سىلاۋىيانلار

Bilge

	سىلاۋىيانلار     سىلاۋىيانلار بولسا ياۋروپادىكى مىللەت ۋە تىل گۇرۇھىلىرى ئىچىدىكى نوپۇس سانى ئەڭ كۆپ بىرى بولۇپ تەخمىنەن 340مىليون ئادەمنى ئۆز ئىچىگە ئالىدۇ.ئاساسلىقى شەرقىي ياۋروپا ۋە ئوتتۇرا ياۋروپاغا تارقالغان. سىلاۋىيانلارنىڭ تىللىرى ھىندى-ياۋروپا تىللىرى سىستېمىسنىڭ سىلاۋىيان تىللىرى تۈركۈمىگە تەۋە.      سىلاۋىيانلار ئەسلىي بۈگۈنكى پولشادىكى ۋىستۇلا(ۋىسلا)دەرياسىنىڭ يۇقىرى ئېقىندىكى قەبىلىلەردىن  كېلىپ چىققان.مىلادىيە1-ئەسىردە سىرىتقا قاراپ كۆچۈشكە باشلىغان بولۇپ،6-ئەسىرنىڭ ئالدى-كەينىدە شەرقىي ياۋروپا تۈزلەڭلىكلىردە پەيدا بولۇشقا باشلىغان.ئۇ چاغلاردا سلاۋىيانلار چارۋىچى مىللەتلەر بىلەن تېرىمچى مىللەتلەر ئوتتۇرىسدىكى قەبىلىلەر بولۇپ ،بەزىدە بۇلاڭ-تالاڭلارغا تايىنىپ جېنىنى ساقلىغان.6-ئەسىردىكى كېڭىيىش سلاۋىيانلارنىڭ ئايىغىنى ئوتتۇرا،شەرقىي قىسمىلىرغا يەتكۈزگەن.يېقىنقى زامانلارغا كەلگەندە رۇسسىيە زېمىننىنىڭ كېڭىيىشىگە ئەگىشىپ سىلاۋىيانلار سىبىرىيە ۋە ئوتتۇرا ئاسىيا رايونلىرغا كۆچكەن.     سىلاۋىيانلارنى  شەرقىي سىلاۋىيانلار،غەربىي سىلاۋىيانلار ۋە جەنۇبىي سلاۋىيانلار دەپ ئۈچ تۈرگە بۆلۈشكە بولىدۇ.     شەرقىي سىلاۋىيانلار:رۇسلار،ئۇكرائىنلار،بېلارۇسلار،رۇسىنىلار.     غەربىي سىلاۋىيانلار:چېخلار،سلوۋاكلار،پولەكلەر،سوربلار.    جەنۇبىي سلاۋىيانلار:سلوۋېنلار،ھىراۋاتلار،سېربلار،بۇلغارلار،ماكېدونلار،بوسناكلار،قاراتاغلىقلار.      ياۋروپا تارىخىدىكى زور بىر ۋەقە بۇ ئۈچ تۈركۈم سلاۋىيانلارنى دىن ۋە مەدەنىيەت جەھەتتىن ئىككىگە بۆلۈۋەتكەن.مىلادىيە 1054-يىلى خرىستيان دىنىدا زور پارچىلىنىش يۈز بېرىپ ،پراۋۇسلاۋىيە دىنى ۋە كاتولىك دىنى ئۆز-ئارا قارشىلىشىدۇ،شۇنىڭدىن كېيىن شەرقىي سلاۋىيانلار پراۋۇسلاۋىيە دىنىنى ۋەكىل قىلغان بىزانتىيە مەدەنىيەت چەمبىرىكىگە ،غەربىي سلاۋىيانلار بولسا كاتولىك دىنىنى ۋەكىل قىلغان لاتىن مەدەنىيەت چەمبىركىگە تەۋە بولىدۇ.جەنۇبىي سلاۋىيانلارغا كەلسەك،ئىككى قېتىملىق بۆلۈنۈشنىڭ جۇغراپىيلىك چېگرا سىزىقى ئۇلارنىڭ دەل ئوتتۇرا قىسىمىدىن كېسىپ ئۆتكەن بولغاچقا بىرقىسىمى غەربكە،يەنە بىر قىسىمى شەرققە تەۋە بولىدۇ،سېربلار،بۇلغارلار،ماكېدونلار،قاراتاغلىقلار بىزانتىيە مەدەنىيەت چەمبىركىگە،سلوۋېنلار،ھراۋاتلار، بوسناكلار(مۇسۇلمانلار،مەدەنيەت جەھەتتىن ھىراۋاتلارغا يېقىن) لاتىن مەدەنيەت چەمبىرىكىگە تەۋە بولىدۇ. مەنبە:ئوغۇلچاق مۇنبىرى(www.oghulchaq.co.cc)                   تەرجىمىدە:بىلگە

7894561

	ئەگەر بۇلار  دىننى جەھەتتىن كاتولىك ۋە  پراۋۇسلاۋىيە دەپ ئىككى دىنغا  بۆلنۇپ كەتمىگەن بولسا پۇتكۈل مۇسۇلمان دۇنياسىغا تىخمۇ كۈچلۈك دۈشمەن بولار بولغىيمىتى بۇ پەقەت مىنىڭ پەرزىم

Bilge

	7894561 يوللىغان ۋاقتى  2012-6-16 01:02 PM ئەگەر بۇلار  دىننى جەھەتتىن كاتولىك ۋە خىرىستىيان دەپ  ... خاتا يېزىپ قويۇپسىز . خرىستىيان دىنى كاتولىك ۋە پراۋۇسلاۋىيە دەپ ئىككىگە بۆلۈنگەن.

7894561

	Bilge يوللىغان ۋاقتى  2012-6-16 01:05 PM خاتا يېزىپ قويۇپسىز . خرىستىيان دىنى كاتولىك ۋە پراۋۇ ... مەن مۇشۇنداق خەۋەرلەرگە بەك قىزقىمەن لىكىن تازا چۈشەنچە ھاسىل قىلالمايمەن رەخمەت تەھرىرلەپ قويدۇم

uyghur05

	بىز ئۇيغۇرلار تارىختىن ھازىرغىچە 30 نەچچە خىل يېزىق ئالماشتۇرغانكەنمىز (ئۇزاقراق ئىشلەتكەندىن بەشى بار)، شۇلارنىڭ ئارىسىدا ھەتتا سىلاۋىيان يىزىقىمۇ باركەن.

Suchi

	بۇ قېتىم 2012-يىللىق ياۋروپا پۇتبول لەۋھە تالىشىش مۇسابىقىسدە روسىيە توپ مەستانىلىرى بىلەن پولشا توپ مەستانىلىرى ۋارشاۋادا خېلى قاتتىق تۇتۇشىپ قالدى،روسىيىلىكلەر بۇ دېگەن روسىيە دەپ توۋلىغان،بۇ يەردە يەنە سىياسى غەرەزمۇ ئارىلاشقاندەك قىلىدۇ. گېتلىر گېرمانىيىسى ئالدى بىلەن تىغ ئۇچنى سالاۋيانلارغا قاراتقان،پولشا،يۇگۇسلاۋىيە،چېخوسلاۋىكىيە،سوۋېت ئىتتىپاقىغا كەڭ كۆلەمدە ھۇجۇم قوزغاپ نۇرغۇن سىلاۋيانلارنى قىرىۋەتكەن،گىتلېر سىلاۋيانلارنى شەرقتىن كەلگەن مەدىنيەتسىز چارۋىچىلار دەپ ئاتىغان.ئەمەلىيەتتە سىلاۋيانلار دۇنيا تارىخىغا زور تەسىر كۆرسەتكەن مىللەتلەر توپى.ناپالىئون گېتلېردەك ئېمپىراتورلارنى مەغلۇپ قىلغان،ئىنسانىيەت مەدىنىيىتىگە زور تۆھپىلەرنى قوشقان،قەيسەر،باتۇر خەلق.سىلاۋيانلارنىڭ چىراي تۇرقى،بوي-بەستى لاتىن تىلىدىكى ياۋروپالىقلاردىن روشەن پەرقلىنىدۇ،چېچى ئاقسېرىق،كۆزلىرى كۆك،مەڭىز سۆڭىگى سەل ئېگىز،بەستلىك قاۋۇل كېلىدۇ،ئايرىملىرىنىڭ چىرايىدا شەرقلىقلەرنىڭ ئېلېمېنتلىرىنى ئۇچراتقىلى بولىدۇ.سىلاۋيانلار ئىچكى جەھەتتىن نۇرغۇن مىللەتكە،دۆلەتكە ۋە ئوخشىمىغان سىياسى ئاڭ ۋە دىننى ئېتىقاتقا بۆلۈنۈپ كەتكەن بولسىمۇ،چوڭ جەھەتتىن يەنىلا بىرقەدەر ئىتتىپاق،ئۆزلىرىنىڭ مىللى خاسلىقىنى ساقلاپ كەلگەنلەردۇر.روسلار سىلاۋيانلارنىڭ چوڭ ئاكىسى بولۇش سۈپىتى بىلەن پۈتۈن سىلاۋيان تېرىتورىيىسگە سىياسى ۋە ھەربى جەھەتتىن زور تەسىر كۆرسىتىپ كەلگەن ۋە كېلىۋاتىدۇ.بولۇپمۇ سوۋېت ئىتتىپاقى دەۋرىدە سىلاۋيانلار دۇنيا كومۇنىزىمچىلار لاگىرى ئىچىدە روس ئاكىسىنىڭ كونتروللىغىدا بولغان،كېيىن سوغۇق مۇناسىۋەتلەر ئۇرۇشى ئاياقلىشىپ،سوۋېت ئىتتىپاقى پارچىلانغاندىن كېيىن،بىرقىسىم ئىنى-سىڭىللەر ئارقا-ئارقىدىن ئۆي ئايرىپ غەرپ كاپىتالىزمىغا 《ياتلىق》بولدى ۋە ياكى ئامېرىكا باشلىق غەربى ياۋروپانىڭ قوينىغا ئۆزىنى ئاتتى.

Bilge

	7894561 يوللىغان ۋاقتى  2012-6-16 01:12 PM مەن مۇشۇنداق خەۋەرلەرگە بەك قىزقىمەن لىكىن تازا چۈشە ... كۆپىرەك كىتاب كۆرۈڭ،ئاندىن بىرەر چۈشەنچە ھاسىل قىلالايسىز.

Bilge

	uyghur05 يوللىغان ۋاقتى  2012-6-16 01:13 PM بىز ئۇيغۇرلار تارىختىن ھازىرغىچە 30 نەچچە خىل يېزىق ئا ... سلاۋىيان يېزىقىنى ئوتتۇرا ئاسىيادىكى ئۇيغۇر قېرىنداشلار  ھازىرمۇ  ئىشلىتىدۇ.

Uyghun

	شەرقىي سىلاۋىيانلار:رۇسلار،ئۇكرائىنلار،بېلارۇسلار،رۇسىنىلار. رۇسىنىلار.  بۇ نامنى تۇنجى ئاڭلىشىم.روسىيىدە مىللەت كوپ داۋاتاتتى .بىز ئاڭلىمىغان يەنە باشقا مىللەتلەر خېلى كۆپكەن.

Bilge

	Uyghun يوللىغان ۋاقتى  2012-6-16 02:39 PM شەرقىي سىلاۋىيانلار:رۇسلار،ئۇكرائىنلار،بېلارۇسلار،ر ... رۇسىنلارنىڭ كۆپ قىسمى رۇسسىيەدە ياشىمايدۇ. رۇسىنلار(Rusyns) بولسا شەرقىي سلاۋىيانلارنىڭ بىر تارمىقى بولۇپ رۇسىن تىلىدا سۆزلىشىشىدۇ،تەخمىنەن 55مىڭ نوپۇسقا ئىگە،كۆپ قىسمى رۇمىنىيە،سلوۋاكىيە،ئۇكرائىنا قاتارلىق دۆلەتلەردە ياشايدۇ،بەزىلەر رۇسىنلارنى شەرقىي سلاۋىيانلارغا تەۋە ئەمەس دەپ قارايدۇ،يەنە بەزىلار رۇسىنلارنى ئۇكرائىنلارنىڭ بىر تارمىقى دەپ قارايدۇ،رۇسىنلارنىڭ كۆپ قىسمى پراۋۇسلاۋىيە دىنىغا ئېتىقاد قىلىدۇ.