ئائىلە دىگەن نىمە؟

japakaxana

	ئائىلە دىگەن نىمە؟ بەزىلەر دۇنيادا قانچە ئۆي بولسا شۇنچە ئائىلە بار دەيدۇ ،يەنە بەزىلەر قانچە دەرىزە بولسا شۇنچە  ئائىلە بار دەيدۇ ،مېنىڭچە بۇ جاۋاپ بەك ئاددا جاۋاپ ،تۆۋەندە مەن سىلەرگە ئىككى ھىكايە سۆزلەپ بېرەي . بىرىنچى ھىكايە :    بىر قىزچاق 10ياشقا كىرگەندە ئاتا-ئانىسى ئاجرىشىپ كېتىپتۇ ،شۇنىڭ بىلەن بىر بەخىتلىك ئائىلە ۋەيران بوپتۇ .سوت قىزچاقنى ئاپىسىغا بۇيرۇپتۇ،ئەمما ئاپىسى قىزچاقنى تاشلاپ قايتا توي قىپتۇ .قىزچاق ياشىنىپ قالغان بوۋىسى ۋە مومىسى بىلەن بىرگە تۇرۇپتۇ .بىر نەچچە يىلدىن كېيىن ئۇلار ئالەمدىن ئۆتۈپتۇ ، قىزچاق يەنە بىر قېتىم ئائىلىسىدىن مەھرۇم بوپتۇ .   شۇنىڭ بىلەن قىزچاقنىڭ  دادىسى  قايتىپ كېلىپ قىزنىڭ ئەھۋالىدىن  بەكمۇ ئازاپلىنىپتۇ ۋە بۇرۇن قىلىپ بېرەلمىگەنلىرى ئۈچۈن ،نەچچە يىلدىن بېرى يىققان پۇللىرىغا شۇ يېزىدىن ئەڭ ھەشەمەتلىك ،ئىككى قەۋەتلىك بىر ئۆينى ئېلىپ بېرىپتۇ ،دادا قىزىنىڭ بەخىتلىك تۇرمۇشىغا دەخلى قىلماسلىق ئۈچۈن، يىراقلارغا بېرىپ پادىچىلىق قىپتۇ .دادا شۇ كەتكەنچە 10 يىل قايتىپ كەلمەپتۇ .بۇ 10يىلدا قىز تۇرۇۋاتقان ھەشەمەتلىك داچىدا كۈلكىمۇ ،يىغىمۇ ئەڭ مۇھىمى ئائىلىدە بولىدىغان ئىللىقلىق بولماپتۇ.ئايلار ئۆتۈپتۇ ،يىللار ئۆتۈپتۇ ،قىزچاق داچىدا يالغۇز تۇرمۇش كەچۈرۈپ چوڭ بوپتۇ ،يالغۇز قالغانسېرى ئاتا-ئانىسىدىن قاتتىق نەپرەتلىنىپتۇ ،بىركۈنى قىزچاق بىر مۇخبېرنى تېپىپ دەرت -ئەلەم ئىچىدە ئۆز ھالىنى سۆزلەپ بېرىپتۇ.   مۇخبېرنىڭ ياردىمىدە قىزچاق ئاخىرى دادىسىنى تېپىپتۇ،ئىككىسى كۆرۈشكەندە دادا بەكمۇ ئوڭايسىزلىنىىپتۇ ،چۈنكى دادا ھەشەمەتلىك داچا سېتىۋىلىش ئۈچۈن نۇرغۇن قەرز ئېلىپ ،قەرزنى تۆلەش ئۈچۇن ئۆزى بىر كەپىدە ياشاپتۇ.ئۇنىڭ شۇ كەپىدىن باشقا ھىچنىمىسى يوق ئىكەن .     قىز كۆز ئالدىدىكى رىياللىقنى كۆرۈپ ھەيران قېپتۇ ، قىز بۇنداق بولىشىنى خىيالىغىمۇ ئەكەلمىگەن ئىكەن . قىز مۇشۇ ۋاقىتتىلا دادىسىنىڭ ئۆزىگە بولغان مۇھاببىتىنىڭ قانچىلىك چوڭقۇر ئىكەنلىگىنى ،ئۆزىنىڭ نەقەدەر بەخىتلىك ئىكەنلىگىنى ھىس قىپتۇ .دادا قىزىنىڭ ئىللىق ئائىلىگە تەشنا ئىكەنلىگىنى بىلىپ، قىزنىڭ قېشىغا قايتىپ كەپتۇ .   دادا ئۆزىنىڭ قىزىغا ئېلىپ بەرگەن ھەشەمەتلىك داچىنىڭ  قىزىغا قىلچىمۇ خوشاللىق ، بەخىت ئاتا  قىلالمىغانلىغىنى ،قىسقىسى ھەشەمەتلىك داچىنىڭ ئائىلىگە باراۋەر ئەمەس ئىكەنلىگىنى  تۇنۇپ يېتىپتۇ .    ئىككىنچى ھىكايە .   بىر ساقچى كوچىدا يېتىپ قالغان بىر مەسنى كۆرۈپ  دەرھال ئۇنىڭ يېنىغا كېلىپ ئۇنى يۆلەپ تۇرغۇزۇپتۇ ۋە بەكمۇ ھەيران قاپتۇ ،چۈنكى ئۇ مەس شۇ يەردىكى داڭلىق باي ئىكەن .شۇنىڭ بىلەن ساقچى ئۇنى ئائىلىسىىگە ئاپىرىپ قويماقچى بوپتۇ.ھېلىقى باي يىغلاپ تۇرۇپ ساقچىغا :    --ئائىلە ! مېنىڭ ئائىلەم يوق !- دەپتۇ . ساقچى يىراقتىن كۆرۈنۈپ تۇغان ھەشەمەتلىك داچىنى كۆرسۈتۈپ:   -ئەپەندىم ،ئاۋۇ كۆرۈنۈپ تۇرغان داچا نىمە ؟  دەپ -سوراپتۇ .   باي " ئۇ مېنىڭ ئۆيۈم ،ئائىلەم ئەمەس " دەپلا يىغلاپ كېتىپتۇ .     ئەتراپىمىزدىكى نۇرغۇن كىشىلەر ئائىلە دىسە  كۆز ئالدىغا بىر ئۆي كېلىدۇ ،ئەمىلىيەتتە ئۆي ئائىلىنىڭ پەقەتلا بىر گەۋدىسى .ئائىلە ئەزالىرى بولمىسا ،ئۇرۇق تۇققان بولمىسا ، خوشاللىق ،مېھرىبانلىق ،ئىللىقلىق بولمىسا ئۆي پەقەت  نەچچە تال كېسەكتىن بەرپا قىلىنغان بىر قۇرلۇشتىن ئىبارەت خالاس .    شۇنىڭ ئۈچۈن ئۆي  مېھرى مۇھەببەتكە تولغاندىلا  ئاندىن ھەقىقى ئائىلىگە ئايلىنالايدۇ .                مەنبە : خاتىرەمدىن ( بۇئۇزۇن يىل ئىلگىرى بىر ژورنالدىن خاتىرەمگە كۈچۈرۈلگەن )

aptap104

	توغرا ئىلىقلىقى يوق ئۆيدىن چوشقا قوتونى ياخشى ، ھەممە ئادەم ئۆز ئۆيىنىڭ خۇشاللىقىغا چۈمۈشىنى خالايدۇ ، ئەمما بىرقىسىملار ئۇنداق ئەمەس ..... بىكار تۇرسا ئىچى پۇشۇپ ، ھىلى قىيىن ئانىسى بىلەن ، ھىلى قىيىن ئاتىسى بىلەن ، ھىلى بىرەر ئۇتۇق تۇققىنىدىن ئورۇنسىز ئاغرىپ ، بىشىغا پىت تىرىپ ، ئىللىق بىر ئۆينىڭ بۇزۇلىشىغا سەۋەپچى بولىدۇ .

7894561

	ياخشى تىمىكەن

ئالماس

	ياخشى تىمىكەن . تېمىلىرڭىز ئۈزۈلمىسۇن!

kaliptax

	دادا  قىزنىڭ  قەلبىنى  تازا  چۈشەنەمەپتۇ ، ئاۋۇ  ساقچىمۇ باينىڭ كۆڭلىنى تازا چۈشەنمەپتۇ  توغرىمۇ  يا ؟ سىز كىرمەڭ

sayim

	ياخشې يېزېپسېز

zapar

	مىېھىر-مۇھەببەتلىك بولسا ئائىلە، بولمىسا ۋاي ئالە!

karabax

	ئائىلە دىنىي،قانۇنىي،ئەخلاقىي يوسۇندا پۈتكۈل ئىنسانىيەت ئورتاق قوبۇل قىلالايدىغان دەرىجىدىكى بىر مۇكەممەل جەريان ۋە نەتىجىگە ئىگە قىلىدىغان بىر ئىجتىمائىي سورۇن. ئائىلىنىڭ بىيولوگىيىلىك فۇنكىسسىيىسى،پىسخولوگىيىلىك فۇنكىسسىيىسى،ئىقتىسادىي فۇنكىسسىيىسى،،سىياسىي فۇنكىسسىيىسى،،مائارىپ فۇنكىسسىيىسى،كۆڭۈل ئېچىش فۇنكىسسىيىسى،،مەدەنىيەت فۇنكىسسىيىسى يۈكسەك مېھىر-شەپقەت،ئىناقلىق،بىرلىك،ئۆز ئارا ئىشەنچ ،ھەمكارلىق ئاساسىدا بىرلىككە كەلگەندىلا ئاندىن تەرەققىي قىلالايدۇ ۋە ئۆز رولىنى تولۇق جارى قىلدۇرالايدۇ.ھەممىمىز بەختلىك ۋە ھەقىقىي مەنىدىكى ئائىلە قۇرۇشقا تىرىشچانلىق كۆرسىتەيلى.بەخت ھەممىمىزنىڭ قۇربان بېرىشى ۋە بەدەل تۆلىشىگە موھتاج!

datba

	شۇندق بەخىتلىك ، مۇكەممەل بىر ئايىلە قورۇش ئۈچۈن بەزەن چاغدا، قۇربانلىق بىرىشكە توغرا كىلدۇ.

سۈمەييە

	بەختلىك بىر ئائىلە قۇرۇش ، سەلتەنەتلىك بىر دۆلەت قۇرۇشتىنمۇ تەس دەپ توغرا ئىيتقان ئىكەن چوڭلىرىمىز . يۇقارقى مەزمۇنلاردىن شۇنى كۆرۈپ تۇرۇپتىمىزكى بىر مۇكەممەل ئائىلە قۇرۇپ چىقىش ئۈچۈن ، ئىشىنىش ، قوللاش ، كۆيىنىش ،،،،،،،،،،،،، بولمىسا بولمايدۇ . ھازىر جەمىيتىمىزنىڭ تەرەققى قىلىشىغا ئەگىشىپ شۇنداق بىر قىسىم چاكىنا (ياشلىرىمىزمۇ شۇنىڭ ئىچىدە) باركى ئۇلار ئۆزلىرىنىڭ ئۆمۈرلۈك ئىشىغا سەل قارايدۇ ، ھەتتا تۇرمۇشقا چىقىپ تۇرۇپمۇ ئائىلىسىگە كۆڭۈل بۆلمەكتە يوق نەدىكى ئاقماس خىياللارنى تولا قىلىپ ، كىچچىككىنەم ئىشلارغا ئىسلۋىلىپ بىردەمدە ئۇيان بۇيان بوپ بولىدىغانلارمۇ يوق ئەمەس . بۇ جەھەتتە ئاتا-ئانىلارنىڭ بالىغا بولغان تەربىيسى كۈچلۈك بولمىسا بولمايدۇ ، (بىر قىسىم كىشىلەر جۇمۇ ) مۇشۇنداق كىشىلىرىمىزمۇ مەۋجۇت بولغاچقا بەزى ئەخلاقلىق نۇرغۇن ياشلىرىمىزدا تۇرمۇشقا چىقىشتىن قورقۇش ، كەلگۈسىگە بولغان ئىشەنچىسى سۇسلاپ كىتىش ،،،،،،،،،، قاتارلىق بىسىملارمۇ يوق ئەمەس (شەخسەن ئۆزۈممۇ شۇنداق ئويدا ) ئەلۋەتتە ئاتا-ئانىلارمۇ ئۆز بالىلىرىنىڭ بەختلىك تۇرمۇشقا ئىگە بولغىننى كۆرسە ئۇلار ئۈچۈن بۇنىڭدىنمۇ ئارتۇق خۇشاللىق بولمىسا كىرەك . شۇڭا ھەر قاندىغىمىز تۇرمۇش ئىشىدا سوغۇققان بولمىقىمىز ئىنتايىن زۆرۈردۇر .