كەتمە يار

atazat

	يۇقىرى ئاۋازدا ئاڭلىنىۋاتقان مۇزىكا ئاۋازى بىشىمنى ئاغرىتىپ مىنى تىخىمۇ بىئارام قىلماقتا، ئاخىرقى بىر رۇمكا ھارىقىمنى ئىچىۋىتىپ بىشىمنى سافاغا تاشلاپ تاماكامنى قاتتىق شورىغاچ خىيالغا پاتتىم. توۋا قارا چۈش كۆرگەندەك بىر كۈندىلا ۋەيران بولوپ ھىچنىمەم قالمىدى، ئۆزۈم ئەڭ ئىشەنگەن، چىن دىلىمدىن سۆيگەن قىز مىنى ۋەيران قىلىۋەتتى ،  توۋا نىمە دىگەن كۈلكىلىك ، نەچچە يىل تىرىشىپ ئاران تىكلىگەن ئىگىلىكىمنىڭ مەن ياخشى كۆرگەن، ئەڭ ئىشەنگەن قىزنىڭ قولىدا ۋايران بولىشىنى ئويلاپمۇ باقمىغان ئىدىم، بىر قانچە ئاي مۇھەببەتلىشىپمۇ ئۇنىڭ بۇنداق ناچار قىز ئىكەنلىكىنى ھەجەپ ھىس قىلمىغان ئىكەنمەن ، ئۆزۈمگىمۇ ئاز، توۋا مىڭ تەستە تىكلىگەن ئىگىلىكىم مۇشۇنداقلا ۋەيران بولوپ كىتەرمۇ ئەمدى، بوپتۇ تەقدىرىم مۇشۇنداق بولسا كىرەك ،خىلى ئەقىللىق بالا ئىدىمغۇ ، مۇھەببەت كۆزۈمنى كور قىلىپ قويغان بولسا كىرەك، ،دىگەنلەرنى ئويلايتىم ئىچىمدە ،تۇرۇپ ئاچچىقتا بوغۇلسام تۇرۇپ ئۆزۈمگە كۈلگۈم كىلەتتى. -يەنە بىر بوتولكا دىدىم بىشىمنىمۇ كۆتۈرمەستىن ئاۋازىمنى قويوپ بىرىپ. -ئەپەندىم ئەمدى ئىچمىسىڭىز بولامدىكى ؟ ھىلىمۇ ئازئىچمىدىڭىز. كۆزلىرىمنى تەستە ئىچىپ ئاۋاز چىققان تەرەپكە قارىدىم، 30 ياشلار ئۆپچۆرىسىدىكى ئوروق ئىگىز كۈتكۈچى بالا قىشىمدىلا ماڭا قاراپ تۇراتتى. بارلىق ئاچچىقلىرىمنى ئۇنىڭدىن چىقارماقچى بولغاندەك ئورنۇمدىن سەكرەپ دىگىدەك تۇردۇمدە ئۇنىڭ ياقىسىدىن ئالدىم. -ئەكەل دىگەندىكىن ئەكەلمەمسەن، سىنىڭمۇ بوزەك قىلغۇڭ كىلىۋاتامدۇ ئەمدى مىنى، سىنىڭ ۋەزىپەڭ ھاراق سىتىش بولغاندىن كىيىن ھارىقىڭنى ئەكەل ، يەنە بىر نەرسە دەيدىغان بولساڭ تايىقىڭنى يەيسەن دىدىم ئۇنى ئارقىغا ئىتتىرىۋىتىپ جايمدا ئولتۇرغاچ. تاماكىدىن بىرتال تۇتاشتۇرغاچ ئەتراپقا قارىدىم، ئاۋازىم خىلىلا يۇقىرى چىقىپ كەتكەن بولسا كىرەك باشقا ئورونلاردا ئولتۇرغانلار ماڭا قاراپ بىر نىمىلەرنى دىيىشىۋاتاتتى، كۈتكۈچىمۇ ئەتراپىغا بىرنى قاراپ قويوپ كىتىپ قالدى. -ھىم نىمە دىيىشسەڭ دىيىشمەمسەن ، سەنلەر بىلەن نىمە كارىم مىنىڭ ، بۈگۈن ئىچكىنىم ئىچكەن، تازا بىر ئىچەي، مەس بولغىچە ئىچىپ بارلىق خاپىچىلىقلىرىمنى بىر يولىلا ئۇنتۇپ كىتەي، لىكىن ئەتە مەسلىكتىن يىشىلىدىغان گەپ، مەسلىكتىن يىشىلسەم يەنە بار بۇ خاپىلىقلار ، ياق كۈندە ئىچەي، كۈندە مەس بولغۇچە ئىچەي، ھۇشۇمنى بىلمىگىدەك ئىچىپ بۇ خاپىلقلارنى، بۇ دۇنيانىمۇ ئۇنتاي، مىنى ۋەيران قىلغان مۇشۇ كىشىلەرنىڭ ھەممىنى قوشوپ ئۇنتۇپ كىتەي دىگەنلەرنى ئويلىدىم ئىچىمدە. -ئولتۇرسام بولامدۇ؟ ئاۋاز چىققان تەرەپكە قارىدىم ، 35 ياشلار چامىسىدىكى ئوتتۇرا بوي، چىچىنى ئارقىغا تاراپ رەتلىك كىيىنىۋالغان خۇجايىن سۈپەت بىرى ماڭا قاراپ تۇراتتى. -ئولتۇرسىڭىز ئولتۇرۇڭ، مەنمۇ قايتاي دەپ تۇراتتىم دىدىم ئورنۇمدىن تۇرغاچ. -قارىسام سىزمۇ يالغۇز ئىكەنسىز شۇڭا بىردەم پاراڭلىشايلىمىكى دەپ قىشىڭىزغا كەلگەن ئىدىم ۋاقتىڭىز بولسا بىردەم پاراڭلاشساق قانداق ؟ -بولىدۇ ئولتۇرۇڭ، قايىتساممۇ بارار جايىم يوق ھازىر مىنىڭ،  دىدىم قايتىدىن ئورنۇمغا ئولتۇرغاچ تاماكىدىن بىرنى تۇتاشتۇرۇپ. - تونۇشۇپ قالايلى، ئىسمىم ئەخمەت ، ئىلىكتىرون مەھسۇلاتلىرى سودىسى بىلەن شۇغۇللىنىمەن، بويتاق بولغاچقا بىكار بولوپ قالسام ئانچە مۇنچە بۇ يەرگە كىلىپ ئولتۇرۇپ كىتىمەن، قارىسام كەيپىياتىڭىز ياخشى ئەمەستەك تۇرىدۇ ، ئۇنىڭ ئۈستىگە يالغۇزكەنسىز، شۇڭا بىردەم ھال مۇڭ بولايلى دەپ قىشىڭىزغا كىلىشىم، ئادەتتە بەك ھاراقنى قوغلىشىپ ئىچمەيمەن، كەيپىياتىم ياخشى بولمىغان چاغلاردا ئانچە مۇنچە ئىچىپ قويىمەن ، ھاراقنى يالغۇز ئىچكىم كەلمىدى، بۇ ھاراق دىگەننى بىر قانچە ئادەم بىرگە ئولتۇرۇپ ئىچمىسە تىتمايدىغان نەرسىكەن ، بىرنى ئىچىپ قويامسىز دىدى ئۇ ماڭا بىر رۇمكا ھاراق قۇيۇپ سۇنغاچ.

atazat

	ئۇنىڭ قولىدىن ھاراق رۇمكىسىنى تىزلىك بىلەن ئالدىمدە بىر كۆتۈرۈپلا ئىچىۋىتىپ رومكىنى ئۈستەلگە قويوپ قويوپ ئۇنىڭغا قاراپ دىدىم. -بۇ ھاراق بولىدىكەن، يەنە بىرنى قۇيىڭە. -بولىدۇ، لىكىن مەس بولوپ قالماسسىز ھە؟ -ھاراقنى مەس بولىمەن دىمىسە نىمىگە ئىچىدۇ، مەس بولىمەن دەپ ئىچىدىغان نەرسە بۇ، ئۇنداق ئەمەسمۇ يا؟ -ھاھاھا شۇنداق مەس بولىمەن دەپ ئىچىدۇ، لىكىن سالامەتلىك تىخىمۇ مۇھىم ، ھەممە نەرسىنىڭ مۇۋاپىق بولغىنى ياخشى. ئىسمىڭىز نىمە؟ نىمە ئىش قىلىسىز؟ بىشىڭىزغا بىرەر خاپىچىلىق كەلگەن ئوخشىمامدۇ؟ دىدى ئۇ ماڭا بىر رۇمكا ھاراقنى بىلىىق كۆزى قىلىپ قۇيۇپ سۇنغاچ. -ئىسمىم دىلمۇرات، بۇ يىل 28 كىردىم، چۈشتىن بۇرۇن مەنمۇ سىزگە ئوخشاش سودا قىلاتتىم چوڭ بولمىسىمۇ بىر قانچە مىلىيۇن مەبلىغى بار بىر شىركىتىم بار ئىدى، لىكىن ھازىر ھەممىسى يوق بولدى، مىنى مەن ياخشى كۆرگەن قىز ۋەيران قىلىۋەتت، بارلىق مەبلىغىمنى ئىلىپ بىر كۈندىلا يوقاپ كەتتى، ئىزدەپ ھىچقانداق دىرىكىنى ئالالمىدىم، دىدىم ئاچچىقىمنى تاماكىدىن ئالماقچى بولغاندەك تاماكىنى كۈچەپ شوراپ. -شۇنداقمۇ ، بوپتۇ ئۇكام بەك ئىچىڭىزغىمۇ ئىلىپ كەتمەڭ، بۇ ئىشلارمۇ ئوڭشىلىپ كىتەر ، سالامەتلىك مۇھىم ، تىنىڭىز سالامەت بولسا پۇلنىمۇ يەنە تىپىۋالىسىز، مەندىن كىچىك بولغانلىقىڭىز ئۈچۈن ئۇكام دەۋەردىم كۆڭلىڭىزگە ئالماڭ، بۇ مىنىڭ ئىسىم كارتۇچكام ئەگەر ياردىمىم كىرەك بولسا مىنى ئىزدەڭ چوقوم قولومدىن كىلىشىچە ياردىمىمىنى ئايىمايمەن، دىدى ئۇ بىر تال ئىسم كارتۇچكىسىنى ماڭا سۇنغاچ. -بولىدۇ رەھمەت ئاكا، دىدىم ئىسىم كارتۇچكىسىنى ئىلىپ يانچۇقۇمغا سالغاچ. -قىنى دوسلىقىمىز ئۈچۈن بىرنى كۆتۈرىۋىتەيلى، ئەگەر باشقا قىلىدىغان ئىشىڭىز بولمىسا بىزنىڭ شىركەتكە بىرىپ ئىشلەڭ دىدى ئۇ ھاراقتىن بىر رۇمكا سۇنغاچ. -رەھمەت ئاكا كۆڭلىڭىزگە، مەن ئالدى بىلەن ئاۋۇ مىنى ۋەيران قىلغان ئالدامچىنىڭ دىرىكىنى قىلىپ باقاي پەقەت ئامال قىلالمىسام سىزنى ئىزدەي، ئۇنى تىپىۋالىدىغان بولسام خەپ دىدىم ھاراقنى بىرلا كۆتۈرۈپ ئىچىۋىتىپ. -بولىدۇ ئەمىسە ، ئەگەر مەن ياردەم قىلغۇدەك ئىش بولسا مىنى ئىزدەڭ. ئارقىمۇ ئارقا ئىچىلگەن ھاراقلار كەيپىمنى كۆتۈرۈش بىلەن بىرگە بىشىمنى قايدۇرۇپ ، كۆزلىرىم يۇمۇلۇپ كىتىۋاتاتتى. -------------------------------------------------------------------

atazat

	2- باشلىرىم لوقولداپ ئاغرىماقتا ئىدى، كۆزۈمنى تەسلىكتە ئىچىپ ئەتراپقا قارىدىم، مەن ئارام ئالغان بۇ ئۆي ئالى دەرىجىلىك مىھمانخانىنىڭ ياتىقىدەك قىلاتتى، ئورنۇمدىن بەك تەستە تۇردۇمدە سۇخانىغا كىرىپ يۇيۇنۇپ چىققاندىن كىيىن كىيىم كىچەكلىرىمنى كىيىپ بۇ يەردىن چىقىپ كىتىش، ھىلىقى مىنى ۋەيران قىلغان ئالدامچى مۇھەببىتىمنى تىپىپ بىر ئەدىۋىنى بىرىش ئۈچۈن ئۈچۈن سىرىتقا قاراپ ماڭدىم ، بىنادىن چۈشۈپ چىقىپ كىتىش ئۈچۈن سىرىتقا مىڭىشىمغا بىرسىنىڭ چاقىرغان ئاۋازى ئاڭلاندى. -ئەپەندىم توختاپ تۇرغان بولسىڭىز. ئارقامغا قارىدىم، بىر مۇلازىمەتچى ماڭا قاراپ كىلىۋاتاتتى. نىمە ئىش ئىدى دىدىم مۇلازىمەتچىگە قاراپ سوغۇقلا. ئاخشام سىزنى ئەكىلىپ قويغان ئەپەندى سىز ئويغانغاندا بۇ خەتنى سىزگە بىرىپ قويىشىمىزنى ئىيتىپ چىقىپ كەتكەن ئىدى، دىدى ماڭا بىر پارچە خەتنى سۇنغاچ. رەھمەت سىزنى ئاۋارە قىپتىمەن دىدىم ۋە خەتنى ئىلىپ يانچۇغۇمغا سالغاندىن كىيىن سىرىتقا قاراپ ماڭدىم. تۈنۈگۈنكى ئىشلار بەكلا تۇيۇقسىز بولغاچقا كەيپىياتىم بەكلا ناچار ئىدى، ئالدى بىلەن تۈنۈگۈنكى ئىشلارنى قايتىدىن تەپسىلى ئۇقۇشۇش ئۈچۈن ئادۇۋكاتىمغا تىلىغۇن قىلىپ ئۇنىڭ بىلەن كۆرۈشۈدىغان جاينى دىيىشىۋالغاندىن كىيىن تاكسىدىن بىرنى توستۇمدە تاكسىدا ماڭغاچ بايىقى مۇلازىمەتچى بەرگەن خەتنى ئىچىپ ئوقوشقا باشلىدى. -دىلمۇرات ئۇكام ياخشىمۇسىز، ئەسلى بۈگۈن قىشىڭىزغا كىلىپ ھال سورىغۇم بار ئىدى لىكىن بۈگۈن باشقا شەھەردە قىلىدىغان سودا ئىشى بولغاچقا ئالدىراپلا مىڭىپ قالدىم، ئاخشام تىزلا مەس بولوپ قالغان ئىدىڭىز مىھمانخانىدىن ياتاق ئىلىپ سىزنى ئورۇنلاشتۇرۇپ قويغاندىن كىيىن خاتىرجەم بولوپ قايتىپ كەتتىم، ئەگەر ئىشلىرىڭىزدا ياخشىلىنىش بولماي قالسا مىنى ئىزدەڭ قولومدىن كىلىشىچە ياردەم قىلىمەن ياردەم لازىم بولسا تىلىغۇن قىلىڭ، تىلىغۇن نۇمۇرۇم 138******** . تاكسىنىڭ جىددى تۇرمۇزلاپ توختىشى بىلەن خەتنى يانچۇقۇمغا سالدىمدە تاكسىدىن چۈشۈپ ئادۇۋكات بىلەن كۆرۈشۈش ئۈچۈن ماشىنىدىن چۈشۈپ ئادۇۋكات بىلەن كۆرۈشمەكچى بولغان ئاشخانىغا قاراپ ماڭدىم. ئارقامدىن بىرىنىڭ چارقىرغان ئاۋازى ئاڭلاندى. - ھوي ئادىشوي پۇلنى بىرىپ ماڭمامسەن؟ ئارقامغا قارىدىم بايىقى تاكسى شوپۇرى ئارقامدىلا ماڭا قاراپ تۇاتتى. -ئالدىراپ پۇلنىمۇ بەرمەي مىڭىپتىمەن، خاپا بولماڭ، دىدىمدە پۇل ئىلىپ بىرىش ئۈچۈن يانچۇقۇمغا قول سالدىم ۋە يىنىمدا بار پۇللىرىمنىڭ ھەممىسنى ئاخشام خەجلەپ بولغانلىقىمنى ئىسىمگە ئالدىم. -ئاپلا ماۋۇ ئىشنى قاراڭ، جىددىچىلىكتە پۇل ئىلىۋىلىشنى ئۇنتۇپ قاپتىمەن، خاپا بولمىسىڭىز تىلىغۇن نۇمۇرىڭىزنى قالدۇرۇپ قويسىڭىز مەن ھىلىلا پۇلنى يەتكۈزۈپ بەرسەم قانداق بولار دىدىم يىلىنغان تەلەپپۇزدا. شۇپۇر بار ئاۋازىنى قويوپ بىرىپ سۆزلەشكە باشلىدى. -كىمەڭنى ئەخمەق قىلىسەنەۋاي، سەندەك قويمىچى گۇيلارنى كۆپ كۆرگەنمەن، ئالە پۇلنى ، سۆلىتىنى ئالتە ئىشەك تارتالمايدۇ، يەنە خجىل بولماي دەۋاتقان گىپىنى ما گۇينىڭ دىدى شۇپۇر ئالدىمغا دىۋەيلەپ كەلگەچ. ئەتراپىمىزغا كىشىلەر ئولىشىشقا باشلىدى، خىجىلچىلىقتا يەرگە كىرىپ كەتكىدەك بولوپ كىتىۋاتاتتىم، ئەگەر تىل قىسىلچىلىقىم بولمىغىنىدا ئىدىم، بايىدىن بىرى دىگەن گەپلىرىگە كاللا بىلەن ئىككىنى قويوپلا يەرگە چاپلىۋەتكەن بولاتتىم لىكىن گۇناھ ئۆزۈمدە بولغاچقا يەنە چىرايلىق گەپلەر بىلەن يىلىنىشقا باشلىدىم. -ئاكا خاپا بولماڭ، مەن قويمىچى ئەمەس، راستىنلا پۇل يوق بولوپ قالدى، ئەگەر ئىشەنچ قىلالمىسىڭىز بۇ سائىتىم سىزدە قالسۇن، پۇلىنى بىرىپ ئاندىن ئىلىۋالاي دىدىم قولومدىكى Cartier ماركىسىدىكى 5 مىڭ يۈەن قىممىدىتىكى سائەتنى ئۇنىڭغا ئۇزاتقاچ. -نىمە قىلىمىنەۋاي بۇ ئەسكى سائەتنى ماڭا پۇل لازىم پۇل ئۇنداق بولسا سەل ساقلاپ تۇرۇڭ مەن دوسلىرىمغا تىلىغۇن قىلاي، ئۇلار پۇل ئەكىلىپ بەرسۇن دىدىم تىلىغۇنۇمنى قولومغا ئالغاچ. ئوش مىنى سىنى ساقلاپ تۇرىدىغانغا بىكاچى كۆرۈپ قالدىڭما ؟ ئەكە تىلىغۇننى دىدى قولومدىكى تىلىغۇنغا قولىنى ئۇزاتقاچ. ئىزا دەستىدىن ئارتۇقمۇ گەپ قىلماستىن قولومدىكى تىلىغۇننى ئۇنىڭغا ئۇزاتتىم -ساختا ئەمەستۇر ھە؟ -ياق ساختا ئامەس خاتىرجەم بولوڭ دىدىم بۇ خىجىلچىلىقتىن بالدۇرراق قۇتۇلۇش ئۈچۈن. -توختاپ تۇرۇڭ. بىرسىنىڭ دولامغا قولىنى يىنىڭ ئۇرغانلىقىنى ھىس قىلىپ ئارقامغا بۇرۇلدۇم، ئارقامدا 50 ياشلار ئۆپچۆرىسىدىكى رەتلىك كىيىنگەن ، سىمىزلىكتىن تىقىلىپ كەتكەن بىر كىشى ماڭا بىرنى قاراپ قويوپ شوپۇرغا يىقىنلاشقاچ. -كىچىككىنە كىرا پۇلىغا نەچچە مىڭ سوملۇق تىلىغۇننى بىرىش كىتەمدۇ، قارىسام نىپىز بالىكەنسىز؟ خىجىلچىقىتىن قۇتۇلۇش ئۈچۈن تىلىغۇننى بەرمەكچى بولىۋاتىسىز، بولدى پۇلنى مەن تۆلىۋىتەي قانچە پۇل ئىدى. -ئىشىڭنى قىلاۋە ئاكا، بۇ ئىككىمىزنىڭ ئىچكى ئىشى سەن ئارلاشما، دىدى شوپۇر بۇ كىشىگە ھۆرپىيىپ قولىنى شىلتىغاچ ئۇ كىشىگە يىقىنلاشقاچ. خىجىلچىلىقتا نىمە دىيىشىمنى بىلمەي تۇرغىنىمدا، ئەتراپىمىزدا تۇرغانلارنىڭ ئىچىدىن ئوخشاش قارا كەستۇم بۇرۇلكا كىيىپ كۆزىگە كۆزەينەك تاقىۋالغان ئىككەيلەن چىقتىدە شوپۇنىڭ ئالدىغا كىلىپ توختىاپ ئۇ كىشىگە يىقىنلىشىشىنى توستى ۋە شوپۇرغا قاراپ دىدى. - ئىشنى چىرايلىق تۈگىتىمىزمۇ ياكى ئاز تولا سەگىتىپ قوساق ھۇشۇڭلىنى تاپامسىلە؟ -بايىقى كىشىنىڭ ئالدىغا قاراپ كىتىۋاتقان شوپۇر ئورنىدىلا توختىدىدە چىرايىغا يالغان كۆلكە يۈگۈرتۈپ ئارقىغا داجىغاچ دىدى. -ئەلۋەتتە چىرايلىق تۈگىتىمىزدە ھەر قايسىلىرى ئارلاشقاندىن كىيىن ھىھىھى ھەر قايسىلىرى قانداق دىسىلە شۇنداق بولسۇن، مەنمۇ ئالدىرايتىم ماڭاي ئەمىسە دىدى ۋە بايىقى كىشىنىڭ ئالدىغا قانداق تىلىكتە كەلگەن بولسا شۇنداق تىزلىكتە ئارقىغا بۇرۇلۇپ تاكسى تەرەپكە قاراپ ماڭدى. ئۇنىڭغىچە بايىقى يىگىتلەردىن بىرى ئۇنىڭغا قاراپ ۋارقىرىدى. - كىلە مەيەگە، بايىدىن بىرى گەپ قىلمىساق بىزنىڭ خۇجايىنغا بەك شاشلاپ كىتىۋاتاتتىڭغۇ؟ قىلە گىپىڭ بولسا ئەمدى. شوپۇر يەنە تىزلىك بىلەن ئۇلارنىڭ قىشىغا كەلدىدە يىنىدىن تاماكا چىقىرىپ سۇنغاچ دىدى. -ئاكا مەن ھەر قايسىلىرىنى تونىماي سەت قىلىق قىلىپ قويوپتىمەن. -قانچە پۇل ئىدى كىرا پۇلى دىدى بايىقى تاكسى پۇلىنى تۆلەپ قويماقچى بولغان كىشى شوپۇرغا يىقىنلاشقاچ. - ياقەي بولدى پۇل بىرىشمىسىلىمۇ بولىدۇ، مەن ماڭاي دىدى شوپۇر تىخىمۇ ھۇدۇققان ھالدا. -مانا ماۋۇ 100 يۈەن يىتەمدۇ ؟ يىتىپ ئىشىپ قالىدۇ، ناھيتى 50 نەچچە يۈەن بوپتىكەن، مەن پۇل قايتۇرۇپ بىرەي ئەمىسە دىدى شوپۇر يانچۇقىنى ئاختۇرغاچ. بولدى قايتۇرمىساڭمۇ بولىدۇ، مىڭىۋەر دىدى يىگتلەردىن بىرى شوپۇرغا بىرنى ئالىيىپ قويغاندىن كىيىن ئارقىغا بىر قەدەم يانغاچ. بۇ يەردىن تىزراق كىتىشنى ئويلىدىمۇ قانداق شوپۇرمۇ ئارتۇق گەپمۇ قىلماستىن ماشىنىسىنى تىزلىكتە ئوت ئالدۇرۇپ ئالدى ئارقىسىغىمۇ قارىماستىن كىتىپ قالدى.

kigiz

	يارىڭىز نەگە كەتكەن ؟

almira@

	ياخشى يىزىپسىز، قارىغاندا خىلى ئۇزۇن ھىكايىدەك قىلىدۇ، ئاخىرىنى ساقلىۋىلىپ ئوقاي.....

Abdul

	ئاخىرى ؟

atazat

	بۇ چوڭ شەھەرگە كەلگەندىن بىرى پۇل تىپىش ئۆزۈمگە تۇشلۇق تۇرمۇش يولومنى تىپىش ئۈچۈن تۇرمۇشنىڭ قايناملىرىدا كۆپ قاينىغان بولساممۇ بۇنداق ئىزا ئاھانەتكە ئۇچراپ باقمىغانلىقىم ئۈچۈن يۈزۈمدىكى قىزىللىق، خجىلچىلىق تىخى يۈتمىگەن ئىدى. رەھمىتىمنى بىلدۈرۈش ئۈچۈن يىنىمدىكى كىشىگە قارىدىمدە ئىككى قولومنى كۆرۈشۈش ئۈچۈن سۇنغاچ دىدىم. -رەھمەت ئاكا بۇ دۇنيادا يەنىلا ياخشى كىشىلەر كۆپكەن ئۆزلىرىگە قانداق رەھمەت ئىيتىشىمنىمۇ بىلمەيمەن، راستىمنى ئىيتسام ھازىرغىچە بۇنداق ئوسال بولوپ باقمىغان ئىدىم، ماڭا چوڭ ياردەم قىلدىلا، ئەگەر مومكىن بولسا تىلىغۇن نۇمۇرلىرىنى قالدۇرۇپ قويغان بولسىلا مەن كەچىكىچە پۇللىرىنى يەتكۈزۈپ بەرگەن بولسام. -قانچىلىك پۇل ئىدى ئۇكام بۇ، بىر ئادەمنىڭ قەدىر قىممىتىنى قوغداپ قىلىش ئۈچۈن قولىمىزدىن كەلسە قانچىلىك ياردەم قىلساق ئەرزىيدۇ ئەمىسە مەن ماڭاي. -ئاكا بۇنداق قىلسىلا مەن خىجىل بولوپ قالىمەن، مەن قەرىزدارچىلىقنى ھەممىدىن يامان كۆرىمەن، بولسا تىلىغۇن نۇمۇلىرىنى قالدۇرۇپ قويغان بولسىلا. - ھاھاھا مەن سىزنى خاتا تونىماپتىمەن ئۇكام، بولىدۇ، مەن ئىسىم كارتۇچكامنى قالدۇرۇپ قوياي، ئەگەر خىزمىتىڭىز بولمىسا بىزنىڭ شىركەتكە بىرىڭ، بىرلىكتە ئىشلەيلى، بىزگە مانا سىزگە ئوخشاش بالىلار كىرەك. -رەھمەت ئاكا، مەن ئۆزلىرىنى چوقوم ئىزدەيمەن. --------------------------------------------------------------------------- 3- بايا ماڭا ياردەم قىلغانلار بىلەن خوشلاشقاندىن كىيىن ئادۇۋۇكاتىم بىلەن كۆرۈشمەكچى بولغان ئاشخانىغا كىلىپ ساقلاپ ئولتۇردۇم، ئادۇۋۇكاتىم كىلىپ بولالمىغانلىقى ئۈچۈن بايىقى كىشى بەرگەن ئىسىم كارتۇچكىسىنى ئىلىپ كۆرۈشكە باشلىدىم. كۆركەم ئىلىكترۇن ئۈسكۈنىلىرى چەكلىك مەسئۇلىيەت شىركىتى مۇئاۋىن دىرىكتۇرى ياقۇپ رىھىم . ئەسلى ئىسمى ياقۇپ ئىكەندە، بۇ شەپقەتچىمنىڭ ئىسمىنى چوقوم ئىسىمدە تۇتىۋالاي دىگەنلەرنى كاللامدىن ئۆتكۈزۈپ تۇرۇشۇمغا ئادۇۋۇكاتىم كىرىپ كەلدى.

zulayha

	ئاپلا....ئادوۋكاتنى قانداق مىھمان قىلىسىز ئەمدى؟ .... كارتا بولسىمۇ ئېلىۋالمىغانمۇ ئەمدى؟ ھەممە پۇلىڭىزنى ئالداپ ئەكەتتى...؟ توۋا ، ما جاھاننى ... نىجىسلار نىمانداق جىقتۇ بۇ جاھاندا؟

SaN_Siz

	ئاخىرىنى تىزرەك يوللاڭ ...

نازىخان

	ئادۇكاتى مىھمان قىلايە قېنى داۋامى ؟؟؟؟؟؟؟؟؟؟؟؟؟؟؟؟ساقلاپ كەتتۇق قۇما !ھەقىقەتەن ببەلەنكەن