ئىشتا يارىلانغانلارغا(3)

qiwer02

	تۆۋەندىكى دېلو مىسالىغا قاراڭ: مۇختار مەلۇم بىر قەغەز يەشىك ياساش زاۋۇتىدا ئىشچى بولۇپ ئىشلەۋاتقان مەزگىلدە زاۋۇت ئۈسكۈنىسى ئۇنىڭ ئىككى بارمىقىنى قىسىۋېلىپ ئۈزىۋەتكەن. ئايزىمگۈل دوختۇرخانىدا داۋالىنىپ چىققاندىن كېيىن، ئەمگەك مەمۇرىي تارماقلىرىغا ئىشتا يارىلانغانلىقىنى بېكىتىپ بېرىشنى ئىلتىماس قىلغىلى بارغان، مۇشۇ جەرياندا مەزكۇر زاۋۇتنىڭ تىجارەت كېنىشكىسى ئالمىغانلىقى بايقالغان. ئۇنداقتا مۇختارنىڭ ھوقۇق-مەنپەئەتى قانداق قوغدىلىدۇ؟ «ئىشتا يارىلىنىش سۇغۇرتىسى نىزامى»ۋە باشقا مۇناسىۋەتلىك بەلگىلىمىلەرگە ئاساسلانغاندا، تىجارەت كىنىشكىسى بولمغان ياكى قانۇن بويىچە تىزىملاتمىغان، ئەنگە ئالدۇرمىغان ئورۇنلار شۇنىڭدەك تىجارەت كىنىشكىسى قانۇن بويىچە بىكار قىلىنغان ياكى تىزىمدىن، رويخەتتىن ئۆچۈرۈلگەن ئورۇنلار قانۇنسىز ئادەم ئىشلەتكۈچى ئورۇن دەپ قارىلىدۇ.قانۇنسىز ئادەم ئىشلەتكۈچى ئورۇننىڭ ئىشچى – خىزمەتچىلىرى ھادىسىگە ئۇچراپ يارىلانغان ياكى كەسپىي كېسەل بولغان بولسا، شۇ ئورۇن يارىلانغان، مېيىپ بولغان ئىشچى – خىزمەتچىگە ياكى ئۆلۈپ كەتكەن ئىشچى – خىزمەتچىنىڭ يېقىن تۇغقانلىرىغا بىر يولىلا تۆلەم بېرىدۇ. يۇقارقى دېلودا مۇختار ئىشتا يارىلىنىشنى بېكىتىش قارارنامىسىنى تاپشۇرۇپ ئالغاندىن كېيىن، ۋىلايەتلىك ئەمگەك ئىقتىدارىنى باھالاش كومىتېتىغا ئەمگەك ئىقتىدارىنى باھالاپ بېرىشنى ئىلتىماس قىلسا بولىدۇ. ئەمگەك ئىقتىدارىنى باھالاش كومىتېتى ئەمگەك ئىقتىدارىنى باھالاش يەكۈنى چىقارغاندىن كېيىن، مۇختار ئەمگەك مەمۇرىي تارماقلىرىغا ئەھۋالنى ئېيتىپ، قانۇنسىز ئادەم ئىشلەتكۈچى ئورۇندىن تۆلەم پۇلىنى ئېلىپ بېرىشنى تەلەپ قىلسا بولىدۇ. ئەگەر ئىككى تەرەپ تۆلەم سوممىسى ۋە تۈرلىرىدە كېلىشەلمىسە، ئەمگەك ماجىرالىرىنى بىرتەرەپ قىلىش يولى بىلەن كېسىم قىلىش ياكى سوت قىلىش ئارقىلىق ھەل قىلىنىدۇ. شىنجاڭ خەيرىلىك ئادۋوكاتلار ئىش بېجىرىش ئورنىدىن ئەخمەت ياسىن ئادۋوكات ئادرېس:ئاقسۇ شەھرى دوڭخۈەن سودا سارىيى 5-قەۋەت تېلفۇن: 2280309-0997

kaliptax

	بۇنىڭغا  يەنىلا  قانۇندا ئوقۇغۇنلا بىرنىمە دىسۇن pahrim.uyblog.cn

vqkun

	رەھمەت

كارۋان

	ئوتتۇردا توختام بولمىغان ئاساستا  مۇختەر مەلۇم بىر ئۇغۇت زاۋۇتىدا ئىشلىدى ئىشلەۋېتپ بىلىگە تۆمۈر تىگىپ ئىككى كۈن يېتىپ قالدى زاۋۇت باشلىقى ماشىنا يوق دىگەننى باھانە قىلىپ دوختۇرخانىغا ئاپارماي دورا ئېلىپ بەردى،ئىككى كۈندىن كىيىن مۇختەر نورمال ئىشقا چۈشتى،كىيىن مۇختەر كىتىدىغان چاغدا زاۋۇت باشلىقى پەقەت دورا پۇلىنىلا ئاتچوت قىلدى،ھەم ئىش ئۈستىدە يارلانغانلىقىغا يەنى ئىككى كۈنلۈك ئىش ھەققى 300 يۈئەننى ئۈستىگە ئالمايدىغانلىقىنى ئېيتتى،مۇختەر خېلى تىركەشكەندىن كىيىن زاۋۇت باشلىقى دوختۇرخانىنىڭ تەكشۈرۈش نەتىجىسىنى كۆرسىتىشنى ئېيتتى.بۇ ئېنىقلا يولسىزلىقتە،چۈنكى زاۋۇت باشلىقى ئۆز ۋاقتىدا ماشىنا يوق دىگەننى باھانە قىلىپ دوختۇرغا ئاپارمىغان،مۇختەر قانداق قىلىشى كىرەك؟ئەمگەك كاپالەت ئىدارىسى كىچىككىنە پۇلغا يول مېڭىشنى،يىراق زاۋۇتقا چىقىشنى  لايىق كۆرمىدى ئۇلار ئۈچۈن 300 يۈئەن پۇل ئەمەس ئىدى. ئەمدى مۇختەر300 يەئەننى بولدى قىلىۋەتسۇنمۇ؟ئۇنىڭ ئۈستىگە زاۋۇت باشلىقى مۇختەرنىڭ ھىچنىمە قىلالمايۋاتقانلىقىنى كۆرۈپ تېخخمۇ كۆرەڭلەپ ئەۋزەيلىگىى تۇردى`~؟؟؟ مۇختەر قانداق قىلسۇن مەسلىھەت بىرىلسە؟

qiwer02

	مۇختەر يەنىلا دوختۇرخانىغا بېرىپ تەكشۈرتۈپ بېقىشى كېرەك، زاۋۇت باشلىقى ئىككى كۈنلۈك ئىش ھەققىنى بەرمىگەن بولسا، مۇختەر زاۋۇت تۇرۇشلۇق جايدىكى ئەمگەك كېسىم كومىتىتىغا كېسىم قىلىپ بېرىشنى ئىلتىماس قىلسا بولىدۇ. بۇنىڭغا ھەق ئېلىنمايدۇ. مۇختەرنىڭ گۇۋاھچىلىرى بولسا تېخىمۇ ياخشى بولىدۇ.