ئۇستاز قىزىم!!

tugrul525

	قىزىم تۇغۇلۇپ تۇنجى قېتىم قۇلۇمغا چىققاندا، ئۇنىڭ بەھۇزۇر ئۇخلاۋاتقانلىقىغا قاراپ،:‹‹ ئاللاھىم ھەممىنى ئۆزەڭگە تاپشۇردۇم. بىلىپ-بىلمەي قىلغان گۇناھلېرىمدىن كەچكەيسەن›› دەپ قىزىمنى پۇرىدىم. دۇنيادا بۇنىڭدەك مىززىلىك پۇراقنى پۇراپ باقمىغانىدىم. بۇ  يىنىك، شالاڭراق كەلگەن پۇراق،  بۇرنۇمدىن بارغانچە ئىگىزلەپ، پىشانەمگە يىنىك بېسىلغان تامىغىدەك ئۇرۇلدى. ئەمدى قىلىدىغان ئىش نىمە؟ قىز بالا، مېنىڭ قىزىم، بىر ئۇيغۇر قىزى!!!!! ئەتراپىمغا قارىدىم. سىرلىق بىر دۇنيادا ياشاۋىتىپتىمىزكەن ئەمەسمۇ؟ بۇنى بۇرۇن زادىلا ئويلاپ باقمەپتىكەنمەن.  زادىلا!! ئاياللارغا قاراپ باقتىم. ھەر خىل ئاياللار يۈرۈشمەكتە. خۇددى زامان ئاخىرىدەك. ئەرلەرنىڭ ھەممىسى مەندەك. ئىچىدۇ،چىكىدۇ.  قارىساڭ شۇنچىلىك كۈلكە-چاخچاق، نەغمە-ناۋا، ئۇيۇن-تاماشا.ھاي ھاي ھاي !! لىكىن ۋە لىكىن ئىنچىكىلەپ قارىساڭ خۇشال بۇلىۋاتقان بىرمۇ ئادەم يوق؟!؟! شۇڭا ئاللاھىمدىن قىزىمنىڭ خۇشال ياشىيالايدىغان ئادەم بۇلىشىنى تىلىدىم. قىزىمنىڭ قىلىقلېرى چىقىشقا باشلىدى. ئۇنىڭ مەن ئۆزۈم بىر يەرلەردە كۆرگەندەك قىلىدىغان بۇدرۇق قوللېرى توختىماي مىدىرلايتتى.ئۇخلىسا ھەرگىز جىم ياتمايتتى. شۇنداق قىلىپ بۆشۈكتە ئۇزاق ياتمىدى. بىزنىڭ بۇ تەرەپلەردە يازدا چوغدەك ئسسىق، قىشتا مىخ بىلەن چۇقۇغاندەك سوغۇق بۇلىدۇ. بۆشۈكتە ئۇزاق ياتمىغان قىزىم سوغۇقتا ئۆپكە ياللۇغى بۇلۇپ قالدى. ساقايتىۋالدۇق. لىكىن نۇرغۇن ئامال قىلىپمۇ، قىزىمنىڭ قىلىمەن دىگىنىنى قىلىدىغان مىجەزىنى ئۆزگەرتەلمىدۇق. ئۇنىڭ دىگىننى قىلىپ بەرمىسىڭىز، يېشىغا ماس كەلمىگەن ئۇسۇلغا تايىنىپ يەنىلا مەقسىتىگە يېتىۋالىدۇ. يىغلىغىنىنى ناھايىتى ئاز كۆرىسىز. چۈنكى بىز ئۇنىڭغا قەتئي ۋاقىرمايمىز. ئۆزى قىلالمايدىغان ئىشلارنى قىلماقچى بۇلۇپ قالسىمۇ توسۇمايمىز. قىلدۇرۇپ باقىمىز، قىلالماي توختاپ قالىدۇ. شۇنىڭ بىلەن ھىلى ئۇنى تۇتۇپ باقىدۇ. ھېلى بۇنى چاقىدۇ. ماۋۇنى يىرتىدۇ، ئاۋۇنى بۇزىدۇ. ئىشقىلىپ قاچان توك بار جايلارنى سىلىغۇچە، تىغلىق ئەسۋاپلارنى تۇتۇپ قالغۇچە بولمىسىلا توسومايمىز. شۇنداق قىلىپ قىزىم تۇلىمۇ ئەقىللىق چوڭ بولدى. بىر يېرىم ياش ۋاقتىدا، ئۆيگە قايتىپ كېلىپ ئايالىمغا:‹‹ ئۆيدە بادام ئاز قاپتۇ. يۇمشاقراق بادام بولسا ئەكىلىپ قۇيۇڭ.››دىسەم ئايالىم:‹‹سىز قېرى ئادەم بولمىغاندىن كېيىن،قاتتىقراق بولسىمۇ بولىۋېرىدۇ››دېدى. مەن ئايالىمغا :‹‹ قاتتىق بادام چىشنى كاردىن چىقىرىدۇ. ›› دىسەم،ئايالىم:‹‹ قېرىغاندا ئەنسىرمەڭ، قىزىڭىز سىزگە بادامنى چايناپ يۈگۈزۈپ قۇيىدۇ›› دىۋىدى، مەن:‹‹ بالىلارنىڭ شۇنچىلىك ئىنسابى بۇلۇرمۇ؟›› دەپ قۇيۇپ، باشقا ئىش بىلەن مەشغۇل بولدۇم. تەخمىنەن ئون مىنۇتتىن كېيىن، قىزىم قۇلىدا بولقا، ئاغزىدا بىر نەرسە چايناپ يېنىمغا كەلدى. مەن ئەنسىرەپ قزىمىدىن:‹‹ئاغزىڭىزغا نىمە سېلىۋالدىڭىز قىزىم؟›› دەپ سورىسام، قىزىم:‹‹ پابام›› دەپلا ئاغزىدىكىنى قۇلۇمغا چىقىرىپ قويدى.قارىسام بادامنىڭ چاينىقى ئىكەن. ‹‹ شىشكە ئەچەلدىم.ئاتا..........يەڭ!!››› قىزىمنىڭ دىگەنلېرىنى ئاڭلاپ، چۈشەندىم. ۋوي بودەك!! بايام ئايالىمىز قىلىشقان گەپنى ئاڭلاپ قالغان چېغى، بادامنى بولقا بىلەن چىقىپ، مېغىزىنى چىقىرىپ چايناپ، ماڭا يىگۈزمەكچى بولغا يەرلېرىكەن. ۋوي ئالدامچى. كۆردىڭىزمۇ مانا مۇشۇنداق ئەقىللىق. باشقىلارغا دىسەك ھېچكىم ئىشەنمەيدۇ. ‹‹شۈكرى ئاللاھ، نىمەتلېرىڭگە!!›› شۇنداق قىلىپ تۆنۈگۈن چۈشتىن كېيىن ئىشتىن چۈشۈپ، نۇرغۇن يول بېسىپ ئۆيۈمگە كەلدىم. ئۆيدىكىلەر تاماقلىنىۋىتىپتىكەن. ئاتام دوپپىسىنى كېيىپ ئالدىراش مېڭىۋىدى، قىزىم:‹‹ دادا نەگە بايىسىز؟!!›› ئاتام:‹‹ قىزىم! ئاللاھۇ ئەكبەرگە بارىمەن›› . قىزىم جىدەل قىلغۇلى تۇرۇدى. ئاپىسى ئۇنى بەزلەشكە باشلىدى. قىزىم ئۇنامدىغان. ‹‹ مامما بايمەن!! مامما بايمە!! مامما بايمەن!!››. ئاپىسى :‹‹تامىقىڭىزنى يەۋىلىپ بېرىڭ!!›› ‹‹ ياق، ياق، ياق››. قىزىمىزنى توسىساق بولمايتتى. قالغان جىدەللېرىنى پۇل خەجلەپ يۈرۈپ قىلىپ بېرىمىز. بۇ ئىشتىمۇ توسماسلىقىمىز كېرەك. مەن شۇنچە ھېرىغىنىمغا قارىماي قىزىمنى كۆتۈرۈپ ئاتامنىڭ كەينىدىن ماڭدىم. ئاتام كەينىگە قاراپ قۇيۇپ، قاراپ قۇيۇپ  ئالدىمىزدا كېتىۋەردى. كوچىلاردىن ئايلىنىپ مەسچىت بار يەرگە كەلدۇق. ئاتامغا يېتىشىۋالدۇق. ئاتام:‹‹ سىزلەرمۇ كەلدىڭىزلەرمۇ، كىرەمسىزلەر›› دىۋىدى. مەن :‹‹ قىزىم ئاتامنىڭ  كەينىدىن ئاللاھۇ ئەكبەرگە بارىمەن دەيدۇ، شۇڭا كۆرسەتكىلى ئەكەلدىم ›› شۇ گەپنى دەپ بۇلۇشۇمغا،قىزىم  مەسچىتنىڭ پەشتقىنى كۆرۈپ قېلىپ:‹‹چەلدۇق، چەلدۇق، ئەنە، ئالۇپپەي›› دەپ ۋاقىرشقا باشلىدى. ئاتام كۈلۈپ تۇرۇپ:‹‹ بۇ قىزنىڭ يامانلىقىنى .مەسچىتنى بىلىۋاپتۇ››دەپ كىرىپ كەتتى. بىر ۋاقىتلاردا بىر يەرلەردە ئۇچىرىشىپ قالىدىغان،ئىسمىمىزنى بىلىشمەيدىغان، كۆرسەك سالاملىشىشىدىغان بىر تۇنۇشۇممۇ مەسچىتكە ئالدىراش كېتىۋىتىپ، مېنى كۆرۈپ سالاملىشىپ، ئازراق پاراڭلىشىپ كىرپ كەتتى.مېنى نامازغا دەۋەت قىلغانمۇ بۇلىۋالدى. مەن قۇلۇمدا بالا بارلىقى دەپ تۇرىۋالدىم. ناماز باشلانغاندىن كېيىن مەسچىتنىڭ دەرۋازىسىدىن مەسچىت ئىچىگە كىردىم. بۇ يەرنىڭ ئىسسىقىدا مەسچىت ئىچىدە ناماز ئوقۇش مۇمكىن ئەمەس. كىشىلەر مەسچىتنىڭ ھويلىسىدا ناماز ئۆتەۋىتىپتۇ. سانىمۇ ئانچە كۆپ ئەمەس. يىگىرمىگە توشمايدۇ. قىزىم ھەيرانلا قالدى. ‹‹ئاتا، بۇلاي يىم قىۋاتىدۇ؟›› مەن دېدىم. ‹‹ بۇلار ئاللاھۇ ئەكبەر قىلىۋاتىدۇ›› قىزىم:‹‹داداممۇ باركەن›› قىزىم:‹‹ دادام يىمدەپ ئاللوۋپەي قىلىدۇ؟›› نىمىشقا ئاتام ئاللاھۇ ئەكبەر قىلىدىغاندۇ؟ بۇ تۇغۇرسىدا راستىنلا بىر نەرسە بىلمەيدىكەنمەن؟ بىلسەممۇ قىزىم قايىل بولغىدەك دەرىجىدە چۈشەندۈرەلمەسلىكىم مۇمكىن. مەن ئويلايمەن. بۇ ئىش تۇغۇرسىدا قالايماقان بىلجىرلاشقا بولمايدۇ. بەزىلەر باشقىلارغا ئۆگىتىشكە بەك ئامراقكەن. ئۆزى قىلالمايدىكەن. تولا بەك ئوقۇپ كەتكەنمۇ ئەمەسكەن. بىر نەچچە ئايەتنى ئۆگىنىپ قۇيۇپ، ئازراق ھەدىس كۆرۈپلا ، ئۇنداق قىلىسەن! بۇنداق قىلىسەن!! ئاۋۇنى قىلساڭ بومايدۇ!! ماۋۇنى قىلساڭ بولمايدۇ!! دەيدىكەنۇ، قىلىدىغان ئىشقا كەلگەندە مۈجىمەلرەككەن. ئىراننىڭ سەئۇدىيغا ئوخشىمايدىكەن، ئەرەپنىڭ تۈرۈككە ئوخشىمايدىكەن. تۇرۇپ بىر-بىرسىنى ساتسا، تۇرۇپ بىر-بىرسىنى قىرىدىكەن. ئىشقىلىپ بىر خىللا ئىشلاركەن بۇ؟؟؟؟؟؟ بۇ ئالەمنىڭ ئىشلېرى، مانا مۇشۇنداق كۈلكىلىك. مۇتلەق بىر قانۇنىيەت يوق. مۇشۇ ئىشلارنى كاللامدا ئويلاپ ئولتۇرسام قىزىم ئۇلاپلا سوراپ قالدى:‹‹ ئاتا سىش يىمىشقا ئاللوۋپەي چىمايسىز؟›› ۋاي ۋۇي، ۋاي ۋۇي، مېنىڭ مۇشۇ ئۇستاز قىزىمنىزە!؟!؟!؟ مۇشۇ تاپتا مېنىڭ بىلىدىغىنىم سىزگە يەتمەيۋاتىدۇ.؟؟ سىز دەپ بېقىڭە،مەن نىمىشقا ئاللاھۇ ئەكبەر قىلمايمەن؟. قىزىم: ‹‹ ئانام ئۆيدە قىلىدۇ›› مەن:‹‹ ئاپىڭىز قىلامدۇ؟›› قىزىم:‹‹ ياق. قىلمايدۇ›› مەن:‹‹ قىزىم، مەن قىلىمەنمۇ؟›› قىزىم:‹‹ شىشما قىلمايسىز›› مەن: ‹‹ قىزىم، سىز چوڭ بولسىڭىز قىلامسىز؟›› قىزىم:‹‹ مەن سىزگە دىمەيمەن›› ۋاز ئۇستازىم قىزىم. دىسىڭىز بۇلىۋېرىدۇ. مەن دىگەن سىزنىڭ ئاتىڭىز!! قىزىم:‹‹ ھە، دىسىڭىز دەپ بېيىمەن›› مەن:‹‹ ھە قىزىم، نىمە دىسىڭىز ھە. سىز دىگەن مېنىڭ ئاللاھ بەرگەن قىزىم›› قىزىم:‹‹ كىيىشتۇقمۇ؟›› مەن: ‹‹ كېلىشتۇق›› قىزىم:‹‹ كىيىشتۇق ئەمشە،دەپ بېرەي.شىشمۇ ئالوۋپەي قىلسىڭىز دەپ بېرىمەن؟ قىزىم بونداق مىنى ئالدىماڭ، ھازىر تېخى ھە، دىسىڭىز دەپ بېرىمەن،دىۋىدىڭىز، نىمە دىسىڭىز ھە دىدىمغۇ؟ ھە شۇ، ئاللوۋپەي قىلسىڭىز . نىمە دىسەم ھە! دىگەن بۇلىسىز. مەن:‹‹بۇلىدۇ، بۇلىدۇ .مەن ئالوپەي قىلاي. لىكىن باشقا كۈنى قىلاي قانداق؟›› قىزىم:‹‹ بۇيدۇ›› قىزىم:‹‹ ئاتا، چوڭ چىيەكتىكى سۇنى تۆچىۋىتەيمۇ؟›› مەن:‹‹ بولدى، مەن تۆكىۋىتەي!!›› قىزىم:‹‹ياق ياق ياق. مەن تۆچىيىمەن.›› تۆكۈڭە قىزىم. تۆكىڭە سىزنى ھەرگىز توسمايمەن. ھە كۆتىرەلمىدىڭىزمۇ؟  ئەكىلىڭ مەن تۆكىۋىتەي. قىزىم :‹‹ياق ياق ياق ئاتا. كىچىك چىيىكىمگە بۆلۈپ تۆچىۋاتىمەن›› . ئاللاھ ئاللاھ مۇشۇ قىزنىزە؟!؟!؟!؟!؟

tugrul525

	ئەمىسى ئەمەلى بولغان ئىشلار. يالغىنى يوق.

BaTuR338

	ئاللاھ قىزىڭىزنىڭ بەختىنى، ئۆمرىنى بەرسۇن! مېنىڭچە بالىنى بەك ئەركە ئۆگىتىپ قويغانمۇ ياخشى ئەمەس...

sabinur

	راست ئەقىللىقكەن ھە قىزىڭىز ~ قانچىگە كىردى؟

tugrul525

	قىزىم ئەمدى ئىككى ياشقا كىردى.

kaLGundi

	ۋاي نىمانداق  تاتلىق ھى ھى ئىچىم كۈيۈپ كەتتى بۇ ئوماققا.

azizgul

	مىنىڭ 3ياشلىق قىزىممۇ  نامازنى مەن بىلەن بىللە ئۇقۇيدۇ ،  لىكىن رۇكۇ سەجدىلەرنى شۇنچىلىك تىز قىلدۇكى ، مەن بىر رەكەت ئۇقۇپ بولغۇچە بۇ قوزام 4رەكەتنى تامام قىلىپ بولىدۇ ، تاماق ۋاقتىدا بىسمىللەنى ھەر ۋاقىت سەمىمىزگە سالىدۇ ، شام نامىزىنىڭ ۋاقتى  يېقىنلاشقاندا  ناماز ۋاقتى بولدى دىيىشنى ئۇنۇتمايدۇ . يوللاردا تاماكا چىكىۋاتقانلارنى كۆرسە ،تاماكا چەكسە اللە جازالاپ ئوتتا كۆيدۈردىغان تۇرسا، ئۇلار نىمىشقا تاماكا چىكىدۇ دەپ سورايدۇ . يېرىم يالىڭاچ يۈرگەنلەرنى كۆرسە ئۇلار مۇسلىمە ئەمەسكەن ھە ئاپا ؟ مەن اللە خالىسا لىچەك كىيىپ سىزدەك مۇسلىمە بولىمەن دەيدۇ......تاتلىق قوزامنىڭ شۇ سۆزلىرىنى ھەر بىر ئالىغىنىمدا ئۆزەمنى شۇنچىلىك بەخىتلىك ھىس قىلىمەن ۋە رەببىمگە چەكسىز شۈكرىلەر ئېيتىمەن .............. اللە شۇ پەرزەنتلەرگە ئۆمۈر -سالامەتلىك ، ئىمان  مەنپەئەتلىك ئىلىم  ۋە ئىككى دۇنيالىق بەخىت - سائادەت  ئاتا قىلغاي ، اميىن !

شاھلالە

	مىنىڭ ھاممانىڭ قىزى بولدىغان نامازدا ئاپسى بىلەن تۇرىدۇ كىچك ھىجاپنى ئارتىپ ،لىكىن نامازنىڭ ئوتتۇرغا كىلىپلا بىرەر نەرسە ،ياكى ئويۇنچىقى ئىسىگە كىلىپ قالسلا قوپۇپلا شۇ ئىشنى قىلۋىتىپ ئاندىن نامىزىنى ئوقۇيدۇ ،رامىزاننى يىرىم كۈن تۇتىدۇ تىخى كۈندە ئىككى ۋاخ ئىپتار قىلىپ،ھى ھى كىچىك باللار غەلىتە جۇمۇ

tugrul525

	kaLGundi يوللىغان ۋاقتى  2012-6-17 04:10 PM ۋاي نىمانداق  تاتلىق ھى ھى ئىچىم كۈيۈپ كەتتى بۇ ئوماققا ... نىمە دەيدىغانسىز ئەمدى. قزىمىغا ئىچ كىرىپ قالىدىغان بولدى. ھاھاھا

kaLGundi

	tugrul525 يوللىغان ۋاقتى  2012-6-17 07:04 PM نىمە دەيدىغانسىز ئەمدى. قزىمىغا ئىچ كىرىپ قالىدىغان ب ... ھاھاھا ۋاي ئۇنداق دىيىشىپ كەتمەيلى جۇمۇ.