يارمۇھەممەد تاھىر تۇغلۇق ۋاپات بولدى !!!!!

Misranim2

	ئەسلەپ ئۆتۈشكە ئەرزىيدىغىنى شۇكى يارمۇھەممەت تاھىر تۇغلۇق ئاكىمىز  ئۆتكەن يىل 1 - ئاينىڭ 18- كۈنى مۇنبىرىمىزگە كىرىپ https://uyghur-archive.com/misranim/thread-33796-1-1.html  مەزكۇر ئەسىرىنى ھېچقانداق مەتبۇئات ئورۇنلىرىدىمۇ بەرمەي تۇرۇپ مىسرانىمدا ئېلان قىلىپ كۈچلۈك غۇلغۇلا قوزغىغان ئىدى. ئۇنىڭدىن كېيىن مەزكۇر ئىسىمدا بالىسى بەھرامجان تۇغلۇق مەلۇم بىر تېمىغا ئىنكاس يازغان.. ئىزدىنىش تورىدىكى مەلۇم بىر تورداش مۇنداق دېگەن <باياتىن بىر بۇرادىرىمدىن يارمۇھەممەد تاھىر تۇغلۇق ئاكىمىزنىڭ ۋاپات بولغانلىق خەۋىرىنى ئاڭلاپ، ئىشەنمەي قالدىم- دە، دەرھال يەنە بىر بۇرادىرىمگە تېلىفۇن قىلىپ، يارمۇھەممەد ئاكىمىزنىڭ بۈگۈن ئەتىگەن دوختۇرخانىغا ۋاپات بولغانلىقى، مىيىتىنى قېرىنداشلىرىنىڭ ئاتۇشقا ئېلىپ كەتكەنلىكىنى ئۇقتۇم. يارمۇھەممەت ئاكىمىزنىڭ ئۈرۈمچىدىكى تونۇش- بىلىشلىرى بۇ خەۋەرنى ئۇقۇپ بولغىچە بولغان ئارىلىقتا مىيتى جىددىيلا ئېلىپ مېڭىلىپتۇ. ئاكىمىزنىڭ ياتقان يېرى جەننەتتە بولغاي! ئاكىمىزنىڭ مىيىتى بۈگۈن ئاتۇشقا يەتكۈزۈلسە ئەتە نامىزى چۈشۈرۈلۈشى مۇمكىن، ئاتۇش ۋە قەشقەردىكىلەر ئىمكانىيىتى بولسا ئالاقىلىشىپ نامىزغا ئىشتىراك قىلالىشى مۇمكىن.> يار مۇھەممەت تاھىر تۇغلۇق 1958 - يىلى 12 - ئاينىڭ 23 - كۈنى ئاتۇشنىڭ شورۇق كەنتىدە تۇغۇلغان. 1983 - يىلى شىنجاڭ ئۇنىۋېرسىتېتى ئەدەبىيات فاكۇلتېتىنى پۈتتۈرگەن. 1997 - يىلىغىچە قەشقەر پېداگوگىكا ئىنىستىتۇتىدا ئوقۇتقۇچىلىق قىلغان. كېيىنچە ئۆز ئالدىغا تەتقىقات بىلەن شۇغۇللانغان...     «قۇتادغۇبىلىك» شۇناس، پېداگوگ يارمۇھەممەد تاھىر تۇغلۇق «قۇتادغۇبىلىك» تەتقىقاتى، ئۇيغۇر كلاسسىك ئەدەبىيات تەتقىقاتى، مەدەنىيەت تەتقىقاتى ۋە پېداگوگىكىغا ئائىت تېمىلاردا يازغان نۇرغۇن ماقالىلىرى، «ئوغلۇم، ئالدىڭغا قارا»، «ھايات ۋە مۇۋەپپەقىيەت» ناملىق كىتابلىرى بىلەن جامائەتچىلىككە تونۇشلۇق، ئىرادىلىك ۋە جاسارەتلىك ئاپتور يەنە پەلسەپىۋى ئەسەر «قۇتادغۇبىلىك»نى رومانلاشتۇرۇپ ئىشلەپ جەمئىيەتكە سۇندى. «بوۋام شۇنداق ئۆگەتكەن» دېگەن تېمىدىكى بىر يۈرۈش كىتابلىرىدىن «ھايات بوسۇغۇسىدا»، «قۇتادغۇبىلىك دەرسخانىسى» دېگەن قىسىملىرىنى نەشر قىلدۇردى.

nida7

	ياتقان يىرى جەننەتتە بولسۇن!

zohran1

	ئاللاھ ياتقان يىرىنى جەننەتتە قىلسۇن،مەن بۇرۇن ئۇ كىشى بىلەن تىلفۇندا سۆزلەشكەن،ئۇ مەن ئەڭ ھۆرمەت قىلىدىغان كىشى ئىدى.بالىلىرى بىلەنمۇ ئالاقىلىشىپ تۇراتتىم.بۇ خەۋەرنى  بۇنچە تىز ئاڭلىشىمنى ئويلاپمۇ باقماپتىكەنمەن.مىنىڭ ھىس قىلىشمچە ئۇ كىشىنىڭ ئىچى باغرى دەرت ئەلەم بىلەن تولغان .ئۇ كىشىنىڭ ئۇيغۇرلار ئۈچۈن قىلغان تۆھپىسى ئاز ئەمەس.ئۇ كىشىنىڭ ۋاپاتىغا قايغۇرىمىز.ئۇنىڭ ھاياتىدا يازغان كىتابى 20پارچىدىن ئاشىدۇ.مەن تىخى ئۈرۈمچىگە بارغاندا ئۇ كىشى بىلەن بىر كۆرۈشۈپ رەھمىتىمنى ئېيتىپ قويايچۇ دەپ ئويلىغىلى خىلى بولغان،ئاللاھنىڭ ئورۇنلاشتۇرۇشى بىلەن  ئەپسۇس بۇ نىسىپ بولماپتۇ. ھەممىمىز ئاللاھنىڭ ئىگىدارچىلىقىدىمىز.ھەممىمىز ئاللاھنىڭ دەرگاھىغا قايتىمىز.

yasenm

	مىڭىنىڭ ئاۋال دەيدىغىنىم، مەرھۇمنىڭ جەننىتى بولۇپ كىتشىنى بىر ئۇلۇغ ئاللادىن تىلەيمەن.

salaheden-911

	قالۇ ئىللاھى ۋە ئىللاھى راجىئون ياتقان يىرى جەننەتتە بولغاي

DILKASH

	مۇتەۋەپپا يارمۇھەممەت تاھىرنىڭ مىيىت نامىزىنىڭ جامائەت تېپىشىنى، يەرلىكىگە ئوڭۇشلۇق ۋاقتىدا قويۇلىشىنى اللەدىن تىلەيمەن.

salaheden-911

	ئۇستازىمىز اللاھنىڭ دەرگاھىغا قايتىپتۇ...........ئامىيىن

salaheden-911

	يۈرەككە دەىت پاتماي قىلىۋاتىدۇ مۇشۇ كۈنلەردە