خاتا قەدەملىرىڭىزنى توختىتىشنى خالامسىز؟

turklan

	خاتا قەدەملىرىڭىزنى توختىتىشنى خالامسىز؟                   ئەسسالاممۇ -ئەلەيكۇم ،ئەزىز قېرىنداشلار ،ئالدى بىلەن مەن تۈركلاندىن ھەر قايسڭلارغا ئوتلۇق سالام..ئۇزۇندىن بېرى ئۆگىنىشنىڭ ئالدىراشلىقى سەۋەبلىك مۇنبەرلەرگە چىقىپمۇ بۇلالمىدىم .ئالدىنقى قېتىم يوللىغان (ھاياتلىقتا خوشاللىققا ئىرىشىشنىڭ 10خىل تەدبىرى )ناملىق ئەسىرىم خېلى كۆپ مۇنبەرداشلارنىڭ دېققىتىنى تارتىپتۇ .بۇنىڭدىن ئۇيغۇر زامانداشلىرىمىز ئارسىدا ھاياتلىقنىڭ ماھىيتى ھەققىدە ،ھەققىي مەنىلىك ياشاش ھاققىدە ئويلىندىغانلارنىڭ خېلى كۆپ سالماقنى ئىگەلەيدىغانلىقىنى كۆرىۋالغىلى بۇلىدۇ .مەن ئۆزۈم گەرچە بىر ئىزدىنىش باسقۇچىدا تۇرىۋاتقان ياش بولساممۇ ،لىكىن بۇنىڭدىن ئۈمۈدسىزلەنمەي سەۋىر -تاقەت ۋە غەيرەت -شىجائىتىم بىلەن مۇۋاپىقىيەت مەنزىلىگە قاراپ تىرىشۋاتىمەن .ھەم بۇ يولدا ئازدۇر _كۆپتۇر تەجرىبىلەرگە ئىرىشتىم .بىلگەنلىرىم ،ئىرىشكەن ھەقىقەتلەر مەندىلا قالمىسۇن دەپ بۇ يازمامنى سىلەر بىلەن ئورتاقلاشقۇم كەلدى.مىنىڭ تۆۋەندە ئېيتىپ ئۆتىدىغىنىم ،خاتا قەدەملەرگە دەسسەپ سالغۇچىلارنىڭ تىپى ۋە خاتا قادەملەرگە مىڭىپ قېلىشنىڭ ئالدىنى ئېلشقا مۇناسىۋەتلىك بىر قاتار تەدبىر -چارىلەردۇر.      1.ئۈزىنى كەمسىتىش ۋە مەنمەنچىلىك قىلىش .ئۈزىنى كەمسىتىدىغان كىشلەرگە نىسبەتەن ئېيتقاندا دۇنيانىڭ گۇزەللىكلىرى باشقىلارغا مەنسۇبتەك ،ئۈزىگە تەۋە گۈزەللىك يوقتەك بىلىنىدۇ.شۇنىڭ بىلەن ئۇلاردا روھىي جەھەتتە چۇشكۇنلىشىش كەيپىياتى ئەدەب كىتىپ مۇۋاپىقىيەتلەرگە بولغان ئىنتىلىش قىزغىنلىقى تۆۋەنلەپ كىتىدۇ.نەتىجىدە ئۇلاردا دۇنيادىن بىزار بۇلۇش ،گۇزەللىكنىڭ ھەقىقىي مەنىسىگە يىتەلمەسلىك قاتارلىق بىر قاتار پاسسىپ روھىي كەيپىياتلار شەكىلىنىدۇ.بۇ دۇنيا ئالدىدا ھىچقايسىمىز چوڭ سۆزلىيەلمەيمىز،مىنىڭچە بولغاندا بىز ئەتراپىمىزدىكى ئۆزىنى كەمسىتۋاتقانلارغا ياردەم قۇلۇمىزنى سۇنىشىمىز  كېرەك .ئۇلارنىڭ خاتا قەدەملەرگە يول ئېلىپ قېلىشىنىڭ     ئالدىنى ئېلىشمىىز كېرەك.ئۆزىنى كەمسىتۋاتقانلارغا تەۋسىيەرىم شۇكى :ئاللاھ ھەممە بەندىسىنى تۇغۇلغاندا ئوخشاش ياراتقان .بۇنىڭغا ئىشىنىڭ ،سىز ئەڭ ياخشىسى ئاللاھ سىزگە ئاتاقىلغان غەيرەت -شىجائەت ،پەم -پاراسەتلىرىڭىزنى ئىشقا سېلىپ ،ئۆز  كۈچىڭىزنى ئۈزىڭىزگە كۆز -كۆز قىلىڭ .قەلبىڭىزگە  ئۈزىڭىزگە ئىشىنىش ئۇرۇقىنى چېچېڭ.ئۆزىڭىزنى كەمسىتىش ئارقىلق كەلتۇرۇپ چىقارغان خاتا قەدەملىرىڭىزدىن قەتئىيلىك بىلەن ۋاز كىچىڭ.       يەنە بىر خىلدىكى كىشلەر ئۆزىمۇ بىلىپ بىلمەي خاتا قەدەمگە دەسسەپ سالىدۇ.ئۇلار دەل _مەنمەنچىلىكتە ئۇچىغا چىققان كىشلەردۇر. ئۇلارنىڭ مەنمەنچىلىكى باشقىلارنىڭ ئالدىدا ۋاقىتلىقلا يۈز تاپالايدۇ خالاس.ئۇلارنىڭ كىيىنلىكىگە سەپ سالغىنىمىزدا ،باشقىلارنىڭ ئەقىل كۆزلىرى ئۇلارنىڭ يالغانچىلىقلىرىنى ياكى زەي سالماي ئاتقان پولىرىنى بىلىپ قالايدۇ.شۇنىڭ بىلەن ئۇ كىشى باشقىلارنىڭ  نەزىرىدە مەنمەنچى دىگەن ئاتاققا قالىدۇ.ياشاشمۇ بىر سەنئەت،ياخشىسى قىسقىغىنا ھاياتىڭىزدا خاتا قەدەملەرنى ئاز ئالىدىغان ئىشنى قىلىڭ.      2. نىشانسىز ياشاش.سىز ھاياتلىقىڭزدا نەگە بېرىپ نەدە توختىماقچى؟بۇنىڭغا ئېنىق  ھالدا جاۋاب بىرەلەمسىز؟نىشانسىزلىق ئادەمنى خاتا قەدەملەرگە باشلايدىغان يەنە بىر قىلتاقتۇر.نىشانىڭىز يوق ھالەتتە سىز نىمىلەرنى قىلىشنى ،نىمىلەرنى قىلماسلىقنى ئېنىق  ئاڭقىرالامسىز؟نىشانسىز ياشاش سىزنى كۆپىنچە سىز خىيال قىلغان مەنزىللەرگە باشلاپ بارالمايدۇ،.ياق ياق   ئۇ سىزنى پۇتۇنلەي باشلاپ بارالمايدۇ.ئويلاپ بېقىڭ ،نىشانىڭىز يوق ھالەتتە ،سىزدىكى جاسارەتلەر مەۋج ئۇرۇپ دولقۇنلىيالامدۇ؟نىشانىڭىزيوق ھالەتتە ،سىزدىكى قىزىقىش ئاتەش تەپتى بىلەن يالقۇنجاۋاتقان گۇلخانلاردەك لاۋۇلدىيالامدۇ؟يەنە نىشانىڭىز يوق ھالەتتە ،سىزدىكى ياشلىقنىڭ چاپقۇر ئاتتەك ئىلھاملىرى گۈزەل مىلودىيلەرنى پۇتۇن ئىشقى بىلەن ياڭرىتالامدۇ؟قېنى نىشانسىز ياشاپ ،خاتا قەدەملەرگە يول ئېلىۋاتقانلار بۇنىڭغا قانداق جاۋابلار بېرەركىن؟؟؟؟؟؟؟       3.ئۆزلۈكىگە ئىنتىلمەسلىك .سىز كىم ؟بۇ بەكلا ئاددىي بىر سوئال .لىكىن بۇ 21-ئەسىردە ياشاۋاتقان ھەر بىر ئىنسانىڭ تەۋرەنمەستىن ،قەتئىيلىك بىلەن جاۋاب بېرىشى زۆرۆر بولغان بىر سۇئال.بۇ سۇئالغا جاۋاب بىرەلمىگەنلىكىڭىز ياكى جاۋاب بېرىشتە ئىككىلىنىپ قالغانلىقىڭىز -سىزنىڭ <ئەل قاتارىچىلار >توپىغا ئوقۇشماستىن كىرىپ قالغانلىقىڭىزنى بىلدۇرىدۇ.بۇ توپتىن چىقىپ كەتمەكچى بولسىڭىز چۇقۇم ئۆزلۈكىڭىزنى جۇلالاندۇرىشىڭىز شەرت،يەنى ئۆزىڭىزگە خاس بولغان جاسارەت -ئىقتىدارلىرىڭىزنى ئىشقا سېلىشىڭىزغا توغرا كىلىدۇ.ئەنە شۇ چاغدىلا سىز باشقىلار سىزدىن سورىغان_ سىز كىم؟گە ،مەن دىگەن مەن دەپ جاۋاب بىرەلەيسىز.ئۆزلۈكىڭىز جۇلالانغان شۇ پەيىتتىن باشلاپ سىزدە ئۆزىڭىزنى ئاسراش ،ئۆزىڭىزنى تۇنۇش ھالىتى شەكىللىنىدۇ.      4.ئۆزىنىڭ ۋەدىسىگە ئۆزى ئەمەل قىلماسلىق.بىزنىڭ چوڭ مىڭىمىزنىڭ  خىزمەت ئۇنۇمى ئالاھىدە يوقىرى. ئۇ ئادەم بەدىنىنىڭ ئالاھىدە بىر قىسمى .لىكىن ئۇنىڭ بىر ئاجىزلىقى باركى ،ئىزچىل تۇردە تەكرارلىنىپ ماڭغان پائالىيەتلەرنىڭ مەيلى يامان ياكى ياخشى بولىشىدىن قەتئىنەزەر ھەممىنى قۇبۇل قىلىۋالىدۇ .نەتىجىدە بۇ خىل پائالىيەتلەر ئادەت بۇلۇپ شەكىللىنىپ قالىدۇ.ياخشى ئادەت بولسىغۇ مەيلى ،لىكىن يامان ئادەتلەر بۇلۇپ قالسا سىز ناھايتى كۆپ ۋاقتىڭىزنى بۇ ئىشلارنى ئۆزگەرتىشكە سەرب قىلىسىز .ئۆزگەرتىشتىن ۋازكەچسىڭىز ئۇنداقتا سىز بىر ئۆمۈر شۇ ئادىتىڭىزنىڭ قۇلى بولۇپ ئۆتىسىز.ئۆزىنىڭ ۋەدىسىگە ئەمەل قىلماسلىقتىن ئىبارەت بۇ ئادەت سىزنى تېخىمى بەكرەك قىينايدۇ.شۇڭا  ئەڭ ياخشىسى شۇنداق ئادىتىڭىز بولسا   مىڭىڭىزگە  چاپلىشۋالغان  بۇ نەس ئادەتنى ۋاقتىدا تاشلىۋىتىشكە تىرىشىڭ .خاتا قەدەملەردىن بالدۇرراق قۇتۇلغىنىڭىز سىز ئۈچۈن كۆپ ياخشى.       5.ئارىسالدىلىق .سىز قانداقراق ياشاش ئۇسۇلى بۇيىچە ياشاۋاتىسىز ؟قەتىئىيلىك بىلەنمۇ؟ياكى لايغەزەللىك بىلەنمۇ؟ۋە ياكى ئەل قاتارىچىلىقنىڭ سەنىمى بۇيىچىمۇ ؟ۋە ياكى تولا ھاللاردا ئارىسالدى بۇلۇپ ياشامسىز؟بۇ سۇئاللارغا ئەستايىدىللىق بىلەن جاۋاب بىرىڭ .سىزنىڭ ياشاش مىزانىڭىز زادى نىمە ؟ھاياتلىقتا بىز  كۆپ خىل تاللاشلارغا دۇچ كىلىمىز .بۇ خىل تاللاشلارغا نىسبەتەن سىزدە چۇقۇم ئالدىنئالا مۇستەقىل كۆز -قاراشلار بۇلۇشى كېرەك .سىز ئارىسالدىلىق بىلەن ياشاپ مۇشۇ كۇنگىچە كەلدىڭىز ،ئەتراپىڭىزغا قاراپ بېقىڭ ،پەم -پاراسەت بىلەن ،   قەتئيلىك   بىلەن تەۋەككۇل قىلىۋاتقانلارنىڭ  سادالىرىنى ئاڭلىدىڭىز .سىز ئۆزىڭىزمۇ خاتا قەدەملىرىڭىزنى ئوڭشاپ ،پەم -پاراسەت بىلەن تەۋەككۇلچىلىك بىلەن ياشاپ بېقىڭ.باشقىلارنىڭ ساداسى بىلەن كۆمۈلۈپ كەتمەي ،سىزمۇ سادايىڭىزنى ياڭرىتىڭ.ئارىسالدىلىق سەۋەبلىك 20يىل ياشاپ كەلگەن بولسىڭىز ،ئەمدى قەتئىيلىك بىلەن بىر يىل ياشاپ بېقىڭ .سىزنى ئوينىتىپ كىلىۋاتقان خاتا قەدملىرىڭىزنى قەتئىيلىك بىلەن ،ھىچ ئىككىلەنمەيلا تاشلىۋىتىڭ.       قىسقىسى ،دۇنيا گۈزەل ،رىقابەتكە قورقماي  چۇشسەكلا ،پۇرسەت ھەممىمىزگە بار.                                         2012-06-07

يىلپاغۇ

	2- ۋە 5- تۈرلەردە دېيىلگەندەك ئىشلار مەندە يۈز بېرىپ تۇرىدۇ .

kigiz

	دەۋرگە ئەگىشىپ مودا يۈرۈش ئەمەس، بەلكى دەۋرگە ئەگىشىپ ئۆزىنى كۈچلەندۈرۈش لازىم . ئەلۋەتتە ھەممە ئادەم ..................بولدىلا گەپ قىلماي

hekmat110

	توغرا گەپلەركەن بۇ.

ANSWER

	تەشەككۇر ، ياخشى تىما ئىكەن

جەسۇرى

	مەنمۇ بەزىدە ئارسالدى بولۇپ قالىمەن. شۇڭا مەنمۇ دىققەت قىلسام بولغۇدەك . ‹بۇگۇنكى ئىشنى ئەتىگە قويما دەپتىكەن› ھازىرلا باشلاڭلا...

yultuzay321

	ھېچكىمنىڭ چۈشكۈنلەشكۈسى يوق  لېكىن بەزىدە يول تاپالمىغاندا  شۇنداق بولۇپ قالىدىكەن  ..لېكىن  ھەممە ئىشلار پەيتى كەلگەندە ھەل بولۇپ كېتىدىغۇ ھە.....ئاللاھ نىڭ بىزگە چوقۇم چىقىش يولى بېرىدىغۇ...

yultuzay321

	ھېچكىمنىڭ چۈشكۈنلەشكۈسى يوق  لېكىن بەزىدە يول تاپالمىغاندا  شۇنداق بولۇپ قالىدىكەن  ..لېكىن  ھەممە ئىشلار پەيتى كەلگەندە ھەل بولۇپ كېتىدىغۇ ھە.....ئاللاھ نىڭ بىزگە چوقۇم چىقىش يولى بېرىدىغۇ...

bayhenim

	رەھمەت سىزگە ياخشى تىمىكەن

QALIB

	ئۆزلۈك ئىرادەمنىڭ مەنبەسى،شۇنداقلا مەن ئىرىشكەن ئەڭ قىممەتلىك نەرسە```