ئەرلەرنىڭ ئۆمرىنى قىسقارتىدىغان ئاساسى سەۋەپلەر

پاۋىل

	ئەرلەرنىڭ ئۆمرىنى قىسقارتىدىغان ئاساسى سەۋەپلەر تېببىي ئالىملار ئەرلەرنىڭ ئوتتۇرىچە ئۆمرى ئاياللارنىڭكىدىن قىسقا بولۇشنى تۆۋەندىكىدەك ئالتە خىل ئامىل كەلتۈرۈپ چىقارغان ، دەپ قارايدۇ : ئاشقازان كېسىلى ئەرلەر ھاراق ، تاماكىغا ئامراق . يەنە تاماقنى تېز ھەم كۆپ يەيدۇ . شۇڭا ، ئەرلەرنىڭ ئاشقازان كېسىلىگە گىرىپتار بولۇش نىسبىتى ئاياللارغا قارىغاندا ئوتتۇرا ھېساب بىلەن 6.2 ھەسسە يۇقىرى بولىدۇ . تېرە كېسىلى كۆپ ساندىكى ئەرلەر ئۇلتىرا بىنەپشە نۇردىن ساقلىنىشقا ، تېرىسىنى دائىم تەكشۈرتۈپ تۇرۇشقا ئەھمىيەت بەرمەيدۇ . شۇڭا ، ئەرلەرنىڭ قارا پېگمېنت ئۆسمىسىگە گىرىپتار بولۇش نىسبىتى ئاياللارغا قارىغاندا ئىككى ھەسسە يۇقىرى . يۈرەك كېسىلى ئادەتتە ، ئەرلەرنىڭ خىزمىتى ئاياللارغا قارىغاندا جىددىيرەك ، خىزمەت بېسىمىمۇ بىر قەدەر ئېغىر بولىدۇ . شۇڭا ، ئەرلەرنىڭ يۈرەك كېسىلىگە گىرىپتار بولۇش خەۋپى ئاياللارغا قارىغاندا 7–10 ھەسسە يۇقىرى بولىدۇ . شۇڭا ، ئەرلەر يۈرەك كېسىلىنىڭ ئالدىنى ئېلىش ئۈچۈن ، تاماكا ، ھاراققا چەك قويغاندىن باشقا ، يەنە بەدەن ئېغىرلىقىنى نورمال ساقلىشى ۋە بېسىمنى يەڭگىللىتىشنى ئۆگىنىۋېلىشى كېرەك . جىگەر كېسلى ئەرلەرنىڭ ئىجتىمائىي ئالاقىسى كۆپ بولغاچقا ، ئاسانلا ھەر خىل جىگەر ياللۇغى ۋىرۇسى بىلەن يۇقۇملىنىدۇ . ئەرلەرنىڭ كۆپ قىسمى يەنە ھاراق ئىچىدۇ . جىگەر ھەر كۈنى ئەڭ كۆپ بولغاندا 60–80 گىرام ئىسپىرتنى پارچىلىيالايدۇ ، بۇنىڭدىن ئېشىپ كەتكەن قىسمى جىگەرنى زەخمىلەندۈرىدۇ . تۈز ئۈچەي كېسىلى ئەرلەر ئادەتتە تەركىبىدە ياغ ۋە ئاقسىل كۆپ بولغان يېمەكلىكلەرنى كۆپرەك ئىستېمال قىلىدۇ . ئىلمىي تەتقىقاتتا كۆرسىتىلىشچە ، ياغ ۋە ئاقسىلنى كۆپ ئىستېمال قىلىش تۈز ئۈچەي راكىنى پەيدا قىلىدىغان ئاساسلىق سەۋەبلەرنىڭ بىرى ئىكەن . شۇڭا ، تۈز ئۈچەي راكى ۋە باشقا ئۈچەي كېسەللىرىنىڭ ئالدىنى ئېلىشتا چوقۇم تەركىبىدە سېللۇلوزا مول بولغان كۆكتات ۋە مېۋىلەرنى كۆپرەك ئىستېمال قىلىش لازىم . مەزى بېزى كېسىلى مۇناسىۋەتلىك تەتقىقاتتا كۆرسىتىلىشچە ، 50 ياشتىن ئاشقان ئەرلەرنىڭ %60 ىدە مەزى بېزى كېسىلى بار ئىكەن . ئۇنىڭ ئالدىنى ئېلىشتا بىرىنچىدىن ، ئولتۇرۇش ۋاقتى بەك ئۇزىراپ كەتمەسلىك . ئىككىنچىدىن ، جىنسىي مۇناسىۋەتنى كونترول قىلىش . ئۈچىنچىدىن ، ئاچچىق يېمەكلىكلەرنى ئازراق يېيىش كېرەك .                         مەنبە :  ئۈرۈمچى كەچلىك گېزىتىدىن ئىلىندى.

yalkun10

	لىكىن ھەركىم ئاللاھ پۈتكەن رىزقىنى كۆرىدۇ .

kigiz

	ئاللاھ نىمنى ئىرادە قىلغان بولسا شۇنى كۆردۇ

ARZUY

	ھاراقكەش ئەرلەر  كۈزۈڭلانى يوغان ئېچىپ كۈرۈڭلار ما  تىمىنى ! بىلىۋالدىغان بىلىملەركەن  تىما ئىگىسىگە كۆپ رەھمەت ،

istanbuln

	ھەركىم ئاللاھ پۈتكەن رىزقىنى كۆرىدۇ

istanbuln

	ھەركىم ئاللاھ پۈتكەن رىزقىنى كۆرىدۇ

bayhenim

	ھەممە ھاياتلىق ئاللاھنىڭ ئىلكىدىكى ئىش

870606

	ھاراق ئىچىدىغانلا كۆرسىمۇ تەسىر قىلمايدۇ جۇمۇ بۇندا تېمىلا ،زىيىنىنى بىلىپ تۇرۇپ ئىچىدۇ،ئەگەر پايدا قىلىدۇ دىگەن بولسا ئۇندا ئىشمەستى...

nazila998

	ئوزىنى ئاسراش ھەممە ئادەمگە پايدىلىق ،  « ساغلام تىلەمچى ، كىسەلمەن پادىشاھدىن ياخشى » دىگەن گەپ بار ئەمەسمۇ

چىمەن0990

	يارالمىشىڭ مەندىن يارتىلىشىڭ ئۆزەڭدىن دىگەن .شۇڭا  زىيانلىق نەرسىلەدىن يىراق  تۇرايلى .