسۇن، بۇ گۆشلەر كالا – قوي پىرمىلىرىدىن كەلتۈرۈلگەن. جەمىيىتىمىزدىكى تۈرلۈك تاۋارلارنىڭ ئۈستىگە يېزىلغان ‘مۇسۇلمانچە’ دىگەن خەتكە ھېچ كىم قانائەتلىنەرلىك جاۋاپ بىرەلمەيدۇ. ئەشۇ پۇل – مال ئۈچۈن ھەر قانداق ئىش قىلىشنى يوللۇق ھىساپلايدىغانلار، تەدرىجى ئىماننىڭ قارشىسىغا ئۆتۈپ كىتىدۇ. بۇنداق يىمەكلىكلەر ئائىلىلەرگە سىڭىپ كىرىپ سەبى بالىلارنىڭ پاك قەلبىنى بۇلغايدۇ. بۇ كۆپ يىللاردىن بىرى كۆرۈلىۋاتقان ئەمىلىيەت. ئاللە قۇرئانى كەرىمدە مۇنداق دەيدۇ. «ئى ئىنسانلار! زىمىندىكى ھالال، پاك نەرسىلەردىن يەڭلار، سىلەر مۆئىمىن بولساڭلار ئاللە دىن قورقۇڭلار» (5- سۇرە78- ئايەت) ئاللە قا كۆپ شۈكرى، بىزنىڭ تۇرمۇش شارائىتىمىز ياخشىلانسىمۇ، لېكىن ھالال نەرسىلەرنى ئىستىمال قىلىش ئىماننىڭ بىر تۈرلۈك مۇھىم تەلىۋى. ھۆرمەتلىك مۇسۇلمانلار، بىز بىر چوڭ كۆلەملىك بالا قازاغا دۇچ كەلدۇق. نىمىشكە بىزنىڭ ئىتىقادىمىز سۇس؟ ئىمانىمىز زەئىپ؟ ئىبادىتىمىز قەلبىمىزنى تىترىتەلمەيدۇ؟ نىمە سەۋەپتىن قەلبىمىز قىتىپ كەتتى؟ سەۋەپ بىرلا، ئۇ بولسىمۇ ھارام بىزنىڭ تۇرمۇشىمىزغا سىڭىپ كەتكەن. ھارامنى يىيىش قەلبنى بۇلغايدۇ. بۇ مۇنازىرىسىز پاكىت. ھەدىستە مۇنداق دىيىلىدۇ «قىيامەتكە يېقىن بىر ئادەم كىلىدۇ، ئۇنىڭ چاچلىرى توپا باسقان كىيىم – كىچەكلىرى كىر، چىرايى تۇتۇق، ئۇ شۇنچە دۇئا قىلىدۇ، لىكىن دۇئاسى ئىجابەت بولمايدۇ. چۇنكى ئۇنىڭ يىگىنى ھارام، كىيگىنى ھەم ھارام». بۇ بىر مەيدان ئاپەت ئالدىدا ھەر بىر مۇسۇلماندىن شۇنى ئىلتىماس قىلماقچىمىزكى، ئى ئىسلام دىنىغا ئىتىقات قىلغۇچى!!! قەددىڭىزنى رۇسلاپ، كۆز ئالدىڭىزدىكى ھارامغا نىسبەتەن يۈكسەك ھۇشيار بۇلۇڭ. ھارامنىڭ مۇسۇلمانلار تۇرمۇشىغا سىڭىپ كىرىشىگە رۇخسەت يوق. بىز تاماق داستىخانلىرىمىزنى يەنە بىر قېتىم قېقىۋىتەيلى. نەپسانىيىتىمىزنىڭ ھەۋىسىگە ئەگەشمەيلى! گۈدەك بالىلىرىمىزنىڭ پاك قەلبى بۇلغانمىسۇن! ئۇلارغا ساپ ئىمانى موھىت، ئىمانى ھايات، ئىمانى داستىخان كىرەك. بارلىق مۇسۇلمانلارنىڭ ئىدىيىۋى تونۇشىنى ئۆستۈرۈپ، سەزگۇرلىكىنى ئاشۇرۇپ، بۇلۇڭ پۇچقاقلاردىن بىزنىڭ ئەقىدىمىزگە قاراپ ئېتىلىۋاتقان زەھەرلىك بۇلغانمىلارنى بايقاپ، بىرلىكتە نەپسىمىز ۋە ۋۇجۇدىمىز پاك ھالدا، كەرەملىك ئاللە دىن تىلەيلى! ئى ھەممىگە قادىر ئاللە! بىزگە ياردەم قىلغايلا! بىزنىڭ نەپسىمىزنى پاك قىلغايلا! روھىمىزنى پاك قىلغايلا! ۋۇجۇدىمىزنى پاك قىلغيلا! دۇئايىمىزنى ئىجابەت قىلغايلا! بىزنى ھارامدىن ساقلىغايلا! بىزدىن رازى بولغايلا! ….ئامىن! بۇ ماقالىنىڭ ئەسلى يوللىغۇچىسى ئۇيغۇر ئىسلام مۇنبىرىدىن جەڭگىۋار ئەپەندى بولۇپ بۇ ماقالىنى كۆرگەن ھەر بىر مۇسۇلمان تورداشلارنىڭ باشقا مۇسۇلمان قېرىنداشلارغا يەتكۈزىشىنى ئۇمۇت قىلغانلىقى ئۇچۇن بۇ توربەتكە يوللاپ قويدۇم. بىز يۇقۇردىكى ماقالىنى ئوقۇغان ھەرقانداق بىر مۇسۇلماننىڭ يىمەك – ئىچمىكىگە ئالاھىدە دىققەت قىلىشىنى ئالاھىدە تەۋسىيە قىلىمىز. سەمىمىي ئەسكەرتىش: بۇ تېما بەلكىم كونا تېما بولۇشى مۇمكىن، ئەمما پايدىلىنىش قىممىتىنى يۇقىرى دەپ قارىغانلىقىم ئۈچۈن، تورداشلىرىم بىلەن ئورتاقلىشاي دېگەن مەقسەتتە يوللاپ قويدۇم. باشقۇرغۇچى دوستلارنىڭ توغرا چۈشىنىشىنى ئۈمىد قىلىمەن

ئەنسار

	مۇشۇ مەزمۇندىكى ئېنىق مەلۇماتنى يوللىغانتىم، باشقۇرغۇچىلار تەستىقلقماپتۇ. قارىغاندا تەكرار تېما بولسا كېرەك.

ROHANIY

	بۇ يازمىنى يازغۇچى ھەم تارقاتقۇچىلارغا يەنە ياردەم بەرگۈچىلەرگە «اللە» ئەجرىنى ھەسسىلەپ بەرگەي.

ئالماس

	بەزەنلىرمىزبار. بىلىپ تۇرۇپ يەيدىغان. توردا خېلى بۇرۇنلاتارقالغان خەۋەرنى ئۇقۇپ ئۇلتۇرۇپ خوتۈيچاڭ يەيدىغانلارنى جىق كۆردۈم.

zoriyix

bugaltir

	قەددىڭىزنى رۇسلاپ، كۆز ئالدىڭىزدىكى ھارامغا نىسبەتەن يۈكسەك ھۇشيار بۇلۇڭ.

aynuri--15061

	بەزى كىشلەر باركەن .(يېمىگىن تەركىبى ئىشەنچىلىك ئەمەسكەن )دېسىمۇ (ۋاي ئاللىبۇرۇن يەپ بولدۇق ،ھېچقىسى يوق.)دەپ يەۋېرىدىكەن.توۋۋا  ،توۋۋا  شۇنداق ئادەملەرگە.

faeza

	ئەنسار يوللىغان ۋاقتى  2012-6-18 02:40 PM مۇشۇ مەزمۇندىكى ئېنىق مەلۇماتنى يوللىغانتىم، باشقۇرغ ... تەكرار تىما دەپ قارىسىڭىز ، ھەقىقەتەن مۇھىم بولسا ، ئىنكاس سۈپىتىدە يوللاڭە ! كۆرۈپ باقايلى !

azizgul

	اللە كۆپ ئەجىرلەر بەرسۇن !

azizgul

	اللە كۆپ ئەجىرلەر بەرسۇن !